බස්නාහිර පළාත තුළ සිදුකළ විශේෂ වැටලීම්වලදී ගෙවීගිය පැය 24 තුළ විවිධ වැරදි සම්බන්ධයෙන් පුද්ගලයින් 484 දෙනෙකු අත්අඩංගුවට ගැනීමට පොලිසිය සමත් වුණා.
බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් මත වැටලීම් සිදු කෙරුණා.මෙම වැටලීම්වලදී පුද්ගලයන් 169 දෙනෙකු සතුව තිබී හෙරොයින් ග්‍රෑම් 369කට ආසන්න ප්‍රමාණයක් සොයා ගත් බවයි පොලිසිය සඳහන් කළේ. පුද්ගලයන් 133 දෙනෙකු සතුව තිබී ගංජා කිලෝග්‍රෑම් 47කට වැඩි ප්‍රමාණයක් පොලිස් භාරයට ගැනීමට ද හැකිවුණා. නීතිවිරෝධී දුම්වැටි 10721 ක් ද වැටලීම්වලදී සොයා ගෙන තිබෙනවා.
මේ අතර සහස්පුර සුජීවා නමැති තැනැත්තිය හෙරොයින් ග්‍රෑම් දෙකයි මිලිග්‍රෑම් 700 ක් සමඟ අත්අඩංගුවට ගෙන තිබෙනවා. සැකකාරිය දීර්ඝ කලක් හෙරොයින් ජාවාරම්වල නිරතවූ අයෙකු බවයි පොලිසිය සඳහන් කළේ. බොරැල්ල පොලිසියේ දූෂණ මර්දන ඒකකය අත්අඩංගුවට ගැනීම සිදුකළා.
The post බස්නාහිර පළාත තුළ සිදුකළ විශේෂ වැටලීමකින් සැකකරුවන් 484 දෙනෙකු අත්අඩංගුවට appeared first on ITN News.
Post a Comment