සර්ප විෂ එන්නත සම්බන්ධ පර්යේෂණවලට සහාය දීමට වනජීවී දෙපාර්තමේන්තුව සහාය නොදුන් බවට පළවන මාධ්‍ය වාර්තා සම්බන්ධයෙන් කඩිනමින් තමන්ට තොරතුරු වාර්තා කරන ලෙස අමාත්‍ය මහින්ද අමරවීර මහතා දැනුම් දී තිබෙනවා.
සර්ප විෂ එන්නත සැකසීම සදහා සිදුකෙරෙන පර්යේෂණවලට වනජීවී දෙපාර්තමේන්තුව සහාය නොදුන් බවට මාධ්‍ය වාර්තා පළවුණා. ඒ පිළිබද තොරතුරු ලබාදෙන ලෙස අමාත්‍යවරයා කළ දැනුම්දීමට අනුව වනජීවී අධ්‍යක්ෂ ජනරාල් චන්දන සූරියබණ්ඩාර මහතා ඒ පිළිබද පැහැදිලි කර තිබෙනවා. පර්යේෂණ සිදුකරන මහාචාර්යවරයා බලපත්‍ර කාලය දීර්ඝ කරන ලෙස ඉල්ලීම් කර තිබුණා. ඒ සදහා අවශ්‍ය නිර්දේශ තනි මතයට සිදුනොකෙරෙන අතර බාහිර පාර්ශ්ව වලින්ද සමන්විත පර්යේෂණ කමිටුවක නිර්දේශ මත සිදුකරන බවයි වනජීවී අධ්‍යක්ෂ ජනරාල්වරයා සදහන් කරන්නේ. අදාළ කමිටුව ලබාදුන් නිර්දේශ මත අනුමැතිය ලබාදුන් බවද ඔහු පවසනවා. මේ සම්බන්ධයෙන් පර්යේෂණ කමිටු රැස්වීමක් හෙට පැවැත්වීමට නියමිතයි.
The post සර්ප විෂ එන්නත සම්බන්ධව වනජීවී දෙපාර්තමේන්තුවේ ක්‍රියාකලාපය ගැන ඇමති තොරතුරු කැඳවයි appeared first on ITN News.
Post a Comment