දෙහිඅත්තකණ්ඩිය මූලික රෝහලේ ප්‍රධාන වාට්ටු සංකීර්ණය නවීකරණය කර රෝහල වෙත භාරදීම සිදුකෙරුණා. මේ සඳහා වැයකළ මුදල රුපියල් මිලියන දෙකක්. රෝහලේ ප්‍රධාන වාට්ටුවේ අබලන්ව පැවති ඇදන් සියල්ලම නවීකරණය කර ඒ සඳහා අවශ්‍ය මෙට්ට , මදුරුදැල් ඇතුළු භාණ්ඩ ලබාදීම සිදුකර තිබෙනවා. ශ්වසන අපහසුතා සහිත රෝගීන්ට අවශ්‍ය ශ්වසන උපකරණ යන්ත්‍ර දෙකක් ද පරිත්‍යාග කෙරුණා.
මේ අතර කලවාන බෝපිටිය සහ තණබෙල ගම්මාන යා කරමින් ඉදිකළ බෝපිටිය පාලම ජනතා අයිතියට පත්කෙරුණා. රජය මේ සඳහා රුපියල් කෝටි තුනකට වැඩි මුදලක් වැයකර තිබෙනවා. මෙම ප්‍රදේශයේ ජනතාව ප්‍රධාන ජීවනෝපාය ලෙස තේ වගාව සිදුකරන අතර පාලම ඉදිකිරීම තුළින් තම නිෂ්පාදන ප්‍රවාහනයේදී ද ජනතාවට පහසුකම් රැසක් හිමිවනවා.
The post දෙහිඅත්තකණ්ඩිය මූලික රෝහලේ ප්‍රධාන වාට්ටු සංකීර්ණය නවීකරණය කෙරේ appeared first on ITN News.
Post a Comment