ත්‍රිකුණාමලය සාම්පූර්හි ඉදිකළ මැරින්පියර් නව ජැටිය විවෘත කිරීමට කටයුතු කෙරුණා.
ත්‍රිකුණාමලය දකුණු මුහුදු ප්‍රදේශයේ මෙහෙයුම් කටයුතු පුළුල් කිරීමේ අරමුණෙන් සාම්පූර්හි නාවික නෞකා විදුර ආයතනයේ නව මැරින් පියර් ජැටිය විවෘත කෙරුණා.
කොඩ්ඩියාර් බොක්ක මුහුදු ප්‍රදේශය ආශ්‍රිතව සිදුවන නීතිවිරෝධි ක්‍රියා මැඩපැවැත්වීමට කුඩා යාත්‍රා මගින් සිදුකෙරෙන නිරීක්ෂණවලදී එම යාත්‍රා ආරක්ෂිතව නවතා තැබීමේ පහසුකම් නොතිබීම ගැටලුවක් වී තිබුණා.
ඊට පිළියමක් ලෙසයි නව මැරින් පියර් ජැටිය ඉදිකිරීමට කටයුතු කෙරුණේ.
එය විවෘත කිරීම සිදුවුණේ නැගෙනහිර නාවික ආඥාපති රියර් අද්මිරාල් ජයන්ත කුලරත්න මහතාගේ ප්‍රධානත්වයෙන්. නාවික හමුදාවේ උසස් නිලධාරීන් ඇතුළු පිරිසක් එම අවස්ථාවට එක්ව සිටියා.
The post ත්‍රිකුණාමලය සාම්පූර්හි ඉදිකළ මැරින්පියර් නව ජැටිය විවෘත කෙරේ appeared first on ITN News.
Post a Comment