අඛණ්ඩව 8 වන දිනටත් ඉන්දියාවෙන් වාර්තා වන නව කොරෝනා ආසාදිතයින් සංඛ්‍යාව ලක්ෂ තුන ඉක්මවා ගියා.
මේ අතර ඇමෙරිකාව ප්‍රමුඛ ලොව රටවල් රැසක් ඉන්දියාවට උපකාර කිරීමට සූදානමින් සිටින බව විදෙස් මාධ්‍ය වාර්තා කළා.
ගතවූ පැය 24 තුළ ඉන්දියාවෙන් හදුනාගත් නව ආසාදිතයින්ගේ සංඛ්‍යාව තුන්ලක්ෂ අසූහයදහස් අටසිය අසූඅටක්. සිදුව ඇති මරණ සංඛ්‍යාව තුන්දහස් පන්සියය ඉක්මවා ගිය බවයි වාර්තා වන්නේ.
ලොව දෙවැනියට වැඩිම ජනගහනයක් වෙසෙන ඉන්දියාව වැනි රාජ්‍යයක උද්ගතව ඇති මේ තත්ත්වය හමුවේ එරට රෝහල් තුළ දැඩිසත්කාර ඇදන්, සායනික ඔක්සිජන් සහ අත්‍යවශ්‍ය ඖෂධ සියල්ලේම පවතින්නේ දැඩි හිගයක්. මේ අතර දිනෙන් දින ඉහළ යන මරණ හේතුවෙන් සිරුරු ආදාහනයට දිල්ලි නුවර ආදාහනාගාර පහසුම් නොමැතිවීමෙන් දැඩි අසීරුතාවන්ට මුහුණ පා ඇති බව වාර්තා වනවා.
මේ අතර ඩොලර් මිලියන සියයකට අධික ඔක්සිජන් සිලින්ඩර් 400 කට වැඩි සංඛ්‍යාවක් සහ සෞඛ්‍ය උපකරණ හා මිලියනයකට ආසන්න කොරෝනා පරීක්ෂණ කට්ටල රැගත් ඇමෙරිකා හමුදා ගුවන් යානයක් අද දිනයේ ඉන්දියාවට පැමිණයා. බ්‍රිතාන්‍ය, කැනඩාව, ප්‍රංශය, සිංගප්පූරු සහ නවසීලන්තය ද ඉන්දියාවට සහාය ලබාදීමටයි කටයුතු කර තිබෙන්නේ.
The post 08 වන දිනටත් ඉන්දියාවේ කොරෝනා රෝගීන් දිනක වාර්තාව ලක්ෂ 03 පනී appeared first on ITN News.
Post a Comment