දෙවන එළිසබෙත් මහ රැජිණගේ දේහය තැන්පත් කළ රාජකීය සොහොන් ගැබෙහි ඡායාරූප බකින්හැම් මාලිගය පළමු වරට මාධ්‍යට අද නිකුත් කළා.
පසුගිය සදුදා වින්සර් මාලිගයේ ශාන්ත ජෝර්ජ් දේවස්ථානයේ දෙවන එළිසබෙත් මහ රැජිණගේ දේහය තැන්පත් කෙරුණා. මෙම සොහොන් ගැබ කලු කිරිගරුඩ වලින් නිර්මාණය කර ඇති අතර පිත්තල අකුරු ඇතුළත් කර තිබෙනවා. දෙවන එළිසබෙත් මහ රැජිණගේ දෙමව්පියන් වන හයවන ජෝර්ජ් රජු සහ එළිසබෙත් රැජිණගේ දේහය ද මෙම සොහොන් ගැබ තුළ තැන්පත් කර තිබෙනවා. එමෙන්ම සිය සැමියා වන පිලිප් කුමරුගේ දේහය ද තැන්පත් කර ඇත්තේ මෙම සොහොන් ගැබ තුළයි. අභාවප්‍රාප්ත රාජකීයයන් 4 දෙනාගේ නම් සහ උපත විපත මෙහි සටහන්කර තිබෙනවා. 1967 වසරේ මෙම රාජකීය සොහොන් ගැබ නිර්මාණය කරනු ලැබූවේ 6 වන ජෝර්ජ් රජුගේ දේහය තැන්පත් කිරීම සඳහායි.
The post දෙවන එළිසබෙත් මහ රැජිණගේ දේහය තැන්පත් කළ රාජකීය සොහොන් ගැබ appeared first on ITN News.
Post a Comment