ත්‍රස්ත ක්‍රියා හේතුවෙන් මිය ගිය හමුදා සහ පොලිස් සාමාජිකයින්ගේ යැපෙන්නන් වෙත සහන සැලසීම සදහා පියවර රැසක් ගෙන ඇති බව ආරක්ෂක ලේකම් විශ්‍රාමික ජෙනරාල් කමල් ගුණරත්න මහතා පවසනවා. විශේෂයෙන් මේ සදහා වන කැබිනට් සංදේශයටත් අනුමැතිය ලැබී ඇති බව ආරක්ෂක ලේකම්වරයා තවදුරටත් සදහන් කළා.
ආරක්ෂක ලේකම් විශ්‍රාමික ජෙනරාල් කමල් ගුණරත්න මහතා මේ බව ප්‍රකාශ කළේ ආරක්ෂක අමාත්‍යාංශයේ අද පැවැති මාධ්‍ය හමුවකදීයි. මිය ගිය ත්‍රිවිධ හමුදා හා පොලිස් සාමාජිකයින්ගේ වයස අවුරුදු 55 සම්පූර්ණ වන දිනට අදාළ වැටුප් හා දීමනා ඔවුන්ගේ වැන්දඹුවන්ට ජීවත්ව සිටින තෙක් ගෙවීම මේ අතර වනවා.
එසේම අවිවාහක සාමාජිකයින් වෙනුවෙන් ජීවත්ව සිටින ඔවුන්ගේ දෙමව්පියන්ට රුපියල් 25000 ක මාසික දීමනාවක් ගෙවීමද සිදුවනවා. ත්‍රස්ත ක්‍රියා හේතුවෙන් ආබාධ සහිත තත්ත්වයට පත් ත්‍රිවිධ හමුදා සාමාජිකයින්ට දැනට ගෙවන වැටුප් සහ දීමනා ඔවුන් මිය ගිය විට යැපෙන්නන් වෙත ගෙවීමද සිදු කරන බවයි ආරක්ෂක ලේකම්වරයා තවදුරටත් ප්‍රකාශ කළේ. ඔවුන් වෙනුවෙන් තවත් සහන රැසක්ද හිමිවන බව ඒ මහතා මෙම මාධ්‍ය හමුවේදී සදහන් කළා.
The post අවිවාහකව මිය ගිය හමුදා සහ පොලිස් සාමාජිකයින්ගේ දෙමව්පියන්ට 25000 ක මාසික දීමනාවක් appeared first on ITN News.
Post a Comment