බේරුවල වරායෙන් මුහුදු ගොස් අතුරුදන් වූ බව කී 18 හැවිරිදි තරුණයා ඝාතනය කර ඇති බව හෙළිවුණා. තාරක අරවින්ද නමැති මෙම තරුණයාට දැඩි ලෙස පහරදී දැලක ඔතා මුහුදට දැමූ බවයි හෙළිව තිබෙන්නේ.
සිද්ධිය සම්බන්ධයෙන් සැකපිට පුද්ගලයන් 5 දෙනෙකු අත්අඩංගුවට ගෙන තිබෙනවා. බේරුවල වරායෙන් පසුගිය ඔක්තෝබර් 15 වන දින තාරක අරවින්ද ඇතුළු පුද්ගලයන් 6 දෙනෙක් මුහුදු ගොස් තිබුණා. ඒ සුබපැතුම් 4 දරණ බහුදින ධීවර යාත්‍රාවෙන්. පසුව තාරක අරවින්ද නමැති තරුණයා අතුරුදන් වී ඇති බවට පවුලේ ඥාතීන් පොලීසියට පැමිණිලිකර තිබුණා. ඔහුගේ මළ සිරුර සොයා ගැනීමට පොලීසිය සමත්වුණා. සැකපිට අත්අඩංගුවට ගත් පුද්ගලයන්ගෙන් කළ ප්‍රශ්නකිරීම්වලදී අනාවරණය වී ඇත්තේ තරුණයාට දැඩි ලෙස පහරදී මෙම මරණය සිදුකර ඇති බවයි. පවුලේ ඥාතීන් හා ප්‍රදේශවාසීන් එක්ව සැකකරුවන්ට එරෙහිව බේරුව පොලීසිය ඉදිරිපිටදී උද්ඝෝෂණයක ද නිරත වුණා.
Post a Comment