ප්‍රදේශ කිහිපයක සිදුවු රිය අනතුරුවලින් පුද්ගලයන් තුන්දෙනෙකු ජීවිතක්ෂයට පත්වුණා.
නුවරඑළිය උඩ පුස්සැල්ලාව මාර්ගයේ දෙළොස්වන සෙන්ජෝන්ස් කෝවිල අසලදී ත්‍රී රෝද රථයක් මාර්ගයේ ගමන් කරමින් සිටි පුද්ගලයන් දෙදෙනෙකුගේ ගැටීමෙන් අනතුරක් සිදුවුනා. මෙම අනතුරින් තුවාල ලැබූ එක් අයෙකු නුවරඑළිය රෝහලට ඇතුළත් කිරීමේදී මිය ගියා. ඔහු වයස අවුරුදු 27ක් වන කදපොල ප්‍රදේශයේ පදිංචිකරුවෙක්.
මහියංගනය දළුකාන මාර්ගයේ බෙලගන්වැව ප්‍ර දේශයේ දී යතුරුපැදි දෙකක් ගැටීමෙන් සිදුවූ අනතුරකින් තවත් පුද්ගලයෙකු මිය ගියා. ගිරාදුරුකෝට්ටේ දෙසට ධාවනය වෙමින් තිබූ යතුරුපැදියක් පිටුපසින් පැමිණි තවත් යතුරුපැදියක ගැටීමෙන් මෙම අනතුර සිදුව තිබෙනවා.
මේ අතර මඩුවිලයාතිකුලම් ප්‍රදේශයේ සිදුවූ අනතුරකින් යතුරුපැදියක පසුපස ගමන් කළ කාන්තාවක ජීවිතක්ෂයට පත්වුණා. 54 හැවිරිදි ඇය එම ප්‍රදේශයේම පදිංචිකාරියක්.
The post ප්‍රදේශ කිහිපයක සිදුවු රිය අනතුරුවලින් පුද්ගලයන් තුන්දෙනෙකු ජීවිතක්ෂයට appeared first on ITN News.
Post a Comment