දකුණු ආසියාතික රටවල සිටින ශිෂ්‍ය ප‍්‍රජාව ඇතුලු ශ්‍රී‍්‍ර ලාංකික පුරවැසියන්ගේ සුරක්ෂිතතාව පිළිබද අවධානයෙන් පසුවන බව විදේශ සබඳතා අමාත්‍යාංශය පවසනවා.
එම රටවල පිහිටා ඇති ශ්‍රී‍්‍ර ලංකා තානාපති කාර්යාල සමඟ එක්ව අවශ්‍ය කටයුතු සිදුකරන බවයි නිවේදනයක් නිකුත් කරමින් අමාත්‍යාංශය සඳහන් කළේ. විදේශයන් හි සිටින ශ්‍රී‍්‍ර ලාංකිකයන්ට මෙරට කොරෝනා වයිරස ව්‍යාප්තිය පාලනය කරන තුරු එම රටවලම රැඳීසිටින ලෙස රජය පසුගියදා ඉල්ලීමක් කළා. මෙරට තුළ වයිසරය ව්‍යාප්තිය පාලනය කළ පසු ඔවුන් නැවත ගෙන්වා ගැනීමට කටයුතු කරන බවට රජය සහතික කර තිබෙනවා.
නවදිල්ලි, චෙන්නායි, මුම්බායි නගරවල සිටින ශ්‍රී‍්‍ර ලාංකිකයන් සම්බන්ධයෙන් මෙන්ම කත්මණ්ඩු, ඉස්ලාමාබාද්, ඩකා, කාබුල් සහ මාලේ යන නගරවල සිටින ශ්‍රී‍්‍ර ලාංකිකයන් සම්බන්ධයෙන් ද විශේෂ අවධානයකින් කටයුතු කරන බවයි විදේශ සබඳතා අමාත්‍යාංශය පවසන්නේ.
The post දකුණු ආසියාතික රටවල සිටින ශ්‍රී‍්‍ර ලාංකිකයන් ගැන විදේශ අමාත්‍යාංශය අවධානයෙන් appeared first on ITN News.
Post a Comment