ඉරාක රජයට එරෙහි විරෝධතා උත්සන්න වීමත් සමග එරට අග්‍රාමාත්‍ය අදෙල් අබ්දුල් මහදි සිය තනතුරෙන් ඉල්ලා අස්වන බව නිවේදනය කළා.
විරෝධතාවලින් ඊයේ (29) දිනයේදී පමණක් ඉරාකයේ පුද්ගලයින් 40 කට වැඩි සංඛ්‍යාවක් ජීවිතක්ෂයට පත්වුණා. එය පසුගිය මාසයේ උද්ඝෝෂණ ආරම්භ වීමෙන් පසු දිනකදී මියගිය වැඩිම පුද්ගලයින් සංඛ්‍යාව වනවා. පසුගිය ඔක්තෝබර් මාසයේ සිට මේ දක්වා පුද්ගලයින් 400 කට අධික පිරිසක් ජීවිතක්ෂයට පත්ව තිබෙනවා.
මෙම තත්ත්වය හමුවේ අග්‍රාමාත්‍යවරයා ඉල්ලා අස්වීමට තීරණය කර ඇති බවයි එරට අග්‍රාමාත්‍ය කාර්යාලය නිවේදනය කරන්නේ.
The post ඉරාක අගමැති ඉල්ලා අස්වන බව නිවේදනය කරයි appeared first on ITN News.
Post a Comment