රුසියා ජනාධිපති ව්ලැඩිමීර් පුටින්ගේ සමීපතම සගයෙකුගේ දියණියක් වන දර්යා දුගීනා ඝාතනයට යුක්රේනය සම්බන්ධ බවට රුසියාව චෝදනා කරනවා.
පසුගියදා ඇය සිය නිවසට යමින් සිටියදී මෝටර් රථය පිපිරීමකට ලක්වීමෙන් මියගියා. දර්යා දුගීනාගේ පියා රුසියා ජනාධිපති ව්ලැඩිමීර් පුටින්ගේ සමීපතමයෙක් වන රුසියානු දාර්ශනික ඇලෙක්සැන්ඩර් දුගීනා වනවා. 29 හැවිරිදි දර්යා දුගීනා ඝාතනයට යුක්රේන විශේෂ කාර්ය බලකාය සම්බන්ධ බවට රුසියා රහස් ඔත්තු සේවයන් හදුනාගෙන ඇති බවයි වාර්තා වන්නේ. ඇය වාසය කළ මහල් නිවාස සංකීර්ණයට ජුලි මාසයේ දී යුක්රේන ජාතික කාන්තාවක් පදිංචියට පැමිණ ඇති අතර මෙම ප්‍රහාරයට එම කාන්තාව සෘජුව සම්බන්ධ බවට අනාවරණය වී තිබෙනවා. ව්‍යාජ අංක තහඩු සහිත මෝටර් රථයක් එම කාන්තාව භාවිත කර ඇති බවද සදහන්. එමෙන්ම දර්යා දුගීනාගේ පියා ඉලක්ක කර ගනිමින් මෙම ප්‍රහාරය එල්ල වූයේ ද යන්න සොයා මේ වනවිට විමර්ශන ක්‍රියාත්මකයි.
The post දර්යා දුගීනා ඝාතනයට යුක්රේනය සම්බන්ධ බවට රුසියාව චෝදනා කරයි appeared first on ITN News.
Post a Comment