ඕස්ට්‍රේලියාවේ සිඩ්නි නගරයට බලපා ඇති හදිසි ගංවතුර තත්ත්වය හේතුවෙන් නගර වැසියන් දැඩි අපහසුතාවට පත්ව ඇති බව විදෙස් මාධ්‍ය සදහන් කරනවා. අයහපත් කාලගුණයෙන් එක් පුද්ගලයෙකු ජීවිතක්ෂයට පත්ව තිබෙනවා.
ධාරාණිපාත වර්ෂාවත් සමඟ ගංවතුර තත්ත්වයත් ඇතිවිය හැකි බව පවසමින් කාලගුණ අංශ දහස් ගණනකට තම නිවාස වලින් ඉවත් වන ලෙස දැනුම් දී තිබුණා. කෙසේ වුවද එම නිවේදන නොතකා ජනතාව ඉවත් නොවීම හේතුවෙන් තත්ත්වය බරපතල වී ඇති බවයි සහන කණ්ඩායම් සදහන් කරන්නේ. ගමනාගමනය සම්පූර්ණයෙන්ම ඇණහිට ඇති අතර සිඩ්නි නගර වැසියන්ට පමණක් ඉවත්වීමේ නියෝග 18 ක් නිකුත් කර තිබෙනවා. ජීවිත හානි සිදුවිය හැකි තත්ත්වයක් ලෙසයි සහන කණ්ඩායම් මෙම අවස්ථාව හදුන්වන්නේ. පසුගිය මාර්තු මාසයේදී ද ඕස්ට්‍රේලියාවට බලපෑ ගංවතුරෙන් 20 දෙනෙකු ජීවිතක්ෂයට පත්වුණා.
The post ඕස්ට්‍රේලියාවේ සිඩ්නි නගරයට බලපා ඇති හදිසි ගංවතුර තත්ත්වයෙන් පුද්ගලයෙකු ජීවිතක්ෂයට appeared first on ITN News.
Post a Comment