හෂීෂ් කිලෝග්‍රෑම් 4 කට ආසන්න ප්‍රමාණයක් සමඟ පුද්ගලයෙකු විශේෂ කාර්ය බළකාය මගින් අත්අඩංගුවට ගෙන තිබෙනවා.
මෙම හෂීෂ් මත්ද්‍රව්‍ය තොගය අත්අඩංගුවට ගැනුණේ ග්‍රෑන්ඩ්පාස් මහවත්ත පාර ප්‍රදේශයේදීයි. හෂීෂ් කිලෝග්‍රෑම් තුනයි ග්‍රෑම් 926 ක් සමඟ සැකකරුවෙකු එහිදී අත්අඩංගුවට ගැනුණා. විශේෂ කාර්ය බළකා මූලස්ථානයේ විශේෂ වැටලීම් ඒකකයේ නිලධාරීන් පිරිසකුයි මෙම වැටලීම සිදු කළේ. මෙම මත්ද්‍රව්‍ය තොගයේ වටිනාකම රුපියල් ලක්ෂ හතළිහකට අධිකයි. සැකකරු සමග විද්‍යුත් තරාදියක් සහ ජංගම දුරකතන දෙකක්ද අත්අඩංගුවට ගැනුණා.
සැකකරු සහ භාණ්ඩ වැඩිදුර විමර්ශන සදහා පොලිස් මත්ද්‍රව්‍ය නාශක කාර්යාංශය වෙත භාර දී තිබෙනවා.
The post හෂීෂ් මත්ද්‍රව්‍ය සමඟ පුද්ගලයෙකු අත්අඩංගුවට appeared first on ITN News.
Post a Comment