නව කොරෝනා වයිරස් ප්‍රභේදය පැතිරයාමත් සමග බ්‍රිතාන්‍යයෙන් ඊයේ දිනයේ නව කොරෝනා ආසාදිතයින් පනස් තුන්දහස් එකසිය තිස් පස් දෙනෙකු හදුනා ගැනුණා.
බ්‍රිතාන්‍යයේ ප්‍රදේශ රැසක නව වයිරස් ප්‍රභේදය ඉතා ශීඝ්‍රයෙන් පැතිර යමින් පවතින බව සදහන්. මේ හේතුවෙන් ඊයේ දිනයේ සිට බ්‍රිතාන්‍යයේ කොරෝනා නීතිරීති දැඩි කිරීමටද කටයුතු කර තිබෙනවා. පසුගිය අප්‍රේල් මාසයෙන් අනතුරුව වැඩිම ආසාදිතයින් පිරිසක් මේ මාසය තුළ වාර්තාවීම විශේෂත්වයක්. එරටින් සොයාගත් නව කොරෝනා වයිරස් ප්‍රභේදය පළමුවරට ඇමෙරිකාවෙන් සහ චිලී රාජ්‍යයෙන්ද වාර්තා වුණා. ඇමෙරිකාවේ කොලරාඩෝ ප්‍රාන්තයෙනුයි මෙම වයිරසය ආසාදිත පළමු පුද්ගලයා සොයා ගැනුණේ. ඔහු 20 හැවිරිදි මෑත කාලයේ කිසිදු සංචාරක ඉතිහාසයක්ද නොමැති පුද්ගලයෙක්. මීට අමතරව ඉන්දියාව, දකුණු අප්‍රිකාව,එක්සත් අරාබි එමීර් රාජ්‍යය ඇතුළු රටවල් ගණනාවක නව වයිරස් ප්‍රභේදය වැළදුනු රෝගීන් වාර්තා වී තිබෙනවා. මේ වන විට වයිරසය ආසාදිත පුද්ගලයා හුදෙකලා කර තිබෙනවා. ඇමෙරිකාවෙන් මේ දක්වා මිලියන 19 කට වැඩි ආසාදිතයින් පිරිසක් වාර්තා වී ඇති බවයි සෞඛ්‍ය අංශ පවසන්නේ.
The post බ්‍රිතාන්‍යයෙන් කොරෝනා ආසාදිතයින් 53135ක් හඳුනා ගැනේ appeared first on ITN News.
Post a Comment