දිගාමඩුළු නවෝදය කර්මාන්ත හා වෙළද ප්‍රදර්ශනයේ අවසන් දිනය අදයි. අම්පාර එච්.එම් වීරසිංහ ක්‍රීඩාංගනයේදී පැවැත්වෙන මෙම ප්‍රදර්ශනය නැරඹීමට විශාල පිරිසක් පැමිණෙමින් සිටිනවා.
ප්‍රාථමික කර්මාන්ත හා සමාජ සවිබල ගැන්වීමේ අමාත්‍යාංශය, අම්පාර දිස්ත්‍රික් ලේකම් කාර්යාලය සහ එම දිස්ත්‍රික් වානිජ සහ කෘෂිකර්මාන්ත මණ්ඩලයයි මෙය සංවිධාන කරන්නේ. එන්ප්‍රයිස් ශ්‍රී ලංකා සහ ගම්පෙරළිය ව්‍යාපෘතිය පිළිබදව දැනුවත් කිරීමේ වැඩසටහන්, ව්‍යාපාරික සහ ගොවිජනතාව දැනුවත් කිරීමේ සම්මන්ත්‍රණ සහ තොරතුරු තාක්ෂණය පිළිබද වැඩසටහන් සමග එක්වීමට මෙන්ම එළඹෙන උත්සව සමය වෙනුවෙන් අඩුමිලට භාණ්ඩ මිලදී ගැනීමේ අවස්ථාවද මෙහිදී හිමිවනවා. ළමා ක්‍රීඩා, සංගීත සංදර්ශන ඇතුළු විනෝදාංග රැසකින්ද ප්‍රදර්ශනය සමන්විතයි. ප්‍රදර්ශන කුටි 150 කින් සමන්විත දිගාමඩුළු නවෝදය කර්මාන්ත හා වෙළද ප්‍රදර්ශනය අද රාත්‍රී 11 තෙක් විවෘතව පවතිනවා.
Post a Comment