පසුගිය සතියේ අතුරුදන් වූ බව කියන පේරාදෙණිය විශ්වවිද්‍යාලයේ සිසුවාගේ සිරුර අද පස්වරුවේ සොයාගෙන තිබෙනවා.
24 හැවිරිදි තරුණයාගේ සිරුර මහනුවර මහවැලි ගං ඉවුරේ තිබී හමුවී වූ බවයි අප වාර්තාකරු සඳහන් කළේ.
මියගිය සිසුවා යක්කල ප්‍රදේශයේ පදිංචිකරුවෙකු වන අතර පේරාදෙණිය විශ්වවිද්‍යාලයේ කලා පීඨයේ 4 වසරේ ඉගෙනුම ලබන අයෙකි.
පසුගිය ඉරිදා (18) අතුරුදන් වූ බව කියන සිසුවා සොයා පේරාදෙණිය පොලිසිය විමර්ශනයක් ආරම්භ කළා.
සැප්තැම්බර් 16 වැනි දින මෙම සිසුවා විසින් ලියන ලද ලිපියක් ඔහුගේ නේවාසිකාගාරයේ තිබී හමුවීමෙන් පසු විමර්ශන ආරම්භ කර ඇති බව පොලිසිය පවසයි.
ඔහුගේ මරණයට හේතුව අනාවරණය කර ගැනීම සඳහා පේරාදෙණිය පොලිසිය පරීක්ෂණ පවත්වයි.
The post අතුරුදන් වූ පේරාදෙණිය සිසුවාගේ සිරුර මහවැලි ගං ඉවුරේ තිබී හමුවෙයි appeared first on ITN News.
Post a Comment