ශීත සෘතුව අවසන් වනතුරු යළි මව්රටට නොපැමිණෙන ලෙස යුක්රේන සරණාගතයින්ගෙන් එරට රජය ඉල්ලා සිටිනවා.
යුද ගැටුම් හේතුවෙන් යුක්රේනයේ වෙනත් රටවලට සරණාගතයින් ලෙස මිලියන ගණනක පිරිසක් පලා ගියා.
යුක්රේනය දැනට මුහුණ දී සිටින බලශක්ති අර්බුදය හේතුවෙන් ඉදිරි ශිත සෘතුවේ දී එරට ජනතාවට දැඩි අපහසුතාවයන්ට මුහුණ දීමට සිදුවනු ඇති බවටයි බලධාරීන් අනතුරු අඟවන්නේ.
ඒ හේතුවෙන් වසන්ත සෘතුව එළබෙන තෙක් යළි යුක්රේනයට නොපැමිණෙන ලෙස එරට හැරගිය පිරිසගෙන් යුක්රේන ජනාධිපති වෝල්දොමියර් සෙලෙන්ස්කි ඉල්ලා සිටිනවා.
රුසියා ප්‍රහාර හේතුවෙන් යුක්රේනයේ බලශක්ති අංශයේ තුනෙන් එකකට වැඩි ප්‍රමාණයක් සම්පුර්ණයෙන් විනාශ වී ඇති බවයි ඔහු පවසන්නේ.
මේ අතර සෑම මසකදීම යුක්රේනයට ඇමරිකා ඩොලර් බිලියන තුනක මුදලක් අවශ්‍ය බව ජාත්‍යන්තර මුල්‍ය අරමුදල පෙන්වා දෙනවා.
The post යුක්රේන සරණාගතයින්ගෙන් එරට රජය ඉල්ලීමක් කරයි appeared first on ITN News.
Post a Comment