ඇමෙරිකා කළු ජාතිකයින්ගේ මානව හිමිකම් දිගින් දිගටම කඩවීමට විරෝධය දක්වමින් පෝට්ලන්ඩ් නගරයේ පැවති උද්ඝෝෂණයක් අතරතුර සිදු වූ වෙඩි තැබීමකින් එක් පුද්ගලයෙකු ජීවිතක්‍ෂයට පත්ව තිබෙනවා.
පෝට්ලන්ඩ් නගරයේ පැවති බ්ලැක් ලයිව්ස් මැටර් උද්ඝෝෂණයක් අතරතුරදී උද්ඝෝෂකයින් හා ජනාධිපති ඩොනල්ඩ් ට්‍රම්ප්ගේ ආධාරකරුවන් පිරිසක් අතර හටගත් ගැටුමකදී මෙම වෙඩි ප්‍රහාරය එල්ල වූ බවට සැක පළ කෙරෙනවා. කෙසේ වුව ද ඒ පිළිබඳ වැඩිදුර තොරතුරු මෙතෙක් හෙළිව නැහැ. මේ අතර කෙනෝෂා ප්‍රදේශයේ ද කළු ජාතිකයන්ගේ මානව හිමිකම් කඩ කිරීමට විරුද්ධව උද්ඝෝෂණ ක්‍රියාත්මකයි. පසුගිය සතියේදී විස්කොන්සින් ප්‍රාන්තයේදී ජේකොබ් බ්ලේක් නමැති නිරායුද කළු ජාතිකයෙකු පොලිස් වෙඩි ප්‍රහාරයකට ලක්වීමයි උද්ඝෝෂණවලට හේතු වී ඇත්තේ. වෙඩි ප්‍රහාර 7 ක් එල්ල කර ඇති අතර ඔහුට නැවත කිසිම දිනක ඇවිදීමට හැකියාව ලැබේ දැයි සැකයක් පවතින බවයි වෛද්‍යවරුන් සදහන් කරන්නේ.
The post පෝට්ලන්ඩ් නගරයේ වෙඩි තැබීමකින් පුද්ගලයෙකු ජීවිතක්‍ෂයට appeared first on ITN News.
Post a Comment