ඇමෙරිකාවේ වොෂින්ටන් හා නිව්යෝර්ක් ඇතුළු නගර රැසකට හිම කුණාටු තත්ත්වයක් හටගෙන තිබෙනවා.
හිම කුණාටු හේතුවෙන් නිව්යෝර්ක් නගරයේ දෛනික කටයුතු සම්පූර්ණයෙන්ම ඇණහිට ඇති බවයි වාර්තා වන්නේ. ගුවන් ගමන් ද අත්හිටුවා ඇති අතර වයිරසයට එරෙහි එන්නත් ලබාදීමේ මධ්‍යස්ථානද වසා දමා තිබෙනවා. නිව්ජර්සි හා පෙන්සල්වේනියා නගර සෙන්ටිමීටර් පනහකට ආසන්න හිම තට්ටුවකින් වැසී ඇති බවයි විදෙස් මාධ්‍ය වාර්තා කරන්නේ. නිව්යෝර්ක් සහ නිව්ජර්සි ප්‍රාන්තවලට හදිසි තත්ත්වයක්ද ප්‍රකාශයට පත් කර තිබෙනවා. හිම පතනයත් සමග තද සුළංද ඇතිවිය හැකි බවට ඇමෙරිකා කාලගුණ දෙපාර්තමේන්තුව අනතුරුව අගවනවා.
The post ඇමෙරිකාවේ නගර රැසකට හිම කුණාටු තත්වයක් appeared first on ITN News.
Post a Comment