ට්‍රැක්ටරයක් පෙරළීමෙන් තුන්දෙනෙකු මියගොස් තවත් 18 දෙනෙකු තුවාල ලැබුවා.
ශ්‍රමදාන කටයුත්තක් සඳහා පුද්ගලයින් පිරිසක් ගමන් ගත් ට්‍රැක්ටරයකුයි මෙසේ මුතූර් ප්‍රදේශයේදී අනතුරට ලක්ව ඇත්තේ. පච්චනූර් ප්‍රදේශයේදී ට්‍රැක්ටරය මාර්ගයෙන් ඉවතට පැන පෙරළීමෙන් අනතුර සිදු වූ බව පොලිසිය පවසනවා. ගල්කන්දේ කදු පාමුල පිහිටි කොට්ටියාරමුල්ල රජමහා විහාරස්ථානයේ ශ්‍රමදානයකට එක්වීම සඳහා මෙම පිරිස ගමන් කරමින් සිටි බව සඳහන්. තුවාලකරුවන් මුතූර් රෝහලට ඇතුළත් කෙරුණු අතර ඉන් දෙදෙනෙකුගේ තත්ත්වය බරපතල බවයි වාර්තා වන්නේ. අනතුර සම්බන්ධයෙන් මුතූර් පොලිසිය වැඩිදුර විමර්ශන ආරම්භ කර තිබෙනවා.
The post ට්‍රැක්ටරයක් පෙරළීමෙන් තුන්දෙනෙකු මියයයි – 18 දෙනෙකුට තුවාල appeared first on ITN News.
Post a Comment