කතරගම සිට කොළඹ බලා ධාවනය වූ පෞද්ගලික බස් රථයක් සහ යතුරුපැදියක් උතුරු පයාගල මංසන්ධිය ආසන්නයේදී මුහුණට මුහුණ ගැටීමෙන් සිදු වූ අනතුරකින් යතුරුපැදිකරු ජීවිතක්ෂයට පත් වුණා. මෙසේ මිය ගොස් ඇත්තේ මග්ගොන මුංහේන ප්‍රදේශයේ පදිංචි 26 හැවිරිදි පුද්ගලයෙක්. බස් රථය අධික වේගයෙන් ගමන් කිරීම හා යතුරුපැදිකරුගේ අපරික්ෂාකාරී රිය ධාවනය හේතුවෙන් මෙම අනතුර සිදු වුණා.
මේ අතර වැල්ලවාය මොණරාගල ප්‍රධාන මාර්ගයේ ආනපල්ලම ප්‍රදේශයේදී කැබ් රථයන් මාර්ගය අසල නවතා තිබූ බස් රථයක ගැටීමෙන් අනතුරක් සිදු වුණා. මෙම අනතුරෙන් කැබ් රථයේ ගමන් කළ පුද්ගලයන් දෙදෙනෙකු බරපතල තුවාල ලබා වැල්ලවාය මූලික රෝහලට ඇතුළත් කෙරුණා. එම දෙදෙනා වැඩිදුර ප්‍රතිකාර සඳහා මොණරාගල රෝහලට ඇතුළත් කර තිබෙනවා.
The post බස් රථයක් සහ යතුරුපැදියක් ගැටෙයි – එක් අයෙකු ජීවිතක්ෂයට appeared first on ITN News.
Post a Comment