පසුගියදා කෘෂිකර්ම අමාත්‍යාංශය ඉදිරිපිට උද්ඝෝෂණයට සහභාගී වූ ගොවි මහතුන්ගේ ඉල්ලීම් පිළිබද කෘෂිකර්ම අමාත්‍ය මහින්දානන්ද අලුත්ගමගේගේ විශේෂ අවධානයට ලක්ව තිබෙනවා.
එම ගොවිමහතුන් සමග විශේෂ සාකච්ඡාවක් අමාත්‍යවරයාගේ ප්‍රධානත්වයෙන් එම අමාත්‍යාංශයේදී පැවැත්වුණා. කාබනිකගොවිතැන හේතුවෙන් අස්වැන්නේ අඩුවීමක් සිදුවූ ගොවින් වෙත නිශ්චිත වන්දි මුදලක් ලබාදීම, මෙතෙක් ගෙවා නිම නොකල කොම්පෝස්ට් සදහා වන රුපියල් 7500 ක මුදල කඩිනමින් ගෙවා අවසන් කිරීම ඇතුලු ගොවි ජනතාව මුහුණ දෙන ගැටලු සදහා විසදුම් ලබාදීමට මෙහිදි අමාත්‍යවරයා එකගවුණා. ඇතැම් ගැටලුවලට මේ වනවිටත් විසදුම් ලබාදීමට ආරම්භ කර ඇති බවයි අමාත්‍යවරයා මෙහිදි කියා සිටියේ.
ගොවි ජනතාව වෙනුවෙන් තමා කොන්දේසි විරහිතව පෙනී සිටින බවද මෙහිදි අමාත්‍යවරයා වැඩිදුරටත් සදහන් කළා.
The post ගොවි ජනතාව වෙනුවෙන් කොන්දේසි විරහිතව පෙනී සිටිනවා – කෘෂිකර්ම ඇමති appeared first on ITN News.
Post a Comment