එක්සත් ජාතික පක්ෂයේ ක්‍රියාකාරීන් පිරිසක් ශ්‍රී ලංකා පොදුජන පෙරමුණට සහාය පළ කළා. වව්නියාවේ පැවති ජනහමුවකදී 250 කට අධික පිරිසක් පොදුජන පෙරමුණේ සාමාජිකත්වය ලබාගනිමිනුයි සහාය පළ කළේ.
එක්සත් ජාතික පක්ෂය, සමගිජනබලවේගය මෙන්ම දෙමළ පක්ෂවල ක්‍රියාකාරීන් ලෙස මෙම පිරිස ක්‍රියා කළා. එම පක්ෂ සාමාජිකයන් රට වෙනුවෙන් නිවැරදි දැක්මකින් යුතුව කටයුතු නොකරන බව ප්‍රකාශ කරමිනුයි ඔවුන් ශ්‍රී ලංකා පොදුජන පෙරමුණට සහාය පළ කළේ. වසර 40 කට වැඩි කාලයක් එක්සත් ජාතික පක්ෂයේ සංවිධායක ධූරය දැරුවද රට වෙනුවෙන් කිසිදු යහපත් වැඩපිළිවෙළක් ක්‍රියාත්මක කිරීමට තම පක්ෂය අවස්ථාව ලබා දුන්නේ නැති බවයි මෙම පිරිස ප්‍රකාශ කළේ.
The post එජාප ක්‍රියාකාරීන් පිරිසකගේ සහය පොදුජන පෙරමුණට appeared first on ITN News.
Post a Comment