ගතවූ පැය 24ට ලොව පුරා රටවල් 225 කින් කොරෝනා වයිරස ආසාදිතයින් ලක්ෂ දහයකට ආසන්න සංඛ්‍යාවක් හමුව තිබෙනවා. සිදුව ඇති මරණ සංඛ්‍යාව 2,354 ක්.
ඊයේ දිනයේ දී වාර්තා වූ වැඩිම කොරෝනා ආසාදිතයින් සංඛ්‍යාව වන 318,000 හමුව ඇත්තේ දකුණු කොරියාවෙන්. එමෙන්ම ප්‍රංශයෙන් 110,000 ක් වියට්නාමයෙන් 91,000 ක් ඉතාලියෙන් 59,000 ක් සහ ඕස්ට්‍රේලියාවෙන් 46,000 ක් ලෙස වයිරස ආසාදිතයින් හමුව තිබෙනවා. ඊයේ දිනයේදී වැඩිම කොරෝනා මරණ සංඛ්‍යාවක් සිදුව ඇත්තේ රුසියාවෙන්. එම සංඛ්‍යාව 338 ක්. ඒත් සමඟම ලොව සමස්ත කොරෝනා මරණ සංඛ්‍යාව හැටඑක් ලක්ෂ හතලිස් අටදහස ඉක්මවා ගියා. හමුව ඇති සමස්ත වයිරස ආසාදිතයින් සංඛ්‍යාව හතලිස් අටකෝටි විසිඑක් ලක්ෂයකට අධික බවයි ලෝක සෞඛ්‍ය සංවිධානය නිවේදනය කරන්නේ.
The post ගතවූ පැය 24ට වැඩිම කොරෝනා මරණ සංඛ්‍යාව රුසියාවෙන් වාර්තා වෙයි appeared first on ITN News.
Post a Comment