දකුණු චීන මුහුදට කඩා වැටුණු අමෙරිකා ප්‍රහාරක යානය සෙවීමේ මෙහෙයුම්වලට චීනය ද සම්බන්ධවීමත් සමඟ එම මෙහෙයුම් තරඟකාරී ස්වභාවයක් ගෙන තිබෙනවා. අමෙරිකා නාවික හමුදාවට අයත් මෙම ප්‍රහාරක යානය අනතුරට ලක්වී අදට දින 4 ක්.
අමෙරිකා නාවික හමුදාවට අයත් අති නවීන තාක්ෂණයෙන් නිපදවා ඇති එෆ් 35 සී වර්ගයේ ප්‍රහාරක යානාවක් මීට දින 4 කට පෙර දකුණු චීන මුහුදු ප්‍රදේශයට කඩා වැටුණා. එම සිද්ධිය අනාවරණය වීමත් සමග යානය සෙවීමේ මෙහෙයුමට චීනය ද එක්වූ බවයි විදෙස් මාධ්‍ය වාර්තා කළේ. මෙම යානය අමෙරිකා නාවික හමුදාවට අයත් ප්‍රහාරක යානා රැගෙන යාත්‍රා කරන යූ එස් එස් කර්නල් වින්ඩ්සන් නෞකාවට අයත් එකක් වනවා. යානය නෞකාවේ සිට පියාසර කිරීමට සූදානම් වන අවස්ථාවේදී අනතුරට ලක්වූ බවත් එය මුහුදට කඩා වැටුණු බවත් පැවසෙනවා. නියමුවා අනතුරින් දිවි ගලවා ගත් අතර යානය මුහුදේ ගිලි ගියා. අනතුරින් එහි ගමන් කළ හමුදා සාමාජිකයින් 7 දෙනෙක් තුවාල ලැබුවා.
The post චීනයත් අමෙරිකාවත් තරඟයට හොයන කඩා වැටුණු ප්‍රහාරක යානය appeared first on ITN News.
Post a Comment