කොළඹ යුනියන් පෙදෙසේ දී පෙරේදා පවත්වන ලද විරෝධතාව සම්බන්ධයෙන් මේ වන විට සැකකරුවන් 19 දෙනෙකු අත්අඩංගුවට ගෙන ඇති බව පොලිසිය පවසනවා.
අන්තර් විශ්වවිද්‍යාල ශිෂ්‍ය බල මණ්ඩලයේ මෙහෙයවීමෙන් කොළඹ යුනියන් පෙදෙසේ දී පෙරේදා විරෝධතා පෙළපාලියක් පැවැත්වුණා. අයුතු ජන රාශියක සාමාජිකයන් වීම හේතුවෙන් භික්ෂූන් වහන්සේ සිව් නමක හා තවත් 15 දෙනෙකු කුරුදුවත්ත කොම්පඤ්ඤවීදිය බොරැල්ල යන පොලිස් ස්ථාන මගින් හා කැළණිය කොට්ඨාස අපරාධ විමර්ශන අංශය මගින් අත්අඩංගුවට ගෙන තිබෙනවා.
එම පිරිසෙන් 16 දෙනෙකු ඊයේ අධිකරණයට ඉදිරිපත් කෙරුණු අතර ඉන් 15 දෙනෙකු ඇප මත මුදා හැරීමටයි නියෝග කෙරුණේ. එක් අයෙකු ලබන 26 දක්වා රක්ෂිත බන්ධනාගාර ගත කිරීමට අධිකරණය නියෝග කළා. අනෙක් සැකකරුවන් තිදෙනා ත්‍රස්තවාදය වැළැක්වීමේ පනත යටතේ පැය 72ක් රැදවුම් නියෝග මත රදවාගෙන විමර්ශන සිදුකරන බවයි පොලිසිය පවසන්නේ.
The post යුනියන් පෙදෙසේ පවත්වන ලද විරෝධතාව සම්බන්ධයෙන් 19 දෙනෙකු අත්අඩංගුවට appeared first on ITN News.
Post a Comment