මෙරට රෝහල් සදහා අත්‍යවශ්‍ය ඖෂධ තොගයක් ඇමෙරිකාව ලබාදී තිබෙනවා. එම ඖෂධ නිල වශයෙන් අග්‍රාමාත්‍ය දිනේෂ් ගුණවර්ධන මහතා වෙත භාරදීම අද සිදුකෙරුණා.
ඇමෙරිකාවේ ඩිරෙක්ට් රිලිෆ් ආයතනය මගින් ශ්‍රී ලංකාවේ රෝහල් සදහා මෙම අත්‍යවශ්‍ය ඖෂධ තොගය පරිත්‍යාග කරනු ලැබුවා. එම ආයතනයේ හදිසි ප්‍රතිචාර කළමනාකරු ක්‍රිස් ඇල්වේ මහතා විසින් අග්‍රාමාත්‍ය දිනේෂ් ගුණවර්ධන මහතා වෙත ඖෂධ තොගය නිල වශයෙන් භාරදීම අග්‍රාමාත්‍ය කාර්යාලයේ දී අද සිදුකෙරුණා. ඇමෙරිකාව, බ්‍රිතාන්‍ය, කැනඩාව, මැලේසියාව හා තවත් රටවල් කිහිපයක විවිධ මානුෂීය ආධාර සංවිධාන මෙම ඖෂධ රැස්කිරීමේ දී දායක වූ බව ඩිරෙක්ට් රිලිෆ් ආයතනයේ සන්නිවේදන සම්බන්ධීකාරක පැඩි දිසානායක මහත්මිය ප්‍රකාශ කළා. මෙම මාසයේ දී ඩොලර් මිලියන 20 කට වැඩි ඖෂධ ශ්‍රී ලංකාවට පිරිනමා තිබෙනවා.
The post ඇමෙරිකාවෙන් ශ්‍රී ලංකාවට අත්‍යාවශ්‍ය ඖෂධ පරිත්‍යාගයක් appeared first on ITN News.
Post a Comment