රුපියල් කෝටි 16 කට අධික වටිනාකමින් යුත් රත්‍රං බිස්කට් කිලෝග්‍රෑම් 7 ක් සමඟ සැකකරුවෙකු කටුනායක ගුවන් තොටුපලේ දී අත්අඩංගුවට ගනු ලැබුවා.
කිලෝග්‍රෑම් 7 ක පමණ බරකින් යුතු රත්‍රං බිස්කට් 60 ක් මෙසේ ගමන් මල්ලක සූක්ෂම ලෙස අසුරා තීරු බදු රහිත සාප්පු සංකීර්ණයේ සේවකයෙකු කටුණායක ගුවන් තොටුපලෙන් පිට කිරීමට උත්සාහ දැරූ අවස්ථාවේ අත්අඩංගුවට ගත් බව රේගු නිලධාරීන් පවසනවා. ඔහු මොනරාගල ප්‍රදේශයේ පදිංචිකරුවෙක්.
රත්‍රං තොගයේ වටිනාකම රුපියල් කෝටි 16 ඉක්මවන අතර මෙම රන් බිස්කට් සියල්ල කැරට් 24 තනි පවුම් රත්‍රං බව තක්සේරු කර තිබෙනවා. බිස්කට් 10 බැගින් වූ පාර්සල් 6 ක් සකසා ඒවා සූක්ෂම ලෙස ගුවන් තොටුපලින් පිටකිරීමටයි සැකකරු උත්සාහදරා තිබුණේ.
සැකකරු සම්බන්ධයෙන් රේගු නිලධාරීන් වැඩිදුර විමර්ශන ආරම්භකර තිබෙනවා.
The post රත්‍රං බිස්කට් කිලෝග්‍රෑම් 7 ක් සමඟ සැකකරුවෙකු කටුනායකදී අත්අඩංගුවට appeared first on ITN News.
Post a Comment