අඹුසැමි යුවලක් ගමන්ගත් මෝටර් රථයක් අනාරක්ෂිත දුම්රිය හරස් මාර්ගයකදී දුම්රි‍යක ගැටී තිබෙනවා. මෙම අනතුරින් එම කාන්තාව බරපතල තුවාල ලැබුවා.
නුගේගොඩ දෙල්කද පැඟිරිවත්ත දුම්රිය ස්ථානය ආසන්නයේදීයී මෝටර් රථය දුම්රියෙහි ගැටී තිබුණේ.
අවිස්සාවේල්ලේ සිට කොළඹ බලා ගමන් ගත් දුම්රියෙහි අදාළ මෝටර් රථය ගැටී තිබුණේ පැගිරිවත්ත දුම්රිය හරස් මාර්ගය අසලදීයී.
ඉන් බරපතල තුවාල ලැබූ කාන්තාව කළුබෝවිල රෝහලට ඇතුළත් කෙරුණා.
මෙම ස්ථානයෙහි ආරක්ෂිත ගේට්ටුවක් නොමැති අතර විදුලි ආලෝක පද්ධතියක් පැවතිය ද එය ප්‍රමාණවත් නැති බවයි ප්‍රදේශවාසීන් පවසන්නේ.
අනතුරෙන් මෝටර් රථයට සහ එම ස්ථානයේ නවතා තිබූ යතුරුපැදියකට මෙන්ම දුම්රිය රැහැන් පද්ධතියට ද හානි සිදු වී තිබුණා.
The post මෝටර් රථයක් අනාරක්ෂිත දුම්රිය හරස් මාර්ගයකදී දුම්රි‍යක ගැටෙයි appeared first on ITN News.
Post a Comment