සෞදි අරාබියේ ඔටුන්න හිමි මොහොමඩ් බින් සල්මාන් කුමරු පාකිස්තානයේ නිල සංචාරයක නිරතවීමට සූදානම් වනවා.
මෙම මාසයේ අග භාගයේ දී සල්මාන් කුමරුගේ පාකිස්තාන සංචාරය සිදු කිරීමට නියමිත බවයි විදෙස් මාධ්‍ය සදහන් කරන්නේ.
ඔහු සමග විශේෂ දූත පිරිසක් ද පාකිස්තානයට පැමිණීමට නියමිතයි.
සල්මාන් කුමරුගේ සංචාරයට සම්බන්ධ ක්‍රියාවලිය පිළිබද පාකිස්තාන අග්‍රාමාත්‍ය ෂෙබාෂ් ෂරීෆ්ගේ පෞද්ගලික නිරීක්ෂණයට ලක්ව ඇති බවද සදහන්.
එමෙන්ම සෞදි කුමරු පාකිස්තානයට පැමිණෙන දිනයක් නිවේදනය කර නොමැති අතර ඔහුගේ සංචාරය සිදුකරන තෙක් අග්‍රාමාත්‍යවරයා කිසිදු විදෙස් සංචාරයකට සහභාගි නොවන බවද දැනුම් දී තිබෙනවා.
සංචාරය අතරතුරදී ඇමෙරිකා ඩොලර් බිලියන පහක වටිනාකමින් යුත් ආයෝජනයන්ට දෙපාර්ශ්වය අත්සන් තැබීමට ද නියමිතයි.
The post සෞදි අරාබියේ ඔටුන්න හිමි කුමරු පාකිස්තානයේ නිල සංචාරයක appeared first on ITN News.
Post a Comment