2012 වසරේදී වැලිකඩ බන්ධනාගාරයේ රැදවුවන් 27 දෙනෙකු වෙඩි තබා ඝාතනය කිරීමේ සිද්ධිය සම්බන්ධ නඩුව අද (31) විභාගයට ගැනුණා. ඒ කොළඹ මහෙස්ත්‍රාත් අධිකරණයේදියි. සිද්ධිය සම්බන්ධයෙන් අත්අඩංගුවට ගත් පොලිස් මත්ද්‍රව්‍ය නාශක කාර්යාංශයේ පොලිස් පරීක්ෂක නියෝමාල් රංගජීව සහ හිටපු බන්ධනාගාර අධිකාරී එමිල් රන්ජන් ලමාහේවා යන අය ලබන 07 වනදා තෙක් තවදුරටත් රක්ෂිත බන්ධනාගාර ගත කෙරුණා. ඒ සිද්ධියට අදාළ පරීක්ෂණ වලදී හමුවූ ටී – 56 ගිනිඅවි 25 ක් සම්බන්ධයෙන් රජයේ රස පරික්ෂකවරයාගේ වාර්තාව මෙතෙක් ලැබී නැති බව අපරාධ පරීක්ෂන දෙපාර්තමේන්තුව අධිකරණයට දැනුම් දීමෙන් අනතුරුවයි. සැකකරුවන් සම්බන්ධයෙන් ඇප ඉල්ලා ගොණු කළ ප්‍රතිශෝධන පෙත්සම් කොළඹ මහාධිකරණය මීට පෙර ප්‍රතික‍්ෂේප කර තිබුණා.
Post a Comment