ඊශ්‍රායලය සමග සටන් විරාම ගිවිසුමට එළඹීම සදහා ඉදිරිපත් කර ඇති යෝජනාවන්ට තමන් එකඟතාවය පළ කරන බව හමාස් සංවිධානය නිවේදනය කරනවා.
ඊශ්‍රායල හමාස් සටන් විරාම සාකච්ඡාවල මැදිහත් කරුවන් ලෙස කටයුතු කරන කටාර් හා ඊජිප්තු නියෝජිතයින්ට තම තීරණය දැනුම් දුන් බවයි හමාස් සංවිධානය පවසන්නේ.
නව සටන් විරාම එකඟතාවය අනුව ගාසා තීරය ඉලක්ක කර ගනිමින් ඊශ්‍රායලය එල්ල කරන ප්‍රහාර අත්හිටුවන අතර හමාස් සංවිධානය තමන් භාරයේ පසුවන ප්‍රාණ ඇපකරුවන් යළි ඊශ්‍රායලයට භාර දිය යුතු වනවා.
කෙසේ වුවද හමාස් සංවිධානය සටන් විරාම යෝජනාවන්ට එකගතාවය පළ කිරීම ඊශ්‍රායලයේ අවශ්‍යතාවයන් ඉටු නොකරන බවයි අග්‍රාමාත්‍ය බෙන්ජමින් නෙතන්යාහු සදහන් කරන්නේ.
කෙසේ වුවද දෙපාර්ශ්වය අතර ස්ථිර එකඟතාවයකට එළඹීම සදහා සාකච්ඡා තවදුරටත් පැවැත්වෙනු ඇති.
හමාස් සංවිධානය තම තීරණය දැනුම් දීමත් සමග ගාසා වැසියන් තම සතුට ප්‍රකාශකරන අයුරු විදෙස් මාධ්‍ය වාර්තා කළා.
The post හමාස් සංවිධානය සටන් විරාමයකට එකඟවේ appeared first on ITN News.
Post a Comment