අමාත්‍ය සජිත් ප්‍රේමදාස මහතා වෙත ශාසන දීපන අභිමානී ශ්‍රී ලංකා ජනරංජන ගෞරව නාමය පිළිගැන්වීමට කටයුතු කෙරෙනවා. මල්වතු මහානාහිමියන් ප්‍රමුඛ කාරක සංඝසභාවයි මෙම ගෞරව නාමය අමාත්‍යවරයා වෙත පිළිගන්වන්නේ.
ගෞරව නාමය පිරිනැමීමේ උත්සවය අද පස්වරුවේ පැවත්වෙන්නේ ජනාධිපති මෛත්‍රීපාල සිරිසේන මැතිතුමාගේ සහ අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන්. ජනතාව වෙත නිවාස ඉදිකර දෙමින් සිදු කරන මෙහෙවර අගය කරමින් එය පිරිනැමීමටයි මල්වතු මහානාහිමියන් ප්‍රමුඛ කාරක සංඝ සභාව තීරණය කර ඇත්තේ. අමාත්‍යවරයාගේ සංකල්පයක් මත ක්‍රියාත්මක වන සැමට සෙවන යළි පිබිදෙන උදාගම්මාන වැඩපිලවෙල යටතේ ආදර්ශ ගම්මාන 182 ක් මේ වන විට ජනතා අයිතියට පත් කර තිබෙනවා. එමෙන්ම දිවයින පුරා උදාගම්මාන 1926 කට අධික සංඛ්‍යාවක් ඉදිකෙරෙමින් පවතිනවා.
Post a Comment