ගාසා තීරයේ උතුරු කොටස ඊශ්‍රායල හමුදා මුළුමනින්ම වට කර තිබෙනවා.
ගාසාහි බලය ක්‍රම ක්‍රමයෙන් ඊශ්‍රාලය අතට පත්වෙමින් තිබෙන බවයි විදෙස් මාධ්‍ය පෙන්වා දෙන්නේ.
ගාසා තීරය පැහැදලි ලෙසම දෙකට බෙදෙමින් පවතින බවත් එහි උතුරු කොටස ඊශ්‍රාලය හමුදා යටතට පත්වෙමින් පවතින බව විදෙස් මාධ්‍ය වාර්තා කර තිබෙනවා.
ගාසාහි ප්‍රධානම නගරය වූ ගාසා නගරයට ඊශ්‍රායල හමුදා ඇතුළු වී තිබෙනවා.
ගාසා නගරය යනු හමාස් සංවිධානයේ ප්‍රධාන බලකොටුව වන අතර එය හිමිවීම එම සංවිධානය ලැබූ බරපතල පරාජයක් ලෙසයි සැලකෙන්නේ.
ගාසා තීරයට එල්ල වූ දැවැන්ත ප්‍රහාරවලින් ගොඩනැගිලි රැසක් නටඹුන් බවට පත්ව ඇති අතර ඊශ්‍රායල හමුදා ගොඩබිම් ක්‍රියාන්විත ආරම්භ කර ඇත්තේ එම ගොඩනැගිලි හා නටඹුන් ඔස්සේ බවයි විදෙස් මාධ්‍ය පෙන්වා දෙන්නේ.
ප්‍රදේශයේ ඇති උමං මාර්ග පිහිටි ස්ථාන නිරීක්ෂණය කිරීම ද ඊශ්‍රායල හමුදාවන්ගේ තවත් අරමුනක් වී තිබෙනවා.
The post ඊශ්‍රායල හමුදාව ගාසා තීරයේ උතුරු කොටස වට කරයි appeared first on ITN News.
Post a Comment