ජනමාධ්‍යවේදී ජමාල් කෂෝගි ඝාතන සිද්ධියට අදාළ ව සෞදි අරාබියේ නිල නොවන නායකයා වශයෙන් සැලකෙන ඔටුන්න හිමි කුමරු වන මොහොමඩ් බින් සල්මාන් හට විශේෂ මුක්තියක් හිමි වන බව ඇමරිකා එක්සත් ජනපදය පවසනවා.
සෞදි අරාබි රජය සහ ඔටුන්න හිමි කුමරු දැඩි ලෙස විවේචනයට ලක් කළ පුද්ගලයෙකු වූ ජමාල් කෂෝගි 2018 වසරේ දී ඉස්තාන්බුල් නුවර සෞදි කොන්සියුලර් කාර්යාලයේ දී ඝාතනයට ලක් වුණා.
මෙම ඝාතනය සෞදි ඔටුන්න හිමි කුමරුගේ ඍජු අණ දීම යටතේ සිදු වූ බවටයි චෝදනා එල්ල වුණේ. කෙසේවෙතත්, ඇමරිකා රාජ්‍ය දෙපාර්තමේන්තුව තීරණය කර ඇත්තේ සෞදි ඔටුන්න හිමිකුමරා වෙත විශේෂ මුක්තියක් හිමි වන බවයි.
ඇමරිකා රජයේ මෙම තීරණය සම්බන්ධයෙන් ලොව පුරා මානව හිමිකම් ක්‍රියාකාරීන්ගේ විරෝධය එල්ල වී තිබෙනවා.
The post සෞදියේ ඔටුන්න හිමි කුමරුට විශේෂ මුක්තියක් හිමි වෙයි appeared first on ITN News.
Post a Comment