ඉන්දීය කොංග්‍රස් පක්ෂයේ අග්‍රාමාත්‍ය ධුර අපේක්ෂක රාහුල් ගාන්ධි කේරලයෙන් තරග වදින බව ඉන්දීය මාධ්‍ය වාර්තා කරනවා.
ඉන්දීය මහමැතිවරණය ලබන මස 11 වනදා ආරම්භ වීමට නියමිතයි. මැයි මස 19 වනදා තෙක් පැවැත්වෙන මැතිවරණයේ ඡන්ද ගණන් කිරීම සිදු වන්නේ 23 වනදායි. රාහුල් ගාන්ධිගේ ඉන්දීය කොංග්‍රස් පක්ෂය චතිස්ගාර් , මධ්‍ය ප්‍රදේශ් , උත්තර් ප්‍රදේශ් ඇතුළු ප්‍රාන්ත කිහිපයක ජනප්‍රියතාව වර්ධනය කර ගැනීමට සමත්වී තිබෙනවා.
කේරලයෙන් මැතිවරණය සදහා තරග කිරීම තුළින් දකුණු ඉන්දීය දේශපාලනය වෙත සමීප වීමට රාහුල් ගාන්ධි උත්සාහ ගන්නා බවයි දේශපාලන විචාරකයන්ගේ අදහස වන්නේ. කේරලයේ වයනද් නමැති මැතිවරණ කොට්ඨාසයට ගාන්ධි තරග කරනවා. අද පැවති ප්‍රවෘත්ති සාකච්ඡාවකදි ඉන්දීය කොංග්‍රසයේ ජ්‍යෙෂ්ඨ නායකයකු වන ඒ.කේ ඇන්තනී මෙම තීරණය ප්‍රකාශයට පත් කළා.
Post a Comment