දිඹුලාගල ආරන්‍ය සේනාසන භූමියේ තැම්පත් කර තිබූ චන්ද්‍රපාෂාණයෙන් නිම කළ බුදුපිළිමයක් සොරකම් කර ඇති බව දිඹුලාගල ආරන්‍ය සේනාසනාධිපති පූජ්‍ය මිල්ලානේ සිරියාලංකාර ස්වාමීන්වහන්සේ පවසනවා. මෙම බුදුපිළිමය දොලොස්වන සියවසේ නිර්මාණය කළ බවටයි සැළකෙන්නේ.
මෙම බුදුපිළිමය දිඹුලාගල ආරන්‍ය සේනාසන භූමියේ තැන්පත් කෙරුණේ නාමල්පොකුණ පුරා විද්‍යා භූමියෙන් රැගෙන ඒමෙන් පසුවයි. මෙම බුදුපිළිමයේ ශීර්ෂය සහ උරස් කොටසේ උඩ කොටස නිධන් සොරුන් සොරකම් කර ඇති බවට දිඹුලාගල ආරන්‍ය සේනාසනයේ නායක ස්වාමීන්වහන්සේ අරලගංවිල පොලීසියට පැමිණිලි කර තිබෙනවා. දිඹුලාගල ආරන්‍ය සේනාසනයට අයත් නාමල් උයන පුරා විද්‍යා භූමියේ සිට මෙම බුදුපිළිමය දිඹුලාගල ආරන්‍ය සේනාසනයට වසර 40 කට පෙර ගෙනවිත් තිබෙන්නේ පූජ්‍ය මාතර කිතලගම ශිලාලංකාර ස්වාමීන්වහන්සේගේ කාලයේදීයී.
The post දිඹුලාගල ආරන්‍ය සේනාසනයේ තැම්පත් කර තිබූ චන්ද්‍රපාෂාණයෙන් නිම කළ බුදුපිළිමය සොරා ගනී appeared first on ITN News.
Post a Comment