විමල් වීරවංශ, ලසන්ත අලගියවන්න සහ අරුන්දික ප්‍රනාන්දු යන පාර්ලිමේන්තු මන්ත්‍රීවරුන්ගේ නිවාස ඇතුළු දේපළ විනාශ කිරිමේ සිද්ධීන්ට අදාළ සැකකරුවන් කීපදෙනෙකු අත්අඩංගුවට ගෙන තිබෙනවා.
පාර්ලිමේන්තු මන්ත්‍රී විමල් වීරවංශ මහතාගේ නිවසට පහර දී දේපළවලට ගිනි තබා තිබුණේ පසුගිය මැයි 09 වන දායි. මාලඹේ පොලිස් වසමේ පිහිටි මෙම දේපළ විනාශ කිරීමේ සිද්ධිය සම්බන්ධයෙන් අවශ්‍යකර සිටි ප්‍රධාන සැකකරුවෙකු මාලඹේ පොලිසිය මගින් ඊයේ අත්අඩංගුවට ගෙන තිබෙනවා. ඔහු හෝකන්දර ප්‍රදේශයේ පදිංචිකරුවෙක්.
පාර්ලමේන්තු මන්ත්‍රී ලසන්ත අලගියවන්න මහතාගේ නිවසට හා දේපළවලට පහර දීමේ සිද්ධීන්ට සම්බන්ධ සැකකරුවෙකු අත්අඩංගුවට ගෙන තිබෙනවා. කිරිදිවැල පොලිස් වසමේ පිහිටි මෙම දේපළවලට හානි කළ සැකකරුවෙකු අත්අඩංගුවට ගෙන ඇත්තේ කිරිදිවැල ප්‍රදේශයේදීමයි. බස්නාහිර පළාත උතුර අපරාධ කොට්ඨාශය මගින් ඔහු අත්අඩංගුවට ගෙන තිබුණා.
මේ අතර පාර්ලිමේන්තු මන්ත්‍රී අරුන්ධික ප්‍රනාන්දු මහතාගේ නිවසට හා කාර්යාලයට පහර දී ගිනි තැබීමට සම්බන්ධ සැකකරුවෙකු ද ඊයේ අත්අඩංගුවට ගැනුණා. ඔහු දංකොටුව ප්‍රදේශයේ පදිංචිකරුවෙක්. දංකොටුව පොලිසිය මේ පිළිබද වැඩිදුර විමර්ශන සිදු කරනවා.
The post මන්ත්‍රීවරු තිදෙනෙකුගේ නිවෙස්වලට හානි කළ සැකකරුවන් පිරිසක් අත්අඩංගුවට appeared first on ITN News.
Post a Comment