සිරියාවේදී ඉරාන හමුදා ජෙනරාල්වරුන් ඝාතනය කළ බවට ඊශ්‍රායලයට චෝදනා එල්ල වනවා.
සිරියාවේ ඩැමස්කස් අගනුවර ඉරාන කොන්සල් කාර්යාල ගොඩනැගිල්ල අසලට ප්‍රහාරයක් එල්ල වුණා.
නිලධාරීන් දෙදෙනෙකු මිය ගිය බව ඉරාන විප්ලවවාදී ආරක්ෂක බළකාය පවසනවා.
ඉරාන කුඩ්ස් බළකායේ ජ්‍යෙෂ්ඨ අණදෙන නිලධාරියකු වූ බ්‍රිගේඩියර් ජනරාල් මොහොමඩ් රීසා සහේඩි සහ ඔහුගේ නියෝජ්‍ය නිලධාරි බ්‍රිගේඩියර් ජනරාල් මොහොමඩ් හාඩි හාජි-රහිමි මියගිය අය අතර සිටිනවා.
ඉරාන හා සිරියා රජයන් ඉරාන තානාපති කාර්යාලයට යාබද ගොඩනැගිල්ලකට එල්ල වූ ප්‍රහාරය ඊශ්‍රායලය එල්ල කළ බවටයි චෝදනා කරන්නේ.
ඔවුන් එය හෙළා දැක තිබෙනවා. කෙසේ වෙතත් ඊශ්‍රායල හමුදාව ප්‍රකාශ කළේ විදෙස් මාධ්‍ය වාර්තා සම්බන්ධයෙන් තමන් අදහස් පළ නොකරන බවයි.
The post සිරියාවේදී ඉරාන හමුදා ජෙනරාල්වරුන් ඝාතනය කළ බවට ඊශ්‍රායලයට චෝදනා appeared first on ITN News.
Post a Comment