අබලන්ව පැවති ගොඩනැගිල්ලකින්, ගඩොල් රැගෙන පුද්ගලයෙකුට දමා ගැසූ වදුරන් කණ්ඩායමක් පිළිබද ඉන්දියාවේ උත්තර් ප්‍රදේශ් ප්‍රාන්තයෙන් වාර්තා වුණා.
වදුරන් එල්ලකළ ගඩොල් ප්‍රහාරයෙන් 72 හැවිරිදි පුද්ගලයෙකු ජිවිතක්ෂයට පත්ව තිබෙනවා. එම පුද්ගලයා දර එකතුකිරීමට ගොස් සිටි අවස්ථාවකදී මෙලෙස වදුරන් රංචුවක් අසළ තිබූ අබලන් ගොඩනැගිල්ලකින් ගඩොල් රැගෙනවිත් එම පුද්ගලයාට දමා ගසා තිබෙනවා. ඔහුගේ හිසට සහ පපු ප්‍රදේශයට එම ප්‍රහාර එල්ලවීමෙන් තුවාල ලබා රෝහල් ගත කිරීමෙන් අනතුරුව ජීවිතක්ෂයට පත්වුණා. ගඩොල් විස්සක් පමණ දමා ගසා ඇති බවයි වාර්තාවන්නේ. එම ප්‍රදේශයේ ජනතාව පවසන්නේ කලක සිට මෙම වදුරුගහනය හේතුවෙන් ඔවුන් පීඩා විදින බවයි. වදුරු ප්‍රහාරය ඉතා දරුණු ප්‍රහාරයක් බවත් ඔවුන් පෙන්වා දෙනවා. මෙම තත්ත්වය එරට ප්‍රාන්ත රජයට ද වාර්තා කර තිබෙනවා.
Post a Comment