ශ්‍රී ලංකාව සහ දකුණු අප්‍රිකාව අතර පැවැත්වෙන එක්දින ක්‍රිකට් තරගාවලියේ පළමු තරගය අද ආරම්භ වනවා.
දෙරටටම වැදගත් තරගාවලියක් ලෙස සැළකෙන මෙම එක්දින තරගාවලියේ ශ්‍රී ලංකා සංචිතය වෙනුවෙන් නවක ක්‍රීඩකයින් කිහිපදෙනෙකුම නම් කර තිබෙනවා. කෙසේවෙතත් අද තරගය සදහා ශ්‍රි ලංකාව වෙනුවෙන් ආරම්භක පිතිකරුවන් ලෙස අවිශ්ක ප්‍රනාන්දු සහ මිනෝද් භානුක ක්‍රීඩා කරනු ඇති බවයි ශ්‍රී ලංකා ක්‍රිකට් ආරංචි මාර්ග සඳහන් කරන්නේ.
නායකත්වය දසුන් චානකටයි හිමිව තිබෙන්නේ. අද තරගයේදී පන්දු යවන්නන් ලෙස වනිදු හසරංග සහ දුෂ්මන්ත චමීර පිළිබදව විශේෂ අවධානයක් යොමු කර තිබෙනවා.
දකුණු අප්‍රිකාව මෙම තරගයට සහභාගී වන්නේ ඔවුන්ගේ ප්‍රවීණයන් වන ක්වින්ටන් ඩිකොක් සහ ඩේවිඩ් මිලර් වැනි ක්‍රීඩකයන් නොමැතිව වීම ද විශේෂත්වයක්.
තරගය අද පස්වරු 2.30 ට කොළඹ ආර්. ප්‍රේමදාස ක්‍රීඩාංගණයේදී ආරම්භ වීමට නියමිතයි.
The post ශ්‍රි ලංකා – දකුණු අප්‍රිකා පළමු එක්දින තරඟය අද appeared first on ITN News.
Post a Comment