හබරණ, හිරිවඩුන්න වැව් රක්ෂිතයේ දී මියගිය තවත් වන අලියෙකුගේ සිරුරක් අද (28) උදෑසන හමුවුණා. ඒ අනුව මේ වනවිට එම ප්‍රදේශයෙන් වන අලින් පස් දෙනෙකු අභිරහස් ලෙස මියගොස් තිබෙනවා.
මියගොස් ඇති වන අලි පස්දෙනාට අමතරව තවත් වන අලියෙකු මරණාසන්නව සිටින බවද වාර්තා වනවා. කුමන හේතුවක් මත මෙම සත්ත්වයින් මියගොස් ඇත්ද යන්න තවමත් හෙළිව නැහැ. ඊයේ (27) දිනයේදී මියගොස් සිටි වන අලින් සිව්දෙනාගෙන් දෙදෙනෙකුගේ පශ්චාත් මරණ පරීක්ෂණ කටයුතුවලින් අනතුරුව ආගමික වතාවත් සිදුකර එම සිරුරු මිහිදන් කිරීමට කටයුතු කෙරුණා. ඒ හිරිවඩුන්න විහාරස්ථානයේ විහාරාධිපති පූජ්‍ය විහාරහේනේ සුගතවංශ හිමියන්ගේ මූලිකත්වයෙන් ගිරිතලේ වනජීවී පශු වෛද්‍ය රෝහලේ කාර්ය මණ්ඩලය ද එම අවස්ථාවට එක්වුණා.
මියගිය අනෙක් වන අලින්ගේ පශ්චාත් මරණ පරීක්ෂණ කටයුතු අද (28) සිදුකිරීමට නියමිතයි.
The post අභිරහස් ලෙස මියගිය තවත් වන අලියෙකුගේ සිරුරක් හමුවෙයි appeared first on ITN News.
Post a Comment