ජනතා සේවයට කැපවූ ජනතාවගේ පිලිගැනීමට ලක් වූ දේශපාලනඥයෙකු ලෙස අමාත්‍ය ජෝන් අමරතුංග මහතා හැදින්විය හැකි බව ජනාධිපති මෛත්‍රීපාල සිරිසේන මැතිතුමා ප්‍රකාශ කළා. ජෝන් අමරතුංග මහතාගේ දේශපාලන දිවියට වසර 40 ක් පිරීම නිමිත්තෙන් සංවිධාන කළ උත්සවයට සහභාගී වෙමින් ජනාධිපතිතුමා මෙම අදහස් පල කළා.
එක්සත් ජාතික පක්ෂය නියෝජනය කරමින් අමාත්‍ය ජෝන් අමරතුංග මහතා පාර්ලිමේන්තුවට පිවිසියේ ගම්පහ දිස්ත්‍රික්කයෙනුයි. අමාත්‍ය ධුර රැසක් මෙන්ම කතානායක සහ විපක්ෂනායක ඇතුළු ධුර රැසක් හෙබවූ ඒ මහතා පරිනත දේශපාලනඥයෙක්. ඒ මහතාගේ දේශපාලන දිවියට වසර 40 ක් පිරීම වෙනුවෙන් සංවිධාන කළ මෙම උත්සවය පැවැත්වුණේ කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදීයී.
අග්‍රමාත්‍ය රනිල් වික්‍රමසිංහ, මහතා සහ කතානායක කරූ ජයසූරිය මහතාද මෙහිදී අදහස් දැක්වුවා.
අමාත්‍ය ජෝන් අමරතුංග මහතා වෙත සමරු තිළිණ ප්‍රදානය කිරීමටද මෙහිදී කටයුතු කෙරුණා. විපක්ෂ නායක මහින්ද රාජපක්ෂ මහතා සහ හිටපු ජනාධිපතිනී චන්ද්‍රිකා බණ්ඩාරනායක කුමාරතුංග මහත්මියද, මැති ඇමතිවරුන් රැසක්ද මෙම අවස්ථාවට එක්ව සිටියා.
Post a Comment