Daily NEWS Srilanka

මිසයිල ප්‍රහාරයක් හේතුවෙන් යුක්‍රේනයේ ඔඩේසා නගරයේ දස දෙනෙකු ජීවිතක්ෂයට පත්ව තිබෙනවා.

අද අලුයම මේ ප්‍රහාරය එල්ලවී තිබෙන්නේ කළු මුහුද ආසන්නව තිබෙන ඔඩෙසා නගරයේ මහල් 9ක ගොඩනැගිල්ලකටයි. සිද්ධියෙන් ළමුන් තිදෙනෙකු ඇතුළුව තවත් 7 දෙනෙකු තුවාල ලබා ඇති බවද සඳහන්. සුන්බුන්වලට යටවූ පිරිස් සොයා මේ වන විටත් මෙහෙයුම් ක්‍රියාත්මකවනවා. මේ අතර ඇමෙරිකා ජනාධිපති ජෝ බයිඩ්න් පවසන්නේ යුක්‍රේනයට ඩොලර් මිලියන 800ක යුද ආධාරයක් ඉක්මනින් ලබා දෙන බවයි. මේ වන විට ඇමෙරිකාවෙන් යුක්‍රේනයට ලබා දුන් සම්පුර්ණ ආධාර මුදල ඩොලර් බිලියන 7කට ආසන්න වනවා.

The post මිසයිල ප්‍රහාරයක් හේතුවෙන් යුක්‍රේනයේ දස දෙනෙකු ජීවිතක්ෂයට appeared first on ITN News.

ඇමෙරිකාව තුළ හරිතාගාර වායු විමෝචනය කිරීමේ බලය එක්සත් ජනපද පරිසර ආරක්ෂණ ඒජන්සියට අහිමිවී තිබෙනවා.

ඇමෙරිකාව තුළ ක්‍රියාත්මක මහා පරිමාණ ගල් අගුරු සමාගම් කිහිපයක් විසින් ශ්‍රේෂ්ඨාධිකරණයේ නඩුවක් ගොනුකරමින් මෙම බලය අහිමි කිරීමට කටයුතු කර තිබෙනවා.

කෙසේ වෙතත් මේ හේතුවෙන් වායු දූෂණය  සහ හරිතාගාර වායු විමෝචනය සදහා ඇමෙරිකානු රජයේ වැඩපිළිවෙලට බාධා ඇති වන බවයි විදෙස් වාර්තා පෙන්වා දෙන්නේ.

The post හරිතාගාර වායු විමෝචනය කිරීමේ බලය එක්සත් ජනපද පරිසර ආරක්ෂණ ඒජන්සියට අහිමි වෙයි appeared first on ITN News.

නීතිවිරෝධී ලෙස අලෙවිය සදහා සූදානම්කර තිබූ ඩීසල් ලීටර් 300කට ආසන්න ප්‍රමාණයක් සමග සැකකරුවෙකු අත්අඩංගුවට ගෙන තිබෙනවා.

වනාතවිල්ලුව ප්‍රදේශයේ නිවසක් තුළ නීතිවිරෝධී ලෙස මෙම ඩීසල් තොගය ගබඩාකර තිබුණා. පොලිසිය මෙම වැටලීම සිදුකළේ ඉන්ධන මිලදී ගන්නා මුවාවෙන් උපාය දූතයෙකු යොදවමිනුයි. නිවසේ සූක්ෂම ලෙස සගවා තබා තිබූ ඩීසල් තොගය සමග සැකකරු අත්අඩංගුවට ගැනුණේ වනාතවිල්ලුව පොලිසිය මගින්. ඔහු පුත්තලම මහේස්ත්‍රාත් අධිකරණය වෙත ඉදිරිපත් කිරීමට නියමිතයි.

The post ඩීසල් ලීටර් 300කට ආසන්න ප්‍රමාණයක් සමඟ සැකකරුවෙකු අත්අඩංගුවට appeared first on ITN News.

සක්‍රීය නිරිතදිග මෝසම් තත්වය හේතුවෙන් බස්නාහිර සහ දකුණු මුහුදු ප්‍රදේශවලත් දිවයිනේ දකුණු අර්ධයේත් සුළං තත්වයේ වැඩිවීම තවදුරටත් බලාපොරොත්තු විය හැකි බව කාලගුණ විද්‍යා දෙපාර්තමේන්තුව පවසයි.

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත්විටින් විට වැසි ඇති වන අතර වයඹ පළාතේ වැසි වාර කිහිපයක් ඇතිවේ.

ඌව, නැගෙනහිර සහ උතුරු-මැද පළාත්වල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකියි.

මධ්‍යම කඳුකරයේ බටහිර බෑවුම් ප්‍රදේශවලත්, බස්නාහිර සහ දකුණු පළාත්වලත් විටින් විට හමන පැ.කි.මී. (50-60) ක පමණ තරමක තද සුළං ඇතිවිය හැකියි.

The post ප්‍රදේශ කිහිපයක සුළං තත්වයේ වැඩිවීමක් appeared first on ITN News.

නෝර්වුඩ් ප්‍රදේශයේ ස්වර්ණාභරණ උකස් ගන්නා ස්ථානයකින් ස්වර්ණාභරණ කිලෝග්‍රෑම් එකහමාරක් සොරාගත් කාන්තාව ඇතුළු සැකකරුවන් 4 දෙනෙකු පොලිසිය අත්අඩංගුවට ගත්තා.

මෙම ස්වර්ණාභාරණ සොරකම්කළ එක් සැකකරුවෙකුගේ නිවසේ පිහිටි ගෙවත්තේ ස්වර්ණාභරණ වලදමා තිබියදී සොයා ගැණුනා. මේවායෙහි වටිනාකම රුපියල් තුන්කෝටි පහළොස් ලක්ෂයක් වනවා. සොරකම සම්බන්ධයෙන් පොලිසිය පුද්ගලයන් කිහිප දෙනෙකුගෙන්ම ඇගිලි සළකුණු සටහන් කරගෙන තිබෙනවා. ඒ අනුව උකස් මධ්‍යස්ථානයේ සේවය කළ 50 හැවිරිදි කාන්තාවක සහ තවත් අයෙකු අත්අඩංගුවට ගැනීමත් සමඟ පරීක්ෂණ කඩිනම් කෙරුණා.

The post ස්වර්ණාභරණ කිලෝග්‍රෑම් එකහමාරක් සොරාගත් සැකකරුවන් 4 දෙනෙකු අත්අඩංගුවට appeared first on ITN News.

ජාත්‍යන්තර මූල්‍ය අරමුදලේ ප්‍රතිපත්තිවලට යටත්ව ශ්‍රී ලංකාවට අඛණ්ඩව සහාය ලබාදීමට සූදානම් බව එම මූල්‍ය අරමුදලේ නියෝජිතයන් පවසනවා.

පුරා දින 10 ක් මෙරට රැදී සිට රාජ්‍ය තාන්ත්‍රික මට්ටමින් හා ඉහළ පෙළේ රාජ්‍ය නිලධාරීන් සමග සාකච්ඡා වට රැසක් පවත්වා අද දිනයේදී ඔවුන් දිවයිනෙන් පිටත්ව ගියා.

ජාත්‍යන්තර මූල්‍ය අරමුදලේ නියෝජිතයන් දිවයිනට පැමිණියේ පසුගිය 20 වනදායි. එදින සිට ඔවුන් රාජ්‍ය තාන්ත්‍රික මට්ටමින් විශේෂ සාකච්ඡා ආරම්භ කළා. එමෙන්ම  ජනාධිපති ගෝඨාභය රාජපක්ෂ මහතා සහ අග්‍රාමාත්‍ය රනිල් වික්‍රමසිංහ මහතා සමගද මූලික වටයේ සාකච්ඡාවලටද ඔවුන් එක් වුණා.

මෙරට රැදී සිටි දින 10 ක කාලය තුළ ඔවුන් රාජ්‍ය නායකයින්, නිලධාරින් සහ ණය ප්‍රතිව්‍යුහගත කරන මූල්‍ය ආයතන සමග සාකච්ඡා පැවැත්වුවා.

ජාත්‍යන්තර මූල්‍ය අරමුදල හරහා මෙරටට ලබාදීමට නියමිත මූල්‍යාධාර වැඩසටහන පිළිබද පසුගිය මැයි මාසයේ 9 වන දින සිට 24 වනදා දක්වා පැවති සාකච්ඡාවන්හි දිගුවක් ලෙසයි එම කණ්ඩායම මෙසේ දිවයිනට පැමිණ සාකච්ඡා ආරම්භ කළේ.

ශ්‍රී ලංකාවට ණය ලබාගන්නා ආකාරය සම්බන්ධයෙන් මෙහිදී දීර්ඝ වශයෙන් කරුණු සාකච්ඡා කර තිබුණා. අග්‍රාමාත්‍ය රනිල් වික්‍රසිංහ මහතා කරුණු පැහැදිලි  කළා. ජාත්‍යන්තර මූල්‍ය අරමුදලේ ප්‍රතිපත්ති වලට අනුගතව ශ්‍රී ලංකාවට පූර්ණ සහයෝගය ලබාදීමටයි ඔවුන් කැමැත්ත පළ කර ඇත්තේ.

ඉදිරියේදී සිදු කිරීමට බලාපොරොත්තු වන විදුලි බිල සංශෝධනය  සම්බන්ධයෙන් ජාත්‍යන්තර මූල්‍ය අරමුදලේ නියෝජිතයින් මහජන උපයෝගීතා කොමිසමේ සභාපති ජනක රත්නායක මහතා සමගද සාකච්ඡා කර තිබුණා. ශ්‍රී ලංකාවට සහයෝගය ලබාදීම සදහා ඵලදායී මට්ටමේ සාකච්ඡා අඛණ්ඩව පැවති බවයි එම දූත පිරිස සදහන් කළේ.

The post ප්‍රතිපත්තිවලට යටත්ව ශ්‍රී ලංකාවට සහය දෙන්න IMF සූදානම් appeared first on ITN News.

වසර 150 කට පසු ජපානයේ ඉහළම උෂ්ණත්වය මේ වන විට වාර්තා වන බව විදෙස් මාධ්‍ය සදහන් කරනවා.

1875 වසරෙන් පසු දරුණුතම උෂ්ණ තරංග මාලාව ජපානයට බලපා ඇති බවයි වාර්තා වන්නේ.  ඊයේ දිනයේදී ටෝකියෝ නගරයේ උෂ්ණත්වය සෙල්සියස් අංශක 35 ඉක්මවා ගියේ අඛන්ඩව පස්වන දිනටයි. එමෙන්ම ඉසෙසාකි නගරයේ උෂ්ණත්වය සෙල්සියස් අංශක 40 ඉක්මවා තිබෙනවා.

උෂ්ණත්වය ඉහළ යාමත් සමග විදුලි පරිභෝජනය වැඩි වී ඇති අතර අඛන්ඩ විදුලි සැපයුමට බාධා එල්ල විය හැකි බවට ජපාන රජය අනතුරු අගවනවා. ඒ හේතුවෙන් අනවශ්‍ය විදුලි බුබුළු නිවා දමන ලෙසයි රජය ජනතාවගෙන් ඉල්ලා සිටින්නේ.

කෙසේ වුවද අධික උෂ්ණත්වය හේතුවෙන් රෝගාබාධයන් ඇතිවීම වළක්වා ගැනීම සදහා වායුසමීකරණ භාවිත කරන ලෙසද රජය ජනතාවට දැනුම් දෙනවා. ඉදිරි දින කිහිපයේදී ද මෙම තත්ත්වය අඛණ්ඩව පැවැතිය හැකි බවටයි කාලගුණ අංශ අනාවැකි පළ කරන්නේ.

The post වසර 150 කට පසු ජපානයේ ඉහළම උෂ්ණත්වය වාර්තා වෙයි appeared first on ITN News.

ඔබේසේකරපුර ප්‍රදේශයේ නවතා තිබූ වාහනවල ඩීසල් සොරකම් කිරීම සදහා ත්‍රීරෝද රථයකින් පැමිණි පිරිසක් ඔවුන් පැමිණි ත්‍රීරෝද රථය අතහැර දමා පළාගොස් තිබෙනවා.

ප්‍රදේශවාසීන් මෙම  පිරිස දැකීමත් සමග පළාගොස් ඇති බවයි වාර්තා වන්නේ.

ඔවුන් පැමිණි ත්‍රීරෝද රථය විදුලි කණුවක එල්ලා තිබෙනවා. එමෙන්ම ඉන්ධන සොරකම සදහා රැගෙන ආ බූලි ආදියද මෙසේ ගැටගසා තිබෙනවා.

The post ඩීසල් සොරකමේ ආ ත්‍රීරෝද රථය ප්‍රදේශවාසීන් විදුලි කණුවක එල්ලයි appeared first on ITN News.

ගත වූ පැය 24 ට ලොව පුරා රටවල් 228 කින් කොරෝනා වයිරස ආසාදිතයින් හත්ලක්ෂ තිස් දහසකට අධික සංඛ්‍යාවක් හමුව තිබෙනවා.

සිදුව ඇති මරණ සංඛ්‍යාව එක්දහස් හාරසිය අසූ තුනක්.

ඊයේ දිනයේ දී වැඩිම වයිරස ආසාදිතයින් සංඛ්‍යාවක් හමුව ඇත්තේ ප්‍රංශයෙන්. එම සංඛ්‍යාව එක්ලක්ෂ විසිපන්දහසකට ආසන්නයි. එමෙන්ම ඇමෙරිකාවෙන් ලක්ෂයක්, ඉතාලියෙන් අනූ හතර දහසක් හා බ්‍රසීලයෙන් හැත්තෑ හය දහසක් ලෙස වයිරස ආසාදිතයින් හමුව තිබෙනවා. ඊයේ දිනයේදී සිදුව ඇති වැඩිම කොරෝනා මරණ සංඛ්‍යාව වන 326 සිදුව ඇත්තේ ඇමෙරිකාවෙන්.

ඒ සමගම ලොව සමස්ත කොරෝනා මරණ සංඛ්‍යාව හැටතුන්ලක්ෂ පනස්හය දහස ඉක්මවා ගියා. ලොව පුරා රටවලින් හමුව  ඇති සමස්ත වයිරස ආසාදිතයින් සංඛ්‍යාව පනස්පන් කෝටි දාහත් ලක්ෂයකට ආසන්නයි.

The post ඊයේ දිනයේ වැඩිම කෙරෝනා ආසාදිතයින් ප්‍රංශයෙන් appeared first on ITN News.

චීන කොමියුනිස්ට් පක්ෂ මහ ලේකම්,  ජනාධිපති ෂී ජින් පිං මහතා 28  වැනිදා  වූහාන් නගරය නිරීක්ෂණ කළේය.

එම චාරිකාවේදී හෙතෙම ප්‍රථමයෙන්ම    HG Tech සොගෙ නිරීක්ෂණ කරමින් පැවසුවේ දෘෂ්ටි  ඉලෙක්ට්‍රොනික තොරතුරු    කර්මාන්තය   චීනයට තවදුරටත් ප්‍රමුඛත්වය අත්කර ගත හැකි අධි විද්‍යා හා තාක්ෂණ කර්මාන්තයක් බවයි.

වූහාන්හි  Donghu නව තාක්ෂණ වර්ධන කලාපය දෘෂ්ටි  ඉලෙක්ට්‍රොනික තොරතුරු   කර්මාන්ත අංශයේ සුවිශේෂී ප්‍රතිලාභ ලබාගෙන ඇති අතර  තාක්ෂණ තාක්ෂණ පර්යේෂණය කිරීම ශක්තිමත් කිරීමෙන්  විද්‍යා හා තාක්ෂණ ස්වයං යැපීම  කඩිනම් කළ යුතු බව හෙතෙම අවධාරණය කළේය.

විද්‍යා හා තාක්ෂණ හරය තදින් ග්‍රහණය කර ගත යුතු ය. විද්‍යා හා තාක්ෂණ ස්වයං යැපීම  අතින් තවදුරටත් විශාල වර්ධනයන් ලබා ගැනීමෙන් ජාතයන්තර තරගකාරී තත්වයේ නව වාසි අත්කර ගත හැකි බව ෂී ජින් පිං මහතා  පෙන්වා දුන්නේය.

අනතුරුව ෂී ජින් පිං මහතා Donghu නව තාක්ෂණ වර්ධන කලාපයේ ජන ප්‍රජාවකට පැමිණ එහි  වැසියන්  සමග  සමීපව අදහස්  හුවමාරු කර ගත්තේය.

වසර දෙකකින් පසු යළි වූහන් නගරයට පැමිණි ෂී ජින් පිං මහතා  එහිදී පැවසුවේ  2020  වසරේ වූහාන් වසංගතයට එරෙහිව  සටන ජය ගැනීම හා  ඉන් පසු ස්ථීර තත්වයක  පැවතීම මගින්  චීන කොමියුනිස්ට් පක්ෂයේ   මධ්‍යම කාරකසභාව නියම කළ  වසංගතය පාලන ප්‍රතිපත්තිය නිවැරදි  මෙන්ම ඵලදායී  බව පෙන්නුම් කර තිබෙන බවයි.

දැඩිව එම ප්‍රතිපත්ති වලට එල්බ සිටිය  යුතු ය. චීන කොමියුනිස්ට් පක්ෂයේ ප්‍රධානත්වය යටතේ  ජන ප්‍රජාවන්   පදනම් වන බිම් මට්ටමේ  සිට වසංගතය  පාලන   කටයුතු මෙන්ම ආර්ථික හා සමාජ වර්ධනය පූර්ණව සැළසුම් කිරීමට හැකි වෙතැයි  විශ්වාසයෙන්  පසු වන අතර  මෙම වසරේ චීන ආර්ථික වර්ධනය යහපත් මට්ටමක පවත්වා ගැනීමට උත්සාහ දරන බව හෙතෙම කියා සිටියේය.

The post විද්‍යා හා තාක්ෂණ ස්වයං යැපීමෙන් ජාත්‍යන්තර තරඟකාරීත්වයේදී නව වාසි අත්කර ගත හැකි බව චීන ජනපති කියයි appeared first on ITN News.

කන්දකාඩු පුනරුත්ථාපන මධ්‍යස්ථානයේ සිටි රැඳවූවන් හයසිය පමණ පිරිසක් පළා ගිය අතර ඉන් 200 කට වැඩි පිරිසක් යළි සිය භාරයට ගැනීමට ආරක්ෂක අංශ සමත්ව සිටිනවා. මේ අතර මෙම පුනරුත්ථාපන මධ්‍යස්ථානයේ රැඳවූවෙකු සැක කටයුතු ලෙස මියයාම සම්බන්ධයෙන් වැලිකන්ද පොලිසිය පරීක්ෂණ පවත්වනවා.

කන්දකාඩු පුනරුත්ථාපන මධ්‍යස්ථානය පවත්වාගෙන යනු ලබන්නේ මත්ද්‍රව්‍යවලට ඇබ්බැහි වූ පුද්ගලයන් පුනරුත්ථාපනය සදහායි. මෙම කදවුරේ රැඳවූවන් දහසකට ආසන්න පිරිසක් පුනරුත්ථාපනය ලබමින් සිටින අතර එහි ආරක්ෂාව සම්බන්ධයෙන් කටයුතු කරනුයේ යුද හමුදාවයි.

මෙම මධ්‍යස්තානයේ නේවාසිකව පුනරුත්ථාපනය කෙරෙමින් සිටි අයෙකු සැකකටයුතු ලෙස මියයාම සම්බන්ධයෙන් වැලිකන්ද පොලිසිය වෙත අද උදැසන කරුණු වාර්තා වී තිබෙනවා. ඒ අනුව සිද්ධිය පිළිබද විමර්ශන පැවැත්වීමට වැලිකන්ද පොලිස් නිලධාරීන් කණ්ඩායමක් එම ස්තානයට ගියද කදවුරේ රැඳවූවන් කලහකාරී ලෙස හැසිරුනු බවයි පොලිසිය පවසන්නේ. මෙම තත්ත්වය හමුවේ රැදවූවන් 500 කට වැඩි පිරිසක් කඳවුරු වටා තිබූ ආරක්ෂක රැකවල් බිඳ පැනගොස් තිබෙනවා.

මියගිය රැදවූවන් සම්බන්ධයෙන් විමර්ශන සිදු කෙරෙන අතර පලා ගිය අය අත්අඩංගුවට ගැනිම සදහා පොලිසිය සහ හමුදාව ඒකාබද්ධව මෙහෙයුම් සිදු කරනවා. ඒ අනුව පළාගිය රැදවූවන් මේ වන විට යළි සොයා ගැනිමට හැකි වී තිබෙනවා.

The post පැන ගිය කන්දකාඩු රැඳවූවන් 200 කට වැඩි පිරිසක් යළි අල්ලයි appeared first on ITN News.

මීගහකිවුල ප්‍රාදේශිය ලේකම් කොට්ඨාශයට අයත් දිග්ගල  පූඩුල්ල කන්ද රක්ෂිත ප්‍රදේශයේ පෙරේදා රාත්‍රී කාලයේ හටගත් ගින්නෙන් අක්කර 200ක් අධික ප්‍රමාණයක් ගින්නෙන් විනාශ වී ඇති බව පොලිසිය පවසයි .

වන සතුන් දඩයම් කිරිම සදහා කිසියම් පිරිසක් විසින් මෙසේ වන රක්ෂිත ප්‍රදේශයට ගිනි තබන්නට ඇතැයි පොලිසිය සැකකරනවා.

මෙම ප්‍රදේශය ජලපෝෂිත ප්‍රදේශයක් වන අතර මුවන් ,ගෝන්නුන් ,සහ ඌරන් වැනි සතුන් මෙම ප්‍රදේශයේ බහුලව දක්නට ලැබෙන අතර ඉතා ලංකාවට පමණක් අවේනික දුර්ලභ ශක වර්ග ඇතැයි පරිසරවේදීන් පෙන්වා දෙයි.

මේ සම්බන්ධයෙන් මඩොල්සිම  පොලිසිය විධිමත් පරික්ෂණයක් ආරම්භ කර ඇත.

The post පූඩුල්ල කන්ද රක්ෂිතයේ ගින්නක් – අක්කර 200ක් විනාශයි appeared first on ITN News.

ඇමෙරිකාවේ ෆ්ලෝරීඩා ප්‍රාන්තයේ 8 හැවිරිදි පිරිමි දරුවෙකු අත තිබූ ගිනි අවියක් අත්වැරද්දකින් ක්‍රියාත්මක වීමෙන් බිළිදියක ජීවිතක්ෂයට පත්ව තිබෙනවා.

තම පියාගේ ගිනි අවිය සමග සෙල්ලම් කරමින් සිටියදීයි මෙම අනතුර සිදුව ඇත්තේ. එමෙන්ම ඔවුන් සමග සිටි තවත් කුඩා ගැහැණු දරුවෙකු වෙඩි ප්‍රහාරයෙන් තුවාල ලබා ඇති බව වාර්තා වනවා.

45 හැවිරිදි රොඩ්රික් රැන්ඩල් නමැති එම දරුවන්ගේ පියා නොසළකා හැරීම නීති විරෝධීව ගිනි අවියක් ළග තබා ගැනීම හා සාක්ෂි වසන් කිරීම යන චෝදනා යටතේ අත්අඩංගුවට ගත් බවයි පොලිසිය සදහන් කරන්නේ.

ඔහුට අපරාධ චෝදනා රැසක්ද තිබෙන බව විදෙස් මාධ්‍ය සදහන් කරනවා. දරුවන්ගේ මව නිදා සිටි අවස්ථාවේදීයි මෙම සිදුවීම සිදුව තිබෙන්නේ.

මියගිය බිළිදාගේ වයස අවරුදු එකක් වන අතර එම දරුවා හරහා ගිය වෙඩි උණ්ඩය අනෙක් දරුවාට වැදී තිබෙනවා.

The post ගිනි අවියක් අත්වැරද්දකින් ක්‍රියාත්මක වීමෙන් බිළිදියක ජීවිතක්ෂයට appeared first on ITN News.

අපවත්වී වදාළ පූජ්‍ය කටුකුරුන්දේ මෛත්‍රී ස්වාමීන්වහන්සේගේ ශ්‍රී දේහය පිළිබඳ ආදාහන පූජෝත්සවය මොරටුව එගොඩ උයන  සුනන්දෝපනන්ද විද්‍යාලයීය ක්‍රීඩාංගනයේදී සිදු කරනවා.

මොරටුව කොරලවැල්ල කටුකුරුන්ද වාලුකාරාම මහාවිහාරාධිපති  පූජ්‍ය කටුකුරුන්දේ මෛත්‍රී ස්වාමීන්වහන්සේ අපවත්වන විට 89 වන වියේ පසු වුණා. උන්වහන්සේ ශාසනික මෙන්ම සමාජීය මෙහෙවර රැසක් සිදු කළා.

මෙහෙවර රැසක් සිදු කළ අතර උන්වහන්සේගේ ශ්‍රී දේහය පිළිබද ආදාහන පූජෝත්සවය මොරටුව එගොඩඋයන සුනන්දාපනන්ද විද්‍යාලයිය ක්‍රීඩාංගනයේදී  ලබන බ්‍රහස්පතින්දා සිදු කිරීමට නියමිතයි.

The post පූජ්‍ය කටුකුරුන්දේ මෛත්‍රී හිමිගේ ශ්‍රී දේහය පිළිබඳ ආදාහන පූජෝත්සවය හෙට appeared first on ITN News.

කොලොම්බියාවේ බන්ධනාගාරයක ඇති වූ ගැටුමකින් පුද්ගලයින්  49 දෙනෙකු ජීවිතක්ෂයට පත්ව  තිබෙනවා.

ගැටුම්මෙන් තවත් රැදවූවන් 30 දෙනෙකු පමණ තුවාල ලබා ඇති බවයි වාර්තා වන්නේ. කොලොම්බියාවේ ටුලුවා බන්ධනාගාරයේයි මෙම ගැටුම ඇති වී තිබෙන්නේ.

ගැටුම අතරතුරදී රැදවූවන් බන්ධනාගාරයෙන් පැන යාමට තැත් කර ඇති බව ද සදහන්. රැඳවූවන් ඔවුන්ගේ මෙට්ට ගිනිතබමින් ගැටුම ආරම්භ කර ඇති අතර සිද්ධිය සම්බන්ධයෙන්  පුළුල් විමර්ශනයක් මේ වන විටත් ආරම්භ කර තිබෙනවා.

මිය ගිය සියලුම පුද්ගලයින් රැඳවූවන් ද යන්න මෙතෙක් අනාවරණය වී නැහැ. එමෙන්ම ගැටුම අතරතුරදී බන්ධනාගාරයෙන් රැදවූවන් පැන ගොස් තිබේද යන්න පිළිබඳව පරික්ෂණ සිදු කෙරෙනවා.

The post කොලොම්බියාවේ රැඳවූවන් 49 දෙනෙකු ජීවිතක්ෂයට appeared first on ITN News.

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් විටින් විට වැසි ඇතිවේ. වයඹ පළාතේ වැසි වාර කිහිපයක් ඇතිවේ.

ඌව, නැගෙනහිර සහ උතුරු-මැද පළාත්වල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැක.

මධ්‍යම කඳුකරයේ බටහිර බෑවුම් ප්‍රදේශවලත්, බස්නාහිර සහ දකුණු පළාත්වලත් විටින් විට හමන පැ.කි.මී. 50 ක පමණ තරමක තද සුළං ඇතිවිය හැක.

අද දිනයේ සිට දිවයිනට බස්නාහිර සහ දකුණු මුහුදු ප්‍රදේශවල විටින් විට හමන තද සුළං බලාපොරොත්තු විය හැක.

වැසි තත්ත්වය: පුත්තලම සිට කොළඹ සහ ගාල්ල හරහා මාතර දක්වා වෙරළට ඔබ්බෙන් වන මුහුදු ප්‍රදේශවලතැනින් තැන වැසි ඇතිවේ.

සුළඟ: දිවයින වටා වන මුහුදු ප්‍රදේශවල සුළංනිරිත දෙසින් හමා එයි. සුළගේ වේගය පැ.කි.මී. (30-40) පමණ වේ. පුත්තලම සිට කොළඹ ගාල්ල සහ හම්බන්තොට හරහා පොතුවිල් දක්වා. වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී. (50-55) දක්වා වැඩි විය හැක.

මුහුදේ ස්වභාවය: පුත්තලම සිට කොළඹ ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශරළු වේ. දිවයින වටා වන සෙසු මුහුදු ප්‍රදේශමද වශයෙන්රළු වේ.

පුත්තලම සිට කොළඹ ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල මුහුදු රළ උස (මීටර්. 2.0 – 2.5ක් පමණ) ඉහළ යාමේ හැකියාවක් ද පවතී.

The post අද කාලගුණය appeared first on ITN News.

ලොව පුරා රටවල් 228 කින් හමුවී ඇති සමස්ත කොරෝනා ආසාදිතයින් සංඛ්‍යාව කෝටි 55 ක් ඉක්මවා තිබෙනවා. ගත වූ පැය 24 ට පමණක් ලොව පුරා රටවලින් ලක්ෂ 07 කට ආසන්න සංඛ්‍යාවක් හමුව තිබෙනවා.

සිදුව ඇති මරණ සංඛ්‍යාව 1326 ක්. ඊයේ දිනයේදී වැඩිම වයිරස් ආසාදිතයින් සංඛ්‍යාවක් හමුව ඇත්තේ ප්‍රංශයෙන්. එම සංඛ්‍යාව එක්ලක්ෂ පනස් දහසකට ආසන්නයි.

එමෙන්ම ඉතාලියෙන අසූ තුන් දහසක් ඇමෙරිකාවෙන් 78,000 ක් හා බ්‍රසීලයෙන් හැත්තෑ දහසක් ලෙස වයිරස ආසාදිතයින් හමුව තිබෙනවා.

ගත වූ පැය 24 තුළ සිදුව ඇති වැඩිම කොරෝනා මරණ සංඛ්‍යාව වන 294 වාර්තා වන්නේ බ්‍රසීලයෙන්.

ඒ සමග ලොව සමස්ත කොරෝනා මරණ සංඛ්‍යාව හැට තුන් ලක්ෂ පනස් තුන් දහසක ඉක්මවා ගියා.

The post ලොව පුරා වාර්තා වූ කොරෝනා ආසාදිතයින් කෝටි 55 ක් ඉක්මවයි appeared first on ITN News.

ළමා ආරක්ෂාව හා යුක්තිය පිළිබද නව නීති හඳුන්වාදීමට රජය තීරණය කර තිබෙනවා.

රැකවරණය හා ආරක්ෂාව අවශ්‍ය ළමයින් සම්බන්ධ නඩු ඇසීමට හෝ නීතිය කඩ කරනු ලබන ළමයකුට එරෙහිව නඩු ඇසීම සඳහා අධිකරණ බලය ක්‍රියාත්මක කරන අධිකරණ ස්ථාපිත කිරීමට හැකි වන පරිදි පනත් කෙටුම්පත සකස් කිරීමට අනුමැතිය ලැබී තිබුණා. ඒ අදාළ යෝජනාව කැබිනට් මණ්ඩලය අනුමත කිරීමත් සමඟයි.

The post ළමා ආරක්ෂාව සහ යුක්තිය පිළිබද නව නීති හඳුන්වා දීමට අනුමැතිය appeared first on ITN News.

ඇමෙරිකාවේ ටෙක්සාස් ප්‍රාන්තයේ සැන් ඇන්ටෝනියෝ ප්‍රදේශයේ අතහැර දමා තිබූ ලොරි රථයක් තුළ තිබූ මළ සිරුරු රැසක් සොයා ගැනීමට පොලීසිය සමත්වුණා.

එම ලොරි රථය තුළ තිබී මළ සිරුරු 46 ක් පමණ සොයාගත් බවයි පොලීසිය සඳහන් කරන්නේ. ඇමෙරිකා මොක්සිකෝ දේශසීමා හරහා ඇමෙරිකාවට සංක්‍රමණය වූ පිරිසක් ලෙස එම කණ්ඩායම හඳුනාගෙන තිබෙනවා. එම ලොරි රථය තුළ සිටි පුද්ගලයින් 16 දෙනෙකු රෝහල් ගතකළ බවයි බලධාරීන් සඳහන් කරන්නේ. එම පිරිස අතරට කුඩා ළමුන් 4 දෙනෙකු ද ඇතුළත්. අධික උෂ්ණත්වය හා ශ්වසන අපහසුතා හේතුවෙන් ඔවුන් පීඩා විදින බවයි රෝහල් ආරංචිමාර්ග පවසන්නේ. එම ප්‍රදේශය හරහා මිනිස් ජාවාරම්කරුවන් මෙක්සිකෝවේ සිට ඇමෙරිකාවට සංක්‍රමණිකයින් නිරන්තරයෙන් රැගෙන එන බව ආරක්ෂක අංශ පෙන්වා දෙනවා. සැන් ඇන්ටෝනියෝ ප්‍රදේශයේ දුම්රිය මාර්ගයක් අසල එම ලොරි රථය අතහැර දමා තිබියදී සොයාගෙන ඇති අතර ඒ තුළ වායුසමීකරණ හෝ ජලය තිබී නැහැ. සිද්ධිය සම්බන්ධයෙන් පුද්ගලයින් තුන් දෙනෙකු අත්අඩංගුවට ගෙන තිබෙනවා.

The post ඇමෙරිකාවේ ටෙක්සාස්හි ලොරියක් ඇතුළේ සරණාගතයින් 46 කගේ මළ සිරුරු appeared first on ITN News.

බලපත්‍ර නොමැතිව නීති විරෝධී ලෙස ඉන්ධන ගබඩා කරගෙන සිටි සැකකරුවන් කිහිප දෙනෙකු අත්අඩංගුවට ගෙන තිබෙනවා.

වවුනියාව බෙප්පන්කුගම ප්‍රදේශයේ ගොඩනැගිලි ද්‍රව්‍ය අලෙවිසැලක සඟවා තිබූ ඩීසල් ලීටර් 3000 ක් සමඟ සැකකරුවකු අත්අඩංගුවට ගැනීමට වවුනියාව පොලීසිය සමත් වුණා.විශේෂ පොලිස් ඒකකයට ලැබුණ තොරතුරකට අනුව සිදු කළ වැටලීමකදී ඇසුරුම් 15 ක තිබූ මෙමඩීසල් ලීටර් 3000 සොයා ගත් බවයි පොලීසිය සදහන් කළේ. සැකකරුට එරෙහිව නීතිමය පියවර ගැනීමට කටයුතු කෙරුණා.

ඇතිමලේ හැත්තෑව හන්දියේදී සැකකරුවෙකු අත්අංගුවට ගැනුනේ පෙට්‍රල් ලීටර් 1220 ක් ද සමගයි. මොහු නීති විරෝධී ලෙස ඉන්ධන ගබඩා කරගෙන සිටින බවට ලැබුන තොරතුරකට අනුව ඇතිමලේ පොලීසිය වැටලීම සිදු කළා. සැකකරු අද දින සියඹලාණ්ඩුව මහේස්ත්‍රාත් අධිකරණයට ඉදිරිපත් කිරීමට නියමිතයි.

නීති විරෝධී ලෙස ඉන්ධන ගබඩා කර ගෙන සිටි තවත් පුද්ගලයෙකු සපුගස්කන්ද ප්‍රදේශයේදී අත්අඩංගුවට ගැනුනා. ඒ ඩීසල් ලීටර් 460 ක්  සමගයි. ඔහු මහර මහේස්ත්‍රාත් අධිකරණයට ඉදිරිපත් කිරීමට නියමිත බවයි පොලීසය පවසන්නේ.

ඩීසල් ලීටර් 60 ක් සමඟ තවත් අයෙකු අත්අඩංගුවට ගැනුනේ පස්සර ප්‍රදේශයේදීයී. ඔහුට අද දින පස්සර මහේස්ත්‍රාත් අධිකරණය වෙත පෙනී සිටින ලෙස දන්වා පොලිස් ඇප මත මුදා හැර තිබෙනවා.

වැල්ලවාය රන්දෙණිය ප්‍රදේශයේ කළ වැටලීමකදී ඩීසල් ලීටර් 680 ක් සහ පෙට්‍රල් ලීටර් 25 ක් සගවාගෙන සිටි පුද්ගලයෙකු අත්අඩංගුවට ගැනුනා. වැඩි මිලට අලෙවි කිරීමට ඉන්ධන තොග ගබඩා කර ඇති බවටයි හෙළි වුණේ. සැකකරු වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිතයි.

The post නීති විරෝධී ලෙස ඉන්ධන ගබඩා කරගෙන සිටි සැකකරුවන් කිහිප දෙනෙකු අත්අඩංගුවට appeared first on ITN News.

ඇමෙරිකාවේ සිදුවූ දුම්රිය අනතුරකින් පුද්ගලයින් තුන් දෙනෙකු ජීවිතක්ෂයට පත්වුණා.

ඇමෙරිකාවේ මිසූරි ප්‍රදේශයේ දී දුම්රියක් හා ට්‍රක් රථයක් එකිනෙකට ගැටීමෙනුයි මෙම අනතුර සිදුව ඇත්තේ. මියගිය පිරිස අතරට දුම්රියේ ගමන් කළ මගීන් දෙදෙනෙකු හා ට්‍රක් රථයේ ගමන් කළ එක් අයෙක් ඇතුළත්. අනතුරෙන් තවත් පුද්ගලයින් 50 දෙනෙකු පමණ තුවාල ලබා ඇති බවයි සෞඛ්‍ය අංශ සදහන් කරන්නේ. අනතුර සිදුවන අවස්ථාවේ දුම්රිය මගීන් 243 දෙනෙකු එහි සිට තිබෙනවා. ලොස් ඇන්ජලීස් සිට චිකාගෝ දක්වා මෙම දුම්රිය ගමන් කර තිබෙනවා. ට්‍රක් රථයේ ගැටීමත් සමග දුම්රිය මැදිරි පීලි පැනීමට ලක්ව ඇති ආකාරය විදෙස් මාධ්‍ය වාර්තා කළා.

The post ඇමෙරිකාවේ සිදුවූ දුම්රිය අනතුරකින් පුද්ගලයින් තුන් දෙනෙකු ජීවිතක්ෂයට appeared first on ITN News.

කොරියානු මානව සම්පත් සංවර්ධන ආයතනයේ ශ්‍රී ලංකාවේ නේවාසික අධ්‍යක්ෂක ලී මහතා ඊයේ (27) දින කම්කරු හා විදේශ රැකියා අමාත්‍ය මනුෂ නානායක්කාර මහතා හමුවී තිබෙනවා.

මේ වන විට කොරියානු භාෂා ප්‍රවීණතා විභාගය සමත් වී කොරියාවේ රැකියා බලාපොරොත්තුවෙන් සිටින ශ්‍රමිකයින් කඩිනමින් කොරියාවට යැවීමේ වැඩසටහනේ ප්‍රගතිය පිළිබද මෙහිදී සාකච්ඡා වීය . ඒ අනුව ලබන සතියේ සිට සතියකට 250 බැගින් පිරිසක් කොරියාවට යැවීමට කටයුතු සලසන බව ලී මහතා සහතික විය. මේ අතරින් වැඩි පිරිසක් ධිවර අංශයේ රැකියා සඳහා යොමු කරනු ලබයි.

තවද මේ වන විට කොරියානු භාෂා ප්‍රවීණතා විභාගය සමත් වී තොරතුරු ලේඛණයේ සිටින සියලු දෙනා සඳහා තොරතුරු ලේඛණයේ වලංගු කාලසීමාව දීර්ග කරන ලෙසට අමාත්‍යවරයා කරන ලද ඉල්ලීම අනුව එම දීර්ග කිරීම පිළිබද සලකා බලා ඉදිරි සතියේදී දැනුම් දෙන බව ලී මහතා ප්‍රකාශ කර තිබෙනවා.

එසේම ඉදිරි වසර 10ක කාලය තුල කොරියාවේ රැකියා අවස්ථා ලබාදීමෙන් ශ්‍රී ලංකාවට ඇමරිකානු ඩොලර් බිලියන 5ක අදායමක් ලබා ගැනීමට හැකිවන පරිදි රැකියා උත්පාදනය කරමින් සහය දක්වන බවද ඔහු අමාත්‍යවරයාට පැවසු බව වාර්තා  වනවා.

කොරියාවේ සේවයේ නිරතව සිට ආපසු පැමිණ යළි කොරියාවේ රැකියා බලාපොරොත්තු වෙන් සිටිය පුද්ගලයින් සඳහා විශේෂ කොරියානු භාෂා විභාගය කඩිනමින් පැවැත්වීම ගැන මෙහිදී  අවධානය යොමු කළ අතර, කොරියානු මානව සම්පත් දෙපාර්තමේන්තුවේ මෙරට නේවාසික ප්‍රධානියාගෙන් ඒ සදහාද සුබවාදී ප්‍රතිචාරයක් හිමිවී තිබෙනවා.

The post කොරියා රැකියා අපේක්ෂාවෙන් සිටින අයට සුබ ආරංචියක් appeared first on ITN News.

අකුරැස්ස තිබ්බටුවාව ප්‍රදේශයේදී දේවාලයක් පවත්වාගෙන ගිය පුද්ගලයෙකු ඝාතනය කිරීමේ සිද්ධියේ ප්‍රධාන සැකකරුගේ මව සහ පියා අත්අඩංගුවට ගෙන තිබෙනවා.

තිබ්බටුවාව ප්‍රදේශයේදී 70 හැවිරිදි පුද්ගලයෙකුගේ ගෙල තියුණු ආයුධයකින් කපා ඝාතනය කිරීමේ සිද්ධියේ ප්‍රධාන සැකකරු ප්‍රදේශයෙන්  පලා ගොස් තිබෙනවා. අකුරැස්ස පොලීසිය වැඩිදුර පරික්ෂණ සිදු කරන අතර අත්අඩංගුවට ගත් සැකකරුවන් මාතර මහේස්ත්‍රාත් අධිකරණයට ඉදිරිපත් කිරීමට නියමිතයි. ඝාතනයට ලක් වූ පුද්ගලයා සිය නිවසේ දේවාලයක් පවත්වාගෙන ගිය බවටයි පොලිස් පරික්ෂණවලදී හෙලි වුණේ. සැකකරු ඝාතනයට ලක් කළ පුද්ගලයාගේ හිස නිල්වලා ගගට දමා ඇති  බවට ද මූලික විමර්ශනවලින් හෙළි වී ඇති බවයි පොලීසිය ප්‍රකාශ කළේ.

The post අකුරැස්ස ඝාතනය : ප්‍රධාන සැකකරුගේ මව සහ පියා අත්අඩංගුවට appeared first on ITN News.

කොලොම්බියාවේ ගොං පොර තරඟයක් පැවති ස්ථානයක ප්‍රේක්ෂකාගාරයක් කඩා වැටීමෙන් පුද්ගලයින් 4 දෙනෙකු ජීවිතක්ෂයට පත්වුණා.

අනතුරෙන් තවත් විශාල පිරිසක් තුවාල ලබා ඇති බවයි විදෙස් මාධ්‍ය වාර්තා කරන්නේ. දැව යොදා ගනිමින් සාදා නිමකළ තට්ටු තුනක ගොඩනැගිල්ලකුයි මෙලෙස කඩා වැටීමට ලක්ව ඇත්තේ.

කොලොම්බියාවේ ගොං පොර තරග සාම්ප්‍රදායික් ක්‍රීඩාවක් වන අතර එම තරග නැරඹීමට පැමිණෙන ප්‍රේක්ෂකයින්ට ද තරගයට සහභාගිවීමට අවස්ථාව හිමිවනවා.

කෙසේ වුවද එරට ජනාධිපති ධුරය සදහා තේරී පත්වූ නව ජනාධිපති ගුස්ටාවෝ පෙට්රෝ බලධාරීන්ට දැනුම්දී ඇත්තේ මෙවැනි තරග තහනම් කරන ලෙසයි.

මිනිස් හා සත්ත්ව ජීවිත බිලිගන්නා මෙම තරග පැවැත්වීමට අවසර ලබානොදෙන ලෙස කොලොම්බියා නගරාධිපතිවරුන්ට ජනාධිපතිවරයා දැනුම් දී තිබෙනවා.

The post ගොං පොර ප්‍රේක්ෂකාගාරයක් කඩා වැටීමෙන් 4 දෙනෙකු ජීවිතක්ෂයට appeared first on ITN News.

ප්‍රවීණ රංගන ශිල්පී අනුර අබේසේකර මහතා අභාවප්‍රාප්ත වුණා.

අයිටීඑන් මාධ්‍ය ජාලය ඔස්සේ විකාශය වන ජනාදරයට පත් කෝපිකඩේ ටෙලිනාට්‍යයේ ඉස්කෝලෙ මහත්මයා චරිතයට පණපෙවූ අනුර අබේසේකර මහතා මියයනවිට 62 වන වියෙහි පසුවුණා. කෙටි කලක් රෝගාතුරව සිටි අනුර අබේසේකර මහතා චිත්‍රපට නිෂ්පාදකවරයෙක් ද වනවා. ඒ මහතා නිෂ්පාදනය කළ ආගන්තුකයා චිත්‍රපටය සම්මානයට ද පාත්‍ර වුණා. අවසන් කටයුතු පිළිබදව පසුව දැනුම් දෙන බව පවුලේ ඥාතීන් ප්‍රකාශ කළා.

The post ප්‍රවීණ රංගන ශිල්පී අනුර අබේසේකර මහතා අභාවප්‍රාප්ත වෙයි appeared first on ITN News.

රුසියාව යුක්රේනයේ යුද මෙහෙයුම් ආරම්භ කිරීමෙන් පසු පළමුවරට රුසියා ජනාධිපති ව්ලැඩිමීර් පුටින් විදෙස් සංචාරයක නිරතවීමට තීරණය කර තිබෙනවා.

පුටින් ජනාධිපතිවරයා අවසන් වරට විදෙස් සංචාරයක නිරතවූයේ පසුගිය පෙබරවාරි මාසයේදීයි. එහිදී චීන ජනාධිපති ෂී ජින් පින්ග් හමුවූ අතර දෙරට අතර කොන්දේසි විරහිත මිත්‍රත්වයක් පවත්වාගෙන යාමට එකගතාවයකට පැමිණියා. ඉන් අනතුරුවයි රුසියාව යුක්රේනය තුළ යුද මෙහෙයුම් ආරම්භ කළේ. පැරණි සෝවියට් සමූහාණ්ඩුවට අයත් මධ්‍යම ආසියාවේ පිහිටි ටජිකිස්තානයේ හා ටර්ක්මේනිස්තානයේ එළඹෙන සතියේ දී රුසියා ජනාධිපතිවරයා සංචාරයේ නිරතවනු ඇති. එහිදී අසර්බයිජානය,  කසකස්තානය,  ඉරානය ඇතුළු රටවල් කිහිපයක නායකයින් සමඟ සමුළුවකට ද ව්ලැඩිමීර් පුටින් සහභාගි වනවා. ඉන් අනතුරුව ඉන්දුනීසියා ජනාධිපති ජොකෝ විඩෝඩෝ සමඟ සාකච්ඡා පැවැත්වීමට ද නියමිත බවයි රුසියා ජනාධිපති මන්දිරය නිවේදනය කරන්නේ.

The post පෙබරවාරියෙන් පසු පූටින් යළිත් විදෙස් සංචාර අරඹයි appeared first on ITN News.

ඉන්ධන මිල ඉහළ යාම හමුවේ අද මධ්‍යම රාත්‍රිෙය් සිට බහාලුම් රථ ගාස්තු ද 10%කින් ඉහළ දමන බව එක්සත් බහාලුම් ප්‍රවාහන රථ හිමිකරුවන්ගේ සංගමය පවසනවා.

මෙරට පවතින ඉන්ධන අර්බුදය හමුවේ රුසියාවෙන් තෙල් ලබාගැනීම සඳහා සාකච්ඡා පැවැත්වීමට අමාත්‍යවරුන් දෙදෙනෙකු අද දිවයිනෙන් පිටත්ව යෑමට නියමිත බව අමාත්‍ය කංචන විජේසේකර මහතා ඊයේ පැවති ප්‍රවෘත්ති සාකච්ඡාවේදී ප්‍රකාශ කළා.

The post බහාලුම් ප්‍රවාහන ගාස්තු 10% කින් ඉහළට appeared first on ITN News.

කොළඹ මඩකලපුව ප්‍රධාන මාර්ගයේ ඌරනි  ප්‍රදේශයේ ඉන්ධන පිරවුම්හලක් ඉදිරිපිට සිදු වූ අනතුරකින් පිරවුම්හල ඉදිරිපිට පොලිමේ රැදී  සිටි පිරිසක් තුවාල ලැබුවා.

ඇගලුම් කර්මාන්තශාලවක සේවකයින් ප්‍රවාහනය කළ බස් රථයකුයි අනතුරට ලක් වුණේ.  මෝටර් රථ 05 කට අනතුරෙන් අලාභ හානි සිදු වුණා. තුවාල ලැබූ රෝගීන් මඩකලපුව ශික්ෂණ රෝහළට ඇතුළත් කෙරුණා. බස් රථයේ රියදුරු පලා ගොස් ඇති අතර ඔහු අත්අඩංගුවට ගැනීමේ මෙහෙයුම්  ආරම්භ කර තිබෙනවා.

The post බස්රථ අනතුරකින් ඉන්ධන පෝලිමක සිටි පිරිසකට තුවාල appeared first on ITN News.

බස්නාහිර පළාතේ කොළඹ කලාපය සහ ආසන්න නගර ආශ්‍රිතව ඇති පාසල් සහ සෙසු පළාත්වල ප්‍රධාන නගරවල පිහිටි පාසල් 2022 ජුනි 27 සිට ජුලි 01 දක්වා සතිය තුළ පසුගිය සතියේ මෙන් නොපැවැත්වීමට තීරණය කර තිබෙනවා.

හෙටින් ඇරඹෙන සතියේ දී නාගරික ප්‍රදේශවල පාසල් දින 3 ක් පැවැත්වීමට අධ්‍යාපන අමාත්‍යාංශය තීරණය කර තිබුණා. කෙසේ වෙතත් පාර්ශ්ව කිහිපයකින් ඉදිරිපත් වූ ඉල්ලීම් සළකා බලා හෙට සිට ලබන පළමුවනදා දක්වා සතිය තුළ කොළඹ කලාපයේ සිට නගර ආශ්‍රිත පාසල් නොපැවැත්වීමට අධ්‍යාපන අමාත්‍යාංශය තීරණය කර තිබෙනවා.

හෙට සිට ආරම්භ වන සතියේ අගහරුවාදා,  බදාදා සහ බ්‍රහස්පතින්දා යන දිනවල උදෑසන 7.30 සිට පස්වරු 1.30 දක්වා පාසල් පැවැත්වීමට අධ්‍යාපන අමාත්‍යාංශය තීරණය කර තිබුණා. අනෙක් දින දෙක ඔන්ලයින් ඔස්සේ අධ්‍යයන කටයුතු සිදුකරන ලෙසටයි උපදෙස් ලබාදී තිබුණේ. එමෙන්ම ප්‍රාථමික අංශ පැවැත්වීමේ බලය විදුහල්පතිවරුන්ට පවරා තිබුණා. කෙසේ වෙතත් පසුගිය සතියේ පාසල් පැවැත්වූ ආකාරයට ඉදිරි සතියේදී ද පාසල් කටයුතු ක්‍රියාත්මක කරන ලෙස බලශක්ති අමාත්‍යවරයා ඇතුළු පාර්ශ්ව කිහිපයක් ඉල්ලීම් කර තිබෙනවා. ඒ අනුවයි පළාත් අධ්‍යාපන ලේකම්වරුන්,  පළාත් අධ්‍යාපන අධ්‍යක්ෂවරුන් හා නගරබද ජාතික විදුහල්පතිවරුන් සමග සාකච්ඡාවක් පැවැත්වුණේ. එහිදී බස්නාහිර පළාතේ කොළඹ කලාපය සහ ආසන්න නගර ආශ්‍රිතව ඇති පාසල් සහ සෙසු පළාත්වල ප්‍රධාන නගරවල පිහිටි පාසල් හෙට සිට ලබන පළමුවනදා දක්වා වසා තැබීමට තීරණය කර තිබෙනවා. පසුගිය සතියේ දී ග්‍රාමීය පාසල් පැවැත්වූ ආකාරයටම සිසුන්ට සහ ගුරුවරුන්ට ප්‍රවාහන අපහසුතා නොපවතින්නේ නම් අගහරුවාදා,  බදාදා සහ බ්‍රහස්පතින්දා දිනවල පාසල් පැවැත්වීමට කටයුතු කරන ලෙස ද දැනුම්දී තිබෙනවා.

ලබන සතිය තුළ උසස් පෙළ සදහා වාර පරීක්ෂණ පැවැත්වීමට සූදානම්කර ඇත්නම් ඒවා සති දෙකකින් පසු පැවැත්වීමට කටයුතු කරන ලෙස ද අමාත්‍යාංශය දැනුවත්කර තිබෙනවා.

The post හෙට සිට ජූලි 01 දක්වා පාසල් පැවැත්වීම සම්බන්ධයෙන් නිවේදනයක් appeared first on ITN News.

බංග්ලාදේශයේ අග්‍රාමාත්‍ය ෂෙයික් හෂීනා විසින් එරට ඉදිකළ දිගම පාලම විවෘත කර තිබෙනවා.

බංග්ලාදේශය පද්මා නදිය හරහා ඉදිකළ මෙම පාලම කිලෝමීටර් 6.15 ක දිගකින් යුක්ත වනවා. මෙම පාලමට වැයකළ මුදල ඩොලර් බිලියන 4 ක් බවයි වාර්තා වන්නේ. මෙම පාලම එරට ජාතික අභිමානයේ සංකේතයක් ලෙසින් නම්කර තිබෙනවා. බංග්ලාදේශයේ අගනුවර වන ඩකා සහ එරට නිරිතදිග දිස්ත්‍රික්ක යා කෙරෙමින් මෙම පාලම ඉදිකර තිබෙනවා.

The post බංග්ලාදේශයේ දිගම පාළම විවෘත කෙරේ appeared first on ITN News.

කහතුඩුව ප්‍රදේශයේ නිවසක ඇති වූ ගින්නක් හේතුවෙන් පුද්ගලයෙකු ජීවිතක්ෂයට පත්ව තිබෙනවා.

කහතුඩුව මාගම්මන දෙල්කඩේ හංදිය ප්‍රදේශයේ නිවසකයි ගින්න හටගෙන තිබෙන්නේ. ගින්න හේතුවෙන් වයස අවුරුදු 4 ක් සහ 19 ක් වන දරුවන් දෙදෙනා සහ මව මෙන්ම පියාද තුවාල ලැබුවා. 19 හැවිරිදි දියණිය සහ මව කොළඹ ජාතික රෝහලට ඇතුළත් කෙරුණු අතර හෝමාගම රෝහලේ ප්‍රතිකාර ලැබූ පියා මියගොස් ඇති බව රෝහල් වාර්තා සදහන් කළා. ඊයේ රාත්‍රියේ 10 ට පමණ ගින්න හටගෙන ඇති අතර ප්‍රදේශවාසීන් එක්ව ගින්න නිවා දැමීමට කටයුතු කළා. ගින්න ඇතිවීමට හේතුව මෙතෙක් තහවුරු වී නැහැ. කහතුඩුව පොලළීසිය වැඩිදුර පරීක්ෂණ සිදුකරනවා.

The post කහතුඩුවේ නිවසක ගින්නක් – පුද්ගලයෙක් ජීවිතක්ෂයට appeared first on ITN News.

ඕස්ට්‍රේලියාවට නීති විරෝධීව ඇතුළු වූ 91 දෙනෙකු පසුගිය දින කිහිපයේ දී එරටින් පිටුවහල් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා පවසනවා.

පසුගිය ජනවාරි පළමුවනදා සිට මේ දක්වා පුද්ගලයින් 399 දෙනෙකු නාවික හමුදාව ද අත්අඩංගුවට ගෙන තිබෙනවා.

The post නීති විරෝධීව ඕස්ට්‍රේලියාවට ඇතුළු වූ ශ්‍රී ලාංකිකයින් 91දෙනෙකු පිටුවහල් කෙරේ appeared first on ITN News.

ඇමෙරිකාවේ ගිනි අවි පාලන පනතට එරට ජනාධිපති ජෝ බයිඩන් අත්සන් තබා තිබෙනවා.

මේ නිසා ඇමෙරිකාව තුළ ගිනි අවි භාවිතය පාලනයවීම නීතිගත වී තිබෙනවා. මේ හේතුවෙන් මෙතෙක්කල් ගිනි අවි භාවිතය සම්බන්ධයෙන් ඇමෙරිකාවේ තිබූ ලිහිල්භාවය ඉවත්ව යනවා. තර්ජනයක් බවට සැලකෙන පුද්ගලයින්ට ගිනි අවි ලබාගැනීම වැළැක්වීම ඇතුළු කාරණා මෙයට ඇතුළත්. පසුගිය මැයි මාසයේ දී නිවුයෝර්ක් නගරයේ සුපිරි වෙළෙදසැලක සහ ටෙක්සාස් ප්‍රාන්තයේ පාසලක සිදුවූ වෙඩි තැබීම්වලින් 31 දෙනෙකු මියයාම මෙම ගිනි අවි පාලනය නීතිගත කිරීමට හේතුවී තිබෙනවා. මේ සම්බන්ධයෙන් අදහස් පළකරන ජෝ බයිඩන් සදහන් කරන්නේ මෙම පනත් කෙටුම්පත තමන්ට අවශ්‍ය සියලුම දේ නොකලත් ජනතාවගේ ජීවිත බේරා ගැනීම සදහා තමන් විසින් ඉල්ලා සිටි ක්‍රියාමාර්ග බොහොමයක් ඇතුළත් බවයි.

The post ඇමෙරිකාවේ ගිනි අවි පාලන පනතට ජෝ බයිඩන් අත්සන් තබයි appeared first on ITN News.

ඊයේ දිනයේ දී වැඩිම කොරෝනා ආසාදිතයින් පිරිසක් ඉතාලියෙන් හඳුනා ගැණුනා. එම සංඛ්‍යාව 56356ක්.

ඊයේ වැඩිම කොරෝනා මරණ සංඛ්‍යාවක් වාර්තා වුණේ තායිවානයෙන් වන අතර එම සංඛ්‍යාව 151 ක්. ගෙවීගිය පැය 24 තුළ පමණක් ලොව පුරා ආසාදිතයින් 442,791 දෙනෙකු හඳුනා ගැණුනා. ගෙවීගිය පැය 24 තුළ ලොව පුරා සිදුව ඇති මරණ සංඛ්‍යාව 827 ක්. ඒ අනුව මේ වනවිට ලොව පුරා සමස්ත කොරෝනා ආසාදිතයින්ගේ සංඛ්‍යාව කෝටි පනස් හතර ඉක්මවා ගොස් තිබෙනවා.

The post ගතවූ පැය 24ට වැඩිම කොරෝනා ආසාදිතයින් සංඛ්‍යාව ඉතාලියෙන් වාර්තා වෙයි appeared first on ITN News.

දිනෙන් දින අත්‍යවශ්‍ය භාණ්ඩවල මිල ඉහළ යාම හේතුවෙන් මෙම තීරණය ගෙන තිබෙනවා.

ඒ අනුව හාල් ,පාන් පිටි,සුදු සීනි, රතු පරිප්පු, කිරිපිටි, ලොකුළුෑණු, අල, වියළි මිරිස්, වියළි හාල්මැස්සන් සහ වටානා පරිප්පු යන අත්‍යවශ්‍ය ආහාර ද්‍රව්‍ය සීමා සහිත ප‍්‍රමාණයන්ගෙන් විවෘත ගිණුම් ක‍්‍රමය යටතේ ආනයනය කිරීමට කැබිනට් මණ්ඩලය තීරණය කළා.

ලබන 1 වනදා සිට ඉදිරි මාස දෙකක කාල සීමාවක් සඳහායි මෙසේ අවසර ලබා දී ඇත්තේ. අමාත්‍ය නලීන් ප‍්‍රනාන්දු මහතාගේ ඉල්ලීමකට අනුව කැබිනට් මණ්ඩලය මෙම තීරණය ගෙන තිබෙනවා.

The post අත්‍යවශ්‍ය ද්‍රව්‍ය 10ක් ආනයනය කිරීමට අවසර appeared first on ITN News.

බස්නාහිර පළාතේ කොළඹ කලාපයේ සහ ආසන්න නගර ආශ්‍රිතව සහ සෙසු පළාත්වල ප්‍රධාන නගරවල පිහිටි පාසල් එළබෙන සඳුදා දිනයේ සිට ආරමිභ කිරීම සම්බන්ධයෙන් තීරණයක් ගැනීමට සාකච්ඡාවක් මේ වන විට පැවැත්වෙනවා.

රට තුළ පවතින ඉන්ධන අර්බුදය නිසා ඇති වී තිබෙන පොදු ප්‍රවාහනයේ ගැටලු හේතුවෙන් බස්නාහිර පළාතේ කොළඹ කලාපයේ සහ ආසන්න නගර ආශ්‍රිතව සහ සෙසු පළාත්වල ප්‍රධාන නගරවල පිහිටි පාසල් සඳහා පසුගිය20 වනදා සිට 24 දක්වා පාසල් නොපැවැත්වීමට අධ්‍යාපන අමාත්‍යංශය තීරණය කළා. කෙසේ වෙතත් පාසල් දරුවන්ට බාධාවකින් තොරව අධ්‍යයන කටයුතු සිදු කරගෙන යාම සම්බන්ධයෙන් විශේෂ සාකච්ඡාවක් අධ්‍යාපන අමාත්‍යවරයාගේ ප්‍රධානත්වයෙන් සූම් තාක්ෂණය ඔස්සේ අද පැවැත්වෙනවා. එහිදී ඉදිරි සතියේ පාසල් පැවැත්වීම සම්බන්ධයෙන් තීරණ ගැනීමට නියමිතයි.

The post ලබන සතියේ පාසල් පැවත්වීම සම්බන්ධයෙන් විශේෂ සාකච්ඡාවක් appeared first on ITN News.

දින 6 කට පසු තඹුත්තේගම ඉන්ධන පිරවුම්හලට ඉන්ධන ලැබීමත් සමග ඇති වූ නොසන්සුන්කාරී තත්ත්වය මැඩපැවැත්වීම සදහා යුද හමුදාවද කැදවීමට සිදු වුණා.

තඹුත්තේගම ඉන්ධන පිරවුම්හලෙන් ඉන්ධන ලබා ගැනීම සදහා ජනතාව දින ගණනාවක සිට පෝලිම්වල රැදී සිටියා. මෙම පිරවුම්හලට ඉන්ධන ලැබීමත් සමග සෞඛ්‍ය කාර්ය මන්ඩලවලට පමණක් එයින් ඉන්ධන නිකුත් කරන බව ප්‍රකාශ කිරීමත් සමගයි ගැටුම්කාරී තත්ත්වය හට ගැනුණේ.

මෙම තත්ත්වය පාලනය කිරීම සදහා තඹුත්තේගම පොලිසිය මෙන්ම කළුන්දෑගම යුද හමුදා කදවුරේ නිලධාරීන් මහත් පරිශ්‍රමයක් දැරුවා. ඒ අනුව සෞඛ්‍ය සේවකයන්ට හා සාමාන්‍ය ජනතාවට ඉන්ධන ලබාදීමට ආරක්ෂක අංශවල මැදිහත්වීමෙන් ක්‍රියා කෙරුණා.

The post තඹුත්තේගම ඉන්ධන පිරවුම්හල අසල නොසන්සුන් – යුද හමුදාව කැඳවයි appeared first on ITN News.

බස්නාහිර,සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි. සබරගමුව පළාතේත් ගාල්ල, මහනුවර සහ නුවරඑළිය දිස්ත්‍රික්කවලත් ඇතැම් ස්ථානවලට මි.මී. 50ට වැඩි තරමක් තද වැසි ඇතිවිය හැකියි.

ඌව පළාතේත් අම්පාර සහ මඩකලපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවේ.

මධ්‍යම කඳුකරයේ බටහිර බෑවුම් ප්‍රදේශවලත්, උතුරු,උතුරු-මැද සහ වයඹ පළාත්වලත් ත්‍රිකුණාමලයසහ හම්බන්තොට දිස්ත්‍රික්කවලත් විටින් විට හමන පැ.කි.මී. 50 ක පමණ තරමක තද සුළං ඇතිවිය හැකියි.

ගිගුරුම් සහිත වැසි සමඟ ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකව ඉල්ලා සිටිනවා.

The post ප්‍රදේශ කිහිපයකට වැසි හෝ ගිගුරුම් සහිත වැසි appeared first on ITN News.

ගෝලීය සංවර්ධනය පිළිබඳ ඉහළ මට්ටමේ සංවාදය චීන ජනාධිපති ෂී ජින් පිං මහතාගේ ප්‍රධානත්වයෙන් ඊයේ (24) වීඩියෝ ආකාරයෙන් ආරම්භ විය. “නව යුගයේ ගෝලීය සංවර්ධනයේ හවුල්කාරී සබඳතා ගොඩනගා තිරසර සංවර්ධනය සඳහා 2030 න්‍යාය පත්‍රය ක්‍රියාත්මක කිරීමට අත්වැල් බැඳ ගැනීම”එහි ප්‍රධාන තේමාව යි. බ්‍රික්ස් රටවල රාජ්‍යනායකයෝ සහ අදාළ නව වෙළඳපළ රටවල හා සංවර්ධනය වෙමින් පවතින රටවල නායකයෝ ඊට එක් ව සිටිති. ෂී ජින් පිං මහතා එහිදී වැදගත් දේශනයක් පැවැත්වීය.

මෙය අභියෝගවලින් සහ බලාපොරොත්තුවලින් පිරුණු යුගයක් බව පැවසූ ෂී ජින් පිං මහතා ලෝක සංවර්ධනයේ ප්‍රවණතාව හඳුනාගෙන, විශ්වාසය ශක්තිමත් කරගනිමින්, එක්ව ක්‍රියා කළ යුතුයැයි පැවසීය. ගෝලීය සංවර්ධනය ප්‍රවර්ධනය කිරීමට හැකි සෑම උත්සාහයක්ම ගනිමින් එක්ව ක්‍රියා කළ යුතු බව අවධාරණය කළ ජනාධිපතිවරයා සමබර, සම්බන්ධීකරණ, මෙන්ම ජයග්‍රාහී සහයෝගීතාව සහ පොදු සමෘද්ධිය පදනම් කර ගත් සංවර්ධන රටාව නිර්මාණය කළ යුතුයැයි පෙන්වා දුන්නේය.විවිධ රටවල ජනතාව යහපත් ජීවිතයක් ගත කළහොත් පමණක් සමෘද්ධිය තිරසර ලෙස පවතින අතර ආරක්ෂාව සහතික කළ හැකි අතර මානව හිමිකම්වලට පදනමක් ඇති විය හැකි බව ෂී ජින් පිං
මහතා පෙන්වා දී තිබේ.සංවර්ධිත රටවල් සිය වගකීම් හා යුතුකම් සාක්ෂාත් කරගත යුතු ය. එසේම, සංවර්ධනය වෙමින් පවතින රටවල් අතර සහයෝගිතා තහවුරු කළ යුතු ය.

එකමුතුවෙන් යුත්, සාධාරණ, සමබර, පුළුල් වාසි සහගත ගෝලීය සංවර්ධන හවුල්කාරීත්වය පොදුවේ ගොඩනැංවිය යුතු ය. එහිදී කිසිදු රටක් හෝ කිසිදු පුද්ගලයෙකු බැහැර නොකළ යුතු ය. චීනය ගෝලීය සංවර්ධන සහයෝගිතා සඳහා වන සම්පත් පුළුල් කරනු ඇති බව ද ෂී ජින් පිං මහතා පෙන්වා දෙයි. ප්‍රායෝගික පියවර යොදා ගනිමින්, එක්සත් ජාතීන්ගේ 2030 වසරේ තිරසර සංවර්ධන න්‍යාය පත්‍රයට අඛණ්ඩ ව සහායක් දක්වනු ඇති බව ද චීන ජනාධිපතිවරයා එහිදී වැඩිදුරටත් සඳහන් කර තිබේ.

The post එකමුතුවෙන් යුත්, සාධාරණ, සමබර, පුළුල් වාසි සහගත ගෝලීය සංවර්ධන හවුල්කාරීත්වය පොදුවේ ගොඩනැංවිය යුතු යැයි චීන ජනපති කියයි appeared first on ITN News.

තවත් යුධ ආධාර තොගයක් යුක්රේනයට ලබාදීමට ඇමෙරිකාව පියවර ගෙන තිබෙනවා.

අති නවීන කාලතුවක්කු, රොකට් පද්ධති ඇතුළු යුද ආධාර මෙසේ ලබා දුන්නා. එමෙන්ම කාලතුවක්කු උණ්ඩ දහස් ගණනක් යුක්රේනයට ලබා දුන් යුද ආධාර අතර පවතිනවා. මීට අමතරව ඇමෙරිකා ඩොලර් මිලියන 450 ක මූල්‍ය ආධාරයක්ද යුක්රේනයට ලබා දුන් බවයි ධවල මන්දිර ප්‍රකාශකයෙකු කියා සිටියේ. මේ වන විට ඇමෙරිකාව යුක්රේනයට ලබා දී ඇති ආධාරවල වටිනාකම ඩොලර් බිලියන හතකට ආසන්නයි.

The post ඇමරිකාවෙන් යුක්රේනයට තවත් යුධ ආධාර තොගයක් appeared first on ITN News.

යුක්රේනය ආක්‍රමණය කිරීමට රුසියාව ගත් උත්සාහය ගෝලීය අර්බුදය හමුවේ තමන් ශක්තිමත් වීමට රුසියාව ගත් උත්සාහයක් බව විදෙස් මාධ්‍ය පෙන්වා දෙනවා.

ලොව සෑම රටක්ම පාහේ අද වන විට අර්බුදවලට මුහුණ දී සිටිනවා. ඒ අනුව රටවල් රැසකම මුදල් ඒකකවල අගය ඇමෙරිකා ඩොලරයට සාපේක්ෂව පහත වැටී තිබෙනවා. එහෙත් රුසියාවේ භාවිත කරන රූබල් ඒකකයේ අගය එලෙස දරුණු ලෙස පහත වැටීමක් සිදුව නැති බවයි විදෙස් මාධ්‍ය සඳහන් කරන්නේ. යුක්රේන අර්බුදයේදී ඇමෙරිකාව ඇතුළු රටවල් රැසක්ම රුසියාවට සම්බාධක පනවා තිබියදීත් රූබලය ශක්තිමත්ව පවතිනවා. රුසියාව හදිසියේ හදුන්වා දුන් ප්‍රතිපත්ති තුනක් හේතුවෙන් තම මුදල් ඒකකය ස්ථාවරව පවත්වා ගැනීමට රුසියාවට හැකි වි ඇති බවයි විචාරකයින් පවසන්නේ. මේ අනුව යුක්රේන ආක්‍රමණය රුසියාව තවත් ශක්තිමත් වීමට ගත් ක්‍රියාමාර්ගයක් බව ඔවුන් පෙන්වා දෙනවා.

The post යුක්රේන ආක්‍රමණය රුසියාව තවත් ශක්තිමත් වීමට ගත් ක්‍රියාමාර්ගයක් appeared first on ITN News.

පෙට්‍රල් මෙට්‍රික් ටොන් හතලිස් දහසක් රැගෙන අද දිනයේ මෙරට මුහුදු සීමාවට ළඟා වීමට නියමිතව තිබූ නෞකාව තවදුරටත් ප්‍රමාද වන බව විදුබල සහ බලශක්ති අමාත්‍ය කංචන විජේසේකර මහතා ට්විටර් පණිවිඩයක් නිකුත් කරමින් සඳහන් කරනවා.

නෞකාව පැමිනෙණ දිනය පසුව තහවුරු කරන බවයි අමාත්‍යවරයා කියා සිටින්නේ.

The post පෙට්‍රල් නෞකාව තවදුරටත් ප්‍රමාදයි appeared first on ITN News.

කුමාර වෙල්ගම මහතා ප්‍රවාහන අමාත්‍යවරයා ලෙස කටයුතු කළ අවධියේදී ලංකා ගමනාගමන මණ්ඩලය තුළ නොමැති තනතුරක් නිර්මාණය කර රජයට පාඩු සිදුකළ බවට ගොනු කර ඇති නඩුවෙන් ඒ මහතා නිදහස් කරන ලෙස කොළඹ මහේස්ත්‍රාත් අධිකරණය නියම කළා.

අල්ලස් කොමිසම ගොනුකළ මෙම නඩුව විභාග කෙරුණේ කොළඹ ප්‍රධාන මහේස්ත්‍රාත් නන්දන අමරසිංහ මහතා හමුවේයි. කුමාර වෙල්ගම මහතා මීට පෙර පැවති නඩු විභාගයේදී මූලික විරෝධතාවක් මතුකරමින් මෙම නඩුව පැවරීමේදී අල්ලස් කොමිසමේ කොමසාරිස්වරුන් තුන් දෙනාගෙන් ලිඛිත අනුමැතිය ඉදිරිපත් කර නැති බැවින් නඩුව පවරාගෙන යාමට නොහැකි බවට විරෝධතා මතු කෙරුණා. ඒ අනුව අදාළ විරෝධතාව මත අල්ලස් කොමිසම යළි නඩුපැවරීමේ අයිතිය රඳවා ගනමින් එය ඉල්ලා අස්කර ගන්නා බව දැනුම් දුන්නා.  අදාළ නඩුව ඉල්ලා අස්කර ගැනීමට අල්ලස් කොමිසමට අවසර දුන් අධිකරණය අනතුරුව කුමාර වෙල්ගම මහතා නිදහස් කළා.

The post කුමාර වෙල්ගම අල්ලස් නඩුවෙන් නිදහස් appeared first on ITN News.

චීන මාධ්‍ය සමූහයේ CGTN නාලිකාව සහ“ ගුවංතුං-හොංකොං-මැකව් මහ බොක්ක කලාපීය හඬ”එෆ්.එම්. නාලිකාව, හොංකොංහි විකාශය කෙරේ.

හොංකොං මව්රටට එක්වීමේ 25 වැනි සංවත්සරය නිමිතිකරගෙන එම නාලිකා දෙක ලබන ජුලි පළමුදා සිට විකාශය කෙරේ. ඒ සඳහා අද (24) හොංකොං සහ බෙයිජිංහි වෙන්වෙන්ව විශේෂ උත්සව පැවැත්විණ. හොංකොං විශේෂ පරිපාලන කලාපීය විධායක Carrie Lam Cheng මහත්මිය හා චීන මාධ්‍ය සමූහයේ අධ්‍යක්ෂජනරාල් Shen Haixiong මහතා ඇතුළු නිලධාරීහු රැසක් ඊට එක්වූහ.

හොංකොං ආපසු චීනයට එක්ව එක්රටක් ක්‍රම දෙකක්  ප්‍රතිපත්ති අනුගමනය කරමින් සෙසු ප්‍රදේශ සමග මව් රටේ සංවර්ධනය වෙනුවෙන් විශාල කාර්යභාරයක් ඉටුකර ඇතැයි Carrie Lam Cheng මහත්මිය වීඩියෝ ආකාරයෙන් දෙශනයක් පවත්වමින් කියාසිටියාය. චීන මාධ්‍ය සමූහයේ CGTN නාලිකාව සහ“ ගුවංතුං-හොංකොං-මැකව් මහ බොක්ක කලාපීය හඬ”එෆ්.එම්. නාලිකාව, හොංකොං විශේෂ පරිපාලන කලාපයේ විකාශය කිරීම, හොංකොං වැසියන් සඳහා මව් රටේ නවතම සංවර්ධනය පිළිබඳ දැනගැනීමේ මනාමාර්ගයක් නිර්මාණය කරනු ඇතැයිද ඇය වැඩිදුරටත් සඳහන්කළාය.

චීන මාධ්‍ය සමූහයේඅධ්‍යක්ෂජනරාල් Shen Haixiong මහතා උත්සවයේදී දේශනයක්ද පැවැත්විය.චීන ජනාධිපති ෂීජින්පිං මහතා හොංකොං වැසියන්ගේ සැපදුක මෙන්ම හොංකොංහි දිගුකාලීන සංවර්ධනය හා සමෘද්ධිය පිළිබඳව සැමවිටම අවධානයෙන් සිටින බව ඔහු පැවසීය. චීන මාධ්‍ය සමූහය ෂීජින්පිං ජනාධිපතිවරයාගේ උපදෙස් අනුව හොංකොං වැසියන්ට මධ්‍යම රජයේ හඬට සවන්දීමට පුළුල් අවකාශ ලබාදෙමින් නවයුග‍යේ හොංකොංහි සංවර්ධනය මැනවින් ප්‍රරචාරය කරන බව ඔහු වැඩිදුරටත් කියාසිටියේය.

The post CGTN නාලිකාව සහ“ගුවංතුං-හොංකොං-මැකව් මහ බොක්ක කලාපීය හඬ”එෆ්.එම්. නාලිකාව, හොංකොංහි විකාශය කෙරේ appeared first on ITN News.

සතොස ආයතනයේ සේවකයින් දේශපාලන කටයුතුවල යොදා ගැනිමෙන් රජයට පාඩු සිදුකළ බවට චෝදනා එල්ල වී ඇති  හිටපු අමාත්‍ය ජොන්ස්ටන් ප්‍රනාන්දු මහතාට ලබන 4 වනදා අධිකරණය හමුවේ පෙනී සිටින්නැයි සිතාසි නිකුත් කෙරුණා.

ජොන්ස්ටන් ප්‍රනාන්දු මහතා ඇතුළු විත්තිකරුවන් තුන්දෙනෙකුට මෙසේ අධිකරණය හමුවේ පෙනී සිටින ලෙසටයි කොළඹ මහාධිකරණය සිතාසි නිකුත් කර ඇත්තේ. අදාළ විත්තිකරුවන්ට එරෙහිව අල්ලස් කොමිසම ගොනුකර ඇති චෝදනා පත්‍ර සලකා බැලීමෙන් අනතුරුව මෙම තීන්දුව ගෙන තිබෙනවා. ජොන්ස්ටන් ප්‍රනාන්දු මහතා වෙළෙඳ අමාත්‍යවරයා ලෙස කටයුතු කළ අවධියේදී සතොස ආයතනයේ සේවකයින් ඔවුන්ගේ නීත්‍යානුකූල රාජකාරීවලින් ඉවත් කොට දේශපාලන කටයුතුවල යෙදවීම තුළින් රජයට අලාභයක් සිදුකර ඇති බවට චෝදනා එල්ලවනවා.

The post ජොන්ස්ටන් ඇතුළු තිදෙනෙකුට මහාධිකරණයෙන් සිතාසි appeared first on ITN News.

ලබන 6 වනදා තෙක් ගෑස් පෝලිම්වල රැදී නොසිටින ලෙස ලිට්‍රෝ සමාගම දැනුම් දෙනවා. මේ අතර පෙට්‍රල් මෙට්‍රික් ටොන් හතලිස් දහසක් රැගත් නෞකාවක් අද දිනයේදී මෙරටට ළගා වීමට නියමිතයි.

ලබන 5 වනදාත් 12 වනදාත් අතර කාලය තුළ ගෑස් මෙට්‍රික් ටොන් 3500ක් රැගත් නෞකා දෙකක් දිවයිනට ළගා වීමට නියමිත බව ලිට්‍රෝ සමාගම පවසනවා.

එතෙක් ගෑස් පෝලිම්වල රැදී නොසිටින ලෙසයි එම සමාගම ඉල්ලා සිටින්නේ. ලබන 10 වනදා සහ 15 වනදා අතර තුර ගෑස් මෙට්‍රික් ටොන් 25,000 ක් රැගත් විශාල නෞකාවක් පැමිණීමට නියමිත බවද ලිට්‍රෝ සමාගම පවසනවා.

The post ලබන 6 වනදා තෙක් ගෑස් පෝලිම්වල ඉන්න එපා appeared first on ITN News.

අඩු ආදායම්ලාභීන් සදහා වියළි ආහාර ලබා දීමේ වැඩසටහනක් පොළොන්නරුව දිස්ත්‍රික් ලේකම්වරයාගේ මූලිකත්වයෙන් ආරම්භ කෙරුණා.

වැලිකන්ද දිඹුලාන පැරකුම්යාය, සිංහපුර,  සූරියවැව, මහවැලිතැන්න මාගම්තොට යන ගම්මානවල අඩු ආදායම්ලාභීන් සදහා මෙසේ වියළි ආහාර පාර්සල් ලබා දීමසිදු කෙරුණා.

ඒ පොළොන්නරුව දිස්ත්‍රික් ලේකම් ඩබ්ලිව් ඒ ධර්මසිරි මහතාගේ ප්‍රධානත්වයෙන්.

දැඩි ආර්ථික දරිද්‍රතාවයෙන් පෙළෙන ජනතාව වෙනුවෙන් මෙම ආහාර ද්‍රව්‍ය බෙදා දීම සිදු කෙරුණා. ඔවුන් ජීවත්වන නිවෙස් වෙතම ගොස් ආධාර ලබාදීම විශේෂත්වයක්.

The post පොළොන්නරුවේ අඩු ආදායම්ලාභීන් සඳහා වියළි ආහාර appeared first on ITN News.

රත්නපුරේ නවතම මැණික් ඉඩම් මංකොල්ලයක් පිළිබද වාර්තා වනවා.

රත්නපුර දිස්ත්‍රික්කයේ රජයේ වතු සමාගම්වලට අයත් මැණික් බහුලව තිබෙන ඉඩම්වලට බලහත්කාරයෙන් පැමිණෙන පිරිස් මෙසේ සංවිධානාත්මකව මැණික් ගැරීමේ නිරත වනවා. බලංගොඩ වැවිලි සමාගමට අයත් ගලතුර වතුයායේ කම්කරුවන් හා වතු අධිකාරීවරයා මෙම ජාවාරම පිළිබද තොරතුරු හෙළි කලා.

ගලතුර වතුයායේ අයගම කන්දේගම කොටසේ ඵලදාව ලබන අක්කර 4ක පමණ පොල් ඉඩමකට පුද්ගලයන් පිරිසක් බලහත්කාරයෙන් ඇතුළුවී තිබෙනවා. ඔවුන් සේවකයන්ට තර්ජනය කර බලහත්කාරයෙන් වාඩි සාදාගෙන මැණික් ගැරීමට පියවර ගනිමින් සිටිනවා.

The post රත්නපුරේ මැණික් ඉඩම් මංකොල්ලයක් appeared first on ITN News.

අයගම කිරිඇල්ල මාර්ගයේ බස් රථයක් ගිලා බැසීමට ලක්වීමෙන් පාසල් සිසුන් ඇතුළු විශාල පිරිසක් අපහසුතාවට පත් වුණා.

අයගම කිරිඇල්ල මාර්ගයේ පහළ ගලතුර එකේ කණුව ප්‍රදේශයේදී ඇගළුම් සේවිකාවන් ප්‍රවාහනය කරමින් තිබූ බස් රථයක් මාර්ගයේ ගිලා බැසීමට ලක්වීමෙන් ප්‍රවාහන කටයුතු මුළුමනින්ම අඩාල වුනා.

මේ හේතුවෙන් පාසල් සිසුන් මෙන්ම රැකියා සදහා ගමන් කරමින් සිටි පිරිස්ද දැඩි අසීරුතාවකටයි පත් වුණේ. මෙම මාර්ගය සංවර්ධනය කිරීම සදහා අඩි හයක් පමණ උසට පස් දමා තිබූ අතර ප්‍රමිතියෙන් තොරව මාර්ගයේ කැණීම් ද සිදුකර තිබූ බවයි ප්‍රදේශවාසීන් පවසන්නේ.

සංවර්ධන කටයුතු අතරමග නතර කිරීම හේතුවෙන් මෙම ප්‍රවාහන දුෂ්කරතා ඇති වී තිබෙන බවයි ප්‍රදේශවාසීන් වැඩිදුරටත් පෙන්වා දෙන්නේ.

The post බස් රථයක් ගිලා බැසීමෙන් පාසල් සිසුන් ඇතුළු විශාල පිරිසක් අපහසුතාවට appeared first on ITN News.

ඖෂධ හිගයට හේතුව පසුගිය කාලය තුළ හිටපු මහ බැංකු අධිපති අජිත් නිවාඩ් කබ්රාල් මහතා අවශ්‍ය ඩොලර් ලබා නොදීම බව පාර්ලිමේන්තු මන්ත්‍රී චන්න ජයසුමන මහතා ප්‍රකාශ කළා.

ඖෂධ ගැටලුව පිළිබද පාර්ලිමේන්තුවේ පැවති කල් තැබීමේ විවාදයට එක්වෙමිනුයි මන්ත්‍රීවරයා මේ බව ප්‍රකාශ කළේ.

The post ඖෂධ හිඟයට හේතුව හිටපු මහ බැංකු අධිපති ඩොලර් ලබා නොදීමයි appeared first on ITN News.

හක්කපටස් කෑම නිසා සාමාන්‍යයෙන් අසන්නට ලැබෙන්නේ අලි ඇතුන් මිය යන පුවත්. හක්ක පටස් කා සුනඛයන් දෙදෙනෙකු මියගිය පුවතක් බදුල්ල දෙමෝදර ප්‍රදේශයෙන් වාර්තා වනවා.

සතුන් දඩයම් කිරීම සදහා යොදන හක්ක පටස් ආහාරයට ගැනීමෙන් මුඛය පුපුරා සුනඛයන් දෙදෙනෙකු මියගොස් තිබෙනවා. හක්ක පටස් භාවිත කර වන සතුන් දඩයම් කිරීම දෙමෝදර නෙදර්විල ප්‍රදේශයේ නිරන්තරයෙන්ම සිදු වන බවයි අප වාර්තාකරුවන් පවසන්නේ. ඊයේ දිනයේදී මෙලෙස හක්කපටස් කෑමෙන් සුනඛයන් දෙදෙනෙකු මිය ගියා.

මෙම ප්‍රදේශයට ආසන්නව ක්‍රීඩා පිටියක්ද පවතින අතර දරුවන් සෙල්ලම් කරන අතරතුර විසිවන බෝල ඇහිදීමට කැළයට යන බැවින් මෙය ඉතාමත් අවදානම් සහිත බව ප්‍රදේශවාසීන් පවසනවා. මෙම නීතිවිරෝධී ජාවාරම නැවැත්වීමට වගකිවයුත්තන්ගේ අවධානය යොමු විය යුතු බවද ඔවුන් සදහන් කරනවා.

The post හක්ක පටස් කා සුනඛයන් දෙදෙනෙකු මිය යයි appeared first on ITN News.

භූ කම්පනයෙන් සිදු වූ විශාල හානියත් සමග තම රටට සහාය දැක්වීමට එක්වන්නැයි ඇෆ්ගන් රජය ජාත්‍යන්තර ප්‍රජාවගෙන් ඉල්ලා සිටිනවා.

ඊයේ සිදු වූ මෙම භූ කම්පනයෙන් දහසකට අධික පිරිසක් මිය ගියා.

ඇෆ්ගනිස්ථානයේ ඊයේ සිදු වූ මෙම භූ කම්පනය රිච්ටර් මාපකයේ සටහන් වූයේ හයයි දශම එකක් ලෙසයි. ඉන් දහසකට අධික පිරිසක් මියගොස් 1500 කට අධික පිරිසක් තුවාල ලබා තිබෙනවා. නිවාස සහ පස් කදු කඩාවැටීමෙන් වැළලුනු පිරිස කොතෙක්ද යන්න මෙතෙක් ගණන් බලා නැහැ.

මෙම විනාශයත් සමග ඇෆ්ගන් රජය ජාත්‍යන්තරයෙන් ඉල්ලා සිටින්නේ ජනතාවට සහන සැලසීම සදහා තමන්ට සහාය වන ලෙසයි.

The post භූ කම්පනයෙන් පසු ඇෆ්ගන් රජය ජාත්‍යන්තර ප්‍රජාවගෙන් සහය ඉල්ලයි appeared first on ITN News.

2022 යල කන්නයේ  ගොවීන් සඳහා ඉන්ධන නිකූත් කිරිමේ වැඩ සටහන යටතේ දිවයින පුරා ඉන්ධන හල් 247කින් පහසුකම් සැලසීමට කටයුතු කළ බව කෘෂිකර්ම අමාත්‍ය මහින්ද අමරවීර මහතා පවසනවා.

ඊයේ පස්වරුවේ කෘෂි පර්යේෂණ නිලධාරින්ගේ සංගමයේ නියෝජිතයින් පිරිසක් සමග සාකච්ඡා කළ අමාත්‍යවරයා මීලඟ  මහ කන්නයේ දී අප රටේ සියලුම කුඹුරු අස්වැද්දීම සඳහා ගොවි ජනතාව උනන්දු කරවීමේ  වගකීම කෘෂි පර්යේෂණ නිලධාරින් බාර ගත යුතු බව අමාත්‍යවරයා  සඳහන් කළා.

මෙවර යල කන්නය කුඹුරු වගා කිරීම සඳහා  ගොවි ජනතාව මුහුණ දුන් ප්‍රධානම ගැටළුව වුයේ ඉන්ධන හිඟයයි. නමුත් රජය සමග සාකච්ඡා කර ගොවීන්ට වගාව සඳහා අවශ්‍ය ඉන්ධන සැපයීම සඳහා දිවයින පුරා පිහිටි ඉන්ධනහල්  247ක් නම් කර ඒ මගින් ගොවින්ට අවශ්‍ය ඉන්ධන ලබා දීමට පියවර ගනු ලැබුුුවා.

ජූනි මාස මුල් සතියේ මෙරට වගා කර තිබු කුඹුරු ප්‍රමාණය හෙක්ටෙයාර් 238,000ක්. ඒ මට්ටම අපේක්ෂිත ඉළක්කයෙන් සියයට 38ක් පමණ වුුුනා.

නමුත් සති තුනකට ආසන්න කාලයක් තුළ වගා කරන ලද කුඹුරු ප්‍රමාණය හෙක්ටෙයාර් 473,000 ඉක්මවා ගොස් ‌ තිබෙනවා.   ඒය අපේක්ෂිත ඉළක්කයෙන්  90% ඉක්මවා ගොස් තිබෙනවා.

කෙසේ වුවද මීලඟ  මාස කන්නය තුළ අප රටේ  සියලුම කුඹුරු අස්වැද්දීම  කෘෂිකර්ම අමාත්‍යාංශයේ ඉළක්කයයි.

ඒ සඳහා සියලුම කෘෂි පර්යේෂණ නිලධාරින් වීසින් කැපවී කටයුතු කළ යුතු බව අමාත්‍යවරයා සදහන් කළා.  2022 – 23 මාස් කන්නයෙන් පසුව රට තුළ පුරන් කුඹුරු යනුවෙන් ඉඩම් විශේෂයක් රට තුළ නොතිබිය යුතුයි.

ඒ සඳහා  සියලුම වගකීම් කෘෂි පර්යේෂණ නිලධාරින් බාර ගත යුතු යැයි ද අමාත්‍යවරයා සඳහන් කළා.

මෙම සාකච්ඡාවට ගොවි ජන සංවර්ධන දෙපාර්තමේන්තුවේ නිලධාරින් ද සහභාගි වූණා.

The post යල කන්නය වෙනුවෙන් ගොවීන්ට ඉන්ධන නිකුත් කිරීමට දිවයින පුරා ඉන්ධනහල් 247ක් appeared first on ITN News.

අතුරු අය වැය ලබන අගෝස්තු මාසයේදීත් ලබන වසර(2023) සදහා වන අය වැය නොවැම්බර් මාසයේදීත් ගෙන එන බව අග්‍රාමාත්‍ය රනිල් වික්‍රමසිංහ මහතා අද පාර්ලිමේන්තුවේදී ප්‍රකාශ කළා.

The post අතුරු අය වැය අගෝස්තුවේ – 2023 වසර සඳහා අය වැය නොවැම්බරයේ appeared first on ITN News.

වකුගඩු රෝගින්ට ලබාදෙන ඊපීඕ එන්නත් දස දහසක් ශ්‍රී ලංකාවේ තායිලන්ත තානාපති පොප් හන්පොල් මහතා සෞඛ්‍ය අධ්‍යක්ෂ ජෙනරාල්වරයා වෙත භාර දුන්නා.

රක්ත හීනතාවයෙන් පෙළෙන වකුගඩු රෝගීන් සදහා ලබාදෙන ඊපීඕ එන්නත් දස දහසක් ලබාදීම වෙනුවෙන් වැය කර ඇති මුදල රුපියල් මිලියන 40 ක්. ඉන්සි සිමෙන්ති ආයතනයේ අනුග්‍රහයෙන් ලබා දුන් එම එන්නත් තොගය සෞඛ්‍ය අධ්‍යක්ෂ ජෙනරාල් විශේෂඥ වෛද්‍ය අසේල ගුණවර්ධණ මහතා වෙත භාරදීම සිදුවුණේ ශ්‍රී ලංකාවේ තායිලන්ත තානාපති පොප් හන්පොල් මහතාගේ ප්‍රධානත්වයෙන්.

The post වකුගඩු රෝගින්ට ලබාදෙන EPO එන්නත් දස දහසක පරිත්‍යාගයක් appeared first on ITN News.

කළුතර බන්ධනාගාරයට මත්ද්‍රව්‍ය හා ජංගම දුරකතන සූක්ෂම ලෙස රැගෙන යාමට උත්සාහ දැරූ පුද්ගලයෙකු කළුතර කොට්ඨාස අපරාධ විමර්ශන අංශය මගින් අත්අඩංගුවට ගෙන තිබෙනවා.

ගාල්ල ප්‍රදේශයේ පදිංචි සැකකරු කළුතර කලහමුල්ල ප්‍රදේශයේ තාවකාලික පදිංචිකරුවකු වනු ඔහු කළුතර මහේස්ත්‍රාත් අධිකරණයට ඉදිරිපියදී සැකකටයුතු ලෙස හැසිරීම හේතුවෙන් පොලීසිය ඔහු පරික්ෂාවට ලක් කළා.

එහිදී දෙපාවල සූක්ෂම ලෙස සගවා තිබූ හෙරොයින් ග්‍රෑම් 6 ක් කේරල ගංජා සහ දුම්කොල මෙන්ම ජංගම දුරකතන දෙකක් ද සොයා ගැනුණා.

සැකකරු එම ජංගම දුරකතන හා මත්ද්‍රව්‍ය කළුතර බන්ධනාගාර භාරයේ රදවා සිටින ප්‍රධාන පෙලේ මත්ද්‍රව්‍ය ජාවාරම්කරුවෙකුට ලබාදීම සදහා රැගෙනවිත් ඇති බවයි මූලික පරික්ෂණවලදී හෙලි වුණේ.

The post මත්ද්‍රව්‍ය හා ජංගම දුරකතන බන්ධනාගාරයට ගෙනියන්න තැත් කළ අයෙකු අත්අඩංගුවට appeared first on ITN News.

ප්‍රකට ව්‍යාපාරිකයෙකු වූ  ධම්මික පෙරේරා මහතා පාර්ලිමේන්තු මන්ත්‍රීවරයෙකු ලෙස අද දිවුරුම් දීමට නියමිතයි. පාර්ලිමේන්තුව අද පෙරවරු 10.00 ට රැස්වීමෙන් අනතුරුවයි ඔහු මෙසේ දිවුරුම්දීමට නියමිතව ඇත්තේ.

ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීවරයෙකු ලෙස ධම්මික පෙරේරා මහතා කතානායක මහින්ද යාපා අබේවර්ධන මහතා ඉදිරියේ අද දිවුරුම්දීමට නියමිතයි. ඔහු මන්ත්‍රීවරයෙකු ලෙස පත් කිරීම අභියෝගයට ලක් කරමින් ගොනු කර තිබූ පෙත්සම් පහක් විභාගයට නොගෙන ප්‍රතික්ෂේප කිරීමට ශ්‍රේෂ්ඨාධිකරණය ඊයේ තීරණය කළා.

මුදල් අමාත්‍ය බැසිල් රාජපක්ෂ මහතා ඉල්ලා අස්වීමෙන් පුරප්පාඩු වූ ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීධූරය සදහායි ධම්මික පෙරේරා මහතා පත් කිරීමට තීරණය කෙරුණේ. මේ අතර මෙම සතියේ අද දිනයේදී පමණක් පාර්ලිමේන්තුව රැස්වීමට තීරණය කර තිබෙනවා. යළි පාර්ලිමේන්තුව රැස්වන්නේ ජුලි මස 4 වන සදුදායි.

The post ධම්මික පෙරේරා අද දිවුරුම් දෙයි appeared first on ITN News.

ඇමෙරිකාවේ සුපිරි ප්‍රහසන නළු බිලී කෝස්බි අතවර චෝදනාවකට වරදකරු වී තිබෙනවා. කැලිෆෝනියා අධිකරණය විසින් ඔහුට අදාළ චෝදනා සම්බන්ධ නඩු විභාගය පැවැත්වූවා.

1975 වසරේදී එවකට 16 හැවිරිදි වියේ පසු වූ දැරියකට ඔහු අතවර කර ඇති බවටයි චෝදනා එල්ල වුණේ. ජූඩි හූත් නමැති ඇය මේ වන විට 64 වන වියේ පසුවනවා. කෝස්බි පසුවන්නේ 84 වන වියේයි. 2018 වසරේදී ද බිලී කෝස්බි වෙනත් චෝදනාවකට සිරගතව තිබූ අතර ඔහු නිදහස් වුණේ පසුගිය වසරේදීයි.

The post සුපිරි ප්‍රහසන නළු බිලී අතවර චෝදනාවකට වරදකරු වෙයි appeared first on ITN News.

චීනයේ දකුණු දිග ප්‍රදේශයට බලපා ඇති ගංවතුර හේතුවෙන් ලක්ෂ සංඛ්‍යාත පිරිසක් ඉවත් කර තිබෙනවා. නොනැවතී ඇද හැලෙන අධික වර්ෂාව හේතුවෙන් ගංවතුර හා නායයාම් බොහෝ ප්‍රදේශවලින් වාර්තා වනවා.

වසර 50 කට පසු ඉහළම ගංවතුර මට්ටම මෙය බවයි චීන වාර්තා සදහන් කරන්නේ. ඇතැම් මෝටර් රථ ජලයෙන් ගසාගෙන යන ආකාරය ද දැක ගත හැකියි.

1961 වසරෙන් පසු දකුණු දිග චීනයට ලැබුණු වැඩිම වර්ෂාපතනය ද මෙයයි. දිස්ත්‍රික් 9 ක පුද්ගලයින් හාරලක්ෂ අසූ පන්දහසක් පීඩාවට පත්ව සිටිනවා.

The post දකුණු දිග චීනයට ගංවතුර – ලක්ෂ සංඛ්‍යාත පිරිසක් ඉවත් කරයි appeared first on ITN News.

ගත වූ පැය 24 ට ලොව පුරා රටවල් 228 කින් හමු වී ඇති කොරෝනා වයිරස ආසාදිතයින් සංඛ්‍යාව ලක්ෂ 03 ඉක්මවා තිබෙනවා. සිදුව ඇති මරණ සංඛ්‍යාව 727 ක්.

ඊයේ දිනයේදී වැඩිම කොරෝනා ආසාදිතයින් සංඛ්‍යාවක් හමුවී ඇත්තේ බ්‍රසීලයෙන්. එම සංඛ්‍යාව පනස් දෙදහසකට ආසන්නයි. එමෙන්ම තායිවානයෙන් තිස් පන් දහසක්, ඇමෙරිකාවෙන් විසි දෙදහසක් හා ඕස්ට්‍රේලියාවෙන් විසි දහසක් ලෙස වෛයිරස ආසාදිතයින් හමුව තිබෙනවා.

ඊයේ දිනයේදී සිදුව ඇති වැඩිම කොරෝනා මරණ සංඛ්‍යාව වන 144 වාර්තා වන්නේ තායිවානනේ. ඒ සමගම ලොව පුරා සමස්ත කොරෝනා මරණ සංඛ්‍යාව හැට තුන් ලක්ෂ හතලිස් දෙදහසකට ආසන්න වනවා. හමු වී ඇති වයිරස ආසාදිතයින් සංඛ්‍යාව පනස් හතර කෝටි හතලිස් අට ලක්ෂ පනස් දහසකට අධිකයි.

The post පැය 24 ක් තුළ ලොව පුරා රටවල් 228 කින් ලක්ෂ 03 ඉක්මවා නව කොරෝනා ආසාදිතයින් appeared first on ITN News.

රත්නපුර, කළුතර, ගාල්ල සහ මාතර දිස්ත්‍රික්කවල විටින් විට වැසි ඇති වන අතර වයඹ පළාතේත් ගම්පහ, කොළඹ, මහනුවර, නුවරඑළිය සහ කෑගල්ල දිස්ත්‍රික්කවලත් වැසි වාර කිහිපයක් ඇතිවේ. යාපනය දිස්ත්‍රික්කයේද වැසි ස්වල්පයක් ඇතිවිය හැකියි.

ඌව පළාතේත් අම්පාර සහ මඩකලපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති වනවා.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටියි.

ඉදිරි පැය 24 ට දිවයින වටා වන මුහුදු ප්‍රදේශ සඳහා කාලගුණ අනාවැකිය

වැසි තත්ත්වය:  පුත්තලම සිට කොළඹ සහ ගාල්ල හරහා මාතර දක්වා වෙරළට ඔබ්බෙන් වන මුහුදු ප්‍රදේශවලතැනින් තැන වැසි හෝ ගිගුරුම් සහිත වැසි ඇති වනවා. පුත්තලම සිට මන්නාරම හරහා කන්කසන්තුරය දක්වා වෙරළට ඔබ්බෙන් වන මුහුදු ප්‍රදේශවල වැසි ස්වල්පයක් ඇතිවිය හැකියි.

සුළඟ:  දිවයින වටා වන මුහුදු ප්‍රදේශවල සුළං නිරිත දෙසින් හමා එයි. සුළගේ වේගය පැ.කි.මී. (20-40) පමණ වේ. පුත්තලම සිට මන්නාරම හරහා කන්කසන්තුරය දක්වා සහ මාතර සිටහම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී. (45-50) දක්වා වැඩි විය හැකියි.

මුහුදේ ස්වභාවය: පුත්තලම සිට මන්නාරම හරහා කන්කසන්තුරය දක්වා වෙරළට ඔබ්බෙන් වන මුහුදු ප්‍රදේශවල සහ මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවිටින් විට තරමක් රළු වේ.සෙසු මුහුදු ප්‍රදේශ මද වශයෙන් රළු වේ.

The post අද කාලගුණය : ප්‍රදේශ කිහිපයකට විටින් විට වැසි appeared first on ITN News.

උතුරු නැගෙනහිර නොගැඹුරු මුහුදු තීරය ආශ්‍රිතව අපනයනය සඳහා මුහුදු කූඩැල්ලන් නිෂ්පාදන ගම්මාන ආරම්භ කිරීමට කැබිනට් අනුමැතිය ලැබී තිබෙනවා.

ස්වභාවික මුහුදු පරිසරයෙන් නෙලාගන්නා මුහුදු කූඩැල්ලන් අපනයනයෙන් මෙරටට සැළකිය යුතු විදේශ විනිමය උපයා ගැනීමට හැකි වී තිබෙනවා. එය තවදුරටත් ඉහළ නංවාගැනීම අරමුණු කරගනිමින් යාපනය මන්නාරම කිලිනොච්චිය හා මඩකලපුව යන දිස්ත්‍රික්කවල කූඩැල්ලන් අපනයන ගම්මාන පිහිටුවීමටයි රජය තීරණය කර ඇත්තේ. ඒ සදහා අක්කර 5000 ක් හදුනාගෙන ඇති අතර අක්කර 100 ක මුහුදු කූඩැල්ලන් ගොවිපල ආරම්භ කෙරෙනු ඇති.ඒ සම්බන්ධයෙන් වූ යෝජනාවට අනුමැතිය හිමි වුණා.

The post අපනයනය සඳහා මුහුදු කූඩැල්ලන් නිෂ්පාදන ගම්මාන ආරම්භ කිරීමට කැබිනට් අනුමැතිය appeared first on ITN News.

විදේශ රැකියා අවස්ථා සඳහා විදේශ ගමන් බලපත්‍ර හෝ මුදල් ලබාදීමට පෙර ඕනෑම ආයතනයක නීත්‍යානුකූලභාවය පිළිබඳව අවධානයෙන් පසුවන ලෙස ශ්‍රී ලංකා විදේශ සේවා නියුක්ති කාර්යාංශය මහජනතාවට විශේෂ නිවේදනයක් නිකුත් කර තිබෙනවා.

සියලුම අනුමත විදේශ රැකියා නියෝජිතායතන සහ දැනට ඔවුන් සතුව ඇති රැකියා දීමනා පිළිබඳ තොරතුරු SLBFE වෙබ් අඩවියේ යාවත්කාලීන කර ඇති බව ද කාර්යාංශය අවධාරණය කරයි.

රුමේනියාව, ඊශ්‍රායලය, ජපානය සහ දකුණු කොරියාව වැනි රටවල රැකියා අවස්ථා සම්බන්ධයෙන් ව්‍යාජ දැන්වීම් පළ කර වංචනික ක්‍රියා සම්බන්ධයෙන් පැමිණිලි රැසක් ලැබී ඇති බවයි විදේශ සේවා නියුක්ති කාර්යාංශය වැඩිදුරටත් සඳහන් කරන්නේ.

The post විදේශ රැකියා සොයන්නන්ට විශේෂ නිවේදනයක් ! appeared first on ITN News.

ඕස්ට්‍රේලියාවට ඇතුළු වීමට උත්සාහ දරා එරට ආරක්ෂක අංශ අත්අඩංගුවට පත්ව මෙරටට පිටුවහල් කළ ශ්‍රී ලාංකිකයින් 23 දෙනා කටුනායක ගුවන්තොටුපලින් මෙරටට ලඟා වුණා.

මැයි මස 27 වනදා වෙන්නප්පුව කොනස්වාඩිය ප්‍රදේශයෙන් මෙම පිරිස ඕස්ට්‍රේලියාව බලා යාත්‍රාවකින් පිටත්ව ගොස් තිබුණා. ඔවුන් ඕස්ට්‍රේලියා වෙරළාරක්ෂක බලකාය මගින් අත්අඩංගුවට ගෙන පසුව ක්‍රිස්මස් දූපත වෙත රැගෙන ගියා. ඔවුන් එරටින් පිටුවහල් කිරීමටයි කටයුතු කෙරුණේ. ඒ අනුව එම ශ්‍රී ලාංකිකයන් 23 දෙනා ඕස්ට්‍රේලියාවට අයත් ඒ.එස්.වයි 977 දරණ විශේෂ ගුවන් යානයෙන් කටුනායක ගුවන්තොටුපල වෙත රැගෙන ඒමට කටයුතු කළා. කාන්තාවක ඇතුළු මෙම විසි තුන් දෙනා ගුවන්තොටුපල ආගමන විගමන දෙපාර්තමේන්තු නිලධාරීන් වෙත භාර කිරීමටයි ඕස්ට්‍රේලියා බලධාරින් කටයුතු කළේ. මෙම පිරිස මීගමුව කොස්වාඩිය සහ මූතුර් ප්‍රදේශවල පදිංචිකරුවන් වනවා.

The post ඕස්ට්‍රේලියාවෙන් පිටුවහල් කළ ලාංකිකයින් 23 දෙනා දිවයිනට appeared first on ITN News.

21 වන ආණ්ඩුක්‍රම ව්‍යවස්ථා සංශෝධන කෙටුම්පතට කැබිනට් අනුමැතිය හිමි වූ බව අමාත්‍ය හරීන් ප්‍රනාන්දු මහතා ට්විටර් පණිවුඩයක් නිකුත්  කරමින් පවසනවා.

එය ඉක්මනින් පාර්ලිමේන්තුවට ගෙන ඒමට අපේක්ෂා කරන බව  ද අමාත්‍යවරයා සඳහන් කරනවා. ඒ සදහා දැක්වූ සහායට අග්‍රාමාත්‍යවරයාටත් අධිකරණ අමාත්‍යවරයාටත් ඔහු ප්‍රශංසාව පල කරන සිටිනවා.

21 වන සංශෝධනය කැබිනට් මණ්ඩලයේ සාකච්ඡාවට ගෙන එහි අනුමැතිය හිමිවීමෙන් පසු එය ව්‍යවස්ථානුකූල  ද යන්න විමසීම සදහා නීතිපතිවරයා වෙත ඉදිරිපත් කෙරෙනු ඇති. ඉන් අනතුරුව ඒ පිළිබද ගැසට් නිවේදනය නිකුත් කිරීමට නියමිතයි. එය පාර්ලිමේන්තුවට ඉදිරිපත් කෙරෙන්නේ ඉන් අනතුරුවයි.

ද්විත්ව පුරවැසිභාවය හිමි අයට පාර්ලිමේන්තුව නියෝජනය කළ නොහැකිවීම,  විගණන කොමිසම හා ප්‍රසම්පාදන කොමිසම යන ස්වාධීන කොමිෂන් සභා ස්ථාපනය 21 වන ආණ්ඩුක්‍රම ව්‍යවස්ථා සංශෝධන කෙටුම්පතට ඇතුළත් වනවා. මහබැංකු අධිපතිවරයා  පත් කිරීමේ බලය පාර්ලිමේන්තු ව්‍යවස්ථා සභාවට පැවරීම ද තවත් යෝජනාවක්.

The post 21 වන ආණ්ඩුක්‍රම ව්‍යවස්ථා සංශෝධන කෙටුම්පතට කැබිනට් අනුමැතිය appeared first on ITN News.

ආර්ථිකය ස්ථාවර කිරීමට ශ්‍රී ලංකා රජය දරණ උත්සාහයට අඛණ්ඩ සහාය ලබා දෙන බව ඕස්ට්‍රේලියා ස්වදේශ කටයුතු ඇමතිනී ක්ලෙයාර් ඔනීල් මහත්මිය අග්‍රාමාත්‍යවරයා හමුවේ ප්‍රකාශ කළා.

ඕස්ට්‍රේලියා ස්වදේශ කටයුතු ඇමතිනීය සහ අග්‍රමාත්‍ය රනිල් වික්‍රමසිංහ මහතා අතර හමුවක් අග්‍රාමාත්‍ය කාර්යාලයේදී සිදු වුණා. ශ්‍රී ලංකාවට ඩොලර් මිලියන 50 ක සංවර්ධන ආධාර පැකේජයක් ලබාදීම සම්බන්ධයෙන් අග්‍රාමාත්‍යවරයා ඕස්ට්‍රේලියා රජයට ස්තුතිය පල කළා.විදේශ ආයෝජන සදහා විවෘත වන  අපනයන කේන්ද්‍රීය ආර්ථිකයක් කෙරෙහි ශ්‍රී ලංකාව අවධානය යොමු කළ බවයි අග්‍රාමාත්‍යවරයා මෙහිදී පැවසුවේ. ඕස්ට්‍රේලියානු සංචාරක ව්‍යාපාරය අඛණ්ඩව ශ්‍රී ලංකාව තුළ පවත්වාගෙන යාමට හා ආයෝජන ප්‍රවර්ධනයට උනන්දු වන බව ඔනීල් මහත්මිය පැවසුවා. තම රජය ක්‍රියාත්මක කිරීමට නියමිත නැව් මාර්ග සංවර්ධනය පිළිබද ඇය කරුණු පැහැදි කළා. සමුද්‍ර ආරක්ෂාව සහ මිනිස් ජාවාරම  සම්බන්ධයෙන් ඕස්ට්‍රේලියා රජයේ ප්‍රතිපත්තිය  ද අමාත්‍යවරිය විස්තර කළා. මිනිස් ජාවාරම් නැවැත්වීමට ශ්‍රී ලංකා රජය හා ආරක්ෂක අංශ කැපවී සිටින බවයි අග්‍රාමාත්‍යවරයා පැවසුවේ. රේගු දෙපාර්තමේන්තුව ප්‍රතිව්‍යුහගත කිරීම හා තවදුරටත් සංවර්ධනය කිරීමට හා  සහාය දීමට සූදානම් බව ඕස්ට්‍රේලියා ස්වදේශ කටයුතු අමාත්‍යවරිය ප්‍රකාශ කළා.

The post ආර්ථිකය ස්ථාවර කිරීමට ශ්‍රී ලංකා රජය දරණ උත්සාහයට ඕස්ට්‍රේලියාවේ අඛණ්ඩව සහාය appeared first on ITN News.

බ්‍රිතාන්‍යයේ හිත්‍රෝ ජාත්‍යන්තර ගුවන්තොටුපොලේ ගුවන් ගමන් රැසක් අවලංගු කිරීම හේතුවෙන් ගුවන් මගීන් 5000කට ආසන්න සංඛ්‍යාවක් අපහසුතාවට පත්වුණා.

තාක්ෂණික ගැටලුවක් හේතුවෙන් ගුවන් මගීන්ගේ ගමන්මළු ගුවන් යානාවලට පැටවීමට නොහැකි වීම හේතුවෙන් මෙම ගැටලුව හටගත්තා. ඒ හේතුවෙන් ගුවන් ගමන් වාර 30ක් පමණ අත්හිටවූ බවයි හීත්‍රෝ ගුවන්තොටුපොල සදහන් කරන්නේ. එමෙන්ම සුදානම් කර තිබූ ගුවන් ගමන් වාර  10%ක් පමණ කප්පාදු කරන ලෙසද හීත්‍රෝ ගුවන්තොටුපොල ගුවන් සමාගම්වලින් ඉල්ලීමක් කර තිබුණා. මගීන්ගේ ගමන් මළු හීත්‍රෝ ගුවන්තොටුපොල තුළ ගොඩ ගැසී ඇති ආකාරයද විදෙස් මාධ්‍ය වාර්තා කළා. මේ අතර ඊසි ජෙට් ගුවන් සමාගම ජූලි හා සැප්තැම්බර් මාසය තුළ සූදානම් කර ඇති ගුවන් ගමන්වාර එක්ලක්ෂ හැට දහසෙන් සියයට 7ක් කප්පාදු කරන බවයි සදහන් කරන්නේ. කාර්ය මණ්ඩල අවම වීම ඊට හේතුවී තිබෙනවා.

The post හිත්‍රෝ ජාත්‍යන්තර ගුවන්තොටුපොලේ ගුවන් ගමන් රැසක් අවලංගු වෙයි appeared first on ITN News.

දිවයිනට පැමිණ සිටින ඔස්ට්‍රේලියානු ස්වදේශ අමාත්‍ය ක්ලේයාර් ඔ-නිල් මහත්මිය විපක්ෂ නායක සජිත් ප්‍රේමදාස මහතා හමුවී තිබෙනවා.

“මේ අර්බුදයෙන් ගොඩ එන්න නම් අපි අපේ විදේශ විනිමය සංචිත වැඩිකර ගත යුතුයි.” ඔස්ට්‍රේලියාවේ ස්වදේශ කටයුතු අමාත්‍ය Clare O’Neil සමඟ පැවති සාකච්ඡාව ශ්‍රී ලංකාවේ වෙළඳාම සහ ආයෝජන හරහා ඔස්ට්‍රේලියාවේ අඛණ්ඩ සහයෝගය ලබා ගැනීමට අවස්ථාවක් වූ බවයි විපක්ෂ නායකවරයා නිකුත් කර ඇති ට්විටර් සටහනක දැක්වෙන්නේ.

The post ඔස්ට්‍රේලියානු ස්වදේශ අමාත්‍යවරිය සහ විපක්ෂ නායකවරයා අතර හමුවක් appeared first on ITN News.

ශ්‍රී ලංකාව මුහුණ දී සිටින ආර්ථික අර්බුදය විසඳා ගැනීමට ජාත්‍යන්තර මූල්‍ය අරමුදලේ රාමුව තුළ සිට සහාය දෙන බව ඕස්ට්‍රේලියානු ස්වදේශ කටයුතු අමාත්‍ය ක්ලෙයාර් ඕ’නෙයිල් මහත්මිය පවසනවා.

නිල සංචාරයක් සඳහා මෙරටට පැමිණ සිටින ක්ලෙයාර් ඕ’නෙයිල් මහත්මිය අද (20) පෙරවරුවේ කොළඹ, කොටුව ජනාධිපති මන්දිරයේ දී ජනාධිපති ගෝඨාභය රාජපක්ෂ මැතිතුමා හමු වූ අවස්ථාවේ මේ බව පැවසීය.

නීතිවිරෝධි සංක්‍රමණ සහ මිනිස් ජාවාරම් සඳහා “ශූන්‍ය අවකාශය” ඕස්ට්‍රේලියාවේ පෙර පැවති කොන්සර්වේටිව් රජයේ ප්‍රතිපත්තිය විය. කම්කරු පක්ෂය නියෝජනය කරන නව රජයේ ප්‍රතිපත්තිය ද එයම බව ක්ලෙයාර් මහත්මිය කියා සිටි.

නීති විරෝධි සංක්‍රමණ වැළැක්වීමට තමා ආරක්ෂක ලේකම්වරයාව සිටියදී ගත් ක්‍රියාමාර්ග පැහැදිලි කළ ජනාධිපතිතුමා නාවික හමුදාව එම පියවරයන් ඉදිරියට ගෙන යමින් ඇති බව පැවසීය. ඕස්ට්‍රේලියානු රජය නෞකා, තාක්ෂණික සහ ද්‍රව්‍යමය ආධාර සපයමින් ඊට දෙන සහාය අගය කළ රාජපක්ෂ මැතිතුමා දෙරට මනා සබඳතාවයකින් කටයුතු කරමින් සිටින බව සඳහන් කරනු ලැබීය.

ඉන්දියන් සාගරයේ ආරක්ෂාව සම්බන්ධයෙන් ඕස්ට්‍රේලියාව දැඩි අවධානයෙන් පසු වේ. එම අවශ්‍යතාව සපුරාලමින් ඉන්දියන් සාගරය ආරක්ෂක කලාපයක් ලෙස පවත්වා ගෙන යාමට තම රජයේ පූර්ණ සහාය ලබාදෙන බව ජනාධිපතිතුමා සඳහන් කළේය. නාවික හමුදාවේ 50දෙනෙක් මේ වන විට විශේෂ පුහුණුව සඳහා ඕස්ට්‍රේලියාවට ගොස් සිටිති. එවැනි පුහුණු අවස්ථා සහ මෙරට ආරක්ෂක හමුදා සමග සහයෝගයෙන් කටයුතු කිරීම පිළිබඳ ජනාධිපතිතුමා සිය ප්‍රශංසාව පළ කරනු ලැබීය.

රේගු පරිපාලනය සම්බන්ධයෙන් ඇති අත්දැකීම් ලබාදෙමින් රාජ්‍ය ආදායම ඉහළ නංවා ගැනීමටත් පුනර්ජනනීය බලශක්ති උත්පාදන වැඩසටහන සාර්ථක කරගැනීමටත් සහාය වන බව අමාත්‍යවරිය සඳහන් කළාය.

ධීවරයන් නියාමනය, වෘත්තීය හා කාර්මික අධ්‍යාපනය ඉහළ නැංවීම සහ ශ්‍රී ලංකාව ජාත්‍යන්තර සිසුන්ට උසස් අධ්‍යාපනය ලබාගත හැකි කේන්ද්‍රස්ථානයක් බවට පත් කිරීමට සහාය වීමට තම රජය සූදානම් බවත් අමාත්‍යවරිය පැවසුවාය.

ඕස්ට්‍රේලියානු දේශ සීමා බලකායේ සහ ස්වදේශ කටයුතු දෙපාර්තමේන්තුවේ APM කොමසාරිස් මයිකල් අවුට්‍රම්, ඒකාබද්ධ නියෝජිතායතන කාර්ය සාධක බලකායේ අණදෙන නිලධාරී ජස්ටින් ජෝන්ස් , ශ්‍රී ලංකාවේ ඕස්ට්‍රේලියානු මහ කොමසාරිස් ඩේවිඩ් හොලි, පළමු ලේකම් ඇෂ්ලි ඇල්ඩර්ටන්, විදේශ අමාත්‍ය මහාචාර්ය ජී.එල්. පීරිස්, ජනාධිපති ලේකම් ගාමිණී සෙනරත්, ජනාධිපති ප්‍රධාන උපදේශක ලලිත් වීරතුංග, ආරක්ෂක ලේකම් ජනරාල් කමල් ගුණරත්න, විදේශ ලේකම් අරුණි විජේවර්ධන, ආරක්ෂක මාණ්ඩලික ප්‍රධානි ජනරාල් ශවේන්ද්‍ර සිල්වා, නාවික හමුදාපති වයිස් අද්මිරාල් නිශාන්ත උළුගේතැන්න යන මහත්ම මහත්මීහු මේ අවස්ථාවට එක්ව සිටියහ.

The post IMF රාමුව තුළ සිට ශ්‍රී ලංකාවට සහාය දෙනවා – ඕස්ට්‍රේලියානු ස්වදේශ කටයුතු ඇමති appeared first on ITN News.

ආසියාවේ විශාලතම දුම්රියපොළ අද (20) සිට ක්‍රියාත්මක කෙරේ. චීනයේ බෙයිජිං අගනුවර පිහිටි මෙම සුවිශේෂ ෆෙංටයි (Fengtai) දුම්රියපොළේ සමස්ත භූමි ප්‍රමාණය වර්ග මීටර් ලක්ෂ 4 කි. දුම්රිය වේදිකා 32කින් යුත් මෙම දුම්රියපොළ තුළ පැයකට එකවර මගීන් 14000ක් පමණ රඳවා ගැනීමේ හැකියාව පවතී.

අධිවේග දුම්රිය, සාමාන්‍ය දුම්රිය සහ උමං දුම්රිය යන ත්‍රිත්ව ප්‍රවාහන සේවා මෙහි ක්‍රියාත්මක වීමත් විශේෂත්වයකි. මෙම ආසියාවේ විශාලතම දුම්රියපොළ තුළින් මගීන්ට ඉතා පහසු මෙන්ම කාර්යක්ෂම දුම්රිය සේවා ලබා ගත හැකිය.

The post චීන දුම්රිය සේවයේ දැවැන්ත ජයග්‍රහණයක් appeared first on ITN News.

නව ඡන්ද හිමි නාමලේඛණ මේ වන විට ප්‍රදර්ශනය කෙරෙන බව මැතිවරණ කොමිසම සදහන් කරනවා.

ලබන වසර සදහා වන ඡන්ද හිමි නාමලේඛණ මේ වන විට සකස් කර තිබෙනවා. එය ග්‍රාමනිලධාරී කාර්යාලවල ප්‍රදර්ශනය කෙරෙනවා. එම කාර්යාලවලට ගොස් හෝ www.election.gov.lk වෙබ් අඩවියෙන් ද තමන්ගේ නම ඡන්ද හිමි නාමලේඛණයේ තිබේද යන්න දැක බලා ගත හැකියි.

ඒ පිළිබද යම් ගැටලුවක් ඇත්නම් ලබන මස 12 වනදාට පෙර 0112860034 දුරකතන අංකය අමතන ලෙසයි මැතිවරණ කොමිසම ඡන්ද දායකයින්ගෙන් ඉල්ලා සිටින්නේ.

The post නව ඡන්ද හිමි නාමලේඛණ ප්‍රදර්ශනය කෙරේ appeared first on ITN News.

පාර්ලිමේන්තු මන්ත්‍රී සනත් නිශාන්තගේ සොහොයුරා වන ශ්‍රී ලංකා පොදුජන පෙරමුණේ (SLPP) ප්‍රාදේශීය සභා මන්ත්‍රී ජගත් සමන්ත අත්අඩංගුවට ගෙන තිබෙනවා.

ඒ ආරච්චිකට්ටුව ප්‍රදේශයේ ඉන්ධන පිරවුම්හලකදී පුද්ගලයයෙකුට පහරදීම සහ පොලිස් නිලධාරීන්ගේ රාජකාරියට බාධා කිරීම යන චෝදනා මතයි.

පසුගිය ජුනි මස 17 වැනිදා ප්‍රාදේශීය සභා මන්ත්‍රී ජගත් සමන්ත එම පිරවුම්හල අසලදී පුද්ගලයෙකුට පහරදෙන අයුරු දැක්වෙන CCTV වීඩියෝව සමාජ මාධ්‍ය තුළ විශාල වශයෙන් හුවමාරු වුණා.

The post සනත් නිශාන්තගේ සොහොයුරා අත්අඩංගුවට appeared first on ITN News.

යුද හමුදා හරිත කෘෂිකර්ම මෙහෙයුම් කමිටුව ස්ථාපිත කර තිබෙනවා.

මෙම කමිටුව තුලින් දිවයින පුරා ඇති වගා නොකල අතහැර දමා ඇති රජයේ ඉඩම් අක්කර 1500 කට අධික ප්‍රමාණයක් කෘෂිකාර්මික කටයුතු වලට යොදාගනිමින් දිවයිනේ ආහාර සුරක්‍ෂිතතා වැඩසටහන ප්‍රවර්ධනය කිරීමට බලාපොරොත්තු වේ.

රජය විසින් මෙම වසරේ ජූලි මස මුලදී මුළු දිවයිනම ආවරණය වන පරිදි ආරම්භ කරන කෘෂිකාර්මික ව්‍යාපෘතියට සමගාමීව යුද්ධ හමුදාපති ලුතිනන් ජෙනරල් විකුම් ලියනගේ ගේ මඟපෙන්වීම මත හරිත කෘෂිකර්ම මෙහෙයුම් කමිටුවේ සමස්ත කළමනාකාරීත්වයේ ප්‍රධානි ලෙස යුද්ධ හමුදා නියෝජ්‍ය මාණ්ඩලික ප්‍රධානී මේජර් ජෙනරල් චන්න වීරසූරිය කටයුතු කරනු ලබයි.

සමාරම්භක සැසිවාරයේදී යුද්ධ හමුදාපති ලුතිනන් ජෙනරල් විකුම් ලියනගේ විසින් මෙම ජාතික ප්‍රයත්නයේ විෂය පථය පිළිබඳව පැහැදිලි කරමින් ජාතික ඉලක්ක කරා ළඟාවීමට සහ ආහාර නිෂ්පාදන ක්‍රියාවලිය වැඩිදියුණු කිරීමේ අරමුණින් වගා කටයුතු සිදුනොකළ ඉඩම් කෘෂිකාර්මික කටයුතු සඳහා යොදාගනිමින් අනාගතයේදී ආහාර හිඟයක් ඇතිවීම වළක්වාගැනීම සඳහා යුද්ධ හමුදාවට කෘෂිකාර්මික අංශ සමඟ අත්වැල් බැඳගත හැකි ආකාරය පිළිබඳ නව කමිටුව දැනුවත් කරන ලදී.

මෙම ව්‍යාපෘතියේ පළමු අදියර වශයෙන් කෘෂිකාර්මික ක්‍ෂේත්‍රයේ විශේෂඥයින්, ගොවිජන නිලධාරීන් සහ යුද්ධ හමුදා කෘෂිකර්ම හා පශු සම්පත් අධ්‍යක්‍ෂ මණ්ඩලයේ කෘෂිකාර්මික ක්‍ෂේත්‍රය පිළිබඳ දැනුමින් සමන්විත නිලධාරීන් සමඟ සාකච්ඡා කර දිවයින පුරා සේවයේ නියුතු යුද්ධ හමුදා භටපිරිස් විසින් එම රජයේ ඉඩම් එළිපෙහෙලි කිරීම, වගා කිරීම සහ තෝරාගත් බීජ වර්ග වගාකිරීම සඳහා පාත්ති සකස් කිරීම සිදුකිරීමට නියමිතව ඇත.

ඒ වෙනුවෙන් මේ වනවිටත් යුද්ධ හමුදාව විසින් පාලනය කරනු ලබන ගොවිපලවල් 16 ක් සහ ශ්‍රී ලංකා යුද්ධ හමුදා කෘෂිකර්ම හා පශු සම්පත් බලකායේ බලඇණි 6 ක් දිවයින පුරා ස්ථාපිත කර ඇත.

මීට අමතරව, දිවයින පුරා පිහිටි සියලුම ආරක්‍ෂක සේනා මූලස්ථාන සහ ඒ යටතේ ස්ථාපිත සියලුම ඒකකයන් මේ වනවිටත් කලාපීය මට්ටමින් මෙම ජාතික කර්තව්‍යයට සිය සම්පූර්ණ දායකත්වය ලබාදෙමින් සිටින අතර, ජාතියේ ආරක්‍ෂකයින් ලෙස මෙම ප්‍රජා මූලික කර්තව්‍යයට එක්ව වගා කටයුතු සඳහා අවධානය යොමු නොවූ රජයේ ඉඩම් සහ කුඹුරු වගා කටයුතු සඳහා යොදාගැනීමට ඇති හැකියාව පිළිබඳ සොයාබලමින් සිටියි. තෝරාගත් ඉඩම්වල බිම් සැකසීමේ මූලික කටයුතු ආරම්භ කිරීමට පෙර ආණ්ඩුකාරවරුන්, දිස්ත්‍රික් සහ ප්‍රාදේශීය ලේකම් කාර්යාල, ඉඩම් නිලධාරීන් සහ ග්‍රාම නිලධාරීන් සමඟ සමීපව සාකච්ඡා කර ප්‍රාදේශීය මට්ටමින් රජයේ ඉඩම් හඳුනාගැනීමේ කටයුතු සිදුකළ යුතු වේ.

The post ආහාර සුරක්‍ෂිතතා ව්‍යාපෘතිය ආරම්භ කිරීමට යුද හමුදාවෙන් නව මෙහෙයුම් කමිටුවක් appeared first on ITN News.

ඉදිරි දින 3 තුළ ඉන්ධන පෝලිම්වල රැදී නොසිටින ලෙස ද අමාත්‍යවරයා ජනතාවගෙන් ඉල්ලා සිටිනවා.

මේ අතර ලබන සිකුරාදා සිට සෑම සිකුරාදා දිනයකම අත්‍යවශ්‍ය සේවා සදහා තෝරාගත් පිරවුම්හල් වලින් ඉන්ධන ලබාදීමටයි රජය තීරණය කර ඇත්තේ.

The post ඉදිරි දින 03 තුළ පෙට්‍රල් පෝලිමට එන්න එපා – ඇමති කංචන appeared first on ITN News.

උතුරු කොරියාවෙන් දෛනිකව වාර්තාවන කොරෝනා වයිරස ආසාදිතයින් සංඛ්‍යාව අවම වී තිබෙනවා.

ගතවූ පැය 24 ට උතුරු කොරියාවෙන් හමුවී ඇති කොරෝනා වයිරස ආසාදිතයින් සංඛ්‍යාව 19,320 ක්. ඒ සමගම එරට සමස්ත කොරෝනා වයිරස ආසාදිතයින් සංඛ්‍යාව හතලිස් හය ලක්ෂ විසිඑක්දහස් එකසිය දහය දක්වා ඉහළ ගියා. කෙසේ වුවද දෛනිකව වාර්තා වන ආසාදිතයින් සංඛ්‍යාව පහළ යාමත් සමග උතුරු කොරියාවේ වයිරස ව්‍යාප්තිය පාලනය කිරීමට හැකිවනු ඇති බවට විශ්ලේෂකයින් අනාවැකි පලකරනවා. වයිරස ව්‍යාප්තිය පාලනය කිරීමට අවශ්‍ය සියලු ක්‍රියාමාර්ග ගෙන ඇති බවයි එරට රාජ්‍ය මාධ්‍ය සදහන් කරන්නේ. පසුගිය මැයි මාසයේ දී උතුරු කොරියාවෙන් පළමු වයිරස ආසාදිතයා හමුවූ අතර එතෙක් වයිරස ව්‍යාප්තිය සාර්ථකව මැඩපැවැත්වූ රටක් ලෙස උතුරු කොරියාව හැදින්වූවා.

මේ අතර වයිරස ව්‍යාප්තිය පාලනය කිරීමට අවශ්‍ය වයිරසයට එරෙහි එන්නත් ඇතුළු අනෙකුත් උපකාර උතුරු කොරියා නායක කිම් ජොන් උන් ප්‍රතික්ෂේප කර ඇති බවයි විදෙස් මාධ්‍ය සදහන් කරන්නේ.

The post උතුරු කොරියාවෙන් දෛනිකව වාර්තාවන කොරෝනා ආසාදිතයින් සංඛ්‍යාව අඩු වෙයි appeared first on ITN News.

ප්‍රංශයේ පාර්ලිමේන්තු මැතිවරණයෙන් එරට ජනාධිපති එමානුවෙල් මැක්‍රෝන්ගේ පාලක පක්ෂයට බහුතර බලය අහිමි වී තිබෙනවා.

ප්‍රංශ පාර්ලිමේන්තු මැතිවරණයේ දෙවන වටයේ ඡන්ද විමසීම ඊයේ පැවැත්වුණා. දැනට නිකුත්වී ඇති ප්‍රතිඵල අනුව ජනාධිපති එමානුවෙල් මැක්‍රෝන්ගේ පාලක පක්ෂයට බහුතර බලය අහිමිවී ඇති බවයි විදෙස් මාධ්‍ය සදහන් කරන්නේ. පාර්ලිමේන්තු මැතිවරණයේ පළමු වටයේ ඡන්ද විමසීම පසුගිය 12 වනදා පැවැත්වුණු අතර එහිදී පාලක පක්ෂයට හා විපක්ෂයට සම බලයක් හිමිවුණා. එරට පාර්ලිමේන්තුවේ ආසන 577 කට සභිකයින් තෝරා ගැනීම ඡන්ද විමසීම හරහා සිදුවන අතර බහුතර බලයක් ලබා ගැනීමට ආසන 289 ක් ලබාගත යුතු වනවා.

The post ජනපති මැක්‍රෝන්ට ප්‍රංශ පාර්ලිමේන්තුවේ බහුතරය අහිමි වෙයි appeared first on ITN News.

ඇමෙරිකාවේ ළදරුවන් සදහා කොරෝනා වයිරසයට එරෙහි එන්නත ලබාදීමට තීරණය කර තිබෙනවා.

ඇමෙරිකාවේ රෝග පාලනය කිරීමේ හා වැළැක්වීමේ මධ්‍යස්ථානය මාස 6 ට වැඩි ළදරුවන් සදහා කොරෝනා වයිරසයට එරෙහි එන්නත ලබාදීමට අවසර දී තිබෙනවා. ළදරුවන්ට එන්නත් ලබාදීමේ වැඩසටහන ලබන සතියේ ආරම්භ කිරීමට නියමිතයි. ඔවුන්ට ෆයිසර් හා මොඩර්නා එන්නත් ලබාදීමට නියමිත අතර මොඩර්නා එන්නත වයස මාස 6 ත් අවුරුදු 5 ත් අතර දරුවන් සදහා නිර්දේශ කර ඇති අතර ෆයිසර් එන්නත නිර්දේශ කර ඇත්තේ වයස මාස 6 ත් අවුරුදු 4 ත් අතර දරුවන්ටයි.

The post ඇමෙරිකාවේ ළදරුවන්ටත් කොවිඩ් එන්නත appeared first on ITN News.

වන අලි ප්‍රහාර වලින් පොලොන්නරුව ප්‍රදේශයේ පුද්ගලයින් දෙදෙනෙකු ජීවිතක්ෂයට පත්ව තිබෙනවා.

මැදිරිගිරිය ප්‍රාදේශීය ලේකම් කොට්ඨාසයේ නව මහවැලි සංවර්ධන කලාපයට අයත් පහළ අඹගස්වැව මීගොල්ලෑව ප්‍රදේශයේ 80 හැවිරිදි පුද්ගලයෙකු තම නිවස ආසන්නයේ දී වන අලි ප්‍රහාරයට ලක්වීමෙන් මියගොස් ඇති බව පොලීසිය පවසනවා. තිතදරු පියෙකු වන ඔහු අලුයම 2 ට පමණ අත්‍යවශ්‍ය කටයුත්තකට නිවසින් පිටතට පැමිණි අවස්ථාවේයි මෙම ප්‍රහාරයට ගොදුරුවී ඇත්තේ.

මේ අතර ඥාතියෙකු අවමංගල්‍යයකට සහභාගි වී ආපසු නිවස බලා යතුරුපැදියකින් පැමිණෙමින් සිටි පුද්ගලයෙකු කන්තලේ මැදිරිගිරිය යාකෙරෙන පේරමඩුව මාර්ගයේ දී වන අලි ප්‍රහාරයකට ලක්ව තිබෙනවා. කුමුදුපුර මහතලාකොලවැව පදිංචි 60 හැවිරිදි සිව්දරු පියෙකු මෙම අවාසනාවන්ත ඉරණමට ගොදුරුවී ඇති බවයි පොලීසිය පවසන්නේ. සෝමාවතිය රක්ෂතියේ සැරිසරන මෙම වන අලි නිරතුරුව ගම්වැදී ජීවිත විනාශ කරන බව පෙන්වා දෙන ප්‍රදේශවාසීන් දැනට අක්‍රීයව පවතින විදුලි වැට සක්‍රීයකර තමන්ට සහන සලසා දෙන ලෙසයි බලධාරීන්ගෙන් ඉල්ලා සිටින්නේ.

The post වන අලි ප්‍රහාර වලින් පුද්ගලයින් දෙදෙනෙකු ජීවිතක්ෂයට appeared first on ITN News.

ඇමෙරිකා ජනාධිපති ජෝ බයිඩන් ඔහුගේ පාපැදියෙන් ඇදවැටෙන අයුරු දැක්වෙන වීඩියෝවක් විදෙස් මාධ්‍ය ප්‍රචාරය කළා.

ඇමෙරිකා ජනාධිපති ජෝ බයිඩන් නිවාඩුව ගත කිරීම සදහා ඩෙලවෙයාර් ප්‍රදේශයේ රෙහෝබෝත් වෙරළ තීරයට පසුගියදා පැමිණ තිබුණා. එහිදී ඔහු පාපැදියෙන් ප්‍රදේශයේ ගමන් කරමින් සිටියදී මාධ්‍යවේදීන් හා ප්‍රදේශයේ ජනතාව සමග සුහද කතාබහක නිරතවීම සදහා පාපැදිය නවත්වා ඉන් බැසීමට යාමේදීයි ජනාධිපතිවරයා ඇදවැටී ඇත්තේ. කෙසේ වුවද අනතුරෙන් ඔහුට කිසිදු හානියක් සිදුව නොමැති බව ධවල මන්දිරය නිවේදනය කරනවා. ජනාධිපතිවරයා 45 වන විවාහ සංවත්සරය සැමරීම සදහා එම ප්‍රදේශයට පැමිණ සිටි බවයි විදෙස් මාධ්‍ය සදහන් කරන්නේ.

The post ජෝ බයිඩන් පා පැදියෙන් බිම ඇද වැටෙයි appeared first on ITN News.

උතුරු ඉන්දියාවට හා බංග්ලාගදේශයට බලපා ඇති අයහපත් කාලගුණයෙන් මියගිය සංඛ්‍යාව 42 දක්වා ඉහළ ගොස් තිබෙනවා.

උතුරු ඉන්දියාවට හා බංග්ලාදේශයට ඇදහැලෙන අධික වර්ෂාවත් සමඟ ගංවතුර සහ නායයාම්ද හටගෙන ඇති බවයි වාර්තා වන්නේ.  ඉදිරි දින දෙකක කාලය තුළදී තත්වය තවත් බරපතල අතට පත්වීමේ අවදානමක් පවතින බව කාලගුණ අංශ අනතුරු අඟවනවා. අයහපත් කාලගුණය හේතුවෙන් මිලියන තුනකට ආසන්න සංඛ්‍යාවක් අවතැන්ව සිටින බවයි දෙරටේ සහන කණ්ඩායම් සදහන් කරන්නේ. ගංවතුර තත්ත්වය හේතුවෙන් බංග්ලාදේශයේ පහත් බිම් රැසක් යටව තිබෙනවා. දේශගුණික විපර්යාස හේතුවෙන් කාලගුණ අනාවැකි පළකිරීම අසීරුවී ඇති බව විශේෂඥයින් පෙන්වා දෙනවා. අවතැන් වූ හා ගංවතුරට මැදිව සිටින පුද්ගලයින්ට සහන සැපයීම සදහා ආරක්ෂක අංශ අනියුක්ත කිරීමටයි පියවර ගෙන ඇත්තේ.

The post උතුරු ඉන්දියාවට හා බංග්ලාගදේශයට බලපා ඇති අයහපත් කාලගුණයෙන් මියගිය සංඛ්‍යාව ඉහළට appeared first on ITN News.

පවතින ඉන්ධන අර්බුදය හේතුවෙන් කොළඹ කලාපයේ සහ සෙසු ප්‍රධාන නගරවල පිහිටි පාසල් ඉදිරි සතියේ දී නොපැවැත්වීමට අධ්‍යාපන අමාත්‍යාංශය තීරණය කර තිබෙනවා.

සෙසු පාසල් සම්බන්ධයෙන් තීරණ ගැනීමේ බලය පළාත් අධ්‍යාපන බලධාරීන්ට අවසර ලබාදී ඇති බවයි සඳහන් වන්නේ.

The post ලබන සතියේ පාසල් පැවැත්වීම පිළිබඳ අමාත්‍යාංශයේ තීරණය appeared first on ITN News.

අද දිනයේදීත් ගෑස් නිකුත් කෙරෙන්නේ අත්‍යවශ්‍ය සේවා සඳහා පමණක් බව ලිට්‍රෝ ගෑස් සමාගම සඳහන් කරනවා. ඉදිරියේදී ගෑස් මෙට්‍රික්ටොන් ලක්ෂයක් ආනයනය කිරීම සඳහා වන ගිවිසුම් කටයුතු ලබන අගහරුවාදා වන විට අවසන් කරන බව එම සමාගම සඳහන් කළා.

කැබිනට් තීරණයකට අනුව ඉදිරි මාස හතරක් සඳහා මෙලෙස ගෑස් ඇනවුම් කිරීමට සැලසුම් කර ඇති බවයි වාර්තා වන්නේ.

ලාෆ් ගෑස් සමාගම කොටගල ප්‍රදේශයට ගෑස් නිකුත් කිරීමට කටයුතු කළා. ගෘහස්ථ ගෑස් සිලින්ඩර 950 ක් එලෙස නිකුත් කිරීමට පියවර ගත්තද කොටගල, හැටන්, දිඹුලපතන, තලවකැලේ ආදී ප්‍රදේශවල පාරිභෝගිකයින් දෙදහසකට අධික පිරිසක් පෝලිම්වල රැදී සිටියා.

The post ගෑස් බෙදීම අදත් අත්‍යවශ්‍ය සේවාවන්ට පමණයි – මෙට්‍රික් ටොන් ලක්ෂයක් ගෙන්වන ගිවිසුම ලබන අගහරුවාදා appeared first on ITN News.

පවතින තත්ත්වය හේතුවෙන් පාසල් කටයුතු අඛණ්ඩව පවත්වාගෙන යාම සම්බන්ධයෙන් විශේෂ සාකච්ඡාවක් අද අධ්‍යාපන අමාත්‍යාංශයේදී පැවැත්වෙනවා.

එහිදී ගන්නා ප්‍රධාන තීරණය වන්නේ පවතින තත්වය මත පාසල් අධ්‍යාපනය අන්තර්ජාලය හරහා සිදු කරනවාද නැද්ද යන්නයි.

මේ අතර ග්‍රාමීය පාසල්වල ප්‍රවාහන ගැටලුවලින් තොරව අධ්‍යයන කටයුතු සිදුකිරීමට තීරණය කර ඇති බව අධ්‍යාපන අමාත්‍යවරයා පවසනවා.

මෙම සාකච්ඡාව සඳහා පළාත්, කලාප සහ කොට්ඨාස භාර අධ්‍යාපන බලධාරීන් මෙන්ම වෘත්තීය සමිති සාමාජිකයින් ද සහභාගී වීමට නියමිතයි.

The post ඔන්ලයින් පාසල් අධ්‍යාපනය පිළිබඳ විශේෂ සාකච්ඡාවක් appeared first on ITN News.

වත්මන් ලෝක ආහාර අර්බුදය සහ ඉන්ධන අර්බුදයට වග කිවයුත්තේ ඇමෙරිකා එක්සත් ජනපදය සහ යුරෝපා සංගමය බව රුසියා ජනාධිපතිවරයා චෝදනා කරනවා.

රුසියා ජනාධිපතිවරයා මෙම අදහස් පළකළේ ශාන්ත පීටර්ස් බර්ග් ජාත්‍යන්තර ආර්ථික සංසදය අමතමින්. බටහිර රටවල් බුද්ධිමත් සහ නව ආකාරයෙන් යටත්විජිතවාදය ව්‍යාප්ත කරන බවයි ඔහු චෝදනා කරන්නේ. ඔවුන් විසින් වෙළෙද හිඟයන් සහ මානුෂීය ව්‍යවසනයන් ඇති කරන බවත් තම රටට එරෙහිව සම්බාධක පනවන බවත් පුටින් වැඩිදුරටත් කියා සිටිනවා. විශේෂයෙන්ම රුසියාවට පොහොර අපනයනයට බාධා ඇතිවීම හේතුවෙන් භෝග අස්වැන්න අඩුවීම නිසා ඉදිරියේදී ආහාර අර්බුදය තවදුරටත් වැඩිවිය හැකි බවයි පුටින් කියා සිටින්නේ. මෙය රුසියාවේ වරදක් නොවන බවත් බටහිර කොල්ලකාරී යටත්විජිත ප්‍රතිපත්තියක් ක්‍රියාත්මක කරන බවත් රුසියානු ජනාධිපතිවරයා වැඩිදුරටත් සදහන් කර තිබෙනවා.

The post ලෝක ආහාර හා ඉන්ධන අර්බුදයට වගකිවයුත්තේ ඇමෙරිකාවයි, යුරෝපයයි – පුටින්ගෙන් චෝදනා appeared first on ITN News.

පසුගිය 15 වනදා කැළණි ගගට විසිකළ දරුවාගේ බවට සැක කළ හැකි සිරුරක් වෙන්නප්පුව වයික්කාල ප්‍රදේශයෙන් හමුවී තිබෙනවා.

වත්තල කදිරාන පාලම මතින් කැළණි ගගට දරුවෙකු විසිකළ මවක පිළිබද වාර්තා වුණා. අනතුරුව එම මවද කැළණිගගට පැන සියදිවි හානි කර ගැනීමට උත්සාහ කළ අවස්ථාවේ ප්‍රදේශවාසීන් එය වළක්වා තිබෙනවා. කැළණිගගට විසිකළ මෙම දරුවාගේ වයස අවුරුදු 5ක් පමණ වන අතර එවැනි වයසක පසුවන දරුවෙකුයි වයික්කාල ප්‍රදේශයෙන් සොයා ගෙන ඇත්තේ. මුහුදේ පාවී වෙරළට ගොඩගසා ඇති මෙම සිරුර මේ වන විට මාරවිල රෝහලේ මෘත ශරීරාගාරයේ තැන්පත් කර තිබෙනවා. පශ්චාත් මරණ පරික්ෂණය සිදුකිරීමටයි නියමිතව ඇත්තේ.

The post කැළණි ගගට විසිකළ දරුවාගේ බවට සැක කෙරෙන මළ සිරුරක් වයික්කාල වෙරළට appeared first on ITN News.

ඇෆ්ගනිස්ථානයේ ආගමික ස්ථානයක් ඉලක්ක කර ගනිමින් තවත් බෝම්බ ප්‍රහාරයක් එල්ල වී තිබෙනවා.

ඇෆ්ගනිස්ථානයේ කුන්ඩුස් ප්‍රාන්තයේ ඉස්ලාම් දේවස්ථානයක පුපුරාගිය බෝම්බයකින් එක් අයෙකු මිය ගොස් තවත් 7 දෙනෙකු තුවාල ලැබුවා. සිකුරාදා ආගමික වතාවත් සඳහා ඉස්ලාම් බැතිමතුන් රැස්ව සිටි අවස්ථාවකදීයි මෙම බෝම්බය පුපුරුවා හැර තිබෙන්නේ. සිද්ධිය සම්බන්ධයෙන් මෙතෙක් වගකීම භාරගෙන නැහැ. අයි එස් සංවිධානයට සම්බන්ධ කණ්ඩායමක් මෙම ප්‍රහාරය එල්ලකරන්නට ඇති බවයි ඇෆ්ගන් රජය සදහන් කළේ.

The post ඇෆ්ගනිස්ථානයේ ආගමික ස්ථානයක් ඉලක්ක කර ගනිමින් තවත් බෝම්බ ප්‍රහාරයක් appeared first on ITN News.

ලබන සඳුදා (20) සිට සති 02ක් රජයේ කාර්යාල වෙත සේවකයින් කැඳවීම සීමා කරමින් රාජ්‍ය පරිපාලන හා ස්වදේශ කටයුතු අමාත්‍යංශය ලේකම්වරයා චක්‍රලේඛයක් නිකුත් කර තිබෙනවා.

The post සඳුදා සිට සති 02ක් රජයේ කාර්යාල වෙත සේවකයින් කැඳවීම සීමා කරමින් චක්‍රලේඛයක් appeared first on ITN News.

පලස්තීනයේ බටහිර ඉවුරේ ඊශ්‍රායල හමුදා සමඟ ඇතිවූ ගැටුම්වලින් පලස්තීන ජාතිකයන් 3 දෙනෙකු ජීවිතක්ෂයට පත්ව තිබෙනවා.

ඇතිවූ කලහකාරී තත්ත්වයක් පාලනය කිරීමට යාමේදී මෙම තත්ත්වය ඇතිවූ බවයි ඊශ්‍රායල හමුදාව සදහන් කර ඇත්තේ. පසුගිය සති කිහිපය තුලදී වරින් වර බටහිර ඉවුර ආසන්නයේ ගැටුම්කාරී තත්ත්වයන් ඇතිවුණා. ජෙයින් නගරයේ ඊශ්‍රායල හමුදා සෝදිසි මෙහෙයුම් සිදු කරමින් සිටියදී ඊට විරෝධය පාමින් පලස්තීන වැසියන් ප්‍රහාර එල්ලක කරන ආකාරය ද දැක ගැනීමට ලැබුණා. ගැටුමේදී කිසිදු ඊශ්‍රායල හමුදා නිලධාරියෙකුට හානි සිදුව නැති බවයි විදෙස් මාධ්‍ය සදහන් කළේ.

The post පලස්තීනයේ බටහිර ඉවුරේ ඊශ්‍රායල හමුදා සමඟ ඇතිවූ ගැටුම්වලින් පලස්තීන ජාතිකයන් 3 දෙනෙකු ජීවිතක්ෂයට appeared first on ITN News.

සංචාරක ඕස්ට්‍රේලියා කණ්ඩායම හා ශ්‍රී ලංකා කණ්ඩායම අතර පැවති දෙවන එක්දින ජාත්‍යන්තර ක්‍රිකට් තරගයෙන් ලකුනු 26 ක විශිෂ්ඨ ජයක් වාර්තා කිරීමට ශ්‍රී ලංකා කණ්ඩායම සමත්වුණා.

පල්ලෙකැලේ ජාත්‍යන්තර ක්‍රිකට් ක්‍රීඩාංගනයේ පැවති මෙම තරගයේ කාසියේ වාසිය දිනූ ඕස්ට්‍රේලියාව පළමුව පන්දුවට පහරදීමට ශ්‍රී ලංකා කණ්ඩායමට ආරාධනා කළා. කුසල් මෙන්ඩිස් ලකුණු 36 ක් හා නායක දසුන් චානක ලකුණු 34ක් රැස් කළා. ශ්‍රී ලංකාව පන්දුවාර 47යි පන්දු 4 කදී කඩුළු 9 ක් දැවී ලකුණු 220 ක් රැස්කර ගෙන සිටියදී තරගයට වර්ෂාවෙන් බාධා එල්ලවුණා. පැය 2කට පමණ කාලයකට පසුව තරගය යළි ආරම්භ කළ අතර එහිදී ඩක්වත්ලුවිස් න්‍යායයට අනුව පන්දුවා 43කදී ලකුණු 216 ක ඉලක්කයක් ඕස්ට්‍රේලියාවට හිමිවුණා. කෙසේ වුවද පන්දුවාර 37යි එක් පන්දුවකදී ලකුණු 189 කට ඕස්ට්‍රේලියා ඉනිම සීමා කිරීමට ශ්‍රී ලංකා පන්දු යවන්නන් සමත් වුණා. තරග 5කින් සමන්විත දෙරට අතර එක්දින ක්‍රිකට් තරගාවලිය එකට එකක් ලෙස මේ වන විට සම තත්ත්වයේ පවතිනවා.

The post ශ්‍රී ලංකා කණ්ඩායමට විශිෂ්ඨ ජයක් appeared first on ITN News.

චීන කරුණු පිළිබඳ ස්පාඥ්ඥ විශේෂඥ Xulio Rios මහතා මෑතකදී චීනය, වර්ධනය හා ගෝලීය ආරක්ෂාව නමින් ලිපියක් පළ කරමින් චීනය ඉදිරිපත් කරන ගෝලීය ආරක්ෂක යෝජනාව ගෝලීය
ආරක්ෂාව යහපත් කිරීමට උපකාරී වන බව සඳහන් කළේය. ගෝලීය ආරක්ෂක යෝජනාව චීන ජනාධිපති ෂී ජින් පිං මහතා පසුගිය අප්‍රේල් මස බෝ ඖ ආසියානු සාකච්ඡා සභාවට ඉදිරිපත් කර තිබේ. සීතල යුධ සංකල්පය අතහැරීම, සහයෝගිතා සහිත තිරසර ආරක්ෂක සංකල්පයට මුලපුරීම, සංවාද ඔස්සේ රටවල් අතර මතභේද හා ගැටුම් විසඳීම ෂී ජින් පිං මහතා එහිදී යෝජනා කළේය. චීනය‍ට සංවර්ධනය, ස්ථාවරත්වය, ප්‍රගතිය සහ සාමය වැදගත් සාධකයකි. සංවර්ධනය ආරක්ෂාවේ අනෙක් පැත්ත බව එම ලිපියේ සඳහන් විය.

චීනය සංවර්ධනයට ගෝලීය ආරක්ෂාව හා සම්බන්ධ ගැටළු වල බලපෑම අවබෝධ කර ගනිමින්, චීන- ඇමරිකා මත ගැටුම් උග්‍ර වුවහොත් ඉදිරි වසර කිහිපය තුළ තත්ත්වය අතිශයින් බරපතල වීම
පිළිබඳ චීනය කනස්සල්ල දක්වයි. ඒ වෙනුවෙන් චීනය පොදු ඉරණමක් සහිත මානවයන්ගේ ප්‍රජාව යන සංකල්පය ඉදිරිපත් කළේය. වර්තමානයේ, මෙම සංකල්පය චීනයේ රාජ්‍ය තාන්ත්‍රිකත්වයට එක් වී ඇති අතර සංවර්ධනය සහ අන්‍යෝන්‍ය වශයෙන් ප්‍රයෝජනවත් සහයෝගීතාව ප්‍රවර්ධනය කිරීම සහ ලෝ වැසියන් ගේ පොදු ප්‍රතිලාභ ආරක්ෂා කිරීම වෙනුවෙන් චීනය පෙනී සිටින බව Xulio Rios මහතා
එම ලිපියේ සඳහන් කළේය.

The post ලෝ වැසියන්ගේ පොදු ප්‍රතිලාභ ආරක්ෂා කිරීම වෙනුවෙන් චීනය පෙනී සිටින බව ස්පාඥ්ඥ විශේෂඥයෙක් පවසයි appeared first on ITN News.

යල කන්නයේ වී අස්වනු නෙලීම මේ වන විට ආරම්භ කර තිබෙන බැවින් ඉදිරියේදී සහල් හිගයක්  ඇති නොවන බව අමාත්‍ය මහින්ද අමරවීර මහතා පවසනවා. වී අලෙවි මණ්ඩලය සතු වී තොග නිදහස් කර පාලන මිලට වඩා සහල් අඩු මුදලකට ජනතාව වෙත ලබාදීමේ වැඩපිළිවෙලක් ආරම්භ කර ඇතැයි ද අමාත්‍යවරයා සදහන් කළා.

සහල් හිගයකින් තොරව වෙළදපොලට නිකුත් කිරීම ඇතුළු කරුණු ගණනාවක් සම්බන්ධයෙන් විශේෂ සාක්ඡාවක් වී අලෙවි මණ්ඩලයේදී අද පැවැත්වුණා. එහිදී තීරණ රැසක් ගෙන තිබෙනවා. ආහාර හිගයට පිළියම් ලෙස රජය සතු වගා නොකළ සියලු ඉඩම් වගාකිරීම සදහා ලබාදීමට නියමිතයි. එම ඉඩම් ආරක්ෂක අංශවලට හා  බන්ධනාගාර රැදවූවන්ට ලබාදීමට මේ වන විට තීරණය කර තිබෙනවා. අපේක්ෂිත ප්‍රමාණයට වඩා වී වගාවට ගොවීන් යොමුව ඇති බවයි අමාත්‍යවරයා මෙහිදී සදහන් කළේ.

වීඅලෙවි මණ්ඩලය සතු වී සහල් බවට පත් කර පාලන මිලට වඩා අඩු මිලට පාරිභෝගිකයින්ට ලබාදීමට සැළසුමක් සකස් කර තිබෙනවා. කිලෝ ග්‍රෑම් 5 සහ  10 ප්‍රමාණයේ සහල් මලු ලබාදීමේ වැඩපිළිවෙලක් ඊට ඇතුළත්.

ඉදිරි වගාවන් සදහා පොහොර ලබාදීම සම්බන්ධයෙන් ද අමාත්‍යවරයා මෙහිදී මාධ්‍ය දැනුවත් කළා.

මේ අතර යල කන්නයේ අම්පාර දිස්ත්‍රික්කයේ වී අස්වනු නෙලීම පොතුවිල් ප්‍රාදේශීය ලේකම් කොට්ඨාසයෙන් ආරම්භ වුණා. රොට්ටේ ප්‍රදේශයේ අක්කර 1500 ක පමණ අස්වනුයි මෙලෙස නෙලීම ආරම්භ  කර තිබෙනවා.

සේනානායක සමුද්‍රයේ ජලයෙන්  වගා කළ අක්කරේපත්තුව ප්‍රදේශයේ ද අස්වනු ඉදිරියේදී නෙලීමට නියමිත බවයි ගොවින් සදහන් කළේ.

යළ කන්නයේ අස්වැන්න නෙලනවා. හාල් හිගයක් ඇතිවෙන්නේ නෑ. ඇමති අමරවීරගෙන් සහතිකයක්.

The post හාල් හිගයක් ඇතිවෙන්නේ නෑ – ඇමති අමරවීරගෙන් සහතිකයක් appeared first on ITN News.