Daily NEWS Srilanka

2023 නව අවුරුදු උදාව ලොව පුරා රටවල් රැසක ජනතාව අතිඋත්කර්ෂවත් අන්දමින් පිළිගත්තා.

කොවිඩ් වසංගතය හේතුවෙන් වසර දෙකක පමණ කාලයක් නව වසර උදාව සැමරීමට නොහැකි වු ලෝකවාසී ජනතාව මෙවර නව අවුරුදු උදාව උත්සවශ්‍රීයෙන් සමරනු ලැබුවා.  නවසීලන්තය, ඕස්ට්‍රේලියාව ඇතුලු රටවල් 2023 නව වසර පළමුව පිළිගත්තා. ලන්ඩන් නුවරට ලක්ෂයකට වැඩි පිරිසක් නව අවුරුදු උදාවේ ගිණිකෙළි සංදර්ශන දැක බලා ගැනීමට පැමිණ සිටියා. කෙන්යාව,  උගන්ඩාව, ඊජීප්තුව, ඇතුලු නැගෙනහිර අප්‍රිකානු රටවල් ද නව අවුරුදු උදාව ඉහළින් සමරනු ලැබුවා. යුධ ගැටුම් පවතින යුක්රේනය ද නව අවුරුදු උදාව සැමරීම විශේෂත්වයක්. දකුණු ඇමෙරිකාව,  බ්‍රසීලය,  ආජන්ටිනාව,  පැරගුවේ රාජ්‍ය සහ චීලි රාජ්‍යයන්ට තවමත් 2023 වසර එළඹී නැහැ.

The post ලොව පුරා රටවල් රැසක ජනතාව නව වසර උදාව අතිඋත්කර්ෂවත්ව සමරයි appeared first on ITN News.

16 වන ශුද්ධෝත්තම බෙනඩික් හිටපු පාප් වහන්සේ ස්වර්ගස්ථ වුණා. උන්වහන්සේගේ දේහය පිළිබද අවසන් කටයුතු ලබන පස් වනදා සිදු කිරීමට නියමිතයි.

වසර 598කට පසු සිය ධූරයෙන් ඉල්ලා අස්වූ පාප් වහන්සේ නමක් ලෙසටයි උන්වහන්සේ ඉතිහාසයට එක්ව තිබෙන්නේ.

*ඩබ්**විසිආර්*

දීර්ඝ කලක් අසනීප තත්ත්වයෙන් පසු වූ 16වන බෙනඩික් පාප් වහන්සේ ස්වර්ගස්ථ වන විට 95 හැවිරිදි වියේ පසුවුනා. වතිකානයේ සිය වාසස්ථානයේදී උන් වහන්සේ ස්වර්ගස්ථ වී තිබෙනවා. 2013 වසරේදී 16 වන බෙනඩික් පාප් වහන්සේ අසනීප තත්ත්වය හේතුවෙන් පාප් ධූරයෙන් ඉල්ලා අස් වුණා.

1415 වසරෙන් පසු පාප් වහන්සේ නමක් මෙලෙස ඉල්ලා අස් වූයේ ප්‍රථම වරටයි. සිය ජීවිතයේ අවසන් සමයේදී වතිකානයේ දේවස්ථානයක කල් ගත කළා.

වර්තමාන ෆ්‍රැන්සිස් පාප් වහන්සේ සදහන් කළේ තමන් අවස්ථා කිහිපයකදීම හිටපු පාප් වහන්සේගේ සුවදුක් විමසීම සදහා ගිය බවයි. ජර්මනියේදී උපත ලැබූ හිටපු පාප් වහන්සේ 2005 වසරේදී පාප් ධූරයට පත් වුණා. ඒ 78 හැවිරිදි වියේදී.

මේ අතර ස්වර්ගස්ථ ශුද්ධෝත්තම හිටපු පාප් වහන්සේගේ දේහය පිළිබද අවසන් කටයුතු ලබන 5 වනදා වත්මන් ෆ්‍රැන්සිස් පාප්වහන්සේගේ ප්‍රධානත්වයෙන් පැවැත්වීමට නියමිතයි. වතිකානය පවසන්නේ උන්වහන්සේගේ දේහය ශාන්ත පීතර බැසිලිකාවේ ලබන 2වනදා සිට තැන්පත් කර තබන බවයි. ලොව පුරා රාජ්‍ය නායකයන් උන්වහන්සේගේ වියෝව සම්බන්ධයෙන් ශෝකය පළකර තිබෙනවා. 

16 වන බෙනඩික් පාප් වහන්සේ 2012 වසරේදී හිටපු ජනාධිපති මහින්ද රාජපක්ෂ මහතා සහ ශිරන්ති රාජපක්ෂ මහත්මිය මුණගැසුනා. මහින්ද රාජපක්ෂ මහතා සහ එම මහත්මිය වතිකානයේ කළ සංචාරයක් අතරතුරදී බෙනඩික් පාප්වහන්සේ මුණගැසුණේ.

රටතුළ පැවති යුද්ධයෙන් පසු සංහිදියාව ඇතිකර ගැනීම පිළිබදව පාප් වහන්සේ හිටපු ජනාධිපතිතුමා සමග අදහස් රැසක් හුවමාරු කර ගත්තා. කතෝලික පල්ලිය මගින් මෙරට ජනතාවගේ සුබසාධනය වෙනුවෙන් කළ හැකි කාර්ය භාරය පිළිබදව ද එහිදී පාප් වහන්සේ සාකච්ඡා කළා.

The post 16 වන ශුද්ධෝත්තම බෙනඩික් හිටපු පාප් වහන්සේ ස්වර්ගස්ථ වෙයි appeared first on ITN News.

ජනප්‍රිය සමාජ මාධ්‍ය තරුවක් වන ඇන්ඩෘෘ ටේට් දින 30ක රැදවුම් භාරයට යොමුකර තිබෙනවා.

ජනප්‍රිය සමාජ මාධ්‍ය තරුවක් වන ඇන්ඩෘෘ ටේට් ඊයේ අත්අඩංගුවට ගැනුණා. ඇන්ඩෘෘ ටේට් ප්‍රසිද්ධව ඇත්තේ අන්තර්ජාලය තුළ විශේෂ මත පළකරන්නෙක් වශයෙනුයි. කෙසේ වෙතත් ඊයේ දිනයේදී ඇන්ඩෘෘ ටේට් අත්අඩංගුවට ගැනුණේ මිනිස් වෙළදාම සහ අපචාර ඇතුළු චෝදනා කිහිපයක් යටතේයි.

රුමේනියා පොලිසිය ප්‍රකාශ කරන්නේ ඇන්ඩෘෘ ටේට් සංවිධානාත්මක අපරාධ කණ්ඩායමක් පවත්වාගෙන ගිය බවට සාක්ෂි ඇති බවයි.

The post ජනප්‍රිය සමාජ මාධ්‍ය තරුවක් වන ඇන්ඩෘෘ ටේට් රැඳවුම් භාරයට appeared first on ITN News.

දිල්ලි ප්‍රාන්ත රජය ජනතාවට නිවසේ සිට රාජකාරී කරන ලෙස දන්වා තිබෙනවා.

දිල්ලි අගනුවර වායු දූෂණය ඉහළ යාම මේ තත්ත්වයට හේතුවී තිබෙනවා. ඊයේ දිනයේ දිල්ලි අගනුවර වායු ගුණාත්මක දර්ශකය 399 ක් දක්වා ඉහළ ගොස් තිබුණා.

මේ හේතුවෙන් දිල්ලියේ ගල් අගුරු ඇතුළු අනුමත නොකළ ඉන්ධන භාවිතා කරන කර්මාන්ත ශාලා වසා දමන ලෙසත් එසේ වසා නොදමන කර්මාන්ත ශාලාවලට විරුද්ධව ඉහළ දඩ මුදලක් පැනවීමට ද දිල්ලි ප්‍රාන්ත රජය කටයුතු කළා.

වායු දූෂණය අවම කර ගැනීම සදහා දිල්ලියට ට්‍රක් රථ ඇතුළුවීම වැළැක්වීම ඉදිරියට සිදුකරන බව වාර්තා වනවා.

The post දිල්ලි ප්‍රාන්ත රජය ජනතාවට නිවසේ සිට රාජකාරී කරන ලෙස දන්වයි appeared first on ITN News.

උතුරු කොරියාව තවත් බැලැස්ටික් මිසයිල තුනක් අත්හදා බැලුවා.

කිලෝමීටර් 350ක දුරක් ගමන් කළ හැකි මෙම මිසයිල තුළින් විශාල ප්‍ර දේශයක් ආවරණය කෙරෙනවා. මේ අනුව උතුරු කොරියාව 2022 වසර වැඩිම මිසයිල තොගයක් අත්හදා බැලූ වසර ලෙසටයි ඉතිහාසයට එක්වන්නේ.

එමෙන්ම ඊයේ අත්හදා බැලූ මිසයිල පතිතවන ආකාරය දකුණු කොරියාවේ හා ජපානයේ ආරක්ෂක අංශ නිරීක්ෂණය කර තිබෙනවා. ඒ අනුව මෙම අත්හදා බැලීම් දකුණු කොරියාව හා ජපානය දැඩි ලෙස හෙලාදුටුවා.

The post උතුරු කොරියාව තවත් බැලැස්ටික් මිසයිල 3ක් අත්හදා බලයි appeared first on ITN News.

අතීත, වර්ථමාන, අනාගත හා සමාජීය දේශපාලන කරුණු අලලා පුද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා විසින් රචිත බල රංගනය 3 පොත දොරට වැඩීමේ උත්සවය අග්‍රමාත්‍ය දිනේෂ් ගුණවර්ධන මැතිතුමාගේ ප්‍රධානත්වයෙන් කොළඹ මහජන පුස්තකාල ශ්‍රවණාගාරයේදී පැවැත්විණි.

පුජ්‍ය ඇල්ලේ ගුණවංශ හිමි, පාහියංගල ආනන්ද සාගර හිමි, අධිකරණ අමාත්‍ය විජේදාස රාජපක්ෂ මහතා ඇතුළු ගිහි පැවිදි ආරාධිතයන් රාශියකගේ සහභාගීත්වයෙන් පැවති මෙම උත්සවයේ දී බල රංගනය 3 පොත සහ කතුවරයා පිළිබඳ හැදින්වීමේ දේශනය ජනාධිපති වෘත්තීය සබදතා පිළිබද අධ්‍යක්ෂ ජනරාල් සමන් රත්නප්‍රිය මහතා විසින් පවත්වනු ලැබීය.

The post ගැමුණුගේ බල රංගනය එළිදැක්වේ (Photos) appeared first on ITN News.

මියන්මාර හමුදා අධිකරණය හිටපු මියන්මාර නායිකා අවුන්සාන් සුකීට තවත් වසර 7ක සිරදඬුවම් නියම කළා.

ඒ අනුව ඇයගේ සිර දඬුවම් විදිම සමස්ත කාලය වසර තිස්තුනක් වනවා. 2021 වසරේ පෙබරවාරි මාසයේදී අවු සාන් සුකීගේ රජය හමුදා කුමන්ත්‍රණයකින් පෙරළාදැමීම සිදුවුණා. ප්‍රජාතන්ත්‍රවාදී ලෙස බලයට පත්වූ අවුසාන් සුකී එහිදී නිවාස අඩස්සියට පත්වුණා. එක්සත් ජාතීන්ගේ ආරක්ෂක කවුන්සිලය ඇයව නිදහස් කරන ලෙස පසුගිය සතියේ ඉල්ලා සිටියා. එහෙත් හමුදා රජය අවුන්සාන් සුකිට විරුද්ධව අපරාධ දාහතරක් සම්බන්ධයෙන් දඬුවම් නියම කළා. නොබෙල් ත්‍යාගලාභී අවුන්සාන් සුකි මේ වන විට 77 වන වියේ පසු වනවා.

The post අවුන්සාන් සුකීට තවත් වසර 7ක සිරදඬුවමක් appeared first on ITN News.

ඉන්දීය කඩුලු රකින ක්‍රීඩක රිෂාබ් පාන්ට් අද උදෑසන සිදුවූ රිය අනතුරකින් තුවාල ලබා රෝහල් ගත කෙරුණා.

නවදිල්ලිය බලා යන අතරතුරයි ඔහු මෙසේ අනතුරට ලක්වුණේ. ඔහුගේ මෝටර් රථය ගිනි ගෙන විනාශ වුණා. බරපතල තුවාල ලැබූ රිෂාබ් ප්ලාස්ටික් සැත්කමකට ද භාජනය කර ඇති බවයි වාර්තා වුණේ. ඔහුට නින්ද යාම හේතුවෙන් අනතුර සිදුව ඇති බව ඉන්දීය මාධ්‍ය වාර්තා පෙන්වා දෙනවා.

The post ඉන්දීය ක්‍රිකට් ක්‍රීඩකයෙකු රිය අනතුරකට ලක්වෙයි appeared first on ITN News.

ඉන්දීය අග්‍රාමාත්‍ය නරේන්ද්‍ර මෝදිගේ මව ජීවිතක්ෂයට පත්වුණා.

ඉන්දීය අග්‍රාමාත්‍යවරයාගේ මව වන හිරන් බෙන් මෝදි මිය යනවිට 99 වන වියේ පසුවුණා. බටහිර ගුජරාට් ප්‍රාන්තයේ රෝහලක ප්‍රතිකාර ලබමින් සිටියදීයි ඇය මියගියේ. නරේන්ද්‍ර මෝදි හා ඔහුගේ මව එකම ස්ථානයක සිටින ආකාරය අවසන් වරට දක්නට ලැබුණේ පසුගිය 4 වනදා පැවති ගුජරාට් ප්‍රාන්ත මැතිවරණ අවස්ථාටවේදීයි. මෙම අභාවය සම්බන්ධයෙන් ලොව පුරා නායකයින් රැසක්ම ශෝකය පළකර තිබෙනවා. ඇය ධාර්මික හා සරළ දිවි පෙවතක් ගතකළ කාන්තාවක ලෙසටයි ප්‍රසිද්ධ වී ඇත්තේ.

The post ඉන්දීය අගමැති මෝදිගේ මව අභාවප්‍රාප්ත වෙයි appeared first on ITN News.

ඉන්දියාවේ නිෂ්පාදිත කැස්ස සිරප් පානය කිරීම හේතුවෙන් ළමුන් දහඅටදෙනෙකු ජිවිතක්ෂයට පත්ව ඇති බව උස්බෙකිස්තානය නිවේදනය කරනවා.

මියගිය ළමුන් පානය කළ කැස්ස සිරප්වල විෂ රසායන අඩංගු බව රසායනාගාර පරීක්ෂන වලින් හෙළිව තිබෙනවා. එමෙන්ම එම ළමුන්ට වෛද්‍ය නිර්දේශකයකින් තොරව මෙම සිරප් ලබා දි ඇති බවයි  උස්බෙකිස්තාන සෞඛ්‍ය අමාත්‍යාංශය නිවේදනය කරන්නේ.

නිර්දේශිත මාත්‍රාව ඉක්මවා ළමුන්ට ලබා දි ඇති බවද අනාවරණය වි තිබෙනවා. ඉන්දියාවේ නිෂ්පාදිත එම සිරප් වර්ග සියල්ල එරට ඔසුසල් වලින් ඉවත් කිරීමටයි පියවර ගෙන ඇත්තේ. මේ ආකාරයටම ඉන්දියාවේ කැස්ස සිරප් පානය කිරිමෙන්  ගැම්බියාවේ ළමුන් 66 දෙනෙකු ජිවිතක්ෂයට පත්වුණා.

The post ඉන්දියාවේ නිෂ්පාදිත කැස්ස සිරප් පානය කිරීම හේතුවෙන් ළමුන් 18 දෙනෙකු ජිවිතක්ෂයට appeared first on ITN News.

කාම්බෝජියාවේ කැසිනෝ ශාලාවක හටගත් ගින්නකින් පුද්ගලයින් දස දෙනෙකු ජිවිතක්ෂයට පත්වුණා.

කාම්බෝජියා, තායිලන්ත දේශසිමාව ආසන්නයේ පිහිටා ඇති කැසිනෝ ශාලාවක මෙම ගින්න හටගෙන ඇත්තේ. අනතුරෙන් තවත් පුද්ගලයින් 30 දෙනෙකු පමණ තුවාල ලබා රෝහල් ගත කර තිබෙනවා.

ගින්න හට ගන්නා අවස්ථාවේ පුද්ගලයින් 400 දෙනෙකු පමණ ගොඩනැගිල්ල තුළ රැදී සිටි බවයි පොලිසිය සදහන් කරන්නේ. ගින්න හට ගැනීමත් සමග එම ගොඩනැගිල්ලේ ඉහළ මාලයන්ගෙන් පුද්ගලයින් බිමට පණින ආකාරය දැක්වෙන විඩීයෝ පටද සාමාජ මාධ්‍යවල දක්නට ලැබෙනවා.

ගින්න හට ගැනීමට හේතුව මෙතෙක් අනාවරණය වි නොමැති අතර සිද්ධිය සම්බන්ධයෙන් පුළුල් විමර්ශණයක් ක්‍රියාත්මකයි.

The post කාම්බෝජියාවේ කැසිනෝ ශාලාවක හටගත් ගින්නකින් 10 දෙනෙකු ජිවිතක්ෂයට appeared first on ITN News.

බංගලාදේශයේ පළමු මෙට්‍රෝ දුම්රිය සේවය ජනතා අයිතියට පත් කෙරුණා.

ජපානයේ ආධාර යටතේ ක්‍රියාත්මක ව්‍යාපෘතියේ පළමු අදියරයි මෙලෙස විවෘත කෙරුණේ. මෙට්‍රෝ දුම්රිය සේවය හරහා ඩකා නගරයේ මිලියන 20කට අධික ජනතාවගේ ගමනාගමන කටයුතු පහසුවෙන් සිදු කර ගැනීමට අවස්ථාව හිමිවන බව එරට අග්‍රාමාත්‍ය ෂෙයික් හසීනා පවසනවා.

එමෙන්ම එය රටට ආඩම්බරයක් බවද ඇය සදහන් කරනවා. සෑම මෙට්‍රෝ දුම්රියකම කාන්තාවන් සදහා වෙන් වු මැදිරියක් පවතින අතර පළමු ගමන්වාරයේ රියදුරු ලෙස කටයුතු කළේද කාන්තාවක්.

මාර්ග 6කින් යුතු ව්‍යාපෘතියේ පළමු මාර්ගයේ ඉදිකිරීම් කටයුතු සදහා වසර 06ක කාලයක් ගත වී ඇති අතර ඒ හරහා කිලෝ මීටර 12ක් ආවරණය වන පරිදි ඉදිරිකීම් කටයුතු නිම කර තිබෙනවා.

සමස්ත මෙට්‍රෝ දුම්රිය සේවය හරහා පැයක් තුළ දි මගීන් හැටදහසකට පමණ ගමනාගමන අවශ්‍යතා සපුරා ගත හැකි අතර නැවතුම් ස්ථාන සියයකට අධික සංඛ්‍යාවකින් එය සමන්විතයි.

The post බංගලාදේශයේ පළමු මෙට්‍රෝ දුම්රිය සේවය ජනතා අයිතියට appeared first on ITN News.

මධ්‍යම චීනයේ ෂෙන්ග්ෂු නගරයේ මහාමාර්ගයක රථවාහන දෙසියකට අධික සංඛ්‍යාවක් එකිනෙක ගැටීමෙන් අනතුරට ලක්ව තිබෙනවා.

එම ප්‍රදේශයට බලපා තිබු ඝන මීදුම් තත්ත්වය හේතුවෙන් මෙම අනතුර සිදුව ඇති බවයි බලධාරීන් සදහන් කරන්නේ. අනතුරෙන් එක් පුද්ගලයෙකු ජිවිතක්ෂයට පත්ව තවත් කිහිප දෙනෙකු තුවාල ලබා රෝහල් ගත කර තිබෙනවා.

රථවාහන එකිනෙක ගැටීමත් සමග මාර්ගය සම්පුර්ණයෙන්ම අවහිර වී ඇති ආකාරය විදෙස් මාධ්‍ය වාර්තා කළා. ඝන මීදුම හේතුවෙන් රථ වාහනවල ගමන් කිරිමේ දි මීටර 500කටත් අඩු දුරක් පමණක් පැහැදිලිව  දක්නට හැකිවු බවයි රියදුරන් සදහන් කරන්නේ.

The post මධ්‍යම චීනයේ ෂෙන්ග්ෂු නගරයේ රථවාහන 200ක් පමණ එකිනෙක ගැටෙයි appeared first on ITN News.

චීනයේ සිට පැමිණෙන සියලු විදේශකයින් ඇමෙරිකාට ඇතුලුවීමේදි කොරෝනා වෛරසය ආසාධනය වී නොමැති බවට තහවුරු කල යුතු බව එරට සෞඛ්‍ය අංශ සදහන් කරනවා.

කොරෝනා වෛරසය චීනය තුළ සිඝ්‍රයෙන් ව්‍යාපත්වීමත් සමගයි ඇමෙරිකාව නව නීති පනවා ඇත්තේ. ඒ අනුව චීනයේ සිට පැමිණෙන සියලු විදේශකයින් කොරෝනා වෛරස ආසාධිතභාවය පරීක්ෂා කරන පී සී ආර් පරීක්ෂණය  සිදු කිරීම අනිවාර්ය වෙනවා.

එමෙන්ම ඉතාලිය ජපානය,මැලේසියාව, තායිවානය හා ඉන්දියාවේ සිට පැමිණෙන පුද්ගලයින්ට නව නීති අදාළ වන බවයි ඇමෙරිකාවේ බලධාරීන් සදහන් කරන්නේ.

වසර 03 ක් පමණ වෛරස ව්‍යාප්තිය පාලනයට දැඩි නීති පනවා තිබු චීනය ලබන වසරේ ජනඅනිවාරි මස 08වන දින සිට එම නිති ලිහිල් කරමින් සංචාරකයින්ට එරටට ඇතුල්වීමට අවස්ථාව ලබාදීමට පියවර ගත්තා.

The post චීනයේ සිට පැමිණෙන සියලු විදේශිකයින්ට ඇමෙරිකාව PCR අනිවාර්ය කරයි appeared first on ITN News.

ජපානයේ දෛනිකව වාර්තා වන කොරෝනා වෛරස ආසාධිතයින් සංඛ්‍යාව තවදුරටත් ඉහළ යමින් පවතිනවා.

ගතවු පැය 24ට පමණක් ජපානයෙන් හමුවී ඇති වෛරස ආසාධිතයින් සංඛ්‍යාව දෙලක්ෂ දහසයදහසකට අධිකයි. එමෙන්ම දකුණු කොරියාවෙන් අසූහත්දහසක් / ඇමෙරිකාවෙන් තිස්හයදහසක් හා බ්‍රසීලයෙන් තිස්හත්දහස් ලෙස වෛරස ආසාධිතයින් හමුව තිබෙනවා.

ඊයේ දිනයේ දි වැඩිම කොරෝනා මරණ සංඛ්‍යාවක් සිදුව ඇත්තේ ද ජපානයේ. ගතවු පැය 24ට එරටින් වාර්තා වන කොරෝනා මරණ 415ක් සමග ලොව සමස්ත කොරෝනා මරණ සංඛ්‍යාව හැටහය ලක්ෂ අනු එක්දහස ඉක්මවා ගියා.

හමුවී ඇති සමස්ත වෛරස ආසාධිතයින් සංඛ්‍යාව හැටහය කෝටි තිස්තුන් ලක්ෂ තිස් හතරදහසකට ආසන්නයි.

The post ජපානයේ කොරෝනා ආසාදිතයින් සංඛ්‍යාව ඉහළට appeared first on ITN News.

රුසියානු කෝටිපති වෙළෙද ව්‍යාපාරිකයෙක් වන පවෙල් ඇන්ටෝව් ඉන්දියාවේ සංචාරයක් අතරතුරදී ජීවිතක්ෂයට පත්ව තිබෙනවා.

රුසියාවේ ප්‍රමුඛ පෙලේ ව්‍යාපාරිකයෙක් ලෙසයි ඔහු සැලකෙන්නේ.

පවෙල් ඇන්ටෝව් ඉන්දියාවේ ඔඩීෂා හෝටලයක දෙවැනි මහලෙන් බිමට වැටී ඇති බවයි ඉන්දීය පොලීසිය සදහන් කරන්නේ. ඔහු සමග ඉන්දියාවේ සංචාරයට එක්ව සිටි ඔහුගේ මිතුරාද ඊට දින දෙකකට පෙර ජීවිතක්ෂයට පත්ව තිබුණා.

පසුගිය කාලයේ දී රුසියා යුක්රේන යුද්ධය සම්බන්ධයෙන් පවෙල් ඇන්ටෝව් විවේචනය කිරීම හේතුවෙන් රුසියානු බලධාරීන්ගේ උදහසට ලක්ව ඇති බව සඳහන්.

කෙසේ වෙතත් මේ සම්බන්ධ වැඩිදුර විමර්ශන ආරම්භ කර ඇති බවයි විදෙස් වාර්තා පෙන්වා දෙන්නේ.

The post රුසියානු කෝටිපති ව්‍යාපාරික පවෙල් ඇන්ටෝව් සංචාරයක් අතරතුරදී ජීවිතක්ෂයට appeared first on ITN News.

රුසියාවට එරෙහිව බොර තෙල් හා ස්වභාවික ගෑස් සඳහා පැනවූ මිල සීමාවට එකඟවූ රටවල් සහ සමාගම් සඳහා තෙල් අලෙවි නොකිරීම රුසියාව තීරණය කර තිබෙනවා.

ජී7 රටවල් , බටහිර රටවල් සහ යුරෝපා සංගමය රුසියාවේ බොර තෙල් බැරලයක් සඳහා ඩොලර් 60ක මිල සීමාවක් පනවනු ලැබුවා.

කෙසේ වෙතත් රුසියා ජනාධිපතිවරයා සදහන් කරන්නේ පෙබරවාරි පලමුවනදා සිට ජූලි පළමුවනදා දක්වා මාස 5 ක කාලයක් බොරතෙල් නිකුත් නොකරන බවයි.

කෙසේ වෙතත් තහනමට යටත්ව රුසියා ජනාධිපතිවරයාගේ විශේෂ අවසරයක් සහිතව එම රටවලට බොර තෙල් සැපයීමේ හැකියාව ලබාදී තිබෙනවා.

The post තමන්ට එරෙහි මිල සීමාවන්ට එකඟ වූ රටවලට තෙල් නොදීමට රුසියාව දැඩි තීරණයක appeared first on ITN News.

ඌව පරණගම අඹගස්දෝව උමා ඇළ ප්‍රදේශයේ ඉඩමක තිබියදී පුද්ගල මළ සිරුරක් සොයාගෙන තිබෙනවා.

මෙසේ මියගොස් ඇත්තේ ඌව පරණගම උමා ඇළ ප්‍රදේශයේ පදිංචිව සිටි 84හැවිරිදි විශ්‍රාමික තැපැල් සේවකයෙක්.

මොහු නිවසේ තනිව ජීවත්ව සිට ඇති අතර නිවසේ නොදුටු නිසා අසල්වැසියන් ඒ පිළිබඳ සොයා බලා තිබෙනවා. එහිදීයි ඔහු අදාළ ඉඩමේ වැටී සිටිනු දැක ඇත්තේ.

මියගිය පුද්ගලයාගේ කණ පිටුපස තුවාල සිදුව ඇති බව දැකගැනීමට හැකි වුණා.

මෙම සැකකටයුතු මරණය පිළිබද අඹගස්දෝව පොලීසිය පරීක්ෂණ පවත්වනවා.

The post ඌව පරණගම ඉඩමක තිබූ පුද්ගල මළ සිරුරක් සොයා ගැනේ appeared first on ITN News.

2023 වසර සඳහා උතුරු කොරියාව නව මිලිටරි ඉලක්ක එළි දක්වා තිබෙනවා. උතුරු කොරියා නායක කිම් ජෝන් උන් ඊයේ පැවති පක්ෂ රැස්වීමේදී මේ බව සඳහන් කළා.

එහිදි ඔහු වැඩිදුරටත් සඳහන් කර ඇත්තේ සිය හමුදා සඳහා නව ඉලක්ක එළි දැක්වු බවත් ලබන වසරේ දී අවි අත්හදා බැලීම් සහ කලාපයේ ගැටුම් පිළිබඳව වැඩිදුරටත් සලකා බලන බවයි.

එමෙන්ම බටහිර රටවල ප්‍රතිපත්තිවලට එරෙහිව සටන් කරන ආකාරය පිළිබඳව ද උතුරු කොරියා නායකයා උපදෙස් ලබා දී තිබෙනවා.

කොරියානු අර්ධද්වීපයේ ආරක්ෂාව පිළිබඳව ද වැඩිදුරටත් මෙහිදී සාකච්ඡා කර ඇති බවයි විදෙස් මාධ්‍ය වාර්තා කරන්නේ.

The post 2023 වසර සඳහා උතුරු කොරියාව නව මිලිටරි ඉලක්ක එළි දක්වයි appeared first on ITN News.

උතුරු, උතුරු-මැද, නැගෙනහිර සහ ඌව පළාත්වල සිහින් වැසි වාර කිහිපයක් ඇතිවේ.

බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවේ.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

ඉදිරි පැය 24 ට දිවයින වටා වන මුහුදු ප්‍රදේශ සඳහා කාලගුණ අනාවැකිය

වැසි තත්ත්වය : ත්‍රිකුණාමලය සිට මඩකලපුව හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල වැසි ස්වල්පයක් ඇතිවේ. සෙසු මුහුදු ප්‍රදේශවල ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවිය හැක.

සුළඟ : දිවයිනවටාවනමුහුදුප්‍රදේශවලසුළං ඊසානදෙසින් හමාඑනඅතරසුළගේවේගයපැ.කි.මී. (25-35) පමණවේ.

මුහුදේ ස්වභාවය : දිවයින වටා වන මුහුදු ප්‍රදේශ සාමාන්‍යය ස්වභාවයෙන් යුතු වේ.

The post උතුරු, උතුරු-මැද, නැගෙනහිර සහ ඌවට සිහින් වැසි වාර කිහිපයක් appeared first on ITN News.

පිලිපීනයට බලපෑ අයහපත් කාලගුණය හේතුවෙන් පුද්ගලයින් 13 දෙනෙකු ජීවිතක්ෂයට පත් වුණා.

අධික වර්ෂාපතනය හේතුවෙන් හට ගත් ගංවතුර තත්ත්වයත් සමග පිලිපීනයේ ස්ථාන රැසකට බලපෑම් එල්ල වුණා.

මේ හේතුවෙන් පුද්ගලයින් හතළිස් පන්දහසක් පමණ අවතැන් වී ඇති බවයි එරට මාධ්‍ය වාර්තා කරන්නේ.

ගංවතුර හේතුවෙන් පුද්ගලයින් විසිතුන් දෙනෙකු මේ වන විට අතුරුදන් වී තිබෙනවා.

ප්‍රදේශ රැසකට විදුලියද විසන්ධි වී ඇති බවයි වාර්තා වන්නේ. ඇතැම් ස්ථානවල නායයාම් ද වාර්තා වුණා.

The post පිලිපීනයේ ගංවතුරෙන් 13 දෙනෙකු ජීවිතක්ෂයට appeared first on ITN News.

ජපානයේ අධික හිම පතනයත් සමඟ පුද්ගලයින් 17 දෙනෙකු ජීවිතක්ෂයට පත්ව තවත් 90කට අධික පිරිසක් තුවාල ලබා ඇති බව විදෙස් මාධ්‍ය සදහන් කරනවා.

මියගිය පිරිස අතරින් බහුතරයක් තම නිවාසයන්හි වහල මත රැදී තිබෙන හිම ඉවත් කිරීමට යාමේදී ඉන් ඇදවැටීමෙනුයි ජීවිතක්ෂයට පත්ව තිබෙන්නේ. ජපානයේ ප්‍රදේශ රැසකට බලපා ඇති අධික හිමපතනය හේතුවෙන් නිවාස සිය ගණනකට විදුලිබලය ඇණහිට ඇති බව එරට ආපදා කළමනාකරණ මධ්‍යස්ථානය නිවේදනය කරනවා. වාහන ගමනාගමනයට දැඩි බාධා පැමිණ ඇති අතර භාණ්ඩ ප්‍රවාහන සේවා ප්‍රමාදවීමත් සමග අර්බුදකාරී තත්ත්වයක් හටගත්තා. ඇතැම් ස්ථානයන්හි හිම තට්ටුවේ ඝනකම අඩි 2 යි අගල් 6 ඉක්මවා ඇති බව සදහන්.

The post ජපානයට බලපෑ අධික හිමපතනයෙන් 17දෙනෙකු ජීවිතක්ෂයට appeared first on ITN News.

68 හැවිරිදි හිටපු අග්‍රාමාත්‍ය පුෂ්පා ඩහල් ප්‍රචණ්ඩා තුන්වන වරටත් නේපාලයේ අග්‍රාමාත්‍ය ධුරය සදහා පත්කර තිබෙනවා.

හිටපු අග්‍රාමාත්‍ය කේ පී ෂර්මා ඔලීගේ නිල නිවසේ පැවති සාකච්ඡාවකින් අනතුරුවයි නව අග්‍රාමාත්‍යවරයාව තෝරාගෙන ඇත්තේ. නේපාල ජනාධිපති බිඩ්යා දේවි බහන්දාරි නව අග්‍රාමාත්‍යවරයෙකු පත්කර ගන්නා ලෙස එරට පාර්ලිමේන්තුවට දැනුම් දුන් අතර නේපාල ව්‍යවස්ථාව අනුව පුෂ්පා ඩහල් ප්‍රචණ්ඩා ඊයේ පස්වරුවේ ධුරයේ දිවුරුම් දුන්නා. කේ පී ෂර්මා ඔලී හා පුෂ්පා ඩහල් ප්‍රචණ්ඩා අතර අග්‍රාමාත්‍ය ධුරය හුවමාරුකර ගනිමින් පාලනය ගෙනයාමට නියමිත බවයි නේපාල මාධ්‍ය සදහන් කරන්නේ. ප්‍රචණ්ඩා හට එරට පාර්ලිමේන්තුවේ මන්ත්‍රීවරු 275 න් 165 ක සහයෝගය හිමිව තිබෙනවා.

The post නේපාල අගමැති ධුරය තෙවැනි වරටත් ‘ප්‍රචණ්ඩා’ට appeared first on ITN News.

චීනය හමුදා ආක්‍රමණයකට සූදානම් වන බවට තායිවානය චෝදනා කරනවා.

තායිවානයේ ආරක්ෂක අමාත්‍යංශයේ දත්තවලට අනුව චීනය තායිවානය අවට මුහුදේ සහ අහසේ ක්‍රියාකාරකම් වැඩිකර ඇති බවයි වාර්තා වන්නේ. ප්‍රහාරක ජෙට් යානා හා ඩ්‍රෝන යානා ඇතුළු චීන ගුවන් හමුදාවට අයත් ගුවන් යානා 71 ක් තායිවාන ගුවන් ආරක්ෂක හදුනා ගැනීමේ කලාපයට ඇතුළුවී ඇති බව එහි සදහන්. තායිවානය ස්වයං පාලන රාජ්‍යයක් ලෙස ක්‍රියා කළද චීනය පවසන්නේ එය ඔවුන්ට අයත් බවයි. එමෙන්ම පසුගිය අගෝස්තු මාසයේ දී ඇමෙරිකා නියෝජිත මන්ත්‍රී මණ්ඩලයේ කතානායක නැන්සි පෙලෝසි තායිවානයේ සංචාරක නිරතවීමත් සමග කලාපය අවට යුද ක්‍රියාකාරකම් ඉහළ දැමීමට චීනය කටයුතු කළා.

The post චීනය හමුදා ආක්‍රමණයකට සූදානම් වන බවට තායිවානයෙන් චෝදනා appeared first on ITN News.

හිටපු ජනාධිපති ගෝඨාභය රාජපක්ෂ මහතා හා ඔහුගේ බිරිද ඇතුළු පවුලේ සාමාජිකයන් 5 දෙනෙකු ඇමෙරිකාව බලා පිටව ගොස් තිබෙනවා.

ගෝඨාභය රාජපක්ෂ මහතා හා ඔහුගේ බිරිද අයෝමා රාජපක්ෂ,  පුතු දමින්ද මනෝජ් රාජපක්ෂ,  ලේලිය එස් ඩී රාජපක්ෂ හා මිණිබිරිය වන ඩීඑස් රාජපක්ෂ යන අය මෙසේ කටුනායක ගුවන් තොටුපලින් පිටව ගොස් තිබෙනවා. එමිරේට්ස් ගුවන් සේවයට අයත් ඊකේ 649 දරණ යානයෙන් පිටව ගිය මෙම පිරිස ඩුබායි වෙත ගොස් ඉන් අනතුරුව ඇමෙරිකාව බලා පිටත්ව යාමට නියමිත බවයි ගුවන්තොටුපොල ආරංචි මාර්ග සදහන් කළේ.

The post හිටපු ජනපති ගෝඨාභය රාජපක්ෂ ඇමෙරිකාව බලා පිටත්ව යයි appeared first on ITN News.

ඇමෙරිකාවේ නිව්යෝර්ක් ප්‍රාන්තයේ බෆලෝ ප්‍රදේශයේ තත්ත්වය යුද කලාපයකට සමාන බව ප්‍රාන්ත ආණ්ඩුකාරවරයා සදහන් කරනවා.

අධික හිම පතනය හේතුවෙන් එම ප්‍රදේශයේ පමණක් ජීවිතක්ෂයට පත්ව ඇති සංඛ්‍යාව 28 ක්. ඇතැම් ප්‍රදේශයන්හි අඩි 4ට වඩා උසකට හිමපතනය වී ඇති බව ද වාර්තා වනවා. අධික හිමපතනය හා ශීත කාලගුණය හේතුවෙන් ඇමෙරිකාවේ මෙන්ම කැනඩාවේ මියගොස් ඇති සමස්ත සංඛ්‍යාව 56 ක් ලෙසයි සටහන් වන්නේ. ආපදාවට පත්වූ පිරිසට සහන සැලසීම සදහා එම ස්ථානකරා ළගාවීමට නොහැකි තත්ත්වයක් උද්ගතවී තිබෙනවා. මෙය ජීවිත අවදානම් තත්ත්වයක් ලෙසයි නිව්යෝර්ක් ප්‍රාන්ත ආණ්ඩුකාරවරයා පෙන්වා දෙන්නේ.

The post හිම කුණාටු හේතුවෙන් ඇමෙරිකාවේ සහ කැනඩාවේ ජීවිතක්ෂයට පත්වූ සංඛ්‍යාව 56 ක් appeared first on ITN News.

චීනයට පැමිණෙන විදෙස් සංචාරකයින්ගේ නිරෝධායන ක්‍රියාවලිය අවසන් කිරීමට චීන ජාතික සෞඛ්‍ය කොමිසම තීරණය කර තිබෙනවා.

ඒ අනුව ලබන 8 වනදා සිට මෙම නීතිය බලපැවැත්වෙනු ඇති බවයි විදෙස් මාධ්‍ය වාර්තා කරන්නේ. පසුගිය 2020 වසරේ සිට චීනයට පැමිණෙන සියලු සංචාරයකයින් නිරෝධායන ක්‍රියාවලියකට යොමුකරනු ලැබුවා. මෙම තීරණයට හේතුවී ඇත්තේ කොරෝනා වයිරසයේ ව්‍යාප්තිය වැඩි වූවද එහි බලය අඩුවී ඇති බවත් මෙය සාමාන්‍ය ස්වසන ආසාදනයක් දක්වා පරිවර්තනය වී ඇති බවත් චීනයේ කොවිඩ් නයින්ටීන් කළමනාකරණ අංශය සදහන් කරනවා.

The post චීනයට පැමිණෙන විදෙස් සංචාරකයින්ගේ නිරෝධායන ක්‍රියාවලිය අවසන් appeared first on ITN News.

රුසියාවේ එංගල්ස් හමුදා කඳවුරට යුක්රේනය ඩ්‍රෝන ප්‍රහාරයක් එල්ල කර තිබෙනවා.

ප්‍රහාරයෙන් පුද්ගලයන් තිදෙනෙකු ජීවිතක්ෂයට පත්ව ඇති බවයි රුසියාව සදහන් කරන්නේ. රුසියානු  ගුවන් ආරක්ෂක අංශ විසින් ඩ්‍රෝන යානය බිම හෙළා ඇති නමුත් එහි සුන්බුන් වැටීමෙන් මෙම ජීවිත හානි සිදු ව තිබෙනවා. කෙසේවෙතත් යුක්රේන හමුදාව එම ප්‍රහාර පිළිබඳව නිල වශයෙන් අදහස් දක්වා නැහැ. මීට පෙරද යුක්රේනය සිදුකල මෙවැනි ප්‍රහාරයන් සම්බන්ධයෙන් රුසියාව චෝදනා එල්ල කර තිබෙනවා.

The post රුසියාවේ එංගල්ස් හමුදා කඳවුරට යුක්රේනයෙන් ඩ්‍රෝන ප්‍රහාරයක් appeared first on ITN News.

රුසියාව යුක්රේනය සම්බන්ධයෙන් සාකච්ඡා කිරීමට සූදානම් බව රුසියා ජනාධිපති ව්ලැඩ්මිර් පුටින් පවසනවා.

යුක්රේනයේ යුද්ධයට සම්බන්ධ සියලුම පාර්ශ්ව සමඟ සාකච්ඡා කිරීමට රුසියාව සුදානම් වූවද කියෙව් සහ ඔවුන්ගේ බටහිර ආධාරකරුවන් සාකච්ඡාවලට සම්බන්ධ වීම ප්‍රතික්ෂේප කර ඇති බව ජනාධිපති ව්ලැඩිමීර් පුටින් සාකච්ඡාවකට එක්වෙමින් සදහන් කරනවා. රුසියාව පසුගිය පෙබරවාරි 24 වනදා යුක්රේනය ආක්‍රමණය කිරීමත් සමග දෙවන ලෝක යුද්ධයෙන් පසු සිදු වූ දරුණුතම යුරෝපීය ගැටුම මෙන්ම 1962 කියුබානු මිසයිල අර්බුදයෙන් පසු මොස්කව් සහ බටහිර අතර විශාලතම ගැටුම ලෙස රුසියා යුක්‍රේන අර්බුදය සැලකෙනවා. මේ වන විටත් යුද්ධයේ අවසානයක් පෙනෙන්නට නැති බවයි විදෙස් විචාරකයන් පෙන්වාදෙන්නේ. ක්‍රෙම්ලිනය පවසන්නේ තම සියලු අරමුණු සාක්ෂාත් කර ගන්නා තෙක් සටන් කරන බවයි. කෙසේවෙතත් කියෙව් පවසන්නේ සෑම රුසියානු සොල්දාදුවෙකුම තම භූමියෙන් ඉවත් කරන තුරු තමන් විවේක නොගන්නා බවයි.

The post රුසියාව යුක්රේනය සම්බන්ධයෙන් සාකච්ඡා කිරීමට සූදානම් appeared first on ITN News.

අධික වැසි සහිත අයහපත් කාලගුණය හේතුවෙන් දුම්රිය ඇතුලු ප්‍රවාහන කටයුතුවලට ද දැඩි බාධා එල්ල වී තිබෙනවා. දුම්රිය ගමන් වාර තුනක් අවලංගු කර ඇති බවයි දුම්රිය දෙපාර්තමේන්තුව පවසන්නේ.

කොළඹ,  බදුල්ල රාත්‍රී තැපැල් දුම්රිය දෙක අවලංගු කර තිබෙනවා. බදුල්ල කොළඹ විශේෂ නත්තල් දුම්රියද අවලංගු කර ඇති අතර නානුඔයෙන් ඉහළට දුම්රිය ගමන් කිරීමට නොහැකි තත්ත්වයක් මතුව ඇත්තේ පස්කදු කඩා වැටීම් ඇතුලු මාර්ග අවහිර වීම හේතුවෙන්.

The post අයහපත් කාලගුණය නිසා දුම්රිය ගමන්වාර කිහිපයක් අවලංගු කෙරේ appeared first on ITN News.

මාලදිවයිනේ හිටපු ජනාධිපති අබ්දුල්ලා යමීන් හට වසර එකොළහක සිරදඩුවම් නියම කර තිබෙනවා.

මාලදිවයිනේ හිටපු ජනාධිපති අබ්දුල්ලා යමී එරෙහිව අපරාධ හා මුදල් විශුද්ධිකරණය යන චෝදනා යටතේ එරට අපරාධ අධිකරණයේ නඩු පවරා තිබුණා. එම චෝදනාවලට ඔහු වරදකරුවීම හේතුවෙනුයි වසර 11ක සිරදඩුවම් නියම කෙරුණේ. ඊට අමතරව ඇමෙරිකා ඩොලර් මිලියන 5ක දඩමුදලක් ද නියමකර තිබෙනවා. කෙසේ වුවද එම සියලු චෝදනාවලට ඔහු වරදකරු නොවන බවයි හිටපු ජනාධිපතිවරයා සදහන් කරන්නේ. රජයේ මුදල් අවභාවිතා කිරිම යන චෝදනාවට වරදකරුවීමෙන් 2019 වසරේදි ද ඔහු වසර 05කට සිරගත කෙරුණු අතර ඇමෙරිකා ඩොලර් මිලියන 05ක දඩමුදලකට ද යටත් කෙරුණා. 2018 වසරේ පැවති ජනාධිපතිවරනයෙන් ඔහු පරාජයට පත් වු අතර ලබන වසරේ ජනාධිපතිවරණයට ඉදිරිපත් වන බට නිවේදනය කර තිබෙනවා.

The post මාලදිවයිනේ හිටපු ජනාධිපති අබ්දුල්ලා යමීන්ට වසර 11ක සිර දඬුවමක් appeared first on ITN News.

පවතින ආර්ථික තත්ත්වය තුළ තාවකාලිකව නතර වී ඇති පළාත් පාලන ආයතන මගින් ක්‍රියාත්මක කරන ලද සංවර්ධන ව්‍යාපෘති ජනවාරි මාසයේ සිට නැවත ආරම්භ කරන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසනවා.

එමෙන්ම පවතින ආර්ථික තත්ත්වය හේතුවෙන් පාසල් උපකරණ ලබා ගැනීමට නොහැකිව සිටින පාසල් ළමුන් සඳහා උපකරණ ලබදීමේ වැඩපිළිවෙලක් සහ අඩු ආදායම්ලාභී පවුල්වල ළමයින්ගේ පෝෂණ තත්ත්වය නැංවීමට පළාත් පාලන ආයතන මගින් විශේෂ ව්‍යාපෘති ක්‍රියාත්මක කරන බව ද ඇමතිවරයා සඳහන් කරයි.

නාගරික සංවර්ධන හා නිවාස අමාත්‍ය ප්‍රසන්න රණතුංග මහතා මේ බව සඳහන් කළේ, පළාත් පාලන ආයතන ප්‍රධානීන් සමඟ ගම්පහ දිස්ත්‍රික් කාර්යාලයේදී පැවති සාකච්ඡාවකදීය.
එහිදී අමාත්‍ය ප්‍රසන්න රණතුංග මහතා මෙසේද පැවසීය. පළාත් පාලන මන්ත්‍රීවරුන්ට සංවර්ධන කටයුතු කරගෙන යෑමට ඇතැම් චක්‍රලේඛ බාධාවක් වෙලා තිබෙනවා. ඒ චක්‍රලේඛ නිදහස් කිරීමට ආණ්ඩුකාරතුමා කටයුතු කළත් ඒවා ක්‍රියාත්මක වෙලා නැහැ. ඒක නිසා මේ සාකච්ඡාවෙදි ගන්න තීන්දු වෙනස් කරන්නේ නැතුව ක්‍රියාත්මක වෙන්න අවශ්‍යයි.

පවතින ආර්ථික අර්බුදයත් සමඟ පාසල් දරුවන්ගේ පොත්පත්වල මිල ඉහළ ගිහිල්ලා. සමහර දරුවන් පාසල් නොයෑමට ඒක හේතුවක් වෙලා. පවතින ආර්ථික අර්බුදයත් එක්ක අඩු ආදායම්ලාභීන් ගැන, මන්දපෝෂණය ගැන, පාසල් දරුවන්ගේ ගැටළු ගැන මෙන්ම දේශීය නිෂ්පාදකයන් වෙනුවෙන් යමක් කළ හැකිනම් ඒ ගැන වැඩි අවධානයක් යොමු කරන්න. ඒ වගේම ගැබිනි මව්වරුන් වෙනුවෙනුත් යම් දෙයක් කරන්න ඕන. ඒ නිසා පළාත් පාලන ආයතනවල ප්‍රතිපාදන මගින් මහා පරිමාණ ව්‍යාපෘති කරන්නේ නැතුව ආර්ථික අර්බුදයට ගැලපෙන විදියට රජයට හයියක් වන විදියට කටයුතු කරන්න කියල අපි පළාත් පාලන ආයතනවලට උපදෙස් දීල තියෙනවා.

අපි මුලින්ම විමධ්‍යගත ප්‍රතිපාදන නතර කරන්න කියල චක්‍රලේඛයක් ගැහුව්වා. ඒ නිසා සමහර පළාත් පාලන ආයතනවල සංවර්ධන ව්‍යාපෘති නතරවෙලා. පළාත් පාලන ආයතනවලින් එකතුකරන වරිපනම් මුදල් ඒ අයට වියදම් කරන්න පුළුවන්. අරගලයේ හිටපු අය සමහරු ලේකම්වරුන් වෙලා ඉන්නවා. තමන්ගේ දේශපාලනය පෞද්ගලිකව කරගන්න. හැබැයි පළාත් පාලන ආයතනවල සභාපතිවරුන්ට වැඩ කරගෙන යන්න පුළුවන් පසුබිම හදල දෙන්න.

පළාත් පාලන ආයතනවල ස්ථාවර තැන්පතු අරගෙන පාවිච්චි කරන්න. රජයේ සල්ලි තියෙන්නේ ස්ථාවර තැන්පතු තියා ගන්න නෙවෙයි. වැඩ කරන්නයි. මැතිවරණයකුත් එනවා. රටේ ආර්ථික අර්බුදයක් තියෙනවා. ඒක නිසා ගම්වල වැඩකරන පළාත් පාලන ආයතනවල ස්ථාවර තැන්පතුවල තියෙන මුදල් පාවිච්චි කරන්න. ගම්වල මිනිස්සුන්ගෙ ප්‍රශ්නවලට විසඳුම් දෙන්න. මිනිසුන්ගේ ගැටළු ඉලක්ක කරගෙන ව්‍යාපෘති හදල ජනවාරි පළවැනිදා ඉදල වැඩේ කරගෙන යන්න. මොනව හරි ගැටළුවක් තිබුණොත් මට කියන්න. මම පළාත් පාලන ලේකම්වරුන් එක්ක කතා කරන්නම් යැයිද අමාත්‍යවරයා කීය.

The post තාවකාලිකව නතර වූ පළාත් පාලන ආයතන සංවර්ධන ව්‍යාපෘති ජනවාරි මාසයේ සිට යළි ඇරඹේ appeared first on ITN News.

ඇමෙරිකාවට හා කැනඩාවට බලපා ඇති හිම කුණාටු තත්ත්වය හේතුවෙන් ජීවිතක්ෂයට පත්වූ සංඛ්‍යාව 38 දක්වා ඉහළ ගොස් තිබෙනවා.

නිව්යෝර්ක් ප්‍රාන්තයේ බෆලෝ ප්‍රදේශය හිම කුණාටුවෙන් වැඩිම බලපෑමට ලක්ව ඇති අතර එම ප්‍රදේශයේ පමණක් පුද්ගලයින් 34 දෙනෙකු ජීවිතක්ෂයට පත්වුණා. කැනඩාවේ පුද්ගලයින් 4 දෙනෙකු ජීවිතක්ෂයට පත්ව ඇත්තේ බස් රථයක් අනතුරට ලක්වීම හේතුවෙන්. මිලියන 1.7කට පමණ විදුලි බලය නොමැති අතර ගුවන් ගමන් වාර දහස් ගණනක් අත්හිටුවීමට ද බලධාරීන් පියවර ගෙන තිබෙනවා. මිලියන 55කට වැඩි පිරිසකට අවදානම් නිවේදන නිකුත් කිරීමටයි ඇමෙරිකා කාලගුණ අංශ පියවර ගෙන ඇත්තේ.

The post හිම කුණාටු හේතුවෙන් ඇමෙරිකාවේ සහ කැනඩාවේ ජීවිතක්ෂයට පත්වූ සංඛ්‍යාව 38 දක්වා ඉහළට appeared first on ITN News.

ඕස්ට්‍රේලියාවේ සිම්බාබ්වේ තානාපතිනිය ලෙස ශ්‍රී ලාංකික සම්භවයක් ඇති මිනෝලි පෙරේරා මහත්මිය පත්කර තිබෙනවා. ශ්‍රී ලාංකිකයෙකු ඕස්ට්‍රේලියාවේ මෙවැනි පත්වීමක් ලද ප්‍රථම අවස්ථාව මෙය වනවා.

මෙම නව පත්කිරීමත් සමග ඇය ශ්‍රී ලංකාවේ උපත ලබා ඕස්ට්‍රේලියානු රජයෙන් පත්වීමක් ලද ප්‍රථම ඕස්ට්‍රේලියානු තානාපතිනිය ද වන බවයි විදෙස් මාධ්‍ය වාර්තා කලේ. එමෙන්ම ඒ මහත්මිය කොංගෝ,  මාලාවි සහ සැම්බියා යන රාජ්‍ය වල තානපතිවරිය ලෙසද කටයුතු කිරීමට ද නියමිතයි. ශ්‍රී ලංකාවේ උපත ලද මිනෝලි පෙරේරා මහත්මිය දරුවන් දෙදෙනෙකුගේ මවක්. ඇය මීට පෙර ඕස්ට්‍රේලියා විදේශ කටයුතු හා වෙළද දෙපාර්තමේන්තුවේ ද සේවය කර තිබෙනවා. එමෙන්ම බීජිං සහ නිව්යෝකර් ඇතුලු විදේශ නගර රැසකම සේවය නිරතව සිට තිබෙනවා.

The post ශ්‍රී ලාංකිකයෙකුට පළමු වරට ඔස්ට්‍රේලියාවේ තානාපති ධූරයක් appeared first on ITN News.

ජේම්ස් වෙබ් අභ්‍යවකාශ දුරේක්ෂයෙන් ලබාගත් විශ්වයේ නවතම ඡායාරූප එකතුවක් නාසා ආයතනය මාධ්‍යයට නිකුත්කර තිබෙනවා.

පසුගිය වසරේ නත්තල් දින ජේම්ස් වෙබ් අභ්‍යවකාශ දුරේක්ෂය අභ්‍යවකාශ ගත කෙරුණු අතර එහි සැමරුමක් ලෙසයි ඡායාරූප එකතුව නිකුත් කෙරුණේ. හබල් අභ්‍යවකාශ දුරේක්ෂය හා සැසදීමේ දී ජේම්ස් වෙබ් අභ්‍යවකාශ දුරේක්ෂයෙන් ලබාගත් ඡායාරූප සංසන්ධනය කිරීමේ දී ඉතාමත් පැහැදිලි ඡායාරූප ලෙස දක්නට ලැබෙනවා. ඇමෙරිකා ඩොලර් බිලියන 10 ක වටිනාකමකින් යුතු මෙම දුරේක්ෂය නිෂ්පාදනය කිරීමට වසර 30 ක කාලයක් ගතවුණා. ඒ සඳහා ඇමෙරිකා කැනඩා හා යුරෝපා අභ්‍යවකාශ ඒජන්සි එක්ව කටයුතු කළා.

The post විශ්වයේ නවතම ඡායාරූප එකතුවක් නාසා ආයතනය මාධ්‍යයට නිකුත්කරයි appeared first on ITN News.

ඉන්දියාවේ නව යොවුන් පරපුරේ ජනප්‍රිය නිළියක වන ටුනීෂා ෂර්මා සියදිවි හානි කරගෙන ඇති බව ඉන්දීය මාධ්‍ය වාර්තා කරනවා.

විසි හැවිරිදී ටුනීෂා ෂර්මා ටෙලි නාට්‍යක රූගත් කිරීමක් අතරතුර ලැබුණු විවේක කාලයේදී නාන කාමරය තුළ ඇය ගෙල වැළලාගෙන සිටියදී හමුව තිබෙනවා. ඇයව වහාම රෝහල් ගත කළ ද රෝහලට රැගෙන එන විටත් මියගොස් සිටි බව මාධ්‍ය වාර්තා කළා. ටුනීෂාගේ මව සිදුකළ පැමිණිල්ලකට අනුව ඇය සමඟ එම ටෙලිනාට්‍යයේ රංගනයේ යෙදුනු ෂීසන් මොහොමඩ් ඛාන්ව අත්අඩංගුවට ගැනීමට පොලීසිය කටයුතු කර තිබෙනවා. ඔහුව හෙට දිනයේදී අධිකරණයට ඉදිරිපත් කිරීමට නියමිතයි.

The post ඉන්දීය නිළි ටුනීෂා ෂර්මා සියදිවි නසාගනී appeared first on ITN News.

ඇෆ්ගනිස්ථානයේ කාන්තාවන්ට රාජ්‍ය නොවන සංවිධානවල සේවයේ නිරතවීම ද තලේබාන් සංවිධානය තහනම් කර තිබෙනවා.

රාජ්‍ය නොවන සංවිධානවල සේවයේ නිරත ඇෆ්ගනිස්ථාන කාන්තාවන් හිජාබය නොපැළදීම හේතුවෙන් මෙම තීරණය ගත් බවයි තලේබාන් සංවිධානය නිවේදනය කරන්නේ. කෙසේ වුවද තලේබාන් සංවිධානයේ නියෝගය මිනිස් මූලික අයිතිවාසිකම් උල්ලංඝනය කරන බව ජගත් සංවිධානය පවසනවා. මේ ආකාරයටම පසුගිය සතියේ දී එරට සිසුවියන්ට විශ්වවිද්‍යාලවල අධ්‍යාපනය හැදෑරීම තහනම් කිරීමට තලේබාන් සංවිධානය පියවර ගත්තා. ඒත් සමගම තලේබාන් සංවිධානයට විරෝධය පලකරමින් උද්ඝෝෂණ පවත්වන ආකාරය විදෙස් මාධ්‍ය වාර්තා කළා. පසුගිය වසරේ දී එරට බලය අත්පත් කර ගන්නා අවස්ථාවේ දී කාන්තා අයිතිවාසිකම් සුරකින බවට තලේබාන් සංවිධානය පොරොන්දු ලබාදුන්න ද මේ වනවිට එරට කාන්තාවන්ගේ සියලු අයිතිවාසිකම් කප්පාදුවට ලක්ව තිබෙනවා.

The post ඇෆ්ගනිස්ථානයේ කාන්තාවන්ට රාජ්‍ය නොවන සංවිධානවල සේවයේ නිරතවීම තහනම් කරයි appeared first on ITN News.

අධික හිම පතනය හා ශීත කාලගුණය හේතුවෙන් ඇමෙරිකාවේ මෙන්ම කැනඩාවේ මිලියන 250 කට ආසන්න පිරිසක් පීඩාවට පත්ව සිටිනවා.

මේ වනවිට ඇමෙරිකාවට හා කැනඩාවට බලපා ඇති හිම කුණාටු හේතුවෙන් පුද්ගලයින් 19 දෙනෙකු ජීවිතක්ෂයට පත්ව ඇති බවයි වාර්තා වන්නේ. මිලියන 1.5 කට අධික පිරිසකට විදුලිබලය අහිමිවී ඇති අතර ගුවන් ගමන්වාර දහස් ගණනක් අවලංගු කිරීමට බලධාරීන් පියවර ගෙන තිබෙනවා. මිනසෝටා , අයෝවා , විස්කොන්සින් , මිචිගන් , බෆලෝ හා නිව්යෝර්ක් යන නගරවල දෘෂ්‍යතාව ඉතා පහළ අගයක පවතින බව ඇමෙරිකා ජාතික කාලගුණ සේවය පවසනවා. කැනඩාවේ ඔන්ටාරියෝ හා ක්විබෙක් යන නගර හිම කුණාටු හේතුවෙන් දහස් ගණනකට විදුලි බලය අහිමිවී තිබෙනවා. ඇමෙරිකාවේ මොන්ටානා ප්‍රාන්තයේ උෂ්ණත්වය සෙල්සියස් අංශක සෘණ 45 ක් තරම් අගයක පවතින අතර මිචිගන් ප්‍රාන්තයේ උෂ්ණත්වය සෙල්සියස් අංශක සෘණ 17 ක් ලෙසයි සටහන් වන්නේ.

The post ඇමෙරිකාවට සහ කැනඩාවට බලපා ඇති හිම කුණාටු හේතුවෙන් පුද්ගලයින් 19 දෙනෙකු ජීවිතක්ෂයට appeared first on ITN News.

ගතවු පැය 24ට ජපානයේ හමුවු කොරෝනා වෛරස ආසාධිතයින් එක්ලක්ෂ හැත්තෑහත්දහස් හයසිය හැටදෙකත් සමඟ එරට සමස්ත වෛරස ආසාධිතයින් සංඛ්‍යාව දෙකෝටි අසූඑක්ලක්ෂය ඉක්මවා ගියා.

ඊයේ දිනයේදි ලොව පුරා රටවල් 228කින් හමුවි ඇති වෛරස ආසාධිතයින් සංඛ්‍යාව ලක්ෂ 04කට ආසන්නයි. සිදුව ඇති මරණ සංඛ්‍යාව 783ක්. දකුණු කොරියාවෙන් හැටහයදහසක් , ප්‍රංශයෙන් හතලිස්දහසක් හා හොංකොං රාජ්‍යෙයන් විස්එක්දහසක් ලෙස ඊයේ දිනයේ දි වෛරස ආසාධිතයින් හමුව තිබෙනවා. ඒ සමඟම ලොව සමස්ත වෛරස ආසාධිතයින් සංඛ්‍යාව හැටහය කෝටි පහලොස් ලක්ෂය ඉක්මවා ගියා. සිදුව ඇති සමස්ත මරණ සංඛ්‍යාව හැටහය ලක්ෂ අසූ පන්දහස් දෙසිය අසූපහක්.

The post කොරෝනා යළි හිස ඔසවයි appeared first on ITN News.

නතත්ල් සමය තුලදී ද නිවෙස් තුළට වී රැදී සිටින ලෙස චීනයේ ෂැන්හැයි නගරයේ බලධාරීන් ජනතාවට දැනුම් දී තිබෙනවා. කෝවිඩ් පාලනය කිරීමේ පියවරක් ලෙසයි මෙම නියෝගය නිකුත් කර ඇත්තේ.

චීන බලධාරීන් කෝවිඩ් පාලනය කිරීම සදහා ගන්නා ක්‍රියාමාර්ග සම්බන්ධයෙන් මේ වනවිට එරට ජනතාව තුළ අප්‍රසාදයක් ඇති වි තිබෙනවා. මාස ගණනක කාලයක් දැඩි කෝවිඩ් පාලන නීතිවලට යටත්වීම නිසා ජන ජීවිතය මෙන්ම ආර්ථිකයද අවුල් සහගත තත්ත්වයකට පත් වුණා.

නත්තල් උත්සවය චීනය තුළ සාම්ප්‍රදායික වශයෙන් සැමරීමක් සිදු නොවුනද තරුණ ප්‍රජාව අතර නත්තල් කාලයේ විවිධ වැඩසටහන් ක්‍රියාත්මක වනවා. පසුගිය සති කිහිපය තුලදී ඔමික්‍රෝන් ප්‍රභේදය චීනය තුළ හිස එසවූවා.

The post නතත්ල් සමයට නිවෙස් තුළට වී ඉන්න – චීන ජනතාවට බලධාරීන් දැනුම් දෙයි appeared first on ITN News.

ඇමෙරිකා එක්සත් ජනපද කොංග්‍රසය නව මැතිවරණ නීති කිහිපයක් සම්මත කරගෙන තිබෙනවා.

සාමකාමී ලෙස බලය හුවමාරු කිරීම පහසු කිරීම  සඳහායි මෙම මැතිවරණ නීති හදුන්වා දී ඇත්තේ. 2020 වසරේ පැවති ජනාධිපතිවරණයෙන් පසු ඩොනල්ඩ් ට්‍රම්ප් හිටපු ජනාධිපතිවරයා බලය අත්හැරීමට මැලිකමක් දැක්වීම නිසා ගැටුම්කාරී තත්ත්වයක් ඇති වුණා. එවැනි තත්ත්වයන් යළි ඇති නොවීමට අවශ්‍ය විධිවිධාන නව නීති මගින් හදුන්වා දී තිබෙනවා. මේ පිළිබඳ විශේෂ ප්‍රකාශයක් සිදු කරමින් ජනාධිපති ජෝ බයිඩ්න් සඳහන් කළේ ඇමෙරිකා ප්‍රජාතන්ත්‍රවාදය ආරක්ෂා කර ගැනීම සඳහා මෙම නීති බෙහෙවින් වැදගත් වන බවයි.

The post ඇමෙරිකා එක්සත් ජනපද කොංග්‍රසය නව මැතිවරණ නීති කිහිපයක් සම්මත කර ගනී appeared first on ITN News.

අලි මිනිස් ගැටුම අවම කිරීම සදහා පර්යේෂණාත්මක ජීව වැටක් ඉදිකිරීමට ශ්‍රී ජයවර්ධනපුර විශ්වවිදයාලයේ ආචාර්යවරුන් කණ්ඩායමක් පියවර ගෙන තිබෙනවා.

පොළොන්නරුව දිස්ත්‍රික්කයේ මහවැලි ඩී කලාපයේ බිසෝපුර නෑබඩවැව කොට්ඨාසයේදී මෙම ජීව වැට ඉදිකිරීම සිදු වනවා. ශ්‍රී ජයවර්ධනපුර විශ්වවිද්‍යාලයේ ජෛව පද්ධති තාක්ෂණවේදය අධ්‍යයන අංශයේ ආචාර්ය මන්ඩලයයි මෙම ව්‍යාපෘතිය ක්‍රියාත්මක කරන්නේ.

ඒ ශ්‍රී ලංකා මහවැලි අධිකාරියේද සහාය ඇතිවයි. ඉන්දියානු විලෝ ශාඛය භාවිතකරමින් ජීව වැට ඉදි කෙරෙනවා. වන අලින් මෙම විලෝ ශාකයට විකර්ෂණය වන බවයි පර්යේෂණවලින් හදුනා ගෙන ඇත්තේ.

අලින් ගමන් කරන මාර්ගවල විලෝගස් සිටුවීමෙන් ඔවුන් ගම්වැදීම වැළැක්වීම පර්යේෂකයන්ගේ ඉලක්කයයි. ජ්‍යෙෂ්ඨ මහාචාර්ය රුවනි අබේපාල මහත්මිය ඇතුළු පිරිසක් මෙම ව්‍යාපෘතියට එක්ව සිටිනවා.

The post අලි මිනිස් ගැටුම අවම කිරීම සඳහා ජීව වැටක් appeared first on ITN News.

යුක්රේනයේ සිටින රුසියා හමුදා කණ්ඩායම් සදහා වැඩිදුර සේවා සැපයීම සිදු කරන ලෙසට රුසියා ජනාධිපති ව්ලැඩ්මිර් පුටින් සිය හමුදා නායකයන්ට දැනුම් දී තිබෙනවා.

රුසියා හමුදා භාරයට ගෙන ඇති යුක්රේන ප්‍රදේශ ගිලිහී නොයෑමට ඉඩ නොතැබිය යුතු බවයි ඔහු අවධාරණය කර ඇත්තේ.

යුක්රේන යුද්ධය ඓතිහාසික මොහොතක් ලෙස හදුන්වා දුන් පුටින් බටහිර බලවේගවලට එරෙහිව ක්‍රියාත්මක කරන දැවැන්ත යුද්ධයක් ලෙසද හදුන්වා දී තිබෙනවා.

රුසියාවේ ආයුධ නිෂ්පාදනය කරන ප්‍රධාන මධ්‍යස්ථානයක සංචාරයක නිරත වෙමිනුයි රුසියා ජනාධිපතිවරයා හමුදා ප්‍රධානීන් අමතා තිබෙන්නේ. කෙසේ වෙතත් පසුගිය පෙබරවාරි මාසයේ යුක්රේන ආක්‍රමණයේ සිට රුසියා හමුදා සෙබලුන් දහස් ගණනක් ජීවිතක්ෂයට පත්ව ඇති බව විදෙස් මාධ්‍ය වාර්තා කළා.

The post යුක්රේනයේ සිටින රුසියා හමුදාවට වැඩිදුර සේවා සපයන්න – පුටින් appeared first on ITN News.

ඇල්පිටිය, යක්කටුව මංසන්ධියේ සිදුකළ වෙඩි තැබීමකින් පුද්ගලයෙකු තුවාල ලබා තිබෙනවා.

තුවාල ලැබූ පුද්ගලයා ඇල්පිටිය රෝහලට ඇතුළත් කිරීමෙන් අනතුරුව කරාපිටිය ශික්ෂණ රෝහලට මාරු කර යවා ඇති බවයි වාර්තා වන්නේ.

කරන්දෙණිය ජයබිම පදිංචි 26 හැවිරිදි විමේශ් මධුසංක නමැති තරුණයෙකුයි මෙලෙස වෙඩි ප්‍රහාරයකට ලක්ව තිබෙන්නේ.

පුද්ගලික ආරවුලක් හේතුවෙන් වෙඩි තැබීම සිදුකරන්නට ඇතැයි සැක පළකරන බව කරාපිටිය පොලිසිය පවසනවා. යතුරුපැදියකින් පැමිණි දෙදෙනෙකුයි මෙලෙස වෙඩි තබා පලාගොස් ඇත්තේ.

The post ඇල්පිටියේ‍ වෙඩි තැබීමකින් පුද්ගලයෙකු තුවාල ලබයි appeared first on ITN News.

ඇමෙරිකා එක්සත් ජනපදයට බලපා ඇති අධික හිම පතනය නිසා මිලියන 200 කට වැඩි ජනතාවකගේ ජන ජීවිතයට දැඩි බලපෑම් එල්ල වී තිබෙනවා.

අයහපත් කාලගුණය නිසා මේ වන විට පුද්ගලයන් දොළොස් දෙනෙකුට ජීවිත අහිමි වී ඇති බවයි විදෙස් මාධ්‍ය සඳහන් කළේ. උත්සව සමයේ මෙම තත්ත්වය ඇතිවීම දැඩි ගැටලුකාරී තත්ත්වයක් ඇති කර තිබෙනවා. ලක්ෂ 15 කට වැඩි ජනතාවකට විදුලි බලයද අහිමි වුණා. තවත් ගුවන් ගමන් දහස් ගණනක් අවලංගු කිරීමට ද බලධාරීන් පියවර ගෙන තිබෙනවා. කැනඩාවටද මෙම අයහපත් කාලගුණයෙන් බලපෑම් එල්ල වුණා.

The post ඇමෙරිකාවට බලපා ඇති අධික හිම පතනය හේතුවෙන් ජන ජීවිතයට දැඩි බලපෑම් appeared first on ITN News.

හලාවත තොඩුවාව ප්‍රදේශයේ මුහුදේ දියනෑමට ගිය වයස අවුරුදු 11 ක පාසල් ශිෂ්‍යයෙකු දියේ ගිලී මිය ගියා.

මිතුරන් 4 දෙනෙකු සමඟ දිය නාමින් සිටියදී එකවරම සැඩපහරට හසුවී මෙම දරුවා දියඹට ගසාගෙන ගොස් තිබෙනවා. ප්‍රදේශවාසීන් එක්ව මෙම දරුවා බේරාගැනීමට උත්සාහ කළ ද එය අසාර්ථක වුණා.

The post මුහුදේ දියනෑමට ගිය පාසල් ශිෂ්‍යයෙකු දියේ ගිලී ජීවිතක්ෂයට appeared first on ITN News.

ඇතැම් වෘත්තීය සමිති පැය 10 ක විදුලි කප්පාදුවක් වන බවට සිදු කරන ප්‍රකාශ අසත්‍ය බව ලංකා විදුලිබල මණ්ඩලයේ ජ්‍යෙෂ්ඨ විදුලි ඉංජිනේරු සංගමය පවසනවා.

ගල් අගුරු ලැබීමේ ප්‍රමාදයන් හේතුවෙන් දැනට ක්‍රියාත්මක වන විදුලි කප්පාදුව පැය 8 ක් 10 ක් දක්වා දීර්ඝ විය හැකි බවයි ලංකා විදුලිබල ඉංජිනේරු සංගමය සදහන් කළේ.

මේ අතර ලංකා ගල්අගුරු සමාගම සදහන් කළේ අවශ්‍ය තරම් ගල් අගුරු මේ වන විට ඇණවුම් කර ඇති බවයි

දීර්ඝ විදුලි කප්පාදුවක් සම්බන්ධයෙන් වන ප්‍රචාර අසත්‍ය බව  අමාත්‍ය කංචන විජේසේකර මහතා අවධාරණය කරනවා.

මේ අතර අද පැවති මාධ්‍ය හමු කිහිපයකදී ජ්‍යෙෂ්ඨ විදුලි ඉංජිනේරු සංගමය ද මේ සම්බන්ධයෙන් අදහස් පල කළා.

The post පැය 10යේ ලයිට් කැපිල්ල බොරුවක් – විදුලි ඉංජිනේරුවන් කියයි appeared first on ITN News.

තමා වෙත ලැබෙන ජනතා ගැටලුවලින් සියයට පනහක්ම රාජ්‍ය නිලධාරීන්ට විසදුම් ලබාදිය හැකි ඒවා බව ජනාධිපති රනිල් වික්‍රමසිංහ මහතා පවසනවා.

ජනතා සේවය ඉටු කිරීමේදී රාජ්‍ය ආයතන අතර මනා සම්බන්ධීකරණයක් පැවතිය යුතු බවයි ජනාධිපතිතුමා පෙන්වා දෙන්නේ.

නුවරඑළිය දිස්ත්‍රික් ලේකම් කාර්යාලයේ පැවති දිස්ත්‍රික් සංවර්ධන කමිටු රැස්වීමට අද පෙරවරුවේ එක්වෙමින් ජනාධිපතිතුමා මේ බව සදහන් කළා. ජනතා සේවය ඉටු කිරීමේදී කඹ ඇදීමකින් තොරව තම වගකීම් නිසි ලෙස ඉටු කිරීමට රාජ්‍ය නිලධාරීන් කටයුතු කළ යුතු බවයි ජනාධිපතිතුමා අවධාරණය කළේ.

නුවරඑළිය දිස්ත්‍රික්කයේ ඉඩම් ගැටලු විසදීම පිළිබදව සියලු රාජ්‍ය ආයතන ඒකාබද්ධව සකස් කරන ලද වාර්තාවක් පෙබරවාරි මස 4 වනදාට පෙර තමා වෙත ලැබීමට සලස්වන ලෙසද රනිල් වික්‍රමසිංහ මහතා නිලධාරීන්ට උපදෙස් දුන්නා.

ලෝකාන්තය නැරඹීමට පැමිණෙන සංචාරකයන් සදහා පට්ටිපොළ බොරලන්ද අතර කේබල් කාර් ව්‍යාපෘතියක් ආරම්භ කිරීමටද මෙහිදී උපදෙස් ලැබුණා. වතු ආශ්‍රිතව තිබෙන සෞඛ්‍ය මධ්‍යස්ථාන සංවර්ධනය කිරීමටද ජනාධිපතිතුමා මෙහිදී උපදෙස් ලබා දුන්නා.

අමාත්‍යවරුන් වන නිමල් සිරිපාල ද සිල්වා, මහින්ද අමරවීර, පාර්ලිමේන්තු මන්ත්‍රීවරුන් වන එස් බී දිසානායක, පලනි දිගම්බරම්, ජීවන් තොන්ඩමන්, ජනාධිපති ජ්‍යෙෂ්ඨ උපදේශක සාගල රත්නායක, ජනාධිපති ලේකම් සමන් ඒකනායක යන මහත්වරුන් ඇතුළු පිරිසක් මෙම අවස්ථාවට එක්වුණා.

The post ජනපති රාජ්‍ය සේවයේ වගකීම මතක් කර දෙයි appeared first on ITN News.

සතුන් අපේ මිතුරෝය යන තේමාවෙන් ජාතික සත්ත්වෝද්‍යානය සංවිධාන කරන අධ්‍යාපන ප්‍රදර්ශනය හෙට ආරම්භ වනවා.

හෙට සිට 25වනදා දක්වා දින තුනක් මෙම අධ්‍යාපන ප්‍රදර්ශනය පැවැත්වීමට නියමිතයි.  ප්‍රදර්ශනයේ ආරම්භක දිනය වන හෙට දිනයේදී පාසල් දරුවන්ට නොමිලේ සත්ත්වෝද්‍යානය නැරඹීමට අවස්ථාව සළසා දී තිබෙනවා.

පාසල් දරුවන් වෙනුවෙන් විශේෂාංග රාශියක් හෙට දිනයේ ක්‍රියාත්මක වනවා. ප්‍රදර්ශනයේ දෙවන දිනය ජ්‍යෙෂ්ඨ පුරවැසියන් සදහා  වෙන් වූ දිනයක් වූ අතර එදිනට ඔවුන්ට නොමිලේ සත්ත්වෝද්‍යානය නැරඹිය හැකියි.

සතුන් හා ඔවුන් ජීවත්වන පරිසරය ආරක්ෂා කර ගැනීමේ ආකල්ප ජනතාව තුළ වර්ධනය කිරීමේ මූලික අරමුණින් මෙම ප්‍රදර්ශනය සංවිධාන කරන බවයි සත්ත්වෝද්‍යාන අධ්‍යක්ෂ ජෙනරාල් ආචාර්ය තිලක් ප්‍රේමකාන්ත මහතා සදහන් කළේ.

The post ජාතික සත්ත්වෝද්‍යානය සංවිධාන කරන අධ්‍යාපන ප්‍රදර්ශනය හෙට ඇරඹෙයි appeared first on ITN News.

උතුරු කොරියාව රුසියානු කුලී හමුදා කණ්ඩායම්වලට ආයුධ ලබා දෙන බවට ඇමෙරිකාව චෝදනා කරනවා.

ධවල මන්දිරය චෝදනා කරන්නේ රුසියානු කුලී හමුදා කණ්ඩායමක් වන වැග්නර් කණ්ඩායමට උතුරු කොරියාවෙන් මෙලෙස මිසයිල සහ රොකට් ලබාදීමට කටයුතු කර ඇති බවයි. වැග්නර් කණ්ඩායමේ විසිදහසක් පමණ රුසියාවට පක්ෂපාතීව යුක්රේනයේ මෙහෙයුම්වල නිරත වනවා. ඇමෙරිකා එක්සත් ජනපදය පවසන්නේ මෙම ආයුධ ලබාදීම එක්සත් ජාතීන්ගේ ආරක්ෂක කවුන්සිලයේ යෝජනා උල්ලංඝනය කර ඇති බවයි. ඒ නිසා වැග්නර් කණ්ඩායමට එරෙහිව සම්බාධක ප්‍රකාශ කරන බවයි ඔවුන් වැඩිදුරටත් පවසන්නේ.

The post උතුරු කොරියාව රුසියානු කුලී හමුදා කණ්ඩායම්වලට ආයුධ ලබා දෙන බවට ඇමෙරිකාවෙන් චෝදනා appeared first on ITN News.

බස්නාහිර පළාතේ පාසල් සිසුන්ට මත්ද්‍රව්‍ය අලෙවි කිරීම සම්බන්ධයෙන් ඊයේ සිදු කළ වැටලීම්වලදී හතළිස් හත් දෙනෙකු අත්අඩංගුවට ගෙන තිබෙනවා.

පාසල් 149 ක් මෙහිදී පරීක්ෂාවට ලක් කර ඇති බවයි පොලිසිය පවසන්නේ. මෙම වැටලීම්වලදී ගංජා මත්ද්‍රව්‍ය ජාවාරම් සම්බන්ධයෙන් පාසල් සිසුවෙකුද අත්අඩංගුවට ගෙන තිබෙනවා.

පාසල් සිසුන් ඉලක්ක කරගනිමින් සිදු කෙරෙන මත්ද්‍රව්‍ය ජාවාරම් මැඩලීමේ මෙහෙයුම් මේ වන විට දිවයින පුරා ක්‍රියාත්මකයි.

මෙම වැටලීම්වලදී මාවා කිලෝග්‍රෑම් එකයි ග්‍රෑම් දෙසිය හැටක් හෙරොයින්ග්‍රෑම් නවයයි මිලිග්‍රෑම් 630 ක් අයිස් ග්‍රෑම් දෙකයි මිලිග්‍රෑම් 38 ක් ගංජා ග්‍රෑම් 207 මිලිග්‍රෑම් 590 ක් ද අත්අඩංගුවට ගැනුනා.

The post මත්ද්‍රව්‍ය වැටලීම්වලදී 47 දෙනෙකු අත්අඩංගුවට appeared first on ITN News.

මියන්මාරයේ ප්‍රචන්ඩ ක්‍රියා වහා අත්හිටවන ලෙස බලකරමින් ජගත් ආරක්ෂක කවුන්සිලය මියන්මාරයට එරෙහිව යෝජනාවක් සම්මත කර තිබෙනවා.

මියන්මාරය ජගත් සංවිධානයට සම්බන්ධවීමෙන් පසු පළමුවරටයි එරටට විරුද්ධව යෝජනාවක් සම්මත කෙරුණේ. එම යෝජනාව හරහා මියන්මාරයේ සාමාන්‍ය වැසියන්ට එරෙහිව ක්‍රියාත්මක ප්‍රචන්ඩ ක්‍රියා වහාම නවත්වන ලෙස යෝජනා කර තිබෙනවා.

එරට හිටපු නායක අවුන්ග් සාන් සූ කී ඇතුලු දේශපාලන සිරකරුවන් වහාම නිදහස් කරන ලෙසද එහි සදහන් වනවා. පසුගිය වසරේ පෙබරවාරි මාසයේදි එරට බලය අත්පත් කර ගැනීමට හමුදාව කටයුතු කළා.

එතැන් පටන් හමුදා පාලනයට විරුද්ධව විරෝධතා පැවැත්වෙන අතර සාමාන්‍ය වැසියන් සියගණනක් ජිවිතක්ෂයට පත්ව තවත් දහසයදහසක් පමණ සිරගත කිරීමටයි හමුදා පාලනය පියවර ගත්තේ.

The post ජගත් ආරක්ෂක කවුන්සිලය මියන්මාරයට එරෙහිව යෝජනාවක් සම්මත කරයි appeared first on ITN News.

මැලේසියාට බලපා ඇති ගංවතුර තත්ත්වය හේතුවෙන් පුද්ගලයින් පස් දෙනෙකු ජිවිතක්ෂයට පත්වුණා.

හත්තෑදහසකට අධික පිරිසක් ආරක්ෂිත ස්ථාන කරා යොමු කර ඇති බවයි මැලේසියා බලධාරීන් සදහන් කරන්නේ. පසුගිය දින කිහිපය තුළ එරටට බලපෑ අධික වර්ෂාවත් සමග හදිසි ගංවතුර තත්ත්වයක් හට ගත්තා.

31000කට අධික පිරිසක් නිවාස ගංවතුරට යට වීම හේතුවෙන් ආරක්ෂිත ස්ථානවලට යොමු කර ඇති අතර අවධානම් ප්‍රදේශවල වාසය කල තවත් හතලිස්දහසකට ආසන්න පිරිසක් ආරක්ෂිත ස්ථාන කරා යොමු කර තිබෙනවා.

ඇතැම් ප්‍රදේශයන් හි මීටර 3ක් පමණ උසට ජල මට්ටම ඉහල ගොස් ඇති බවයි වාර්තා වන්නේ.

The post මැලේසියාවට බලපෑ ගංවතුර හේතුවෙන් 5 දෙනෙකු ජිවිතක්ෂයට appeared first on ITN News.

ලොව පුරා රටවලින් දෛනිකව වාර්තාවන කොරෝනා වෛරස ආසාදිතයින් හා මරණ සංඛ්‍යාව ඉහළ යමින් පවතිනවා.

ගතවු පැය 24ට පමණක් ජපානයෙන් හමුවී ඇති වෛරස ආසාදිතයින් සංඛ්‍යාව දෙලක්ෂ හත්දහසකට ආසන්න වනවා. එමෙන්ම ඊයේ දිනයේ දි සිදු වු වැඩිම කොරෝනා මරණ සංඛ්‍යාව වන 326 වාර්තා වන්නේ ඇමෙරිකාවෙන්.

ඒ සමගම ලොව සමස්ත කොරෝනා මරණ සංඛ්‍යාව හැටහයලක්ෂ හැත්තෑඅටදහස ඉක්මවා ගියා. හමුවි ඇති සමස්ත වෛරස කොරෝනා ආසාදිතයින් සංඛ්‍යාව හැටපන්කෝටි අනුහයලක්ෂ පනස්දහසකට අධිකයි.

The post ලොව පුරා රටවලින් දෛනිකව වාර්තාවන කොරෝනා ආසාදිතයින් හා මරණ ඉහළට appeared first on ITN News.

මිළ අධික දුර්ලබ ගජමුතු සන්තකයේ තබා ගෙන සිටි පුද්ගලයෙකු පොලිස් විශේෂ කාර්ය බලකාය මගින් අත්අඩංගුවට ගෙන තිබෙනවා.

අම්පාර පරන ගාමන්ට් පාර කාර්මික ප්‍රදේශයේ සිදුකළ වැටලීමකදි මෙම ගජමුතු සොයා ගෙන තිබුණා. සැකකරු ඉලුක්පිටිය බටපොළ ප්‍රදේශයේ පදිංචිකරුවෙකි.

විදේශ රටක නිෂ්පාදිත ගිණිඅවියක් සමග අපරාධයක් සැලසුම් කල සැකකරුවන් දෙදෙනෙකු පොලිස් විශේෂ කාර්ය බලකාය මගින් අත්අඩංගුවට ගෙන තිබෙණවා. නැගෙනහිර දික්ලන්ද මැල්ලවගෙදර ප්‍රදේශයේ දි සැකකරුවෙකු අත්අඩගුංවට ගත් අවස්ථාවේදි මෙම සැලසුම හෙළි වී ඇත්තේ. සැකකරුගෙන් කල ප්‍රශ්න කිරීම්වලදි අදාළ ගිණිඅවිය සහ අනෙක් සැකකරු අත්අඩංගුවට ගත් බවයි විශේෂ කාර්ය බලකාය පවසන්නේ.

මේ අතර පාසල් ළමයින් ඉලක්ක කරගනිමින් අලෙවි කිරීමට සැලසුම් කර තිබු අයිස් මත්ද්‍රව්‍ය සමග සැකකරුවෙකු වැල්ලම්පිටිය කොටිකාවත්ත මංසන්දියේ දි අත්අඩංගුවට ගෙන තිබෙනවා. පොලිස් විශේෂ කාර්ය බලකාය මගිනුයි ඔහු අත්අඩංගුවට ගෙන ඇත්තේ.

The post ගජමුතු සන්තකයේ තබා ගෙන සිටි පුද්ගලයෙකු අත්අඩංගුවට appeared first on ITN News.

ඇමෙරිකාව කිසිවිටෙකත් යුක්රේනය තනි නොකරන බව ඇමෙරිකා ජනාධිපති ජෝ බයිඩන් පවසනවා.

යුක්රේන ජනාධිපති වොල්දෝමියර් සෙලෙන්ස්කි ධවල මන්දිරයේදි හමුවු අවස්ථාවේදි ඇමෙරිකා ජනාධිපතිවරයා මේ බව සදහන් කලේ. පසුගිය පෙබරවාරි මාසයේ දි රුසියාව යුක්රේනයේ යුද මෙහෙයුම් ආරම්භ කිරිමෙන් පසු පළමුවරටයි යුක්රේන ජනාධිපතිවරයා විදෙස් සංචාරයක නිරතවන්නේ.

සංචාරය අතරතුරදි දෙපාර්ශය අතර සාකච්ඡා පැවති අතර ඇමෙරිකා ඩොලර් බිලියන දෙකක නව ආධාර පැකේජයක් ලබා දීමට ඇමෙරිකා ජනාධිපතිවරයා පොරොන්දු වී තිබෙනවා.

ඇමෙරිකාව මේ වන විට යුක්රේනයට ඩොලර් බිලියන 50ක පමණ මානූෂීය, මූල්‍ය හා ආරක්ෂක ආධාර ලබා දි තිබෙනවා. මේ අතර යුක්රේන ජනාධිපතිවරයා ඇමෙරිකාවේ නියෝජිත මන්ත්‍රී මණ්ඩලය ද අමතා තිබෙනවා.

The post යුක්රේනය තනි නොකරන බව බයිඩන් කියයි appeared first on ITN News.

කොරෝනා වයිරස ආසාදිතයින්ගෙන් චීනයේ රෝහල් පිරීයාමෙන් පවතින බව ලෝක සෞඛ්‍ය සංවිධානය නිවේදනය කරනවා.

දෛනිකව වාර්තාවන ආසාදිතයින් හා මරණසංඛ්‍යාව  ඉතා පහළ අගයක් ගන්නා බවට චීන සෞඛ්‍ය අංශ ප්‍රකාශ කළ ද එරට රෝහල්වල දැඩි සත්කාර ඒකකයන් රෝගීන්ගෙන් පිරී ගොස් ඇති බවයි ලෝක සෞඛ්‍ය සංවිධානය පවසන්නේ.

සති කිහිපයකට පසුව ඊයේ දිනයේ කොරෝනා මරණ 05 ක් සිදුව ඇති බව විදෙස් මාධ්‍ය වාර්තා කළ ද චීන සෞඛ්‍ය අංශ ඒ පිළිබද නිල නිවේදනයක් නිකුත් කර නැහැ. 2020 වසරේ සිට  චීනය කොරෝනා වයිරස් ව්‍යාප්තිය ශූන්‍ය කෝවඩි ප්‍රතිපත්තිය යටතේ දැඩිව පාලනය කළා.

නමුත් පනවා ඇති නීතිවලට විරෝධය පල කරමින් රටපුරා උද්ඝෝෂණ ආරම්භ කිරීමත් සමග එම නීති ලිහිල් කිරීමෙන් අනතුරුවයි මෙලෙස වයිරසය සීඝ්‍රයෙන් ව්‍යාප්තවීම ආරම්භ වූයේ.

The post කොරෝනා ආසාදිතයින්ගෙන් චීනයේ රෝහල් පිරී යයි appeared first on ITN News.

යුක්රේන ජනාධිපති වොල්දොමීර් සෙලෙන්ස්කි වොෂින්ටනයට යාමට සූදානම් වනවා. ඒ ඇමෙරිකා ජනපතිවරයා මුණගැසීමේ අරමුණෙන්.

පසුගිය පෙබරවාරි මාසයේ රුසියානු ආක්‍රම‍ණයෙන් පසු සෙලෙන්ස්කි විදෙස් සංචාරයක නිරතවන පළමු අවස්ථාව ද මෙයයි.

ඔහු ඇමෙරිකා කොංග්‍රස් මණ්ඩලය ඇමතීමේ සූදානමක් ද පවතින බවට වාර්තා වනවා.

මේ වනවිටත් ඇමෙරිකා කතානායක නැන්සි පෙලෝසි ඊට සහභාගි වන්නැයි කොංග්‍රස් මණ්ඩල සාමාජිකයින්ට ලිපි යවා ඇති බවයි විදෙස් මාධ්‍ය සදහන් කළේ.

මීට පෙර යුක්රේන ජනාධිපති වොල්දොමීර් සෙලෙන්ස්කි කියෙව් අගනුවර තම කාර්යාලයේ සිට ලෝක නායකයින් රැසක් සමග දුරකතනයෙන් සාකච්ඡා පැවැත්වූවා.

එහෙත් මෙම සංචාරයත් සමග යුක්රේනයට අවශ්‍ය යුදමය සහාය වැඩි වශයෙන් ලැබෙනු ඇති බවටයි අනාවැකි පළව ඇත්තේ.

The post ජෝ බයිඩන් හමුවීමට සෙලෙන්ස්කි වොෂින්ටනයට යාමට සූදානම් appeared first on ITN News.

පැය 10 ක විදුලි කප්පාදුවක් සිදුවන බවට විදුලි ඉංජිනේරු සංගමය කළ ප්‍රකාශය අසත්‍ය බව විදුලිබල හා බලශක්ති අමාත්‍ය කංචන විජේසේකර මහතා පවසනවා.

ඊට එරෙහිව නීතිමය ක්‍රියාමාර්ග ගන්නා බවයි අමාත්‍යවරයා මාධ්‍ය හමුවේ සදහන් කළේ.

දෙසැම්බර් 24, 25, 31 සහ ජනවාරි පළමුවනදා විදුලි කප්පාදුවක් සිදුනොකරන බවද අමාත්‍යවරයා පැවසුවා.

ලබන වසරේ ජනවාරි මාසයේ දී විදුලි ගාස්තු සංශෝධනයක් අනිවාර්යයෙන්ම සිදුකෙරෙන බවයි කංචන විජේසේකර මහතා සඳහන් කළේ.

ඒ පිළිබද සවිස්තර වාර්තාවක් ජනවාරි දෙවනදා පැවැත්වෙන පළමු කැබිනට් මණ්ඩල රැස්වීමට ඉදිරිපත් කිරීමට නියමිතයි.

The post පැය 10 ක විදුලි කප්පාදුවක් ගැන විදුලි ඉංජිනේරු සංගමය කළ ප්‍රකාශය අසත්‍යයි appeared first on ITN News.

ප්‍රධාන විධායක තනතුරට සුදුස්සෙක් සොයාගැනීමට හැකි වුවහොත් තමන් ට්විටර් සමාගමේ එම ධුරයෙන් ඉල්ලා අස්වන බව ඉලොන් මස්ක් පවසනවා.

පසුගියදා ට්විටර් සමාගම මිලදී ගැනීමට ඉලොන් මස්ක් කටයුතු කළ අතර ඔහු එහි ප්‍රධාන විධායක නිලධාරී තනතුරේ කටයුතු කරමින් සිටිනවා.

ඉන් ඉවත්විය යුතුද යන්න පිළිබද මත විමසුමක් ද මස්ක් සිදුකළා. ඒ ට්විටර් පරිශීලකයින් යොදා ගනිමින්.

එහිදී සියයට 57.5 ක් ඉලොන් මස්ක් තම තනතුරෙන් ඉවත්විය යුතු බවට යෝජනා කර තිබුණා.

එමෙන්ම ට්විටර් සමාගම මිලදී ගැනීමෙන් පසු ඔහු සිදුකළ වෙනස්කම් පිළිබද දැඩි විවේචන ද එල්ල වුණා.

The post සුදුස්සෙක් සොයාගත්තොත් ට්විටර් CEO තනතුරෙන් ඉල්ලා අස්වෙනවා – ඉලොන් මස්ක් appeared first on ITN News.

මෙරට සංචාරක ක්ෂේත්‍රයට විශේෂ දායකත්වයක් දෙමින් ඇමෙරිකාවේ ධනවත්ම සංචාරකයින් 108 දෙනා රැගෙන ශ්‍රී ලංකාවට පැමිණි ඕෂන් ඔඩිසි නෞකාව ත්‍රිකුණාමලය වරායෙන් කාම්බෝජය බලා අද පිටත්ව ගියා.

ඕෂන් ඔඩිසි නෞකාව ශ්‍රී ලංකාවට සේන්දු වූයේ පසුගිය ඉරිදා දිනයේයි.

ඇමෙරිකා සමාගමකට අයත් ඕෂන් ඔඩිසි නෞකාව දිගින් මීටර් 105 ක් සහ පළලින් මීටර් 18.5 කින් යුක්තයි.

කොරෝනා මෙන්ම ආර්ථික අර්බුදය ඇතුළු ගැටලු රැසක් හමුවේ පසුබෑමට ලක්ව ඇති සංචාරක ක්ෂේත්‍රයේ වර්ධනයට මෙම නෞකාවේ පැමිණීම විශේෂ බලපෑමක් සිදු කළා.

නෞකාවේ පැමිණි සංචාරකයින් කොළඹ, කුරුණෑගල, හබරන, සීගිරිය සහ ත්‍රිකුණාමලය යන ප්‍රදේශවල සංචාරය සඳහා එක් වුණා.

ඕෂන් ඔඩිසි නෞකාව ත්‍රිකුණාමල වරායට යාත්‍රා කෙරුණු අතර ඇමෙරිකා සංචාරකයින් සමින් නෞකාව කාම්බෝජය බලා අද පිටත්ව ගියා

The post ඇමෙරිකා ධනවතුන් රැගත් “ඕෂන් ඔඩිසි” ත්‍රි’මලය වරායෙන් කාම්බෝජය බලා පිටත්ව යයි appeared first on ITN News.

ඇෆ්ගනිස්තාන කාන්තාවන්ට විශ්වවිද්‍යාල තහනම් කිරීමට තලේබාන් පාලනය කටයුතු කර තිබෙනවා.

එරට උසස් අධ්‍යාපන අමාත්‍යවරයා මේ බව නිල වශයෙන් දැනුම් දී තිබෙනවා.

විධිමත් අධ්‍යාපනය සදහා කාන්තාවන්ට ඇති ප්‍රවේශය මේ අනුව තවදුරටත් සීමා වනු ඇති.

මීට මාස තුනකට පෙර ඇෆ්ගන් කාන්තාවන් දහස් ගණනක් විශ්විද්‍යාල ප්‍රවේශ විභාගවට පෙනී සිටියා.

එහෙත් වෛද්‍ය, ඉන්ජිනේරු හා ආර්ථික විද්‍යා ක්ෂේත්‍රවලට සීමා පනවා තිබුණා.

The post තලේබානුවන් ඇෆ්ගනිස්තාන කාන්තාවන්ට විශ්වවිද්‍යාලත් තහනම් කරයි appeared first on ITN News.

2022 වසරට සාපේක්ෂව 2023 වසරේ බ්‍රිතාන්‍යයේ උෂ්ණත්වය ඉහළ යා හැකි බවට එරට කාලගුණ අංශ අනතුරු අගවනවා.

එළඹෙන වසරේ බ්‍රිතාන්‍යයේ උෂ්ණත්වය වාර්තාගත මට්ටමකට පැමිණිය හැකි බවට එරට කාලගුණ අංශ අනාවැකි පළකරනවා. උෂ්ණත්වයේ සාමන්‍ය අගයට වඩා සෙල්සියස් අංශක එකකින් උෂ්ණත්වය අඛණ්ඩව ඉහළ ගිය 10 වන වසර බවට එළඹෙන වසර පත්වනු ඇති බවටයි හෙළිව ඇත්තේ. පරිසරය සිසිල් වීමට බලපාන ලා නීනා තත්ත්වය බ්‍රිතාන්‍යයෙන් බැහැරට යමින් පවතින බව කාලගුණ අංශ සදහන්කරනවා. එමෙන්ම උෂ්ණත්වය ඉහළ යාමට බලපාන මිනිස් ක්‍රියාකාරකම් ඉහළ යාමද මීට හේතුවී ඇති බවයි වාර්තා වන්නේ. 1750 වසරේ කාර්මික විප්ලවය ආරම්භවීමෙන් පසු පොසිල් ඉන්ධන දහනය හරහා වායුගෝලයට නිකුත් කෙරෙන කාබන් ප්‍රමාණය ඉහළ ගිය අතර ඒ හරහා හටගත් කාලගුණික විපර්යාස මේ වනවිට මිනිස් පාලනයෙන් ගිලිහී ගොස් තිබෙනවා.

The post 2023 දී බ්‍රිතාන්‍යය වාර්තාගත රත්වීමක් වෙන ලකුණු appeared first on ITN News.

බලශක්ති අර්බුදය හමුවේ ගෑස් මිලට පාලන මිලක් ගෙන ඒමට යුරෝපා සංගමයට අයත් රටවල් තීරණය කර තිබෙනවා.

යුරෝපා සංගමයට අයත් රටවල් 27 ක් ගෑස් මිල පාලනය සම්බන්ධයෙන් එකඟතාවයකට පැමිණි බවයි වාර්තා වන්නේ. යුක්රේනයේ යුද මෙහෙයුම් හේතුවෙන් යුරෝපයට ගෑස් සැපයීම පාලනය කිරීමට රුසියාව කටයුතු කිරීමත් සමග යුරෝපයේ ගෑස් මිල ශීඝ්‍රයෙන් ඉහළ ගියා. එම තත්ත්වය පාලනය කිරීමටයි යුරෝපා සංගමය මෙම තීරණය ගෙන ඇත්තේ. මෙම මිල පාලනය ලබන වසරේ පෙබරවාරි 15 වන දින සිට ක්‍රියාත්මක කිරීමට නියමිතයි.

The post ගෑස් මිලට පාලන මිලක් ගෙන ඒමට යුරෝපා සංගමයට අයත් රටවල් තීරණය කරයි appeared first on ITN News.

යුක්රේනය බෙලරුස් දේශ සීමාවේ ආරක්ෂාව දැඩි කිරීමට පියවර ගෙන තිබෙනවා.

යුක්රේන බෙලරුස් දේශසීමාව ආසන්නයට තම ප්‍රහාරක සන්නාහ සන්නද්ධ රථ හා යුද ටැංකි ස්ථානගත කිරීමට කටයුතු කරන බවයි යූක්රේන රජයේ අමාත්‍යවරයෙක් සදහන් කර ඇත්තේ. බෙලරුසය හරහා රුසියාව යුක්රේනය ආක්‍රමනය කිරීමට සූදානම් වන බවට තොරතුරු අනාවරණය වී ඇති බව ද සදහන්. එමෙන්ම රුසියා ජනාධිපති ව්ලැඩිමීර් පුටීන් බෙලරුස් ජනාධිපති ඇලෙක්සැන්ඩර් ලුකාෂෙන්කෝ සමඟ විශේෂ සාකච්ඡාවක් පැවැත්වීම ද මෙම තීරණය ගැනීමට හේතු වී තිබෙනවා. එමෙන්ම රහස් ඔත්තුකරුවන්, කඩාකප්පල්කරුවන් හා රුසියා රජයේ ප්‍රතිපත්ති පාවාදෙන්නන් සොයා මෙහෙයුම් ආරම්භ කරන ලෙස ද රුසියා ජනාධිපතිවරයා එරට ආරක්ෂක අංශවලට උපදෙස් ලබාදී ඇති බවද විදෙස් මාධ්‍ය අද වාර්තා කළා. යුක්රේන රුසියා දේශසීමා ශක්තිමත්ව පවත්වාගෙන යාමට කටයුතු කරන ලෙස ඔහු උපදෙස් ලබාදී තිබෙනවා.

The post යුක්රේනය බෙලරුස් දේශ සීමාවේ ආරක්ෂාව දැඩි කරයි appeared first on ITN News.

ඉදිරි දින 90 ක කාලය තුළ චීන වැසියන්ගෙන් සියයට හැටක පමණ ප්‍රතිශතයකට කොරෝනා වයිරසය ආසාදනය වනු ඇති බවට ඇමෙරිකාවේ වෝල් ස්ට්‍රීට් ජර්නලය අනතුරු අඟවනවා.

නිල දත්ත වාර්තා පල නොවූවද චීනයේ කොරෝනා වයිරසය ශීඝ්‍ර යෙන් පැතිර යන බවයි ඇමෙරිකාවේ වෝල් ස්ට්‍රීට් ජර්නලය සදහන් කරන්නේ. එරට රොහල්වල දැඩිසත්කාර ඒකකයන් රෝගීන්ගෙන් පිරී ඇති බවද වාර්තා වනවා. ශූන්‍ය කොවිඩ් ප්‍රතිපත්තිය හේතුවෙන් එක් ආසාදිතයෙකු හමු වුවද එම ප්‍රදේශය වසා දැමීමට චීන රජය කටයුතු කළා. ඒ හේතුවෙන්  හටගත් ජනතා විරෝධයත් සමග පනවා ඇති නීති ලිහිල් කිරීමටයි රජය පියවර ගත්තේ. ඒ සමගම චීනය පුරා කොරෝනා ව්‍යාප්තිය උත්සන්නවී තිබෙනවා. වයිරස ව්‍යාප්තියත් සමග මිලියන ගණනක පිරිසක් ජීවිතක්ෂයට පත්වීමට ඉඩ ඇති බවටයි වෝල් ස්ට්‍රීට් ජර්නලය පවසන්නේ. කෙසේ වුවද නොවැම්බර් මස 23 වන දිනෙන් පසුව කොරෝනා මරණ සම්බන්ධයෙන් චීන සෞඛ්‍ය අංශ නිල වාර්තාවක් නිකුත්කර නැහැ.

The post චීනයේ 60% කට යළි කොරෝනා ආසාදනය වන බවට අනතුරු ඇඟවීමක් appeared first on ITN News.

ශ්‍රී ලංකා වරාය අධිකාරිය,  ගුවන්තොටුපල හා ගුවන් සේවා ශ්‍රී ලංකා සමාගම හා සිවිල් ගුවන් සේවා අධිකාරිය එක්ව රජයේ ඒකාබද්ධ අරමුදල සදහා රුපියල් බිලියන 2ක මුදලක් භාරදී තිබෙනවා.

ඊට අදාළ චෙක්පත ජනාධිපති රනිල් වික්‍රමසිංහ මහතා වෙත භාරදීම ජනාධිපති කාර්යාලයේ දී අද පස්වරුවේ සිදුකෙරුණා. ශ්‍රී ලංකා වරාය අධිකාරිය රුපියල් බිලියනයක්,  ගුවන් තොටුපල හා ගුවන් සේවා ශ්‍රී ලංකා සමාගම රුපියල් මිලියක 500 ක් සහ සිවිල් ගුවන් සේවා අධිකාරිය රුපියල් මිලියන 500 ක් රජයේ ඒකාබද්ධ අරමුදලට පිරිනමා තිබෙනවා. මෙම අවස්ථාවට වරාය,  නාවික හා ගුවන් සේවා අමාත්‍ය නිමල් සිරිපාල ද සිල්වා,  මුදල් අමාත්‍යංශයේ ලේකම් මහින්ද සිරිවර්ධන යන මහත්වරුන් මෙන්ම අදාළ ආයතනවල ප්‍රධානීන් ද එක්ව සිටියා.

The post රජයේ ඒකාබද්ධ අරමුදලට රුපියල් බිලියන 2ක මුදලක් පරිත්‍යාගයක් appeared first on ITN News.

යුරෝපා සංගමයට අයත් රටවල ජීවන වියදම ඉහළ යාමට විරෝධය දක්වමින් විශාල පිරිසක් බ්‍රසල්ස් නුවර දී විරෝධතාවක් පළකළා.

බෙල්ජියම සහ යුරෝපා සංගමයට අයත් රටවල් රැසක පවතින ඉහල උද්ධමනය, බලශක්ති මිල ඉහළ යාම සහ වැටුප් වැඩි කරන ලෙස ඉල්ලමින් මෙම විරෝධතාව ආරම්භ කර තිබෙනවා. බෙල්ජියම් අගනුවරට විරෝධතාකරුවන් දහසය දහසකට වැඩි පිරිසක් එක් ව සිටිනවා. බ්‍රස්ල්ස් නුවර ඇතුළු නගර රැසක මෙම විරෝධතාව ක්‍රියාත්මකයි. ඇතැම් වෘත්තිය සමිති ද මෙම විරෝධතා සඳහා එක්ව සිටිනවා. බ්‍රසල්ස් නුවර ගුවන්තොටුපළේ ගුවන් ගමන් ද අවලංගු කර ඇති බවයි වාර්තා වන්නේ. යුක්රේන රුසියා යුද්ධය සහ කොවිඩ් 19 ‍හේතුවෙන් ඇති වු ආර්ථික ආතතිය හේතුවෙන් යුරෝපයේ ගෑස් සහ විදුලි මිල අධික ලෙස ඉහළ ගොස් තිබෙනවා. පසුගිය මාසයේ දී බෙල්ජියමේ උද්ධමන අගය 10.63%ක් දක්වා ඉහළ ගොස් තිබු අතර සමස්ත යුරෝපා කලාපයේ පාරිභෝගික උද්ධමනය 10% ක් පමණ ඉහළ ගොස් තිබෙනවා.

The post බ්‍රස්ල්ස් නුවර ඇතුළු නගර රැසක විරෝධතා appeared first on ITN News.

ලෝක විවාහක රූ රැජින කිරුළ වසර 21 කට පසු ඉන්දියාවට හිමිවුණා.

2022 වසරේ ලෝක විවාහක රූ රැජින කිරුළට හිමිකම් කියූවේ ඉන්දියානු සුරූපිනී සර්ගාම් කෝෂාල්. 2022 වසරේ ලෝක විවාහක රූ රැජින තරගාවලිය ඇමෙරිකාවේ ලාස් වේගාස්හිදීයි පැවැත්වුණේ. රටවල් 63ක තරඟකරුවන් මේ සඳහා එක්ව සිටියා. 2022 ලෝක රූ රැජින තරගාවලියේ දෙවැනි ස්ථානය පොලිනීෂියානු සුරූපිනියටත් තෙවැනි ස්ථානය කැනඩා සුරූපිනියටත් හිමිවුණා.

The post ලෝක විවාහක රූ රැජින කිරුළ වසර 21 කට පසු ඉන්දියාවට appeared first on ITN News.

තායිලන්තයේ නාවික හමුදාවට අයත් නෞකාවක් අනතුරට පත්ව ඇති බව විදෙස් මාධ්‍ය වාර්තා කරනවා. සියයකට අධික නාවික භටයින් පිරිසක් එහි සිට ඇති බවයි සැක පළකරන්නේ.

තායිලන්ත නාවික හමුදාවට අයත් මෙම නෞකාව ඊයේ රාත්‍රියේ දී තායිලන්ත මුහුදු සීමාවේ දී ඇතිවූ කුණාටුවකට හසුවී පෙරලී තිබෙනවා. එච් ටී එම් ඒ එස් සුකොටයි නෞකාව ගිලී යාමෙන් පසු එහි සිටි නාවිකයින් 78 දෙනෙකු බේරාගෙන ඇති බවයි එරට බලධාරීන් සදහන් කරන්නේ. ජීවිත හානි කිසිවක් වාර්තා වී නොමැති අතර බේරාගත් නාවිකයින්ගෙන් තිදෙනෙකුගේ තත්ත්වය අසාධ්‍ය බවයි වාර්තා වන්නේ. නෞකාවේ සිටි අනෙක් පිරිස බේරා ගැනීමේ මෙහෙයුම් ක්‍රියාත්මකයි.

The post තායිලන්ත නාවික යාත්‍රාවක් අනතුරක appeared first on ITN News.

හවායි ගුවන් සේවයට අයත් ගුවන් යානයක් උඩුගුවනේ දී එක්වරම දැඩි සෙලවීමකට ලක්වීම හේතුවෙන් පුද්ගලයින් 36 දෙනෙකු තුවාල ලබා තිබෙනවා.

ෆීනික්ස් සිට හොනලුලු  දක්වා ගමන් කරමින් තිබු ගුවන් යානකුයි මෙම අනතුරට ලක්වුණේ. මෙම ගුවන් යානය හොනලුලු වෙත ගොඩ බෑමට මිනිත්තු 30ක් පමණ තිබිය දී ඉහළ අහසේ දී එක්වරම දැඩි සෙලවීමකට ලක්ව තිබෙනවා. තුවාල ලැබු මඟීන් 11 දෙනෙකුගේ තත්වය බරපතල බව රෝහල් ආරංචිමාර්ග පවසනවා. ගුවන් යානයේ සිටි මඟීන් වැඩි දෙනෙකුගේ හිසට තුවාල සිදුව ඇති අතර බොහෝ දෙනෙකු සිහිසුන්වී ඇති බවටයි වාර්තා වුණේ. කෙසේවෙතත් මේ පිළීබඳව වැඩිදුර පරීක්ෂණ ක්‍රියාත්මකයි.

The post ගුවන් යානයක් දැඩි සෙලවීමකට ලක්වීමෙන් 36 දෙනෙකුට තුවාලයි appeared first on ITN News.

ඇෆ්ගනිස්තානයේ උමං මාර්ගයක ඇති වු ගින්නකින් පුද්ගලයින් 19 දෙනෙකු ජිවිතක්ෂයට පත්වුණා.

ඇෆ්ගනිස්තානයේ කාබුල් අගනුවර ආසන්නයේ සලන්ග් උමං මාර්ගයේ ගමන් කරමින් තිබු ඉන්ධන බවුසරයක් පෙරලී යාමෙන් මෙම ගින්න හටගෙන තිබෙනවා. එම උමං මාර්ගයේ තිබු වාහන රැසක්ද ගින්නෙන් විනාශ වී ඇති බවයි වාර්තා වන්නේ. පුද්ගලයින් තිස්දෙදෙනෙකු පමණ බරපතළ තුවාල ලබ‌ා රෝහල් ගත කර තිබෙනවා. කෙසේ වෙතත් මියගොස් ඇති පිරිස සහ තුවාල ලැබුවන්ගේ සංඛ්‍යාව තවදුරටත් ඉහළ යා හැකි බවයි එරට සෞඛ්‍ය අංශ සදහන් කරන්නේ.

The post ඇෆ්ගනිස්තානයේ උමං මාර්ගයක ඇති වු ගින්නකින් 19 දෙනෙකු ජිවිතක්ෂයට appeared first on ITN News.

පාකිස්තානය කිසිඳු ලෙසකින් ශ්‍රී ලංකාව මෙන් අරගලකාරී පසුබිමකට පත් නොකරන බව හිටපු අග්‍රාමාත්‍ය ඉම්රාන් ඛාන් පවසනවා.

ඔහු මේ පිළිබඳව සඳහන් කළේ පංජාබ් අගනුවර ලාහුරේ පැවති රැස්වීමක් අතරතුරයි. පාකිස්තානය වෙනුවෙන් සියලු දෙනා එක්විය යුතු බවත් ශ්‍රී ලංකාවේ ඇති වු තත්ත්ව‍ය මෙන් අරගලකාරී තත්ත්වයක් අවශ්‍ය නැති බවත් ඔහු වැඩිදුරටත් පෙන්වා දුන්නා.

The post පාකිස්තානය කිසිඳු ලෙසකින් ශ්‍රී ලංකාව මෙන් අරගලකාරී පසුබිමකට පත් කරන්නේ නැහැ appeared first on ITN News.

ඇමෙරිකාවේ නිව්යොක් ප්‍රාන්තයේ කංසා නිත්‍යානූකූලව විකිණීමට අවශ්‍ය බලපත්‍ර නිකුත් කර තිබෙනවා.

ඒ අනුව බලපත්‍ර 150ක් නිකුත් කර ඇති බවයි වාර්තා වන්නේ. නිව්යොක් ප්‍රාන්තයේ කංසා නීති ගත කර වසරක කාලසීමාවකට පසුවයි මෙම නව නීතිය ක්‍රියාත්මක වන්නේ. මෙම නීතිගත කිරීම තුළින් ලබන වසරේ මුල් භාගයේ දි කංසා අලෙවියෙන් ඩොලර් බිලියන 1.3ක් අපේක්ෂා කරන බව ද සඳහන්.

The post නිව්යොක් ප්‍රාන්තයේ කංසා විකිණීමට බලපත්‍ර නිකුත් කරයි appeared first on ITN News.

ඉරාකයේ කීර්කුක් නගරයේ බෝම්බ ප්‍රහාරයකින් පුද්ගලයින් අට දෙනෙකු ජිවිතක්ෂයට පත්ව තිබෙනවා.

පොලිස් නිලධාරීන් 08 දෙනෙකු ජිවිතක්ෂයට පත්ව ඇති බවයි වාර්තා වන්නේ. තවත් පොලිස් නිලධාරීන් දෙදෙනෙකුගේ තත්ත්වය බලපතර අතර ඔවුන් දෙදෙනා රෝහල් ගත කර තිබෙනවා. පොලිස් රථ පෙළක් ඉලක්ක කර ගනිමින් මෙම ප්‍රහාරය එල්ල වී ඇති බවයි හදුනාගෙන ඇත්තේ. කෙසේ වුවද ප්‍රහාරයේ වගකීම කිසිඳු සංවිධානයක් බාර ගෙන නැහැ. නමුත් මෙම ප්‍රදේශය අයි එස් අයි එස් සටන්කාමීන් ක්‍රියාකාරීව සිටින බවයි විදෙස් වාර්තා පෙන්වා දෙන්නේ.

The post ඉරාකයේ බෝම්බ ප්‍රහාරයකින් පුද්ගලයින් අට දෙනෙකු ජිවිතක්ෂයට appeared first on ITN News.

උතුරු කොරියාව බැලැස්ටික් මිසයිල දෙකක් අත්හදා ඇති බව දකුණු කොරියානු හමුදාව පවසනවා.

උතුරු කොරියාව කොරියානු අර්ධද්වීපයේ නැගනෙහිර වෙරළට ඔබ්බෙන්වු මුහුදු ප්‍රදේශයට මෙම බැලැස්ටික් මිසයිල දෙක එල්ල කර ඇති බව සඳහන්. දකුණු කොරියාව සහ ජපාන බලධාරීන්ට අනුව උතුරු කොරියාව මෙලෙස මිසයිල අත්හදා බැලීමක් කළ 35 වන දිනය මෙය වනවා. මෙම මිසයිල සැතපුම් 311 දුරක් පියාසර කර ඇති බවයි ජපානය පවසන්නේ. කෙසේවෙතත් මේවා දිගුදුර මිසයිල නොවන බවයි ඔවුන් වැඩිදුරටත් පෙන්වා දෙන්නේ.

The post උතුරු කොරියාව තවත් බැලැස්ටික් මිසයිල දෙකක් අත්හදා බලයි appeared first on ITN News.

රුසියානු ජනාධිපති ව්ලැඩ්මීර් පුටින් සිය හමුදා ප්‍රධානීන් හමුවී තිබෙනවා.

යුක්රේනය වෙත මිසයිල ප්‍රහාර මාලාවක් එල්ල කිරීමෙන් පසු මෙම රැස්වීම පැවැත්වීම විශේෂත්වයක් බවයි විදෙස් මාධ්‍ය වාර්තා කරන්නේ. මෙම ප්‍රහාරවලින් යුක්රේනයේ බොහෝ ප්‍රදේශවල විදුලි සැපයුම ඇණ හිට තිබෙනවා. එරට ජනතාව මිලියන ගණනක් අධික සීතල හේතුවෙන් දැඩී පිඩාවට පත්ව සිටින බවයි වාර්තා වන්නේ. රුසියාවේ මීළඟ පියවර සම්බන්ධයෙන් රුසියා ජනාධිපතිවරයා සහ හමුදා ප්‍රධානීන් අතර සාකච්ඡාවේදි වැඩි අවධානයක් යොමුව තිබෙනවා.

The post පුටින් සහ හමුදා ප්‍රධානීන් අතර හමුවක් appeared first on ITN News.

දකුණු අප්‍රිකාවේ වෙරළ තීරයක සිදුවූ අනතුරකින් පුද්ගලයින් තුන්දෙනෙකු ජීවිතක්ෂයට පත්ව 17 දෙනෙකු තුවාල ලබා තිබෙනවා.

දකුණු අප්‍රිකාවේ ඩර්බන්හි වෙරළ තීරය සර්ෆින් ක්‍රීඩාව සදහා ප්‍රසිද්ධව පවතිනවා. එම වෙරළ තීරයට එක්වරම ඉතා දැඩි ලෙස පැමිණි රළ හේතුවෙනුයි මෙම අනතුර සිදුව තිබෙන්නේ. එම අවස්තාවේ සිටි සර්ෆින් ක්‍රීඩකයින් ඇතුළු පිරිසක් මෙම අනතුරට ලක්ව තිබෙනවා. පුද්ගලයින් 17 දෙනෙකු තුවාල ලබා ඇති අතර ඔවුන්ගේ තත්ත්වය බරපතල බවයි විදෙස් මාධ්‍ය වාර්තා කරන්නේ. අනතුර සිදුවන අවස්ථාවේදී පුද්ගලයින් සියයකට අධික පිරිසක් එම වෙරළ තීරයේ සිට ඇති බව සදහන්.

The post දකුණු අප්‍රිකාවේ වෙරළ තීරයක සිදුවූ අනතුරකින් පුද්ගලයින් තුන්දෙනෙකු ජීවිතක්ෂයට appeared first on ITN News.

ගෞතම් අදානි මේ වසර තුළ ගෝලීය වශයෙන් උපරිම ආදායමක් ලැබූ පුද්ගලයා බවට පත්ව තිබෙනවා.

බ්ලූම් බර්ග් වර්තා අනුව ඉන්දියාවේ ගෞතම් අදානි ලොව තුන්වන ධනවත්ම පුද්ගලයා බවත් මේ වසර තුළ පුද්ගලික ධනය වැඩිවීම තුළින් ප්‍රථමයා බවත් ප්‍රකාශයට පත්ව තිබෙනවා. ඔහුගේ පුද්ගලික ධනය වැඩිවීම ඩොලර් බිලියන 49ක්. මේ තුළින් ඔහු බ්ල්ගේට්ස් ට සහ වොරන් බෆට් යන ධනපතියන්ගේ ආදායම මේ වසර තුළ ඉක්මවා ගොස් තිබෙනවා. 60 හැවිරිදි ගෞතම් අදානි ඉන්දියාවේ කාර්ය බහුලම වරායන්වල අයිතිය මෙන්ම ඕස්ට්‍රේලියාවේ ගල්අගුරු පතල්වල ද හිමිකම් දරන්නෙක්. ඔහුගේ සම්පූර්ණ වත්කම ඩොලර් බිලියන 134ක්. අදානි සමාගම මේ වන විට ලොව විශාලතම සූර්ය බලශක්ති නිෂ්පාදකයා ද වනවා.

The post මෙම වසර තුළ ගෝලීය වශයෙන් උපරිම ආදායමක් ලැබූ පුද්ගලයා බවට ගෞතම් අදානි පත්වෙයි appeared first on ITN News.

ජපානය සිය ආරක්ෂක වැය දෙගුණ කිරීමට තීරණය කර තිබෙනවා.

ඉදිරි වසර 5ක කාලයතුලදී මෙලෙස ආර්ක්ෂක වැය දෙගුණ කිරීමට යොජිතයි. ජපානය සාමකාමීත්වය මුල්කරගත් රටක් ලෙස දෙවන ලෝක  යුද්ධයෙන් පසුව ක්‍රියාත්මක වනවා.

මෙවැනි තත්ත්වයක් යටතේ ආරක්ෂක වැය සදහා අතිවිශාල මුදලක් වෙන් කිරීමට එරෙහිව විරෝධතා ව්‍යාපාරයක්ද ජපානය තුළ ක්‍රියාත්මක වුනා. ඉදිරි සැලැස්ම යටතේ ජපානය දිගුදුර මිසයිල මිලදී ගැනීමට ද සැලසුම්කර තිබෙනවා.

The post ජපානය සිය ආරක්ෂක වැය දෙගුණ කරයි appeared first on ITN News.

මැලේසියාවේ ඊයේ දිනයේ සිදුවූ නාය යෑමෙන් මිය ගිය සංඛ්‍යාව 21 ක් දක්වා ඉහළ ගොස් තිබෙනවා.

මැලේසියාවේ කඳුකර ප්‍රදේශයක තිබූ කඳවුරු භූමියක සිදුවූ නාය යාමකිනුයි මෙම අනතුර සිදුවූයේ. මිය ගිය 21 දෙනාගෙන් 12 දෙනෙකු කාන්තාවන් වන අතර පස් දෙනෙකු ළමුන් වනවා. ගලවා ගැනීමේ සේවකයන් 400ක් පමණ යොදාගෙන තවමත් බේරාගැනීමේ මෙහෙයුම් ක්‍රියාත්මක වනවා. කඳවුරු භූමියේ කළමනාකරුවන් පවසන්නේ ඊයේ දිනයේ ළමුන් 30ක් සහ වැඩිහිටියන් 51ක් මෙහි නවාතැන් සඳහා ලියාපදිංචිව සිටි බවයි.

The post මැලේසියාවේ නාය යෑමෙන් මියගිය සංඛ්‍යාව 21ක් දක්වා ඉහළට appeared first on ITN News.

රුසියාවෙන් යුක්‍රේනයට මිසයිල ප්‍රහාර 76ක් එල්ල වී තිබෙනවා.

රුසියානු ප්‍රහාරවලින් පසුව යුක්‍රේනයේ දෙවන ප්‍රධාන නගරය වන කර්කිව් නගරයට දැඩි හානියක් සිදුව තිබෙන බව වාර්තා වනවා. මේ හේතුවෙන් නගරයට විදුලිය සහ ජල පහසුකම් අහිමි වී තිබෙනවා. යුක්‍රේනය චෝදනා කරන්නේ රුසියාව තම බලශක්ති හා ජල මූලාශ්‍ර ඉලක්ක කරගෙන මෙම මිසයිල ප්‍රහාර එල්ල කරන බවයි. රුසියාව යුක්‍රේනයට එල්ල කර ඇති මිසයිල කෘෘස් මිසයිල බවත් ඊට අමතරව ඩ්‍රෝන ප්‍රහාරයක්ද මේ නගර වෙත එල්ල කර ඇති බව වාර්තා වනවා.  කිව් අගනගරයට පමණක් ඊයේ දිනයේදී මිසයිල ප්‍රහාර 40 ක් එල්ල වී තිබෙනවා.

The post රුසියාවෙන් යුක්‍රේනයට මිසයිල ප්‍රහාර 76ක් appeared first on ITN News.

රුසියාවෙන් යුක්රේනයට ප්‍රබල මිසයිල ප්‍රහාරයක් එල්ල වී තිබෙනවා.

විදෙස් මාධ්‍ය වාර්තා කරන්නේ රුසියාව විසින් යුක්රේනයට මිසයිල 60ක් එල්ල කරමින් ප්‍රහාර දියත් කර ඇති බවයි. මේ අතර ඩ්‍රෝන ප්‍රහාරයක්ද සිදු කර තිබෙනවා. කිව් අගනුවරට උතුරින් හා දකුණින් වු ප්‍රදේශවලටත් කර්සන් හා කර්කිව් ප්‍රදේශවලට මෙම ප්‍රහාරය එල්ල වී තිබෙනවා. ප්‍රහාරයෙන් අනතුරුව කර්සන් හා කර්කිව් නගරවල විදුලි සහ ජල සැපයුමට බාධා එල්ල වී ඇති අතර ප්‍රහාරවලින් මේ වන විට දෙදෙනෙකු මිය ගොස් පස්දෙනෙකු තුවාල ලබා ඇති බවයි වාර්තා වන්නේ.

The post රුසියාවෙන් යුක්‍රේනයට ප්‍රබල මිසයිල ප්‍රහාරයක් appeared first on ITN News.

ඇමෙරිකාවේ ප්‍රාන්ත 6කට බලපා ඇති කුණාටු තත්ත්වය හේතුවෙන් ජනතාව පීඩාවට පත්ව සිටිනවා.

මෙම කුණාටු තත්ත්වය හේතුවෙන් ප්‍රාන්ත 6ක විදුලිය ඇනහිට තිබෙනවා. දස දහස් ගණනක් ජනතාව පීඩාවට පත්ව සිටිනවා. ලුසියානා ප්‍රාන්තයේ කුණාටු තත්ත්වය හේතුවෙන් තුන් දෙනෙකු මිය ගොස් තිබෙනවා. ඇමෙරිකාවෙන් ලැබෙන වාර්තා අනුව විදුලිය ඇනහිටීම හැටදහසක ජනතාවකට බලපා තිබෙනවා. තවත් ප්‍රාන්ත කිහිපයක ජනතාව අධික හිම පතනය නිසා පසුගිය බ්‍රහස්පතින්දා සිට පීඩාවට පත්ව ඇති බව වාර්තා වනවා.

The post කුණාටු තත්ත්වයක් හේතුවෙන් ඇමෙරිකාවේ ප්‍රාන්ත 6කට බලපෑම් appeared first on ITN News.

බ්‍රිතාන්‍ය හෙද වර්ජනය තවතමත් ක්‍රියාත්මකයි.

බ්‍රිතාන්‍ය ඉතිහාසයේ වාර්තා වූ දැවැන්තම හෙද වර්ජනය තවමත් ක්‍රියාත්මක බව වාර්තා වනවා. එංගලන්තය , වේල්සය සහ උතුරු අයර්ලන්තය පුරා හෙද හෙදියන් දස දහස් ගණනක් වර්ජන ක්‍රියාදාමයකට එළඹ තිබෙනවා. බ්‍රිතාන්‍ය රාජකීය හෙද විද්‍යාලයේ නිලධාරීන් 19%ක වැටුප් වැඩිවීමක් ඉල්ලා තිබෙනවා. මේ අතර කොවිඩ් වසංගතය හේතුවෙන් තමන්ට ලැබීමට තිබූ වැටුප් වර්ධකය නොලැබීමත් මෙම වර්ජනයට හේතුවූ බව බ්‍රිතාන්‍ය හෙද සංගම් පවසනවා.

The post බ්‍රිතාන්‍ය හෙද වර්ජනය තවදුරටත් appeared first on ITN News.

ඇමෙරිකාව ජෝන් එෆ් කෙනඩි ඝාතනයේ ලිපි ලේඛන රැසක් අන්තර්ජාලයට නිකුත් කර තිබෙනවා.

ධවල මන්දිරයේ නියෝගයකට අනුවයි මෙම ලේඛණ ප්‍රථම වතාවට බාහිර සාමාජයට නිකුත් කෙරුණේ. කෙනඩි ඝාතනය සම්බන්ධව ප්‍රකාශන 13173ක් මෙලෙස අන්තර්ජාලයට නිකුත් කර තිබෙනවා. එක්සත් ජනපද ලේඛණාගාරය පවසන්නේ තවත් ලේඛණ 515ක් විවෘත නොකරන බවයි. 1963 වසරේදී ඇමෙරිකානු ජනාධිපතිවරයෙකු වු ජෝන් එෆ් කෙනඩි ඝාතනය කලේ කලින් සෝවියට් සංගමයේ ජිවත්වු එක්සත් ජනපද පුරවැසියෙනු වන ලී හාවි ඔස්වල්ඩ් විසින්. අත්අඩංගුවට ගෙන දින දෙකකට පසු ඩලාස් පොලිස් මුලස්ථානය තුළම ඔහුව ඝාතනය කොට තිබුණා.

The post ජෝන් එෆ් කෙනඩි ඝාතනයේ ලිපි ලේඛන රැසක් අන්තර්ජාලයට appeared first on ITN News.

උතුරු කොරියාව තමන් නව ආයුධයක් සඳහා සාර්ථක අත්හදා බැලීමක් සිදුකළ බව නිවේදනය කර තිබෙනවා.

උතුරු කොරියාව මෙලෙස අත්හදා බලා ඇත්තේ අධි තෙරපුම් ඝණ ඉන්ධන මෝටරයක්. න්‍යෂ්ටික අවි සහ මිසයිල වැඩසටහන වේගවත් කිරිම සඳහා මෙම අත්හදා බැලීම කල බව එරට රාජ්‍ය මාධ්‍ය වාර්තා කර තිබෙනවා. ඔවුන්ගේ මේ අත්හදා බැලීම වඩාත් ස්ථායී හා අනතුරුවලින් අඩු ඝණ ඉන්ධන මිසයිල සෑදීම සඳහා වැදගත්වන බවයි පැවසෙන්නේ. උතුරු කොරියානු නායකය කිම්ජොන් උන් මෙම අත්හදා බැලීම බලා සිටින ඡායාරූප අන්තර්ජාලය වෙත නිකුත් කර තිබෙනවා.

The post උතුරු කොරියාව නව ආයුධයක් අත්හදා බලයි appeared first on ITN News.

මැලේසියාවේ සිදුවු නායයාමකින් පුද්ගලයින් දෙදෙනෙකු මියගොස් තවත් පිරිසක් අතුරුදන්ව තිබෙනවා.

මැලේසියාවේ ක්වලාලම්පූර් අග නුවරට උතුරින් වු කඳුකර ප්‍රදේශයක පිහිටි කඳවුරු භූමියකයි මෙම නායයාම සිදු වී තිබෙන්නේ. නායයාම් සිදුවන විට කඳවුරු භූමියේ සියදෙනෙකු පමණ රැඳීසිට තිබෙනවා. සිද්ධියෙන් පසුව දෙදෙනෙකුගේ මළ සිරුරු සොයා ගෙන ඇති අතර 31 දෙදෙනෙකු බේරා ගෙන තිබෙනවා. මේ වන විටත් සිද්ධියෙන් අතුරන්දන් වු පුද්ගලයන්ගේ සංඛ්‍යාව 51ක්. කඳවුරු භූමියට අඩි 100කින් පමණ වු බෑවුමකින් මෙම නායයාම ආරම්භව තිබෙනවා.

The post මැලේසියාවේ නායයාමකින් පුද්ගලයින් දෙදෙනෙකු මියයයි appeared first on ITN News.

ඇමෙරිකාවට ප්‍රබල ශීත කුණාටුවකින් බලපෑම් එල්ල වී තිබෙනවා.

ඇමෙරිකාවේ දකුණු ප්‍රදේශයේ ප්‍රාන්තවලට ඉන් දැඩි බලපෑම් එල්ල වී ඇති බවයි වාර්තා වන්නේ. පුද්ගලයින් 3 දෙනෙකු ජීවිතක්ෂයට පත්වුණා. ලුසියානා, මිසසිපි, දකුණු ඩැකෝටා සහ මිනසෝටා ප්‍රාන්ත ඇතුළුව තවත් ප්‍රාන්ත රැසකට අනතුරු ඇඟවීම් නිකුත් කර ඇති අතර මිලියනකට ඉන් බලපෑම් එල්ලවිය හැකි බව කාලගුණ අංශ සඳහන් කරනවා.

ප්‍රබල සුළං සහ අධික හිම පතනය හේතුවෙන් ගමනාගමනය අපහසු වී තිබෙනවා. හිම කුණාටු තත්වය හේතුවෙන් මාර්ග සහ පාසල් වසා දමා ඇති අතර ඇතැම් ප්‍රදේශවල අඩි 4ක් දක්වා හිම වැටි ඇති ආකාරය දක්නට ලැබුණා.

ගුවන් ගමන් වාර 3,300ක් පමණ ප්‍රමාද වී තිබෙනවා. තවත් ගුවන් ගමන් වාර 150කට අධික සංඛ්‍යාවක් අවලංගු කෙරුණා. නිවාස රැසක්ද විනාශ වී ඇති බවයි වාර්තා වන්නේ. මේ අතර ‌ලුසියානා ප්‍රාන්තය හරහා ටොනෙඩෝවක් හමා ගොස් ඇති බව ද විදෙස් මාධ්‍ය වාර්තා කරනවා.

The post  ඇමෙරිකාවට ප්‍රබල ශීත කුණාටුවකින් බලපෑම් appeared first on ITN News.

පාරිභෝගික සේවා අධිකාරිය බිත්තර සදහා ලබාදී ඇති නව මිල ගණන් සම්බන්ධයෙන් එකගවිය නොහැකි බව බිත්තර නිෂ්පාදකයකන්ගේ සංගමය අභියාචනාධිකරණය හමුවේ අද ප්‍රකාශ කළා.

අදාළ නඩුව ප්‍රසන්න ද සිල්වා සහ ඛේමා ස්වර්ණාධිපති යන මහත්ම මහත්මීන්ගෙන් සමන්විත අභියාචනාධිකරණ විනිසුරු මඩුල්ල හමුවේ අද කැදවනු ලැබුවා. පාරිභෝගික සේවා අධිකාරිය වෙනුවෙන් පෙනී සිටි නීතිඥවරිය සදහන් කළේ සුදු බිත්තරයක් සදහා රුපියල් 42 ක් ද රතු බිත්තරයක් සදහා රුපියල් 44 ක් වන උපරිම සිල්ලර මිලක් නියම කර ඇති බවයි.

බිත්තර නිෂ්පාදකයන්ගේ සංගමය වෙනුවෙන් පෙනී සිටි ජනාධිපති නීතිඥ කුවේර ද සොයිසා මහතා සදහන් කළේ මීට පෙර නිකුත් කළ ගැසට් නිවේදනයේ තිබෙන පාලන මිල ගණන්වලට වඩා නව මිල ගණන් අඩු මට්ටමක පවතින බවයි. තම සේවා දායකයන් එම මිල ගණන් සම්බන්ධයෙන් කිසිසේත් සෑහීමකට පත් නොවන බවද ඔහු කියා සිටියා.

පෙත්සම විභාගයට ගැනීමට නියම කරන ලෙස ජනාධිපති නීතිඥවරයා කළ ඉල්ලීම පිළිගත් අභියාචනාධිකරණය නඩුව පෙබරවාරි මස 6 වනදා විභාගයට ගැනීමට තීරණය කළා. බිත්තර සදහා පාලන මිලක් නියම කරමින් ඉකුත් අගෝස්තු මස 19 වනදා පාරිභෝගික සේවා අධිකාරිය නිකුත් කර තිබෙන ගැසට් නිවේදනය අත්හිටුවමින් අතුරු නියෝගයක් නිකුත් කිරීමට ද අභියාචනාධිකරණය කටයුතු කළා.

The post පාරිභෝගික අධිකාරියේ බිත්තර මිලට බිත්තර නිෂ්පාදකයන්ගේ සංගමය එකඟ නොවෙයි appeared first on ITN News.

සිසුන් ප්‍රචණ්ඩ ක්‍රියා නතර කර, විශ්වවිද්‍යාලය මගින් තමන්ගේ ආරක්ෂාව සැලසීමට ක්‍රියාකරන තුරු අධ්‍යයන කටයුතුවලින් තවදුරටත් ඉවත්ව සිටින බව පේරාදෙණිය විශ්වවිද්‍යාලයේ ශාස්ත්‍ර පීඨ ආචාර්යවරුන්ගේ වෘත්තීය සමිතිය සඳහන් කරනවා.

මෙම ආචාර්යවරුන් දින 5 ක කාලයක් විභාග ඇතුළු අධ්‍යයන කටයුතුවලින් දැනටමත් ඉවත්ව සිටිනවා.

පේරාදෙණිය විශ්වවිද්‍යාලයේ හිටපු උපකුලපති අතුල සේනාරත්න මහතාට සහ ඔහුගේ පුත්‍රයාට පසුගිය 10 වනදා රාත්‍රියේ විශ්වවිද්‍යාල සිසුන් ප්‍රහාරයක් එල්ල කළා. එම සිද්ධියට අදාළව CCTV දර්ශන ඔස්සේ හදුනා ගත් විශ්වවිද්‍යාල සිසුන් 12 දෙනෙකුගේ ශිෂ්‍යභාවය අහෝසි කිරීමට පාලනාධිකාරිය කටයුතු කළා.

අත්අඩංගුවට ගත් ශිෂ්‍යයින් දොලොස් දෙනා ලබන 22 වනදා දක්වා රක්ෂිත බන්ධනාගාර ගත කර තිබෙනවා. සිසුන් මෙම ප්‍රචණ්ඩ ක්‍රියාවලින් ඈත් විය යුතු බවත් විශ්වවිද්‍යාලය මගින් තමන්ගේ ආරක්ෂාව සැලසිය යුතු බවත් පේරාදෙණිය විශ්වවිද්‍යාලයේ ශාස්ත්‍ර පීඨ ආචාර්යවරුන්ගේ වෘත්තීය සමිතිය ප්‍රකාශ කරනවා.

*****අනුර /අසංක / 11.09 (නිශාධි)

The post ආරක්ෂාව සලසනතුරුම අධ්‍යයන කටයුතුවල නෑ – පේරාදෙණියේ ඇඳුරන් දැඩි තීරණයක appeared first on ITN News.

රාජ්‍ය නිලධාරීන්ට අපහාස කිරීම සම්බන්ධයෙන් තුර්කියේ ඉස්තාන්බුල් නගරාධිපතිවරයාට සිරදඬුවම් නියම කෙරුණා.

දේශනයක දී මෙලෙස රාජ්‍ය නිලධාරීන්ට අපහස කිරීම ඔහුට එල්ල වී ඇති චෝදනාවයි. වසර දෙකහමාරකට වැඩි සිර දඬුවමක් තුර්කි අධිකරණය ඔහුට පනවා තිබෙනවා. එමෙන්ම එක්රම් ඉමාමොග්ලුට දේශපාලන තහනමක් ද පනවා ඇති බවයි විදෙස් මාධ්‍ය වාර්තා කරන්නේ.

එක්රම් ඉමාමොග්ලු ලබන වසරේ පැවැත්වෙන ජනාධිපතිවරණය සදහා ජනාධිපති එර්ඩෝගන්ගේ ප්‍රතිවාදියෙකු ලෙස ඉදිරිපත්වීමට නියමිතව සිටියා.

The post රාජ්‍ය නිලධාරීන්ට අපහාස කිරීම සම්බන්ධයෙන් ඉස්තාන්බුල් නගරාධිපතිට සිරදඬුවම් appeared first on ITN News.

කොවිඩ්  19 වෛරසය තවදුරටත් ගෝලීය හදිසි තත්ත්වයක් නොවන බව ලෝක සෞඛ්‍ය සංවිධානයේ ප්‍රධානී ටෙඩ්‍රෝස් ඇඩනම්  පවසනවා.

කොවිඩ් 19 වයිරසය මහජන සෞඛ්‍ය හදිසි තත්ත්වයක් ලෙස නම් කෙරුණේ 2020 වසරේදීයි. වයිරසය හිස එසවූයේ 2019 වසර අවසානයේ චීනයේ හුබෙයි පළාතේ වූහාන් නුවර කේන්ද්‍රකොට ගනිමින්. 2020 වසර වනවිට කොවිඩ් 19 ගෝලීය වසංගතයක් බවට පත් වුණා.

මේ වන විට කොවිඩ් 19 වයිරසය හේතුවෙන් පුද්ගලයින් මිලියන 6.6කට වැඩි පිරිසක් ජීවිතක්ෂයට පත්ව තිබෙනවා.

කෙසේ වෙතත් තවමත් කොවිඩ් 19 වයිරසය හේතුවෙන් චීනය පීඩා විඳිනවා. නමුත් ලොව සෙසු රටවල මෙම තත්ත්වය සම්පූර්ණයෙන් වෙනස් බවයි ටෙඩ්‍රෝස් ඇඩනම් පවසන්නේ.

සාර්ථක එන්නත්කරණය සහ  කොවිඩ් 19 වයිරසයේ බලපෑම බාලවීමත් සමඟ වයිරස අවදානය කෙමෙන් පහව ගිය බවත්, තව දුරටත් කොවිඩ් 19 සම්බන්ධයෙන් බියක් ඇති කරගත යුතු නැති බවත් ලෝක සෞඛ්‍ය සංවිධානයේ ප්‍රධානියා ජිනිවා නුවර පැවැති මාධ්‍ය හමුවකදී අවධාරණය කරනවා.

කොවිඩ් 19 වසංගතයේ අවදානම පහව ගොස් ඇති බව නිල වශයෙන් දැනුම් දීම ඉදිරියේ දී සිදු කරන බව ද ලෝක සෞඛ්‍ය සංවිධානයේ ප්‍රධානියා පෙන්වා දෙන්නේ.

The post කොවිඩ් වෛරසය තවදුරටත් ගෝලීය හදිසි තත්ත්වයක් නොවෙයි – ලෝක සෞඛ්‍ය සංවිධානය appeared first on ITN News.

ලොව පුරා ජනප්‍රිය නර්තන ශිල්පියෙකු වන ස්ටෙෆන් ට්විච් සියදිවිහානි කර ගත්තා.

ඇමෙරිකාවේ ලොස්ඇන්ජලීස් නුවර හෝටල් කාමරයක් තුළ දියි ඔහුගේ වෙඩි වැදුණු සිරුර හමුවී තිබෙන්නේ.

මෙය සියදිවිහානි කර ගැනීමක් බවයි විදෙස් මාධ්‍ය වාර්තා කරන්නේ.

ඔහු මියයන විට ඔහු 40 වියේ පසු වුණා. සෝ යු තින්ක් යු කැන් ඩාන්ස් හරහා ඔහු  වඩාත් ජනප්‍රියත්වයට පත්ව සිටියා. එමෙන්ම එමී සම්මාන සදහා ද වන ස්ටෙෆන් ට්විච් කිහිපවරක්ම නිර්දේශ වුණා.

The post ජනප්‍රිය නර්තන ශිල්පියෙකු වන ස්ටෙෆන් සියදිවි හානි කර ගනී appeared first on ITN News.

ලොව පළමුවරට සිදුවූ නව නිවුන් දරු උපතේ දරුවන් මාස 19 කට පසු රෝහලේ සිට නිවෙස බලා පිටත්ව ගියා.

මාලි රාජ්‍යයේ 27 හැවිරිදි හලිමා සිසේ නැමැති කාන්තාවක් මෙම දරුවන්ගේ මව වනවා.

පසුගිය වසරේ මැයි මාසයේදී මෙම දරුවන් 9 දෙනා උපත ලැබුවේ මොරොක්කෝවේ දීයි.

මාලි රාජ්‍යයේ වෛද්‍ය පහසුකම් අඩු බැවින් ඇය දරු ප්‍රසූතිය සඳහා මොරොක්කොවට ගිය අතර එහිදී සිදුකළ සිසේරියන් සැත්කමකින් එම දරුවන් බිහිකර තිබුණා. ගැහැණු දරුවන් 5 දෙනෙකු හා පිරිමි දරුවන් 4දෙනෙකු ඇය මෙසේ ප්‍රසූත කළා.

දරුවන් යහපත් සෞඛ්‍ය තත්ත්වයෙන් පසුවන බැවින් යළි සිය උපන් රටට යැවීමට තීරණය කළ බවයි වෛද්‍යවරු පවසන්නේ.

මාලි රාජ්‍යයේ සෞඛ්‍ය අමාත්‍යවරයා පැවසුවේ තම රජය අඛණ්ඩව එම පවුලට සහයෝගය දක්වන බවයි.

The post ලොව පළමුවරට සිදුවූ නව නිවුන් දරු උපතේ දරුවන් මාස 19 කට පසු ගෙදර යයි appeared first on ITN News.

ඉන්දු චීන දේශසීමාවේ හමුදා භටයින් අතර ඇතිවූ ගැටුම සම්බන්ධයෙන් සමීපව නිරීක්ෂණය කරන බව ඇමෙරිකාව පවසනවා.

ධවල මන්දිරයේ මාධ්‍ය ලේකම් කරීන් ජීන් දෛනික ප්‍රවෘත්ති සාකච්ඡාවේදීයි මේ බව සඳහන් කළේ.

එමෙන්ම මෙම තත්වය ඉදිරියේදී වර්ධනය වුවහොත් ඇමෙරිකාවේ අඛණ්ඩ සහාය ඉන්දියාවට ලබාදෙන බවද මෙහිදී සඳහන් කර තිබෙනවා.

පසුගිය සිකුරාදා මෙම වෙඩි හුවමාරුව සිදුවී ඇත්තේ ඉන්දියාවේ අරුණාචල් ප්‍රාන්තයට අයත්, ඉන්දු චීන දේශසීමාවේ හමුදා මුරපොළක් ආසන්නයේයි.

ඉන් දෙපාර්ශවයේම හමුදා නිලධාරීන් තුවාල ලබා ඇති බව සඳහන්.

වසර දෙකකට ආසන්න කාලයකදී ආසියානු බලවතුන් දෙදෙනා අතර සිදු වූ පළමු සිදුවීම මෙය වනවා.

The post ඉන්දු-චීන දේශසීමාවේ ගැටුම : ඇමෙරිකාවේ අඛණ්ඩ සහාය ඉන්දියාවට appeared first on ITN News.

මට්ටක්කුළිය සාවියා පටුමගේ දී තියුණු ආයුධවලින් පහර දී පුද්ගලයෙකු ඝාතනය කිරීමේ සිද්ධියට සම්බන්ධ සැකකරුවන් හතර දෙනෙකු පොලිස් අත්අඩංගුවට ගෙන තිබෙනවා.

මට්ටක්කුළිය සාවියා පටුමග ප්‍රදේශයේ පදිංචි මොහොමඩ් බදුර්දීන් මොහොමඩ් ෆර්හාන් නමැති ව්‍යාපාරිකයා තියුණු ආයුධවලින් පහර දී පසුගිය 28 වනදා ඝාතනය කර තිබුණා. ඒ සම්බන්ධයෙන් පරීක්ෂණ පැවැත්වූ කොළඹ අපරාධ කොට්ඨාසය සැකකරුවන් හතර දෙනෙකු අත්අඩංගුවට ගනු ලැබුවා. ඔවුන් බොරැල්ල හා වැල්ලම්පිටිය ප්‍රදේශවල පදිංචිකරුවන්. ඝාතනයට පැමිණි පුද්ගලයින්ට කුලී පදනම මත වාහන ලබා දෙන ස්ථානයකින් මෝටර් රථයක් ලබාදීම සම්බන්ධයෙන් මීට පෙර තවත් සැකකරුවෙකුද අත්අඩංගුවට ගැනුනා. ඒ පොලිස් විශේෂ කාර්ය බළකායේ මෙහෙයවීමෙන්. මෙතෙක් සිදුකළ විමර්ශනවලදී හෙළි වී ඇත්තේ මුදල් ගණුදෙනුවක් මත ඇති වූ ආරවුලක් හේතුවෙන් මෙම ඝාතනය සිදු කර ඇති බවයි.

The post මට්ටක්කුළිය ඝාතනයට සම්බන්ධ සැකකරුවන් හතර දෙනෙකු අත්අඩංගුවට appeared first on ITN News.

කොංගෝ රාජ්‍යයේ අගනුවරට බලපෑ ගංවතුර හේතුවෙන් පුද්ගලයින් සිය දෙනෙකු ජීවිතක්ෂයට පත්වුණා.

කොංගෝ රාජ්‍යයේ කිංග්ෂාසා අගනුවර බොහෝ ස්ථාන ජලයෙන් යටවී පවතිනවා. තවත් ප්‍රදේශවල නායයෑම් සිදුව ඇති බවයි වාර්තා වන්නේ.

සුන්බුන් අතර සිරවී සිටින පිරිස් සොයා මෙහෙයුම් ක්‍රියාත්මකයි. කිංග්ෂාසා අගනුවර මිලියන 15 ක පමණ ජනගහනයක් වාසය කරනවා.

නිසි කළමනාකරණයක් නොමැතිකම හේතුවෙන් අගනුවර ජනගහනය මෙසේ ඉහළ ගොස් තිබෙනවා.

ඒ හේතුවෙන් දේශගුණ විපර්යාස වලදී ජනතාවට දැඩි බලපෑම් එල්ලවන බවයි විශේෂඥයින් ප්‍රකාශ කරන්නේ.

The post කොංගෝවේ ගංවතුරෙන් සිය දෙනෙකු ජීවිතක්ෂයට appeared first on ITN News.

ලොව සුපිරි ධනවතා ලෙස සැලකෙන ඉලෝන් මස්ක් මෙම වසරේ ලෝක ධනවතුන්ගේ ලයිස්තුවේ දෙවන ස්ථානයට පත්ව තිබෙනවා.

ෆෝබ්ස් සහ බ්ලූම්බර්ග් දත්තවලට අනුව එල්.වී.එම්.එච්. සුඛෝපභෝගී භාණ්ඩ සමූහයේ ප්‍රධාන විධායක බර්නාඩ් ආනෝල්ට් ලොව සුපිරි ධනවතා බවට පත්වුණා.

ඊලෝන් මස්ක්ගේ ස්ථානය අහිමි වී ගොස් ඇත්තේ ඔහුගේ විදුලි මෝටර් රථ සමාගමක් වන ටෙස්ලා සමාගමේ ඔහුගේ කොටස්වල වටිනාකම අඩුවීම හේතුවෙනුයි.

මස්ක් ඇමෙරිකා ඩොලර් බිලියන 178 ක වත්කමකට හිමිකම් කියන අතර  බර්නාඩ් ආනෝල්ට්ගේ වත්කම් ප්‍රමාණය ඩොලර් බිලීයන 188 ක්.

The post දැන් ලොව ධනවත්ම පුද්ගලයා ඉලෝන් මස්ක් නොවේ appeared first on ITN News.

පේරාදෙණිය විශ්ව විද්‍යාලයේ හිටපු උපකුලපතිවරයාට සහ ඔහුගේ පුත්‍රයාට පහරදීමේ සිද්ධියට සම්බන්ධ සැකකාර සිසුන් 10 දෙනෙකු මේ වන විට පොලිස් අත්අඩංගුවට ගෙන තිබෙනවා.

පේරාදෙණිය විශ්වවිද්‍යාලයේ හිටපු උපකුලපති අතුල සේනාරත්න මහතාට සහ ඔහුගේ පුත්‍රයාට පහරදීම සම්බන්ධයෙන් අංශ කිහිපයක් ඔස්සේ පොලිස් විමර්ශන සිදුවනවා. සීසීටීවී දර්ශන ඔස්සේ ප්‍රහාරයට පැමිණි ශිෂ්‍යයින් හදුනාගැනීමේ කටයුතු ඊයේ දිනයේත් සිදු කෙරුණා. ඒ අනුව ප්‍රහාරයට සම්බන්ධ පේරාදෙණිය විශ්වවිද්‍යාලයයේ ශිෂ්‍යයින් 12 දෙනෙකුගේ ශිෂ්‍ය භාවය අහෝසි කිරීමට ද විශ්වවිද්‍යාල පාලනාධිකාරිය කටයුතු කළා. සිද්ධියට සම්බන්ධ ශිෂ්‍යයින් හය දෙනෙකු පේරාදෙණිය පොලිසියට භාර වීමෙන් අනතුරුව අත්අඩංගුවට ගත් අතර තවත් ශිෂ්‍යයින් 4 දෙනෙකු ද අත්අඩංගුවට ගැනීමට පේරාදෙණිය පොලිසිය කටයුතු කළා. සිද්ධියට සම්බන්ධ තවත් සිසුන් කිහිප දෙනෙකුම හදුනාගෙන ඇති බවයි පේරාදෙණිය පොලිස් ස්ථානාධිපතිවරයා සදහන් කළේ.

පුද්ගල අයිතිවාසිකම් සුරැකෙන පරිදී නීතිය සුරක්ෂිත කරන ලෙස ඉල්ලා නව ජනතා පෙරමුණ පොලිස් මූලස්ථානයට අද පැමිණිල්ලක් ඉදිරිපත් කළා.

මෙම සිද්ධියට මුහුණ දුන් පේරාදෙණිය විශ්වවිද්‍යාලයේ උප කුලපති මහාචාර්ය අතුල සේනාරත්න මහතා තමාට සහ පුත්‍රයාට පහරදීමට පැමිණි සිසුන් කිහිප දෙනෙකු හදුනාගෙන ඒ පිළිබද විශ්වවිදයාල පාලන අධිකාරිය ලිපියක් මගින් දැනුවත් කර තිබෙනවා.

The post පේරාදෙණියේ සිද්ධියට සැකකරුවන් 10 දෙනෙකු අත්අඩංගුවට appeared first on ITN News.

එක්සත් ජාතීන්ගේ දින දර්ශනයට අනුව මනුෂ්‍යත්ව දිනයක් ප්‍රකාශයට පත් කරන්නැයි අග්‍රාමාත්‍ය දිනේෂ් ගුණවර්ධන මහතා එම සංවිධානයෙන් ඉල්ලීමක් කළා. ඒ සංහිදියාව සදහා සාමය පතුරුවන්නන්ගේ සමුළුව අමතමින්.

විශ්ව සංහිදියාව සදහා සාමය පතුරුවන්නන්ගේ ජාත්‍යන්තර සමුළුව කොළඹ පදනම් ආයතනයේදී ආරම්භ වුනා. එය ලබන 16 වනදා දක්වා පැවැත්වීමටයි කටයුතු යොදා ඇත්තේ. මහර්ෂි අරවින්ද් පදනම සහ එත්නික් පදනම එක්වයි එය සංවිධාන කර ඇත්තේ. සමුළුව අමතමින් අග්‍රාමාත්‍ය දිනේෂ් ගුණවර්ධන මහතා වැඩිදුරටත් කියා සිටියේ මනුෂ්‍යත්ව දිනයක් ප්‍රකාශයට පත් කිරීමෙන් ලෝක නායකයින්ට මානව වටිනාකම් ප්‍රවර්ධනය කිරීමේ අවශ්‍යතාව අවධාරණය කළ හැකි බවයි.

අමාත්‍ය මහින්ද අමරවීර මහතා ඇතුළු පිරිසක්ද සමුළුව එක්ව සිටියා.

The post එක්සත් ජාතීන්ගේ දින දර්ශනයට අනුව මනුෂ්‍යත්ව දිනයක් ප්‍රකාශයට පත් කරන්නැයි අගමැතිගෙන් ඉල්ලීමක් appeared first on ITN News.

ඕස්ට්‍රේලියාවේ ක්වින්ස්ලන් ප්‍රදේශයේ සිදුවූ වෙඩි තැබීමකින් පුද්ගලයින් 6 දෙනෙකු ජීවිතක්ෂයට පත්ව තිබෙනවා.

අතුරුදන් වූ පුද්ගලයෙකු සොයා සිදුකළ මෙහෙයුමක් අතරතුරදීයි මෙම වෙඩි තැබීම සිදුව ඇත්තේ. මියගිය පිරිස අතරට පොලිස් නිලධාරීන් දෙදෙනෙකු ද ඇතුළත්. පොලීසිය එල්ල කළ වෙඩි ප්‍රහාරයන්ගෙන් සැකකරුවන් තුන්දෙනෙකු ජීවිතක්ෂයට පත්ව තිබෙනවා. ප්‍රහාරය සිදුවූ ස්ථානයේ නිවසක සිටි පුද්ගලයෙකු ද ජීවිතක්ෂයට පත්ව තිබෙනවා. ඕස්ට්‍රේලියා අග්‍රාමාත්‍ය ඇන්තනී ඇල්බනීස් නිවේදනයක් නිකුත් කරමින් සදහන් කරන්නේ සිද්ධියෙන් සියලු ඕස්ට්‍රේලියානුවන්ගේ හදවත් කම්පාවට පත්ව ඇති බවයි.

The post ඕස්ට්‍රේලියාවේ ක්වින්ස්ලන් ප්‍රදේශයේ සිදුවූ වෙඩි තැබීමකින් 6 දෙනෙකු ජීවිතක්ෂයට appeared first on ITN News.

තලෙයිබාන් සංවිධානය එල්ල කළ ප්‍රහාරයකින් පාකිස්ථාන සිවිල් වැසියන් 6 දෙනෙකු ජීවිතක්ෂයට පත්ව තිබෙනවා.

ඇෆ්ගනිස්ථානයේ පාකිස්ථාන දේශසීමා ආසන්නයේ තලෙයිබාන් සංවිධානය සිදු කළ බෝම්බ හා වෙඩි ප්‍රහාර මාලාවකිනුයි එම සිවිල් වැසියන් මිය ගොස් ඇත්තේ. ප්‍රහාරයෙන් තවත් සාමාන්‍ය වැසියන් 17 දෙනෙකු තුවාල ලබා තිබෙනවා. ප්‍රහාරය දැඩි පිලිකුලෙන් යුතුව හෙලා දකින බව පාකිස්ථාන ආරක්ෂක අංශ නිවේදනය කරනවා. පාකිස්ථාන ආරක්ෂක අංශ සිදු කළ ප්‍රතිප්‍රහාරයන් ගෙන් තලෙයිබාන් සංවිධානයට අයත් පුද්ගලයෙකු ද ජීවිතක්ෂයට පත් වූ බවයි වාර්තා වන්නේ. ප්‍රහාරය එල්ල කිරීමට හේතුව මේ වන තෙක් අනාවරණය වී නැහැ. කෙසේ වුවද තලෙයිබාන් සංවිධානය රොයිටර් පුවත් සේවයට පවසා ඇත්තේ ඔවුන් සිදු කරන මුර කපොලු ඉදිකිරීම් අතිහිටුවන ලෙස පකිස්ථානය දැනුම්දීමෙන් පසුව මෙම ගැටුම හටගත් බවයි.

The post තලෙයිබාන් සංවිධානය එල්ල කළ ප්‍රහාරයකින් පාකිස්ථාන සිවිල් වැසියන් 6 දෙනෙකු ජීවිතක්ෂයට appeared first on ITN News.

දේශසීමාවේ රාජකාරියේ නිරතව සිටි ඉන්දීය චීන යුද සෙබලුන් අතර  ගැටුමක් හට ගත් බව ඉන්දියාව නිවේදනය කරනවා.

අරුණාචල් ප්‍රදේශ් කදුකර දේශසීමාවේදීයී මෙම ගැටුම් හටගෙන ඇත්තේ. වසරකට වැඩි කාලයකට පසුව දෙපාර්ශ්වය අතර ගැටුම් හටගත් පළමු අවස්ථාව මෙයයි. දෙපාර්ශ්වයේම   යුද සෙබලුන් කිහිප දෙනෙකු ප්‍රහාරයන්ගෙන් තුවාල ලබා ඇති බවයි වාර්තා වන්නේ. චීනය සිද්ධිය සම්බන්ධයෙන් කිසිදු නිවේදනවක් මේ වන තෙක් නිකුත් නොකළද ඉන්දියාව පවසන්නේ තම සෙබලුන් 6 දෙනෙකු තුවාල ලබා ඇති  බවයි. ගැටුම සම්බන්ධයෙන් දෙපාර්ශ්වයේ හමුදා ප්‍රධානීන් අතර විශේෂ සාකච්ඡාවක් පැවති බවද සදහන්. 2020 වසරේදී මේ ආකාරයෙන් දෙපාර්ශ්වය අතර හටගත් ගැටුමකින් හමුදා සෙබලුන් 24 දෙනෙකු ජීවිතක්ෂයට  පත් වුණා.

The post දේශසීමාවේ රාජකාරියේ නිරතව සිටි ඉන්දීය – චීන යුද සෙබලුන් අතර ගැටුමක් appeared first on ITN News.

රුසියා ජනාධිපතිවරයා වසර අවසානයේ පවත්වන ප්‍රවෘත්ති සාකච්ඡාව මෙම වසරේ දී නොපවත්වන බව ක්‍රෙම්ලීනයේ මාධ්‍ය ප්‍රකාශකවරයා පවසනවා.

කෙසේවෙතත් මෙම ප්‍රවෘත්ති සාකච්ඡාව නොපැවැත්වීම සම්බන්ධයෙන් කිසිදු ප්‍රකාශයක් නිකුත්කර නැති බවයි විදෙස් මාධ්‍ය වාර්තා කරන්නේ. විචාරකයින් පවසන්නේ පෙබරවාරි මාසයේ ආරම්භ වූ යුක්රේන රුසියා යුද්ධය හේතුවෙන් රුසියා ජනාධිපතිවරයා මෙවැනි තීරණයක් ගෙන ඇති බවයි. දෙදහස වසරේ සිට බලයේ සිටින පුටින් ජනාධිපතිවරයා ඔහුගේ සෑම පාලන වසරකම දෙසැම්බර් මාසයේ දී මෙම ප්‍රවෘත්ති සාකච්ඡාව පවත්වනු ලබනවා. රුසියා ජනාධිපතිවරයා ප්‍රවෘත්ති සාකච්ඡාවකට පෙනී නොසිටින පළමු අවස්ථාව මෙය බවයි විදෙස් මාධ්‍ය වාර්තා කරන්නේ.

The post රුසියා ජනපති වසර අවසානයේ පවත්වන ප්‍රවෘත්ති සාකච්ඡාව මෙම වසරේ දී නොපවත්වයි appeared first on ITN News.

වයස අවුරුදු තුනහමාරක පිරිමි දරුවෙකුට පහර දී ගෙල මිරීකා ඝාතනය කළ 21ක් හැවිරිදි පුද්ගලයෙකු ගෙල වළලාගෙන සියදිවි හානි කර තිබෙනවා.

මීගහතැන්න ප්‍රදේශයේ පදිංචි දරුවාගේ මව ස්වාමියාගෙන් වෙන්ව මෙම පුද්ගලයා සමඟ දිවිගෙවා තිබෙනවා.

ඇය වැඩිමහල් දරුවා පාසලට ඇරලවා යළි නිවස වෙත පැමිණෙන අවස්ථාවේ මෙම ඝාතනය සිදු කර ඇති බවයි මුලික පරීක්ෂණවලදි හෙළි වුණේ.

ඝාතනය සිදු කිරිමෙන් පසු මෙම පුද්ගලයා ගෙල වැළලාගෙන සියදිවි හානි කර තිබුණා.

සිද්ධිය සම්බන්ධයෙන් වැඩිදුර පොලිස් පරීක්ෂණ ක්‍රියාත්මකයි.

The post අවුරුදු තුනහමාරේ දරුවා ඝාතනය කළ තරුණයා සියදිවි නසාගනී appeared first on ITN News.