සාපරාධී අපහාස නඩුවකට වරදකරුවීම හේතුවෙන් කොංග්‍රස් පක්ෂ නායක රාහුල් ගාන්ධිට වසර දෙකක සිර දඬුවම් නියමකර තිබෙනවා.
දඩුවම ප්‍රකාශයට පත්කිරීමෙන් අනතුරුව රාහුල් ගාන්ධිට දින 30කට ඇප ලබාදීමටයි අධිකරණය කටයුතු කර ඇත්තේ.
එම කාලය තුළදී ඔහුට අධිකරණ තීන්දුවට එරෙහිව අභියාචනයක් ඉදිරිපත් කිරීමේ හැකියාව පවතිනවා.
2019 වසරේ පැවති ජන හමුවකදී අග්‍රාමාත්‍ය නරේන්ද්‍ර මෝදිගේ වාසගම සම්බන්ධයෙන් සිදුකළ ප්‍රකාශයකට එරෙහිව පැවරූ නඩුවක තීන්දුවයි අද දින ප්‍රකාශයට පත්කෙරුණේ.
නඩු තීන්දුව ප්‍රකාශයට පත්කරන අවස්ථාවේදී රාහුල් ගාන්ධි අධිකරණයට පැමිණ සිටි බව ඉන්දීය මාධ්‍ය වාර්තා කරනවා.
The post රාහුල් ගාන්ධිට වසර දෙකක සිර දඬුවම් appeared first on ITN News.
Post a Comment