මේ වනවිට කොරෝනා වයිරසයෙන් වැඩිම බලපෑමක් එල්ලවී ඇති ඉතාලියේ ගතවූ පැය 24 තුළ මරණ 812 ක් වාර්තා වනවා.
ඒ අනුව වයිරසය ආසාදනයවීමෙන් ඉතාලිය තුළ මියගොස් ඇති සංඛ්‍යාව එකොළොස් දහස් පන්සිය අනූ එකක්. ආසාදිතයින් හැත්තෑ පන්දහස් පන්සිය විසි අට දෙනෙකු තවමත් රෝහල්වල ප‍්‍රතිකාර ලබනවා.
ඉතාලිය වසාදැමීම තවදුරටත් දීර්ඝ කිරීමටයි එරට රජය තීරණය කර තිබෙන්නේ. ඒ පාස්කු දිනය දක්වා. එහෙත් පවතින තත්වය සැලකිල්ලට ගනිමින් එය තවදුරටත් දීර්ඝ විය හැකි බව ද එරට වාර්තා පවසනවා.
යුරෝපය තුළ වයිරසයෙන් වැඩිම බලපෑමකට ලක්ව ඇති දෙවන රට වන්නේ ස්පාඤ්ඤයයි. ස්පාඤ්ඤයෙන් ගතවූ පැය 24 තුළ වාර්තා වන මරණ සංඛ්‍යාව 913 ක්. ප‍්‍රංශයෙන් ද ගතවූ පැය 24 තුළ කොරෝනා ආසාදිත මරණ 418 ක් වාර්තාවී තිබෙනවා.
බි‍්‍රතාන්‍ය තුළ ද කොරෝනා ආසාදනයෙන් සිදුවූ මරණ 1408 ක් වාර්තාවී තිබෙනවා. ඒ ගතවූ පැය 24 තුළ සිදුවූ මරණ 180 ක් ද සමගින්.
The post ඉතාලියේ ගතවූ පැය 24 තුළ මරණ 812ක් appeared first on ITN News.
Post a Comment