ජපන් අග්‍රාමාත්‍ය ෆුමියෝ කිෂිඩා සහ දකුණු කොරියා ජනාධිපති යූන් සූක් ඉයෝල් අතර පළමු වරට මුහුණ මුහුණ ද්විපාර්ශ්වික සබඳතා පැවැත්වුණා.
එක්සත් ජාතීණ්ගේ මහා මණ්ඩල රැස්වීමට සමාගාමී ලෙසයි මෙම හමුව පැවැත්වුණේ. දෙරට අතර රාජ්‍ය තාන්ත්‍රික සබඳතා වර්ධනය කර ගැනීමේ අවශ්‍යතාව දෙරටේ රාජ්‍ය නායකයන් අවධාරණය කළා. පසුගිය දශක කිහිපය තුළ දී දෙරට අතර විවිධ ආකාරයේ මත ගැටුම් පැවති අතර අවසන් වරට එවැනි මතභේදයක් ඇති වූයේ 2018 වසරේ දී යි.
කොරියාව ජපන් කොලනියක් බවට දෙවන ලෝක යුද සමයේ දී පත් වීම ද දෙරට අතර මතභේද පැවතීමට හේතුවක් වී තිබුණා. දෙරටේ රාජ්‍ය නායකයන් අතර එක්සත් ජාතීණ්ගේ මහා මණ්ඩල රැස්වීමට සමගාමී ලෙස පැවති හමුව විනාඩි 30කට ආසන්න කාලයක් පැවති බවයි විදෙස් මාධ්‍ය වාර්තා කළේ.
The post ජපන් අගමැති සහ දකුණු කොරියා ජනපති අතර පළමු වරට මුහුණ මුහුණ සාකච්ජාවක් appeared first on ITN News.
Post a Comment