කුවේට් රාජ්‍යයේ සිටි ශ‍්‍රි ලාංකික ගෘහ සේවිකාවන් පනස් දෙදෙනෙකු දිවයිනට පැමිණියා.
ඉන් 46 දෙනෙකු වසරකටත් වඩා අඩු කාලයක් එරට ගෘහ සේවයේ රැදී සිටි කාන්තාවන්. විවිධ ගැටලු සහ කරදරවලට මුහුණ දුන් මෙම පිරිස කුවේට් හි ශ‍්‍රිලංකා තානාපති කාර්යාලයට අනුබද්ධ රැදවුම් මධ්‍යස්ථානයකයි රැදී සිටියේ. කාන්තාවන් පනස් දෙදෙනාගෙන් 44 දෙනෙකු මෙරටට පැමිණ ඇත්තේ එරට රජය මගින් නිකුත් කළ තාවකාලික ගුවන් ගමන් බලපත‍්‍ර භාවිත කරමින්.
ඉන් 35 දෙනෙකු ගුවන් ප‍්‍රවේශපත‍්‍ර ඔවුන්ගේ වියදමින් ලබාගෙන ඇති බව ද ශ‍්‍රී ලංකා විදේශ සේවා නියුක්ති කාර්යාංශය ප‍්‍රකාශ කළා. මෙම සියලුදෙනාට තම නිවෙස් වෙත යාම සදහා ප‍්‍රවාහන දිමනාවක් ලබාදීමට පියවර ගෙන තිබෙනවා.
Post a Comment